طبيب اسنان

[بنت شعنونة]

يا ترى في حد معانا في المنتدى طبيب اسنان

ينجدنييييييييييييييييييي :blink:

[Aroma]

اهلن شعنونه

انا طالبة طب اسنان يمكن اقدر اساعدك

:wub:

[هشام الجنيدى]

انا طبيب اسنان :rolleyes: :angry2:

اى خدمه ؟؟؟؟؟؟؟ :rolleyes:

[بنت شعنونة]

بجد يا هشام؟؟؟؟؟؟؟؟؟؟؟؟؟؟؟؟؟؟؟؟؟

[هشام الجنيدى]

اه والله طبيب اسنان.... :blink: ..... سنان الناس اداويها . :blink:

ايه يا دكتوره شانا انا طبيب اسنان خريج السنه اللى فاتت...... بس ممكن افيدك ان شاء الله

[بنت شعنونة]

والله ما كنت اعرف يا هشام :blink:

طب اسمع يا سيدي

انا كنت بعمل علاج جذور لضرسين سفلي من 3 شهور :blink:

وحصل انه حصل التهاب وخراج و لمف نودز بالهبل

وكل ما يقفل الضرسين بحشوة مؤقتة اسخن واعمل خراج و لمف نود :wub:

وبقالي ع الحال دا 3 شهور بالتمام

وكل شوية اخد مضادات حيوية اشي سيبرو اشي حقن سيفوتاكس

والفانترن

وافلالالالالالالالالالام

ومافيش حل واضح لسبب اللي انا فيه

وما عملناش اشعة

وكل ما اسال الدكتور يقولي هوا التهاب الضروس السفلية غلس كدا

ايه الحل؟

وتفتكر كلامه صح؟ :wub:

[مومو الامور]

بنت شعنونه الف سلامه عليكى من الخراريج والحاجات دى

عليكى وعلى الخلع

الخلع بتاع الضروس مش خلع الزوجات

اخلعى وريحى بالك لان من خبرتى فى مجال الاسنان وصرفت دم قلبى على الدكاترة مرتاحتش غير لما خلعت

اخلعى يا بنت شعنونه ضرسك وانشالله هيطلعلك واحد غيرة

مومو الامور

[مصرية يعني مصرية]

لا لا

ألف ألف ألف سلامة يا شانا

ربنا يشفيكي

لا بأس طهور إنشاء الله

يلا إنجدها يا د هشام

[هشام الجنيدى]

:lol: بسم الله الرحمن الرحيم .....

شوفى يا ستى ......

المفروض علميا وعمليا ان علاج الجذور بيحتاج اشعه قبل واثناء وبعد اكتمال العلاج عشان يكون الدكتور عارف هوه بيشتغل فى ايه... يعنى يكون شايف

عندنا الدكاتره اللى علمونا قالولنا ان لو مشفتش متشتغلش..... لان الاشعه هى عين الطبيب داخل الجذور

كون ان الدكتور معملش اكس راى على المكان قبل واثناء الشغل ده غلط وبنعتبره فهلوه الا اذا كان عنده البديل الفعال للحكايه دى ....

هسالك كام سؤال .....

1) هل كان فيه خراريج تحت الضروس دى قبل بدء العلاج ؟؟

2) هل اخدتى اشعه لمعرفه اجابة السؤال الاول؟؟

3) فى اول زياره هل نضف الدكتور القنوات الجذريه من بقايا الانسجه الملتهبه او الميته ؟؟

4)هل اخدتى المضاد الحيوى بانتظام بناء على وصفه ولا بظروفها يعنى ؟؟؟

جاوبى على الاسئله دى واتصلى على 0900 (الهاتف النصاب )

وان شاء الله هتلاقى الاجابه

هقولك على حبه حاجات ان شاء الله تساعدك

الخراريج بتحصل نتيجه انحباس بكتريا لاهوائيه فى وسط ملائم لنموها وده الحال فى القنوات الجذريه حيث انه مكان دافىء ومغلق

