تشفير الدوري المصري

[رمضان]

الم يكفيهم القمع السياسي والقمع الاقتصادي ؟

الم يكفهم اننا في غربة ؟

لم يكفيهم كل هذا فحتى الكرة لا يريدوننا ان نشاهدها فها هو الشيخ صالح كامل في مقابلته الأخيرة مع قناة دريم كان رده عندما سأله المذيع هل هناك مفاوضات مع مصر لتشفير الدوري المصري قال هذه امنيتي من سنين !!! ويبدو انه في طريقه لتحقيق امنيته وكان ذلك واضحا من خلال تصريحات بعض المسؤولين في جهاز الشباب والرياضة انهم لن يشفروا الدوري المصري الا على المغتربين فقط !!! ويبررون ذلك اننا معنا لندفع

[se_ Elsyed]

يا عزيزي الدوري بالفعل إتباع للعديد من القنوات وكان في موضوع عن هذا الخبر هنا

بيع الدوري والكاس وكأس السوبر

لكن على قد فهمي وعلى حسب ما سألت إن البيع حتى الآن مش حصري

يعني الفضائية المصرية هاتذيع والقنوات التانية هاتذيع برضوا وكل الإستفادة هاتبقى من الإعلانات وجذب المشاهدين عن طريق إستدوديوهات التحليل وخلافه

بس صالح ابو كامل عمل اللي كان بيخطط له من زمان وأشترى الدوري السعودي لمدة 3 سنوات جايه

[نفسي احبها]

دوري مصري ايه بس

هي ده كورة اساسا

الحمد الله ان عافاني من مشاهدة الكرة المصرية

حتى شكلهم مقرف وهما بيلعبوا

عاملين زي شوية فراخ بيجروا في اتجاه واحد

الكرة شمال تلاقي كل الفراخ تجري شمال

الكرة يمين تلاقي كل الفراخ تجري يمين .

[egy_foxman]

السلام عليكم ورحمه الله وبركاته

يا عم رمضان يعنى خلاص جت على الدورى

ما هو الاتصالات المصريه اتخصخصت الحديد والصلب اتنهبت -حتى الكهربا والميه يعنى جت على الكوره

يا عزيزى لا عزاء للمصريين على فكره اعتقد ان اخر شىء هيتباع وقريبا جدا هو النشيد الوطنى المصرى وياخوفى الا لاتشتريه هيفا وهبى وتعمل كليب ولا نانسى عجرم ولا حتى شعبان عبد الرحيم

وفى الاخر

فيها ايه لما احنا نتعرى عشان امنا تتغطا بفرو المينك ولا حتى التعلب

وفيها ايه اننا نجوع عشان امنا تاكل لحد ما يجيلها تخمه

فيها ايه لما احنا نعطش عشان امنا تشرب هى ميه معدنيه

يا عم هى جت على الكوره

الشعب المصرى كله للبيع او الايجار شامل الارض مع ضمان 100 سنه من السكوت وعدم الاعتراض

وياخوفى من الى جاى

[واحد تاني]

:angry2: اففففففففففففف بقى :angry:

[صبح]

:angry2: اففففففففففففف بقى :angry:

خليهم اتنين وحياتك :blink: :blink:

مش مليتو البلد .............

مليتو المنتدى... :blink: