زواج المغتربين

[بنت النيل]

خير ياجماعه الخير مالكو اسيبكو شوية تتخنو مع بعض ولا ايه ؟؟ :blink: :wub: :D

الحكايه طبعا بسيطة خالص بس المشكلة اننا قولنا قبل كدا ان اللى يحب يقول رائيه بشىء لا يعمم على الكل بالصفات التى يريد ذكرها ولكن من الافضل ان يستخدم كلمة ( بعض الناس ) عرفتو قصدى كدا العمليه هتكون سهله وتتاخد براحه :huh:

وبعدين شوفو سواء الزواج هنا ولا فى مصر ولا فى اى حته ده كله اسمه حاجه واحده ( نصيب )

وبعدين فى مثل بيقول الزواج ذى البطيخ يا يطلع احمر يا يطلع ؟؟؟؟ :wub: :ninja:

بس فى شىء بالنسبه للرجل المغترب لما يحب يرتبط الاحسن له انه يرتبط من مصر وانا وضحت ده للاخ رمضان سابقا

هقولكم شىء من المشاكل اللى ممكن تقابله مع الغتربه اولا دى بتكون متعوده على عيشة البلد اللى هيا فيها

واكيد هتكون بدور على مستوى اعلى وكمان هيكون فى شك من الطرفين بانه زواج مصلحه ومساعده

وبرده لما بيكون بمعرفه الاهل هما عارفين المناسبه لهم ولطبعهم وطبع ابنه هقولكم حاجة.........

انا متزوجه بنفس الطريقه مع ان انا وزوجى جيران من زمان بس لاعمرى فكرت فى يوم اننا ممكن نرتبط ولما جه على الكويت بعد سنتين بعت لاهله قالهم عاوز اتجوز ترشحولى مين قالو عليا وقال موافق يعنى زواج من الاهل

وادينا الحمدلله مبسوطين ولا احسن من كدا حال يعنى بطختى طلعت اسمعلاوى ههههههههه :D

اما بالنسبه للبنت المغتربه فبيكون الزواج لها من مغترب معها افضل لان برده نفس الحكاية هى مش معقول هتقول لاهلها شفولى عريس بمصر وتروح تشوفه وكدا كماذكر الاخ ابواحمد لا طبعا

ولكن برده هى لما هترتبط بواحد مغترب برده مش هيكون خبط لزق كدا ومعروف ان العريس لما بيتقدم الاهل بتاخد وقتها فى السؤال عليه وعن اهله وكل شىء ده بعد مايتقدم

والحكايه ذى ماقولنا هى نصيب

وربنايوفق الجميع ويصلح الحال وربنايجعله عامر

[tmtm]

بصراحة انابقالي تقريبا قرن مدخلتش محاورات بس الموضوع دة فعلا شدني جدا لاني مغتربة وشايفة حالات كتيير وتجارب اكتر بخصوص الموضوع او تقريبا ممن يعانون من الموضوع دة...... :wub:

كل الاراء تقريبا سليمة وواقعية بس في النهاية فعلا النصيب هو بيبقى العامل الاساسي في الارتباط دة.... :huh:

لان لايمكن اننا نقدر نقيم مين افضل هل الي متربيين في الغربة او الي قاعدة في بلدها معززة ومكرمة....لان الشاب الي بيكلف اهله انهم يدوروله على عروسة في مصر احيانا بتصيب واحيانا بتخيب قوي ودة بيعتمد على شخصية الشاب دة وفكرة الجواز اساسا بالنسباله....وبردو بيعتمد على البنت نفسها لان فيه بنات عايزة تعيش فبتعمر لكن فيه بنات مع الوقت والمغريات الي بتشوفها لاول مرة بتخليها تتمرد على حياتها ودة طبعا بيعتمد على اسلوب التربية والبيت نفسه.....

اما بقى لو هنتكلم على البنات المغتربات فدة موضوع كبيير لازم يناقش من الناحيتيين.....لان فعلا فيه ناس كتيير ممن يسعون للبحث عن من يساعدهم على ظرووف الحياة القاسية في الغربة ... :ninja:

وفيه الي بيترفض اساسا اذا كان لسة بيبدأ حياته.....لان دي مشكلة احنا بنعانيها خصوصا للي عايشين من زمان في الغربة لو فكرنا اننا نرتبط من مصر كتيير قوي بيبقى تفكير الشاب في ان البنت دي بتشتغل برة يعني فرصة عمل او اهلها من زمان برة مصر يعني ناس مسترييحن ودة للأسف بسبب الظرووف الاقتصادية الراهنة...ولوهنفكر داخل الامارات نفسها او في نفس البلد هنلاقي ان ممكن الاهل بسبب معرفتهم لظروف الحياة في الغربة يرفضوا اي شاب لسة بيبدأ حياته لانهم اساسا اتغربوا عشان يوفرولنا حياة سعيدة ومريحة مافيهاش اي معاناة......ولاننا اتربينا على مستوى اجتماعي معين صعب ان اي اسرة توافق ان بنتها تعيش في اقل منه.... :blink:

يعني خلاصة الكلام....مافيش قاعدة مافيش حاجة اسمها واحدة عايشة في مصر او واحدة عايشة في نفس البلد او واحدة متعلمة ولا حتى مش بتفك الخط من اصله.....المهم الانسان نفسه طبعه وتفكيره ومين اساسا الانسانة الي تناسبه وتتكيف مع حياته ان شالله تكون في المريخ.....والمهم بردو انها تكون اختياره هو بنفسه وعن رضا تاااااااااام....عشان يضمن انه مايظلمش نفسه ولا حتى يظلمها معاه......