عشان كده فى حل بيجيب نتيجه سعات كتير قوى ان احنا منقفلش بحشو مؤقت عشان نوفر مخرج للصديد انه يطلع (draining way) ونسيب لمريض كام يوم (under anti biotic covering) لحد ميحصل شفاء كامل من الخراج واعراضه وفى خلال هذه الفتره تتوالى الزيارات للطبيب من اجل متابعه الحاله وتنضيف القنوات باستمرار بمحلول المناسب لضمان عدم وجود بكتريا او اضافه بكتريا جديده للمكان

وفى ناس مش مقتنعين بكده لانهم مقتنعين ان طالما المكان مفتوح هيلم بكتريا والناس التانين بيقولو ان كده كده البكتريا موجوده فعلى الاقل المريض يرتاح من الالم لان فى حاله القفل بيزيد الضغط داخل العضم نتيجة تراكم الصديد تحت الضرس وحواليه مما يسبب الالم نتيجه الضغط على انهايات العصبيه اسفل الضرس

بعض الناس فى حاله عدم استجابتهم للمضادات الحيويه بيكون السبب ان البكتريا عملت مناعه للمضاد المستخدم نتيجه عدم الانتظام فى اخد المضاد يعنى يوم اه ويوم لا .... لان المضاد الحيوى بيتاخد كورس علاجى بجرعه ووقت محدد ولا بد من مراعاة الدقه فيهم من جانب المريض

او بسبب ان المضاد الحيوى المستخدم غير مناسب مثلا اخدتى مضاد حيوى للبكتريا الهوائيه والبكتريا اللى عندك لا هوائيه

الحل الامثل والعلمى البحت واللى بيجيب من الاخر فى موضوع تحديد نوع المضاد الحيوى واللى للاسف مفيش اهتمام بيه من قبل الدكاتره او المرضى مع انه الحل الاكيد وانا شخصيا بنصحك بيه واتمنى انك تعمليه هو .... عمل اختبار الحساسيه للبكتريا (عمل مزرعه بكتيريه من عينه تتاخد من الخراج ده وتروح المعمل للتحليل ومعرفه نوع البكتريا المسببه ووصف النوع الملائم من المضاد الحيوى من الاخر من غير منفضل نجرب المضادات الحيويويه عمال على بطال ...

ارجو ان تهتمى بالحل ده وارجو ان اكون افدت

وان شاء الله نتطمن عليكى ........ <_<

مومو الامور..........

الضرس لو يوجعك داويه بلاش تخلعه

وروح لدكتور سنان شوف ايه اللى بيلخلعه

ده كل شىء اتخلق فى الدنيا ليه غايه.....

والضرس لو يتخلع ما فى حاجه هترجعه !!!!

وشكراا وابقى طمنينا عليكى ......

[بنت شعنونة]

مومو شكرا ع النصيحة

مصرية ربنا يخليكي يارب ويكرمك <_<

هشام

انا ما عملتش اشعة نهائي

وما كانش فيه خراج دا كان تسوس بس

اول مرة بس خدت المضاد الحيوي بظروفها ودا كان من 3 شهور

بعد كدا انتظمت

خدت كلللللللللللللللللللللل الأنواع

سيفوتاكس 1 جرام

وسبروباي 750

و يوناسين ودا بهدلني مووووووووووت خصوصا كليتي

و خدت مضاد انيروبك كان اسمه امريزول

دا غير بقى الفانترن و الفاكيمو تربسين

فرررررررررررررح بعيد عنك :lol:

ومازال الحال كما هوا عليه

وبيني وبينك شغالة اشيل قطنة و ارمي قطنة لما عفنت

بس مش بيوجعني زي لما كان مقفول

ف مش عاوزة اروح عشان مش عاوزة اتجن من الوجع تاني :angry2:

قالولي اعملي irrigation

ب فلاجيل ها يدي نتيجة كويسة

وها اشوف اعمل المزرعة دي فين كدا و اقولك ع الأخبار

:angry2:

الف شكر يا هشام تعبت معايا جدا :angry2: