فريق المحاورات لكرة القدم

[فولان بن علان]

نتيجة لتأثير أجواء كاس العالم تخيلت لو أقيمت بطولة لكأس المنتديات

ما هو التشكيل المقترح للفريق المحاوراتي

وماهي المراكز التي يمكن أن يلعب فيها العضو المناسب في المركز المناسب

وهذا هو تصوري للتشكيل من خلال متابعتي للأعضاء أقصد اللاعبين

ومؤهلات كل لاعب في مركزه

حراسة المرمي : وايت هارت

لديه القدرة على إقناع مهاجم الفريق المنافس أنه ليس من حقه التسديد على مرماه

وأنه لا يستطيع أن يثبت له أنه لو سدد الكرة يمكن أن تدخل في الشباك لأنه ربما لن تدخل وحينها

سيكون مجهوده قد ضاع سدى ولن ينال إلا ضياع مجهوده وحنق الجمهورلذلك فلن يسدد

خط الظهر

وليد صفوت

لياقة رشاقة سرعة في الانطلاق نتيجة التدريب المستمر استعدادا للتجنيد

يستطيع إيقاف خطورة المهاجمين من الطرف الأيسر والقيام بدور الجناح الأيمن عند الانطلاق نحو المرمى المنافس

زهيري

ما شاء الله 195 سم كل الكرات العالية من نصيبه

علاوة على قدرة على بث الحماس في نفوس اللاعبين

يامعلي راية الحرية

طفشان

صحة تغذية جيدة عند نجوم الرمرمة

سد منيع شعاره اللي يفوت يموت

أحمد محمود

قدرة على إفساد هجمات المنافسين

وتقفيل الثغرات ورفع الروح المعنوية للفريق حتى عند الهزيمة بعشرة أهداف

خط الوسط

الرافعي

ضبط ايقاع الفريق الهدوء عندما يكون مطلوب في اللعب

والسرعة عندما يكون الفريق المنافس نعسان في الملعب

وتفويق الفريق عندما يسود السرحان بين اللاعبين

ياسو فيناس

حكيم الفريق وموجه الخطط المستجدة في الملعب

قدرة على استكشاف الملعب وايجاد المساحات الخالية

خلف خطوط الفريق المنافس

هادي

الهدوء الهدوء ثم الانقضاض المفاجئ بصواريخ أرض جو من خارج منطقة المرمى

وقدرة على التجانس مع الزملاء في الملعب ويجيد الثنائيات والهات وخد

خط الهجوم

مهيب

قدرة على تذكر الانجازات وتحفيز الفريق لتخطي الصعاب

والتخفيف من صعوبة المباريات بتخفيف الضغط العصبي عن اللاعبين

وذلك بأغاني فيروز ..وإجادة تنويع اللعب على الأجناب

وتغذية رأسي الحربة بكرات مقشرة لصنع أهداف

حشيش وس س كرأسي حربة

مرواغة دفاع الفريق المنافس بدون ترقيص

لأن الترقيص ممنوع حفاظا على رقي فريق المحاورات

قدرة على إحراز الأهداف بالأصابع الصغيرة و الكبيرة

وشعر الرأس والأظافر

لأن دفاع الفريق المنافس مع حارس المرمى

سيكونوا مستلقين على الأرض من السخسخة

أما الكوتش

كابتن عادل أبو زيد

واقف على الخط بيرزع النضارة في الأرض ويقول

مش دي الخطة اللي أنا وضعتها للعب

كل واحد بيلعب بمزاجه

فين المشرفين

قفلوا على كل مواضيع اللعب

هذا هو تصوري للفريق المحاوراتي أما النتايج وعدد الأهداف

والتشكيلات الأخري المقترحة للفريق فمتروكة للسادة الاعضاء

وكما قال هشام سليم في فيلم امبراطورية ميم

العالم كله ماتش كورة

[فولان بن علان]

غدا المباراة المرتقبة بين فريق المحاورات وفريق شئون مصرية

التمرين الأخير اليوم

الكوتش عادل أبو زيد يشرح خطة اللعب

ألقى محاضرة قبل التمرين حث فيها على اللعب بالروح المحاورتية المعروفة

وشدد على الالتزام بالخطة المرسومة

وبعد الاستهلال الذي لابد منه

حدد لكل فاضل من اللاعبين مهامه

وشدد على الفاضل س س ألا يلعب وحده وأن يمرر الكرة ولا يسترسل في التغزيل

كما أشار إلى الفاضل وايت هارت حارس المرمى أن يقف بين التلات خشبات ولا يعتمد على تفهم المهاجمين

قامت رابطة المشجعين بالتدريب على الطرق المتحضرة للتشجيع وذلك بعمل الموجات المتتالية والرسم على الوجوه

