العاشرة مساءً : المتابعة اليومية

[مهيب]

الى العزيزة نانسى .. أنا كمان نازل مصر كمان اسبوع ان شاء الله ... مفيش حد أحسن من حد يافندم ... أما بخصوص الهدية الغالية .. و الله مش عارف أقولك ايه .. مش ساعات كده بتحسى انك مش قادرة تعبرى ..و ان اللى عملوا اللغة فاتهم يخترعوا كلمات أكثر تأثيرا من شكرا .. بس هنعمل ايه بقى ... الحق عليهم ... و انا دلوقتى اتأكدت ان فى كلام ستات أحسن من كلام أى رجالة ..

أما بالنسبة للعاشرة مساءا أمس ... ففى لفتة غاية فى الذكاء و التأثير قالت منى الشاذلى و هى تتوجه بالحديث الى الضيف المتصل و الى الكاميرا فى ذات الوقت : "ثق بأن آلاء مش هتعمل كده تانى .. هى اتعلمت الدرس ."

وهى كلمة قاسية للغاية ... شديدة الايحاء .. حقا لقد تعلمت آلاء الدرس جيدا .. و تعلموه كذلك زملاء آلاء .. و أهل آلاء .. و أولياء أمور زملاءها و زميلاتها ...

و مازالت دهشتى على سماح النظام بمثل هذا الغباء ... هناك أنظمة كانت تسحل المواطنين فى الشوارع قديما .. لكنهم كانوا يحرصون على أن يجعلوا المواطن العادى يكره المسحولين اعتقادا منهم أنهم (كفرة) أو (ملاحدة) أو (أعداءا للوطن) .. أما اليوم .. فكتبة النظام و عبيده .. مصرون بشكل غاية فى الحمق و الخطورة على أن يجعلوا المواطن العادى البسيط يزداد حنقه و تتعاظم نقمته على النظام بشكل فج واضح ...

مهيب

تم تعديل 25 يونيو 2006 بواسطة مهيب

[Tafshan]

الظاهر ان الاخت "ولاء " فهمت الموضوع غلط و كان قصد الامتحان بتعمير الصحراء اي استخدام التعميرة المناسبة كما هو دارج فى غرز المخدرات :angry2:

الحقيقة على قد ما كنت مبسوط بالفتاة ذات ال 14 ربيعاً و هى تتكلم بتلقائية شديدة و صراحة و وضوح لم تلوثه كياسة الايام و شعور ببصيص من الامل في الجيل القادم .. على قد ما حسيت بالاحباط الشديد لأن هذه الفتاه لن "تفكر" مرة اخرى ...

ما علينا... صحيح الماتش متباع

[اسود وتعالب وارنب]

الله يسامحكو

خلتوني أسيب ماتش منتخب التانجو ومنتخب المكسيك وأتفرج على البرنامج

بجد بجد

حلقة تاريخية ويجب أن يتم تسجيلها للتاريخ

فهي شهادة وتأريخ لعصر مبارك ( إنت كل حاجه هاتحشر مبارك فيها )

إسمعوا معايا كده

بنت طفلة صغيرة في أولى ثانوي يعني لسه بضفاير ... ولسه ما معهاش بطاقة شخصية .. ولسه في الرابعة أو الخامسة عشر .

تكتب موضوع إنشا ( تعبير ) في إمتحان أخر العام عن

عن

" تعمير الصحراء " ..... نقطة مقاطعة مني ... يا نهار مش فايت !!!!!!.. ده انا سايب إعدادي وثانوي من ييجي عشرين سنة .. ولسه أم موضوعات التعبير هي هي ... تعمير الصحراء ... حرب السادس من اكتوبر ... المولد النبوي ... عيد الأم "

يالله ما علينا

المهم البنت أسهبت في الكلام وخرمت على المحظور - من وجهة نظر مبارك - وقالت إن الرئيس الأمريكي لن يُعطي شباب مصر الفرصة في تعمير الصحراء وتحقيق الإكتفاء الذاتي من الغذاء لإنه يكره شباب مصر ...

ثم

ثم

تدخل رجال أمن الدولة البواسل

حماة مصر

وحماة العروبة

وشدوا البنت

وحققوا معاها عن طريق وزارة التربية والتعليم والحاجات الحلوة ...

ونفس اللي بنشوفه في الأفلام

غرفة تحقيقات شبة مُظلمة وناس قاعدين والطفلة قاعدة مرعوبة

تعرفوا كان أول سؤال من داخل المقرر إيه ؟

مين التنظيم اللي وراكي يا بت ؟

وإنتي تبع مين ؟

وتقصدي إيه بالكلام ده ؟

looooooooooooooooooool

وأسئلة من تلك النوعية الغبية

وفي الأخر كتبوها تعهد تقول فيه حقي برقبتي وأنا أن هابقى حماره ومش هافكر وإني بأعتذر عن ذلك

وفي الأخر أكتفوا بحجب نتيجة إمتحاناتها وأصدروا قرار مباركي رقم 75 تقسيم شي حا بإنها لازم تعيد السنة عشان تتربى

والله عسل

والله الرجل بقى عنده 78 سنة ودمه بقى زي السُكر

المهم أستضافوا على التليفون السيد وكيل وزارة التربية والتعليم بمحافظة التربية والتعليم اللي إتكلم كلام يموت من الضحك . وبإن البنت خرجت عن المألوف وعن العناصر المكونة لأي موضوع تعبير وكان لازم يتخذوا قرار جاد عشان يرجعوها للطريق الصحيح ... وفي اخر البرنامج ومع توسلات المذيعة إنهم يسقطوها في العربي بس وتبقى معاها ملحق وتدخل دور ثاني

فيقوم الجبان المتخاذل البيروقراطي يرد ويقول : بإن الله السيد الوزير هايعمل اللازم ...

الوزير اللي ممكن يكون عمره ما شاف وشه أساساً . لكنه أجبن من ان يأخذ قرار تافه زي ده بنفسه .. فلقد تعود هو ووزيرة على لعق أحذية النظام

بس عشان تعرفوا ان العالم دي متخلفه اولا ازاي يحقق مع طفله قاصر وليست مسئوله عن تصرفاتها قانونيه وبدون وجود ولي الامر اما لواعاملها علي انها شخص مسئول فمن حقها ان يحضر معها محامي خاص بها بس الراجل حب يعمل بنط جدعنه علي حساب العقل والمنطقي لاحسن يقولو عليه ارهابي ويروح يتوضب هناك شوفتو الراجل بيتكلم مع البنت وكانها عدو شخصي له ولما هم حرصون علي الادب والاخلاق اوي كده ما ورق الاجابه بتاع الطلبه مليان سباب من اول الثانوي الي الجماعه واللي بيصحح عارف البلاوي اللي الطلبه بيكتبوها ولما انت واعي اوي كده وبتقول خرجت علن الموضوع الغي درجه التعبير بس الظاهر ان المدرس اللي بلغ عن البنت فيه شيئ في نفسه تجاه الاسرة بدليل انه صعد الموضوع وبعدين زعلانين ليه علي بوش ما كل الابواب مكتوب عليها بوش اشمعنا الكراسات

[أسد]

أعتقد أنه ..

لو علم جورج بوش بهذه القصة لكرم تلك الفتاة ..

ولكن أعتقد المشكلة .. أن الطالبة كتبت في موضوعها على حسب روايتها .. أن هناك من يعمل لحساب جورج بوش ويبلغه بكل أخبار العالم . وهؤلاء هم من كبار المسئولين والحكام ..

وأن نظام الحكم عندنا مُحبط ..

وهذه هي المشكلة .. فالمشكلة ليست في بوش ...

أما عملية قهر طفلة عمرها 15 سنة .. فهذه كارثة إنسانية .. يجب أن يحاكموا عليها أمام محكمة العدل الدولية ...

