الاستدعاء فى الجيش للمغتربين

[bashmohandes]

بسم الله الرحمن الرحيم

أنا مدرس مساعد بجامعة الاسكندرية، باحضر الدكتوراة فى الخارج من 4 سنوات

انشاءالله انا اوى انزل اجازة قصيرة الى مصر قريبا

وطبعا انا كل مرة بانزل فيها اجازة لازم اروح اتفضل بزيارة منطقة التجنيد معززا مكرما :angry2: :angry2: :angry2: من اجل استخراج حتة ورقة اسمها تصريح سفر

وطبعا مش حتكلم عن المعاناة والبهدله وضياع يومين على الاقل من الاجازة فى اجراءات روتينية عقيمة لا تفيد ولا تزيد

المهم

وانا فى الخارج عرفت ان الجيش مش قادر يستغنى عن خدماتى الجليلة ( القليلة بالاسكندرانى) وبعتولى استدعاء

المهم ان انا دلوقتى اعتبر حكم الجيش متخلف استدعاء وهو فى حكم الهارب من التجنيد حتى استطيع اثبات انى كنت خارج البلاد فى خلال فترة الاستدعاء

حد عنده اى فكره عن الاجراءات السليمة السريعة المفيدة اللى تخلص الموضوع ده من غير لف و دوران

وروح وتعالى وهاتلنا شهاده انك انت تبقى انت

وانك حي ترزق

والكلام اللى لا يودى ولا يجيب ده وفايدته الوحيده انه يضيعلك الاجازه ويحرمك تروح تانى

علما بان موقفى القانونى سليم 100% و ماعنديش اى مشكله

افيدونا افادكم الله

[أسد]

شوف ياسيدي ..

أول حاجة حتروح على مجمع التحرير بالقاهرة ..

تاخد معاك جواز السفر علشان تجيب ورقة إسمها شهادة تحركات .. تكتب طلب على عرض حال دمغة .. ألف مين حيدلك هناك ..

حتكون ورقة مختومة مكتوب عليها توايخ سفرك (المغادرة) وتواريخ القدوم ..

تاخد الورقة دي ..

وتروح مكتب التجنيد والتعبئة في القسم (قسم الشرطة) إللي إنت تابع له ..

حيعملك شوية أوراق .. تاخدهم وعلى منطقة التجنيد التابع لها .. والتي تستخرج منها في العادة تصريح السفر ..

تعطيهم كافة الأوراق .. وتقعد تستنى ..

وتقدم على تصريح السفر في نفس الوقت ..

بعد كام ساعة حيجيلك شوية أوراق تفيد أنه تمت محاكمتك محاكمة عسكرية .. وتم تبرئتك لأنك لم تعمد الهروب من الخدمة كونك كنت خارج البلاد في ذلك الوقت بالدليل القاطع (ورقة التحركات من الجوازات)

وتاخد تصريحالعمل ..

ويادار مادخلك شر ..

الموضوع بياخد ..

يوم في مجمع التحرير ..

يوم في قسم الشرطة (مكتب التعبئة) .. هي ممكت ساعة أو نصف ساعة حسب إذا ماكان عندهم زحمة أم لا ..

ويوم كامل في منطقة التجنيد والتعبئة ..

وفقط ..

الموضوع سهل .. ولكن به الكثير من لاإجراءات البيروقراطية .. ومكان إستصدار شهادة التحركات من مجمع التحرير ,, مكان غاية في السوء .. حار جداً .. وسئ التهوية ..

الباقي إنت عالم بيه ... مكتب التجنيد .. ومنطقة التجنيد .. حيث أنك سبق واستخرجت تصريح السفر ..

[bashmohandes]

أسد

شكرا جزيلا يا سيدى

سؤال تانى علماشى كده

طب لو أنت من اسكندرية

لازم برده تروح مجمع التخريب؟

[El-Masri]

حسب المنطقة التجنيدة بتاعتك، أنا من إسكندرية وتجنيدى كان فى إسكندرية برضه.

أنا حكايتى كانت نيلة، أول مرة سافرت أخدت تصريح من التجنيد فى إسكندرية، لإنى خلصت الجيش فى إسكندرية.

تانى مرة نزلت مصر، قررت أنزل بالجواز المصرى (وطنى أوى أنا)، وبعدين قلت يا واد ما إنت مخلص جيش من أكتر من تسع سنين، يبقى مش محتاج تصريح.

بس طلعت على المطار وبعد ما أخدوا الشنط وكله تمام، فى أخر واحد ببيبص فى الباسبور راح سأئلنى على الختم البيضاوى. بس رجعونى وجابوا الشنط من الطيارة وطلعت على مكتب الظابط للتحقيق، قلتله خلصت جيش من تسع سنين، قاللى إيه اللى يثبت، رحت زى اللهبل اللى جاى من بلاد الفرنجة قايلة، لو بصيت فى الكمبيوتر حتلاقى إنى خلصت من أكتر من تسع سنين.

