قصاقيص تانية....

[واحد تاني]

(7)

الساعة 8 بالليل.... معاد الدكتور

- مساء الخير يا دكتور, جيتلك المرة دى فى الميعاد. :huh:

- اهلا اهلا , اتفضل مدد واحكيلى ايه اللى جابك على ملا وشك؟

- مش ممكن يا دكتور... خلاص مش قادر استحمل اكتر من كده, دول اكيد قاصدين. :blink:

- هم مين؟

- اللى حطوا الحجر فى نص الشارع ... قال ايه, عشان ينبهوا الناس للحفرة اللى حفروها. :blink:

- يا سلام؟

- ما هما برضه اللى حفروا الحفرة التانية اللى على يمين الطريق. :blink:

- ليه ؟

- علشان اتعود ...! او يمكن علشان أزهق ...! :angry:

- وضح اكتر؟

- اتعود امشي زيج زاج و ابقى بهلوان... او ازهق واتعلم اللف والدوران. :huh:

- ازاى؟

- طريقي اللى بمشي فيه كل يوم... كده المفروض امشي فيه بالورب ... عشان ما اسقطش فى الحفرة اللى على اليمين ولا اخبط فى الحجر الكبير اللى فى نص الشارع. :sad:

- طب ماتشوف شارع تاني !

- هبقى عملت اللى هما عاوزينه يا دكتور .... انا مش بتاع لف و دوران وهو دا الشارع اللى بيوصلنى مباشرة لشغلي, اعمل ايه يا دكتور قوللى ؟ انا حاسس انها خطة متخططة. :angry2:

- هقولك الزيارة الجاية عشان الوقت انتهى .

- هي الساعة بقت كام ؟ يا خبر ابيض ! :o

7 الا تلت دا انا عندى اجتماع مهم ولازم اصحى حالا ! هو المنبه مش ها يرن والا ايه ؟ :o

[واحد تاني]

(11)

لأ مش حلمي

عمري ما كان حلمي ابعد عنك

ولا اتغرب ...

واهرب منك ...

عمر ما كان يخطر على بالي

وانا هنا عايش ...

راضي بحالي ...

اني هسيبك

ان العين هتغيب عن حسنك

وان القلب ...

مفارق حضنك ...

ياللى معاكي سهرت ليالي

ياللى ف حبك ...

ياااما جرالي ...

كنت حبيبك

بس مشيت...

رغم ان انا محتاجلك

قلت اجرب ...

واهو فالحلم مسيري هقابلك

جيت ... وكبرت ... احترت...

ووحشتينى ...

طووول الليل ...

صورتك مش بتفارق عينى

صوتك مالي عليا سكوني

قمت راجعلك

شنطي ماليها حنيني اليكي...

عايز احكيلك

روحي ماليها مكان براكي...

أهي بتجريلك

قلبي بيتنطط جوايا ...

ياللا ... شوفيني

تعالي ...

شيلى الحمل دا عني

قوام ضميني ...

وآآآه ياخسارتك

لما لقيتك .....

[nancy]

حلوين القصقصتين وان كانوا بيدونى احساس انك بتجرى

يا ..... واحد تانى

[واحد تاني]

شكرا يافندم :angry: ...

بجري رايح فين ؟ :angry2:

(17)

أشباه مدن

ما زلت ابحث

عن وطـــــــن

عن مرفـــــــأ ...

ترسو عليه سفينتي

كل الموانــي ...

التي أمست سكن

كانت ضبابا ...

كانت سرابا ...

ضللتني

ولم تكن هي ضالتي

لم ارض يوما

بأشباه المدن

***

سأظل ابحث عنك

فعيناك مدينتي

اخترت أن امشي

بدون هوية

امشي وحيدا...

سعيدا... بوحدتي

فوق السحاب

وربما...

فوق كوكب لم يكتشف

فمن يكترث...

لارض لست هواءها

***

أستاذة أنت

في فن الاختباء

وكم أرجو...

ألا يكون الاختفاء

كم من اثر تركته

علك تقتفي...!

هل تبحثي مثلي...؟

كم من ملايين السنين

انتظرتك

علك تكتفي...!

***

هل موجودة أنت...؟

[Tafshan]

تسجيل استمتاع و متابعة :wub:

و في انتظار المزيد من القصاقيص

[واحد تاني]

تسجيل استمتاع و متابعة :blink:

اشكر متابعتك ... واسعد لاستمتاعك :blink:

(*)

ابن البلد

ليه يابن آدم حياتك ... تحياها غصب

قافل عنيك وبغماها ... عاصبـها عصب

دا اللى خلق اللآلام ... جعل الـدوا والطـب

حقق ودقق ... وسط الزحام هتلاقي شئ يتحب