رابطة المشجعات قامت بعمل قبعات على شكل شعار المحاورات

مطبخ المحاورات يعمل على قدم وساق لتوفير سندوتشات الكبده الاسكندراني للمشجعين حتى يتحمسوا للتشجيع المستمر

وبعد كل ده ياترى إيه ها تكون نتيجة المباراة

ياريت ما تكونش زي مباراة اوكرانيا والسعودية

[se_ Elsyed]

تفتكر يا فلان إني لو ظهرت بمظهر كويس ممكن مرتضى منصور يجري ورايا ويتعاقد معايا عشان ألعب للزمالك ؟

أنا مش هاطلب أقل من 26 ج ... آه أنا مش أقل من عمرو زكي

بالنسبة للجهاز الطبي ما جبتش عنده سيرة

وفي نفس الوقت فين تشكيلة فريق الواحة للناشئين ؟!!!

ياه نفسي أشوف محبط بالشورت ومعاه بقيت التيم وهما نازلين قدمانا مرعوبين ( أصل الواحة كلهم زملكاوية إن كان محبط أو محمد أبو زيد أو حسين أو مسماح ) وساعتها نمطر شباكهم بالاهداف وتبقى ليله

بالمناسبة الماتش ده متشنفر ولا هايتذع أرضي ؟ ويا ترى لو سرقنا وصلة هانقدر نشوف الماتش ؟

[فولان بن علان]

مباريات كأس المنتديات كلها مذاعة على قناة الناس وحصريا ليه مش عارف

فقط ابعت 20 sms تفتح معاك الشفرة على طول

الفريق الطبي للمحاورات مكون مني بس

أصل أنا تخصص اصابات ملاعب لكن طبعا فيه فرق بين ملاعب الكورة الشراب والملاعب الرسمية

عموما الاصابات كلها يا رباط صليبي ( مش بتاع بوش ) بتاع الركبة يا إما كسر في الكاحل وده محتاج جبس

وطبعا مفيش تعويض واللي يكسر يعتزل احسنله

انت مستعجل ليه يا س س على الاحتراف

شد حيلك المباريات مراقبة من السماسرة في أوروبا وترينداد وتوباجو وكفر أبو عضمة

وبعدين مش مرتضى اتجمد خلاص

أما فريق الواحة

فما زال الخلاف محتدم على التشكيل بين قدامى الهايد بارك والناشئين الجدد

مين ها يمثل الفريق

يمكن ينزلوا بفريقين

[مصرية الهوى]

طيب واحنا :P

[se_ Elsyed]

طيب واحنا :P

يا جيجي لو سمحتي إصبري وما تستعجليش

إحنا عاملين حسابكو

شوفتي ماتشات السلة الأمريكي ؟

شفتي البنات اللي ماسكين شراشيب وعمالي يشرشبوا بيها طول الماتش ويغني أغاني وأهازيج حماسية طول الماتش ؟

أهو في جزء من البنات هايبقى كده

والجزء الثاني هايلموا كور من ورا المرمى

واللي مالهاش في ده ولا ده هاتتفرغ إنها تعيط وتعددد علينا لما نتغلب

[shahd]

طيب واحنا :P

يا جيجي لو سمحتي إصبري وما تستعجليش

إحنا عاملين حسابكو

شوفتي ماتشات السلة الأمريكي ؟

شفتي البنات اللي ماسكين شراشيب وعمالي يشرشبوا بيها طول الماتش ويغني أغاني وأهازيج حماسية طول الماتش ؟

أهو في جزء من البنات هايبقى كده

والجزء الثاني هايلموا كور من ورا المرمى

واللي مالهاش في ده ولا ده هاتتفرغ إنها تعيط وتعددد علينا لما نتغلب

شراشيب مين ونعدد مين لا ياعم ماليش دعوووووووووووة انا عايزة ابقى الحكم

:P :P -_-

تم تعديل 22 يونيو 2006 بواسطة شهد

[فولان بن علان]

طيب واحنا :wub:

أهو ده الكلام اللي أنا كنت خايف منه

ورونا الهمة وشكلوا فريق نسائي

وبعدين نقدم طلب للإدارة نعمل بطولة لكن ولا تزعلن

شراشيب مين ونعدد مين لا ياعم ماليش دعوووووووووووة انا عايزة ابقى الحكم

ما ينفعش يا شهد أنت محاوراتية قديمة وها يبقى فيه تحيز

الحكام مستوردين من منتديات ايطالية عشان النزاهة وما حدش يعترض ويقول الماتش متباع

[فولان بن علان]