قلتله كمبيوتر، تخيل.

المهم رجت تانى إسكندرية وطلعت على الجوازات مع شهادة الجيش والمشوار خلص فى نص ساعة.

تم تعديل 20 يونيو 2006 بواسطة El-Masri

[زعلان]

أنا حكايتى كانت نيلة، أول مرة سافرت أخدت تصريح من التجنيد فى إسكندرية، لإنى خلصت الجيش فى إسكندرية.

تانى مرة نزلت مصر، قررت أنزل بالجواز المصرى (وطنى أوى أنا)

هو مش ازدواج الجنسية بيعفيك من الجيش برضه ولا ممكن يطلبوك أفيدوني في هذا الموضوع يعني لو تحت 30 سنة ومدخلتش جيش ومزدوج الجنسية قانونا عليك خدمة عسكرية

[أسد]

أسد

شكرا جزيلا يا سيدى

سؤال تانى علماشى كده

طب لو أنت من اسكندرية

لازم برده تروح مجمع التخريب؟

نعم ..

لازم مجمع التحرير ..

[القرموطى]

بص يا عم الزعلان اولا الزعل مش حلو علشانك عشان صحتك يا عم

المهم بالنسبه لموضوع ازدواج الحنسيه يعفيك من التجنيد اكيد بس لازم تروح مع الدفعه بتاعتك وتروح المنطقه وتستسنى لحد ما الباشا الظبط هيطلع زى المسحراتى وينادى ويقول

ياجماعه (بكسر العين )حد هنه امه مش مصريه

حد هنا عشا بره مصر (فى اروبا وانا بقصد بأروبا هنا البرزيل واسرئيل والبلاد دى يعنى محدش يجى يجولى انه كان عايش فى السعوديه ولا فى الكويت )

على فكره وانا بكشف الراجل نادى حد هنا امه يهوديه مثلا

المهم فى اللحظه دى انته هتظهر زى السبع الغضنفر وتزعق بعلو صوتك وتقول

انـــــــــــــــــــــــــــــــــــــــــــــــــــا يا افنــــــــــــــــــــــــــــــــــــــــــــدم

وهما هيكملوا معاك الباقى يا حلو

ومع السلام عليكم

ومعلش احنا بنتكلم

[واحد تاني]

أسد

شكرا جزيلا يا سيدى

سؤال تانى علماشى كده

طب لو أنت من اسكندرية

لازم برده تروح مجمع التخريب؟

نعم ..

لازم مجمع التحرير ..

باردون يا استاذ اسد ...انا حصل لي نفس الموقف ده قبل كده

و بدون ما اروح مجمع التحرير ... طلبوا مني فى مكتب التعبئة تصوير صفحات الاختام لتواريخ المغادرة والدخول و مع الاطلاع على اصل الصفحات دي بالباسبور ... قاموا بعمل الاوراق اللازمة ... وبعدين اخدت الاوراق وطلعت على منطقة التجنيد ... ومع مزيد من الاوراق و بعض الوقت تم تسجيل حكم المحكمة اني براءة ... حتى الحكم كان اسمه (لا يكن) :blink:

اممممم

باشمهندس

مدرس مساعد

وجامعة اسكندرية

و اربع سنين

ودكتوراه

وكندا

شكلك كده هتطلع واحد صاحبي يا باشمهندس :blink:

تم تعديل 21 يونيو 2006 بواسطة واحد تاني

[واحد تاني]

أسد

شكرا جزيلا يا سيدى

سؤال تانى علماشى كده

طب لو أنت من اسكندرية

لازم برده تروح مجمع التخريب؟

نعم ..

لازم مجمع التحرير ..

باردون يا استاذ اسد ...انا حصل لي نفس الموقف ده قبل كده

و بدون ما اروح مجمع التحرير ... طلبوا مني فى مكتب التعبئة تصوير صفحات الاختام لتواريخ المغادرة والدخول و مع الاطلاع على اصل الصفحات دي بالباسبور ... قاموا بعمل الاوراق اللازمة ... وبعدين اخدت الاوراق وطلعت على منطقة التجنيد ... ومع مزيد من الاوراق و بعض الوقت تم تسجيل حكم المحكمة اني براءة ... حتى الحكم كان اسمه (لا يكن) :blink:

اممممم

باشمهندس

مدرس مساعد

وجامعة اسكندرية

و اربع سنين

ودكتوراه

وكندا

شكلك كده هتطلع واحد صاحبي يا باشمهندس :blink:

تم تعديل 21 يونيو 2006 بواسطة واحد تاني

[أسد]

باردون يا استاذ اسد ...انا حصل لي نفس الموقف ده قبل كده

و بدون ما اروح مجمع التحرير ... طلبوا مني فى مكتب التعبئة تصوير صفحات الاختام لتواريخ المغادرة والخول و مع الاطلاع على اصل الصفحات دي بالباسبور ... قاموا بعمل الاوراق اللازمة

يبقى الكلام ده جديد ..

