الشهيد المصري ارخص من لا مؤاخذة

[nemr111]

الشهيد المصري ارخص من لا مؤاخذة

هل تصدق ان الشهيد الذي ثمنه 14 الف جنيه فقط لاغير .. هل تصدق ان البغل فى مصر ثمنه تجاوز العشرين الف جنيه .. ربما لا يوجد وجه للشبه بين الاثنين إلا أن البغل معروف بتحمله للشدائد و سبحان الله نفس الصفة يتصف بها جميع أفراد الشعوب المطحونة .. و البغل بعد موته مفيش منه فايدة لانه مقطوع الخلف.

أما المصري فكله مشاكل .. عيال بتتيتم و ستات بتترمل و كل يوم مشكله من بلاويه اللى سايبها وراه .. مفيش مورد رزق و لا بيت للعيال و العيل الصغير لو شحت بالكتير يجيب لقمة حاف مرمية بالغلط من جنب الرصيف

هل تصدق ان سليمان خاطر عندما قتل 6 من الصهاينة الذين كانوا يرتكبون الفحشاء فى الحدود المصرية ضمن خطة لتدمير نفسية الحرس المصريين .. دفعت الحكومة المصرية ستة ملايين دولار تعويضا بالرغم من دخولهم الاراضى المصرية و عدم التزامهم بالقوانين المصرية

أما قتل الجنود المصريين التي يقتلهم الصهاينة فلا دية لهم .. أصله فى الأساس ايه اللى خالاهم يرحوا يقفوا ع الحدود .. ما يتنيلوا و يسكتوا ، كل شوية يمسكوا قضايا تهريب سلاح و مخدرات خليهم بقي يذوقوا و يعرفوا

ليه ما يسكتوش زى كبيرهم اللى قابل اولمرت و تبادل معاه السلامات و ايديه مليانة بدم المصريين و هما لسه ما اندفنوش و جسمهم سخن.

يا مصر يا بلد ياحمالة الآسية

ليه دايما فيكي الغدر و انت كلك حنية

يرضيكي دم الولاد يتسرسب ضحية ورا ضحية

و جلادك ساكت و مطنش ع البقية

خايف يشوح ليهم .. تلوشه بندقية

اصله باعنا علشان شلتة كرسي مهرية

و الله دايبة دابية وتفضلي انت يا عفية