خواطر..

[بنت شعنونة]

اوقات احس باليتم رغم انك جنبي

و اوقات احس بالحزن مع انك بتضحكني!

و اوقات احس اني محتجالك اوي.. مع انه متر اللي بينك وبيني؟

لو قلتلك اني حزينة جدا ها تصدقني؟

لو قلتلك اني مكسورة اوي.. ها تساعدني؟

لو قلتلك قد ايه انا غلبانة اوي.. ها تفهمني؟

لو حكيتلك حواديت وحكايات

عن الاف الجروح و الأهات

عن اب بعيد بال كيلوات

واخ متغرب على بعد مترات

واربع جدران ضلمة .. ومليانا انتيكات

وفاتورة كهربا غول.. في اول كل شهر تيان

وخوف فظيع..خوف منك ومن كل الوحوش اللي جواك

كل يوم اشوف فيك وش جديد

مخيف.. مرعب..اكنه وش حديد

واحيانا احس انك بيبي صغير سعيد

او اب حنون في مشاعره وفي رايه سديد

واوقات تتحول تبقى مارد رعديد

ضرب.. اهانة..اوجاع بدون تحديد

واللي يتكلم يبقى يا ويله من الوعيد

مصدقني؟

كنت ها اموت وانا معاك مرة

ومن غيرك بموت الف مرة

يومها شفت الخوف في عينيك

بس خوف على مين؟ عليا؟

والا على اللي بتنضفلك البيت؟

يومها قلت يا بت افرحي دا بيخاف عليكي موت

وبعدها ب ايام اترجيتك تسيبني اموت

ليه كل لحظة بحال؟

ليه بتحاسبني على اللي بتشوفه من اهوال

ليه اقيدلك صوابعي العشرة شمع

وابقى ليك الطاعة و السمع

وما اخدش غير الدمع؟

ليه بتقلب كل حاجا جميلة و تخليها شراك

اخبي فلوس من المصروف

واحطها في محفظتك من وراك

عارفة انه ما معكش فلوس

و الخير كله من خيرك..

ولما الوقت يعدي و الأزمة تروح

اجيلك بالسر ابوح

تصرخ و تثور وتقولي انا مش قرطاس؟؟؟!!!

تقولي انتي بتلبسيني العمة

لا يا هانم اصحي انا مش فنطاس

عمة ايه بس

يعني لو بحبك وبخاف عليك

ابقى بلبسك العمة؟

لو خبيت عليك

ابقى انا من اللي همة..؟

ليه بس كدا

ظلمتني وانا محتاجالك

وبعتني وانا تعبانة

حرام

الظلم حرام اوي :angry2:

تم تعديل 21 يونيو 2006 بواسطة بنت شعنونة

[بنت شعنونة]

بيقولوا اوقات الحجر ب يلين

من نقطة ورا نقطة من شوية مطر هايفين!

وانت قلبك حجر صوان و متين

مش عارفا مين قساك على قلبي الحزين..

تصدق..

شيطاني بيوزني ابيعك

وارمي كل حاجا و اسيبك

واجري ورى لقمة العيش

و اضحي بكل حاجا وما يهمنيش

ما انت مضحي بيا كل يوم

اشمعنى انا اللي ها يبقى عليا اللوم

اقله ارتاح من وجع الراس

وانت كمان.. تشوف غيري وتشرب من نفس الكاس

مش ها ابقى سعيدة ما تخافش

لكن مش ها ابقى حزينة .. وما اخافش

كل بداية وليها نهاية

المهم نعرف نختار امتى تكون النهاية

واهي تجربة وتعدي

وبكرا اغرف من الفلوس واعبي

واطلع للعالم كله لساني

بعدا ما احدد انا مكاني

على فكرة

انا عافا انك مش مصدقني

واني كل مرة بقول نفس الكلام

لكن المرادي في حاجا وحشة اوي

ان اللي بيكسر عندي

ما بيتصلحشي

:angry2:

[أحمد رشاد شلبى]

قمه الالم ..

أن تفتح عينيك يوماً على واقع لا تريده

أن تتذكر إنساناً عزيزاً رحل بلا عوده

أن تكتشف أن لا أحد حولك سواك

أن تقف أمام المرآه فلا تتعرف على نفسك

أن تشعر بالظلم وتعجز عن الإنتصار لنفسك

أن تبدأ تتنازل عن أشياء تحتاج إليها بإسم الحب

أن تتظاهر بما ليس في داخلك كي تحافظ على صورتك جميله

أن تصافح بحراره يداً تدرك تماماً تلوثها

أن تبتسم في وجه إنسان تتمنى أن تبصق في وجهه و تمضي

أن تغمض عينيك على حلم جميل وتستيقظ على وهم مؤلم

أن يداخلك إحساس مقلق بأنك قد تسببت في ظلم إنسان ما

أن تضحك بصوت مرتفع كي تخفي صوت بكائك

أن تلتقي شخصاً شاطرك نفسك يوماً فتكتشف أن مشاغل الحياه قد غيبتك من

ذاكرته تماماً

أن تنام وفي داخلك أمنيه ألا تستيقظ أبداً

أن تحمل هديتك لإنسان يتفنن في إغلاق الأبواب دونك ودونه

أن تلوح مودعاً لأشياء لاتتمنى أن تودعها يوماً

أن تبكي سراً فقط لأن أحدهم أقنعك يوماً بأن البكاء نوع من أنواع

الضعف الإنساني

أن تصل يوماً إلى قناعة أن كل من مر بك أخذ جزءاً منك ومضى