أنا ما أعرفش عنه ..

لأني قديم حبتين ..

أنا مخلص الجيش سنة 1987م

وخلصت فترة الإحتياط 1997م

ولكني منذ أربع سنوات كنت في مجمع التحرير لإنهاء معاملة لي .. وشاهدت نفس المشهد بتاع شهادة التحركات دي ..

لكن إذا كان (الحمد لله) طلع لهم مخ وبيعملوا كده دلوقت ..

يبقى حاجة عظيمة .. وتطور محمود ..

[واحد تاني]

الكلام ده يعتبر جديد نسبيا لتاريخ حضرتك

ده كان سنة 2001

وربما الامر مختلف في اسكندرية عن القاهرة

لكن الباشمهندس قال انه من اسكندرية

فاعتقد ان ما حدث معي هو نفس ما سيحدث معه

تحياتي :blink:

[El-Masri]

أنا حكايتى كانت نيلة، أول مرة سافرت أخدت تصريح من التجنيد فى إسكندرية، لإنى خلصت الجيش فى إسكندرية.

تانى مرة نزلت مصر، قررت أنزل بالجواز المصرى (وطنى أوى أنا)

هو مش ازدواج الجنسية بيعفيك من الجيش برضه ولا ممكن يطلبوك أفيدوني في هذا الموضوع يعني لو تحت 30 سنة ومدخلتش جيش ومزدوج الجنسية قانونا عليك خدمة عسكرية

أنا خلصت جيش أساسا، أول مرة سافرت مكنش معايا الجنسية، ماهو لازم أكون هناك عشان أخدها وبالتالى أخدت تصريح من الجيش عشان أعرف أسافر، بعد ما سافرت وأخدت الجنسية نزلت مصر زيارة بس بالباسبور المصرى اللى طلع معلهوش ختم بيضاوى، وطالما دخلت بالمصرى بتتعامل على إنك مصرى. دخلت بالمستورد وبأصل مصرى بتتاعمل على المستورد لمدة ست شهور وبعدين بيعاملوك على المصرى، ده لو قعدت أكتر من ست شهور متواصلة.

طبعا ممكن تدخل مصر ومتقولش خالص إن أصلك مصرى، خصوصا إن فى كندا من حقك ترفض يحطوا محل الميلاد لو فيه إحتمال إنك تتعامل بعنصرية فى بعض الدول، وطبعا النقطة دى عملوها بعد أحداث سبتمبر.

تم تعديل 22 يونيو 2006 بواسطة El-Masri

[زعلان]

طيب وأنت داخل مصر هل بيلزمك القانون المصري في تعاملتك إظهار كونك مصري ولا ممكن تستخدم جنسيتك الاخرى في تعاملاتك داخل الدولة وما تظهرش بطاقةالرقم القومي

[القرموطى]

لسلام عليكم

عم زعلان كيف احاولك اعتقد ان القانون المصرى لا يلزمك اظهار هويتك المصريه الا فى حالات رغبتك انت ان تتعامل كمواطن مصرى يعنى

انته مثلا عاوز تروح تجيب كعب عمل مثلا لازم تروح كمصرى

عاوز تستخرج اى ورقه او معالمله خاصه بالمصريين اكيد لازم تظهر لهويه المصريه انما فى اى تعامل تانى لا يلزمك الجانون بكده وعلى فكره وبشديد من الاسى والاسف بقول ان مصــــــــــــــــــــــــــــــــــر هى البلد الوحيده الى الغريب بيتعامل فيها احسن من ابن البلد الف مره

سلام

[عاشق مصر]

أنا آسف يا جماعة سؤال واحد فقط وياريت حد يجاوبني

أنا خلصت مدة الإحتياط وطبعاً طلعت شهادة بذلك

وأنا خارج مسافر وقفوني لحد ما عملو شوية إجراءات وقالوا لي بعد كده لازم تختم جواز سفرك بالختم البيضاوي من الجوازات وبعدين خرجت من عند ضابط الجوازات من غير ما يختم لي على الجواز بالختم البيضاوي

أعمل إيه وأنا نازل مرة تانية علشان آخذ الختم البيضاوي

وهل الجوازات دي المقصود منها "ضابط الجوازات" اللي بيختم على الجوازات ولا مكان تاني إسمه الجوازات

وشكراً يا جماعة مسبقاً على الرد