فريق الشئون مقدم احتجاج على ضم الكابتن حشيش لفريق المحاورات

مدعيا أنه حاصل على الجنسية الشئونية

ولن يتنازل عنه لأنه هداف الفريق الوحيد

السرية مازالت هي سلوك الفريق الشئوني الذي لم يفصح عن تشكيله حتى الآن

ولكن وصلتنا بعض الأسماء من مصادرنا الخاصة وحصريا

د. رجب وهشام وبروف واللهو الخفي وعلى عينه وغيرهم سنراهم في الملعب

المباراة ستبدأ بعد مباراة البرازيل واليابان بعد تسوية مشكلة كابتن حشيش

[se_ Elsyed]

فريق الشئون مقدم احتجاج على ضم الكابتن حشيش لفريق المحاورات

مدعيا أنه حاصل على الجنسية الشئونية

ولن يتنازل عنه لأنه هداف الفريق الوحيد

يا كابتن فولان إنت عارف إننا في عصر الإحتراف

وحشيش راجل أرزقي على باب الله وعنده عيال عايز يربيهم وأيامه في اللعب قصيرة

لذلك من حقه إنه يأمن مستقبله .. ومن حقه إنه يدرو على اللي بيدفع له أكثر

وبصراحة إحنا عارضين عليه شاندوتش كبده عن كل موضوع .. وتُمن جبنة براميلي عن كل مداخلة

ولو إنت في مقدرتكو تدفعوا أكثر يبقى حلال عليكو .. وإحنا نلفهولكو في سلوفن ونوصله لحد منتداكم ..

ولكن

بعد ما يخلص عقده اللي ماضيع معانا

[khedr]

الكابتن الكبير

من منطلق مسؤلياتي الكبيره

وفهمي الواسع في اعمال السحر والشعوذه

فطلبي اليكم بضمي اليكم كساحر

مرافق للقريق مثل كل الفرق الافريقيه

ولكم عندي بعض الاعمال والسحر

اللي لو خدها حتي الزمالك

تخليه بالدوري والكاس يخلي غيره محتاس

الساحر.......

مش رونالدينيهو لا ...خضرينهو

ملحوظه....علي فكره حقيقي انا بلعب كره كويس علي الاقل احسن من فلافيو بتاع الاهلي

[Tafshan]

ايه ده :P

هو مافيش حاجه بتستخبى في البلد دى :) عرفتوا منين مهراتى الفظيعة في كرة القدم mfb:

انا على فكرة كنت فعلاً غاوى العب في الدفاع ... او بمعنى ادق .. كانوا مش بيرضو يخلونى العب في الهجوم و ده لأنى كنت ب "اطفش" الكور و بالتالى كانوا بيسيبونى وراء :sad: و كان ليا تكنيك قوى جداً : اللى كان بيقرب كنت بأكسره نصين و الكورة دى مش موضوعى .. سواء بقى كان من فريقهم او من فريقنا mfb: و في الاخر كانوا بيزهقوا - بعد انسحاب اغلب فريق الخصم للاصابة - و بيوقفونى جون ..و يسود جو من الهلع و تدب الرهبه في قلوب الفريق الخصم و يكف عن مهاجمة فريقنا :D

[محمود الشاعر]

أنا مستعد اضحي والعب جون كيبر مع الفريق المنافس

علشان انا مبعرفش العب كورة واخر ماتش لعبته دخلت 36 جون

كنت واقف حارس مرمى :)

[فولان بن علان]

الكابتن الكبير

من منطلق مسؤلياتي الكبيره

وفهمي الواسع في اعمال السحر والشعوذه

فطلبي اليكم بضمي اليكم كساحر

مرافق للقريق مثل كل الفرق الافريقيه

ولكم عندي بعض الاعمال والسحر

اللي لو خدها حتي الزمالك

تخليه بالدوري والكاس يخلي غيره محتاس

الساحر.......

مش رونالدينيهو لا ...خضرينهو

ملحوظه....علي فكره حقيقي انا بلعب كره كويس علي الاقل احسن من فلافيو بتاع الاهلي

ياكابتن خضرينهو الكوتش كابتن عادل أبو زيد مصمم يقعدك جنبه على الدكة ورقة رابحة

لأنه عارف إنك تجيد اللعب في كل مكان في الملعب

وبعدين هو خايف منك لأنك راجل مجامل جدا يمكن تجامل الفريق الخصم وتشوط على جونا :wub:

[فولان بن علان]

