كلام عجبنى و ارقام اعجبتنى اكثر ..يا ترى ينفع نعمل كده؟

[hopsan]

اليابان

أد إية البلد دي جميلة فعلا

أنا بحبها وبحب ثقافتها وبحب فنها وبحب كمان ناسها والطبيعة اللي فيها

ونفسي أعيش فيها

وأبدأ من هناك

ممكن ناس تهاجمني وتقوللي فين الإنتماء للوطن مصر حبيبتي

أنا بحب مصر

ياااااااه

مصر دي إحساس تاني مهما قلت أو حاولت

مش حد يقدر يحس قد اللي أنا حاسه

مش حد يقدر يحس جو الغيمة والمطرة في حواري مصر الضيقة

ولا الهوا لما يسقّع مرة واحدة ويقول الشتا إبتدا

بص في عنين العيال

أو أي بنت مصرية في روحها دفا وحنان

الطبيعة في مصر بتعيش جنبنا بتحس بينا

الفرح والحزن دايما موجودين ودي متعة الحياة

زي المطر وبعدة تيجي الشمس

من غير مطر وبرد مش هنحس بدفا الشمس

أكيد كل مصري حاسس

وكل عربي لازم يحس كده

تجاه بلده

والله العظيم بحبها

بس أنا بفكر بصورة مختلفة شوية

أنا لاحظت إن إحنا في مصر الإحتلال سايبنا من مدة مش بعيدة

نقول خمسين سنة

ولاقيت إن فية بلاد من خمسين سنة يعني من بعد الحرب العامية التانية كانت صفر

يعني متدمرين تماما بسبب الحرب يعني إحنا يمكن كنا أحسن منهم حالأ بعد الحرب

ومن البلاد دي لاقيت أن فيهم بلدين من أجمد البلاد دلوقتي في العالم

هما ألمانيا واليابان

ودي بعض الإحصائيات اللي بتقول شوية حاجات بتأكد ده

تبلغ ميزانية الأمم المتحدة لعام 2004 نحو 1.5 مليار دولار

تحتل أمريكا المرتبة الأولي بين الدول المساهمة في التمويل بنسبة تمويل تصل إلي 22%

واليابان تحتل المرتبة الثانية بنسبة تمويل تصل إلي 19.5%

وألمانيا تحتل المرتبة الثالثة بنسبة تمويل تصل إلي 8.7%

بالنسبة للأداء ألإقتصادي

تحتل أمريكا المرتبة الأولي بين دول العالم بإجمالي 10933

واليابان تحتل المرتبة الثانية بإجمالي 3571

وألمانيا تحتل المرتبة الثالثة بإجمالي 2171

اما بالنسبة لصادرات البضائع

فتحتل ألمانيا الصدارة بإجمالي 748

ثم تأتي أمريكا بعدها بإجمالي 723

وبعد ذلك اليابان بإجمالي 471

وبعدهم الصين بإجمالي 437

أما عن المقدرة علي الإبتكار

فتحتل اليابان المركز الأول في الإنفاق علي البحث والتطوير (نسبة إلي الناتج المحلي الإجمالي) بإجمالي 3.06

وتأتي بعدها أمريكا بإجمالي 2.67

ثم ألمانيا بنسبة 2.52

وحاجات تانية كتير عندي لو حد عايز يعرف أكتر

وكمان مرة قريت مقال في مجلة العربي الكويتية عن فعاليات معرض فرانكفورت الدولي للكتاب اللي كان الوطن العربي ضيف شرف فيه 2005

كان فية محاورات كتير دارت عن العرب وحالهم ونظرة العالم ليهم وكلام كتير إتقال ويزعل بس هوة كلام صحيح لكن لما بنتواجة بحقيقتنا بنزعل بس المهم نبدأ في التصحيح لكن للأسف مش حد عايز

واحد من العرب قال موجها كلامة للمجتمع الأوروبي إن اوروبا هي السبب في التخلف اللي إحنا فيه

قاموا الأوروبيين ردوا عليه بهدوء وقالوا إن هما سايبننا من حوالي خمسين سنة وإحتلالهم رحل عنا

