دعوه للى نفسه يحبها و مش عارف لتبرير موقفه..يمكن عنده تبرير!!!

[hopsan]

اخى المدهش

انا مع نوعيه الكلام ده معرفش ارد بس كل اللى اقدر اقولهولك ..شكرا

[كمبورا 6]

اعزائى زملاء المحاورات

ياجماعة الموضوع اتحول لمناقشة بينا وبين بعض ونسينا صاحب المشكلة - وباين عليه خد على خاطره وزعل ومش مشارك من كام يوم

اسمحو لى مش ده الهدف من وجودنا فى المحاورات

اخوانى احنا بشر صح ؟

يبقى اولا مش معصومين من الخطأ

ردود فعل كل واحد فينا مختلفة عن التانى قدام كل منحى من مناحى الحياه وده طبيعى

اما من ناحية نفسى احبها وبداية من اسمه اللى اختاره

اعتقد انه بيحب مصر اكتر اكتر اكتر من ناس كتير ولو هو بيكرها زى مااحنا متصورين كان ابتعد عن اى حاجة تفكره بيها ( احنا مثلا )

وكل تهجمه عليها معانا يعنى داخل البيت وانا متأكد تماما ان موقفه خارج البيت مختلف 180 درجة لانه زينا كلنا مصرى ولما بيتكلم عن مصر يعنى الناس وتصرفاتها الارض مابتعملش فيه حاجة والنيل مابيزعلوش والهرم ما بينكدش عليه عيشته انما الناس وتصرفاتها

احنا كلنا خصوصا اللى بره مصر زيه انما يمكن اسلوبنا فى التعبير عن اللى جوانا مختلف من شخص لاخر زى ما اتفقنا

بنشوف فى بلاد الغربة لمسات حلوة بتعجبنا وبنتمنى تكون موجودة فى مصر وبعد شوية نفتكر انها كانت موجودة عندنا من عقود ومش عايز اقول من قرن وشويه من الزمن واتنست اوطمست او تم تجاهلها ومش عايزينا بعد كدة ننقهر على بلدنا

ارجوكم انظرو للامر من زاوية تانيه - وللحديث بقية

مع الاحترام