آخر أخبار البطولة

تم تأجيل مباراة المحاورات والشئون بسبب مشكلة كابتن حشيش

ورفعت المشكلة للاتحاد الدولي لكرة القدم وإلى أن يرد رد جوزيف بلاتر

كابتن عادل أبو زيد يدرس ايجاد بديل للكابتن حشيش في حالة تواطئ بلاتر مع الشئونين

س س يقترح على كابتن عادل بعض أسماء الأعضاء الموهوبين

أحمد هادي لكنه مشغول بنزول الأجازة ونهاية الحلم الطويل

المدهش مشغول بتغطية أخبار البطولة وأخبار البنت الباكستانية

ياترى مين......... مين....... مين يلعب فرود هداف في المحاورات

س س يقترح عمل استفتاء بين الأعضاء على الفرود المطلوب وبذلك توزع المسئولية

على السادة الأعضاء جميعا ولا يلام الكوتش على أي خسارة

فريق الشراشيب الحريمي يواصل تدريباته على الطريقة الامريكاني في التشجيع بقيادة جيجي وشهد

ولكن للاسف دب خلاف شديد على اختيار لون الشراشيب

شهد مصممة على اللون الأحمر أما جيجي مصممة على الأخضر يا الأخضر

[khedr]

ياكابتن خضرينهو الكوتش كابتن عادل أبو زيد مصمم يقعدك جنبه على الدكة ورقة رابحة

لأنه عارف إنك تجيد اللعب في كل مكان في الملعب

وبعدين هو خايف منك لأنك راجل مجامل جدا يمكن تجامل الفريق الخصم وتشوط على جونا ;)

خضرينهو يتحدث

ياسيدي انا طموح بس مش للدرجه دي....جنب الاستاذ عادل مره واحده :)

وصحيح بجيد اللعب في كل الاماكن لكن مش علي كل الحبال :wub:

مجامل اه..... لكن مدافع صلب لن يمر مني خصم الا بعد الشر

ومهاجم بالقدم والرأس واجيد التهديف من مسافات

[النسر المصري]

يعني انا حبيت بس امر واسلم عليكو ...

واقول يعني ...مثلا يعني ....لو تكرمتم يعني ....تدوني اي دور كده ف الفريق

ولو حتى دور كده زي حمد مكرونه بتاع الاهلي

ينعي اشيل شرابات هدوم جزم امسح الارض ...اي حاجة يعني كده بس عشان احس اني مشارك فعال فيي الفريق

[فولان بن علان]

يعني انا حبيت بس امر واسلم عليكو ...

واقول يعني ...مثلا يعني ....لو تكرمتم يعني ....تدوني اي دور كده ف الفريق

ولو حتى دور كده زي حمد مكرونه بتاع الاهلي

ينعي اشيل شرابات هدوم جزم امسح الارض ...اي حاجة يعني كده بس عشان احس اني مشارك فعال فيي الفريق

يا خبر يا نسر دا أنت الجناح الطائر للمحاورات بتاع الأوفرات من الجون للجون

أنت بس فين من زمان ياريت تكون مشاكل شغلك خلصت

فضي نفسك وأنا أكلملك كابتن عادل

[على عينه]

د. رجب وهشام وبروف واللهو الخفي وعلى عينه وغيرهم سنراهم في الملعب

المباراة ستبدأ بعد مباراة البرازيل واليابان بعد تسوية مشكلة كابتن حشيش

انا اسمى مكتوب...........طيب

اللبس على مين

انتم اللى حاتشترولنا اللبس ...انا عايز فانلة نمرة عشرة زى مادونا....اقصد الجدع دة بتاع الارجنتين اسمه ايه آه مارادونا...دهده دانا فضحت نفسى وانا مش حاسس...عايز جذمة حلوة زى مثلا مثلا مثلا البيادة بتاعة الجيش علشان اخوف بيها لاعيبه محاورات المصريين....انا جاهز وحا اتمرن شوية لازم ننتصر ونرفع رأس مصر لفوق ماهى شئون مصرية تمثل مصر اما محاورات المصريين فهى تمثل جمهورية مصر العربية

[النسر المصري]

يعني انا حبيت بس امر واسلم عليكو ...

واقول يعني ...مثلا يعني ....لو تكرمتم يعني ....تدوني اي دور كده ف الفريق

ولو حتى دور كده زي حمد مكرونه بتاع الاهلي

ينعي اشيل شرابات هدوم جزم امسح الارض ...اي حاجة يعني كده بس عشان احس اني مشارك فعال فيي الفريق

يا خبر يا نسر دا أنت الجناح الطائر للمحاورات بتاع الأوفرات من الجون للجون

أنت بس فين من زمان ياريت تكون مشاكل شغلك خلصت

فضي نفسك وأنا أكلملك كابتن عادل

ياحلاااوة ياولااااد..اية ده ايه ده..بقى انا هبقى الجناح الطاير حته واحده كيداهو

والله وبقينا حاجة حلوه ياجودعوااان

ده شرف كبير لي ياكابتن فولان...

ويارب نقدر نرفع راية المحاورات عاليه مترقرقة

(كلمة على جنب: المشكله هي هي زي ماهي.....ولكم اخر الاخبار

http://www.egyptiantalks.org/invb/index.ph...st&f=93&t=21078