إحنا بقي عملنا إيه من خمسين سنة لحد دلوقتي دا اللي قالوه وقارنوا بين دولة زي مصر وبين ألمانيا وقالو إن ألمانيا كانت ولا حاجة وكمان متقسمة من خمسين سنة بعد الحرب العالمية التانيه يعني

ودلوقتي شوفو بقت إية

وكمان قالو إن فية دولة عربية كبيرة العرب بيسموها القائدة ودي مصر طبعا قالو إن خطوط السكك الحديدية اللي فيها من أيام الإحتلال الإنجليزي ومن ساعتها ما إتغيرتش وحالتها دلوقتي صعبة وكل يوم ناس بتموت من الإهمال والحالة المتردية للسكك الحديدية في البلد دي

لو فعلا الإحتلال كان سبب تخلف العرب طب آدي العرب من خمسين سنة ليه مابقوش زي ألمانيا مثلا أو أي بلد أوروبية تأنية

وكلام كتير تاني عندي لو حد مهتم

المهم أنا فكرت في الدراسة في بلد من الإنتين دول ومؤخرا بدأت أفكر في اليابان بصورة جدية

ممكن أحمسكم شوية للدراسة فيها

أولا

قريت مرة إن 300.000 طالب أجنبي بيدرسوا في المانيا كل سنة ومنهم 70% من الصين!

ثانيا

وكمان قريت إن اليابان بعتت بعد الحرب العالمية لما كانت ولا حاجة صفر يعني شباب منها يشتغلوا في الميكانيكا في أمريكا!

طبعا مش فاهمين

تفتكرو لية الصين بتبعت 70% من 300.000 طالب بيدرسوا في المانيا سنويا

أقوللكم

طبعا ألمانيا بلد جامدة جدا والصين عايزة تبقي بلد جامدة بل أجمد بلد في العالم (أي بلد من حقها تحلم تبقي كده)

علشان كده الصين بتبعت شبابها يتعلموا علي حساب البلد في المانيا كل حاجة علشان بينو البلد ويعلمو شبابها النجاح

أما عن اليابان

فاليابان مش كانت عندها صناعة سيارات والميكانيكا عندها كانت ضايعة خالص بعد الحرب فشافت مين من الشباب عايز يدرس الميكانيكا

وإختارت ناس فعلا عايزين يدرسوا الميكانيكا مش بالكوسة(بالواسطة يعني) زي عندنا

وإدتهم فلوس وسفرتهم أمريكا يدرسو في الجامعة هناك

لكن الشباب راحو وإشتغلو ميكانيكية في أمريكا في ورش تصليح وتصنيع السيارات وكسبوا فلوس

وفي نفس الوقت قالو أن الورش هية أساس تصنيع السيارات وهية اللي فيها الخبايا اللي مش هندرسها في الجامعة

ورجعوا بلدهم وهما معاهم الفلوس اللي أخدوها وقدها كمان مرة ولكن كان معاهم حاجة أهم من الفلوس

هية العلم والمعرفة اللي إتعلموها ومن هنا بدأت السيمفونية اليابانية مع صوت أول محرك ياباني 100%

شوفتوا الفكر عامل إزاي

الناس دي مش بتلعب ومش همها نفسها لأه دي همها البلد حتى وهما بعاد عنها

انا لما بفكر في العالم بحس أن العالم كله بلدي وإن مصر دي مدينتي مش بحس بغربة لأن بلدي مش بعيدة عني وانا في أي حتة في العالم

إحنا اللي بنبعد عن بلادنا أو بنقرب منها بإحساسنا تجاهها

يعني فية ناس موجودة في بلدها لكن بعيدة عنها بإحساسها

أنا عايز أبدأ والبداية دايما صعبة لكن الأشياء العظيمة دايما كانت صعبة إفتكرو كدة إية شئ عظيم كان سهل ؟ .. مفيش ..

نفسي تشاركوني في تفكيري ده وياريت يكون شعوري ده مشترك بيننا بس البداية صعبة علينا

لو كدة ..

آدي إيدي

إحنا ببعض هنبقي أقوي

مش كدة ؟ ..

كلام ملطوش بنسبه 100% من منتدى اخر