وسلموا لي على السيده الفاضلة راعية الطفولة والأطفال ...

[عطر]

مصحح جبان وندل ورئيس كنترول خسيس ودنيء اما مديرية التربية والتعليم ووكيل الوزارة والجهة اللي اتصل بها امعات في يد الحكومة

الله يرحمنا ويخفف عنه غضبه

وسلموا لي على السيده الفاضلة راعية الطفولة والأطفال ...

بصراحة اخاف نسلم لك عليها :angry2:

لكن ياريت حد يسلم لنا كلنا على جمعية حقوق الإنسان كمان :blush:

[Sherief AbdelWahab]

وربما يشيد السيد الدكتور رابسو (اللي حينضف الوزارة كلها) بالمصحح ويصفه بأنه من المعلمين الشرفاء (جداً جداً جداً) ، ويرفض أي ضغوط عليه مؤكداً أن تعليم مصر له السيادة والريادة ولن يسمح بجنس مخلوق كائناً من كان بالتدخل في شئونه!

وزير التعليم يحمل درجة جامعية ، وكذلك كل من كانوا قبله ، لكن هل فكر أي منهم تفكيراً علمياً سليماً يوضح لنا ببساطة شديدة لماذا أقدمت الطالبة على ما اعتبره البيروقراطي فعلة شنعاء (وإن كنت أعتبر حصول هذا البيروقراطي على وظيفة في المجال الحكومي هو الفعلة الشنعاء)؟

خلص الكلام

[alnoobi]

يا بنتى يا أم المريله الكحلى .. يا شمس هالّه و طالّه م الكوله

تم تعديل 26 يونيو 2006 بواسطة alnoobi

[se_ Elsyed]

يا بنتى يا أم المريله الكحلى .. يا شمس هالّه و طالّه م الكوله

الأخ نوبي

نرجو تحري الدقة في المعلومات ... لو سمحت

إزاي البنت تكون لابسه لموني وتقول عليه كُحلي :rolleyes:

لذا وحيثما فيجب أنك تقول

يا بنت ياللي لابسه لموني ... حكومة مصر جننوا اللي خلفوني

[عطر]

يا بنتى يا أم المريله الكحلى .. يا شمس هالّه و طالّه م الكوله

ياقلبي قلبها على البراءة <_<

منهم لله المفتريين :rolleyes:

[كمبورا 6]

زملائى الاعزاء

صدقونى لازم نفرح بجد بجد

لانه طالما الامور وصلت للدرجة دى يبقى النهاية قربت

مع الاحترام

[أسد]

كما هو متوقع، جاء رد فعل »يسري الجمل« وزير التربية والتعليم مخيبا لآمال الطالبة »آلاء فرج مجاهد«- 15 سنة- التي حجبت مديرية التعليم في المنصورة نتيجتها في الصف الاول الثانوي- مدرسة شربين الثانوية الحديثة- لأنها انتقدت سياسة أمريكا وبوش في موضوع التعبير. جاء رد الوزير في رسالة بعثت بها المدرسة الي أسرة الطالبة، باعتبارها راسبة في مادة اللغة العربية، رغم ان درجات الطالبة في المادة- بدون اضافة التعبير- تؤهلها للنجاح!

جريدة الوفد ، عدد 27 يونيه 2006

ولم ينجح إلتماس العاشرة مساء لوزير التعليم ....

القهر .. هو عنوان الأحداث ...

[زعلان]

بدل ما تبوس ايديها وش وظهر أنهم رأفوا بيهاو بأهلها وما شردهومش

على فكرة البنت ده تقدر تعمل لجوء لأمريكا بسهولة

[أسد]

في العاشرة مساء بالأمس ... كان ضيوف الحلقة من مشايخ سيناء .. شمال سيناء بالتحديد ..

كان الحديث عن قص الأثر .. وقصاصي الأثر .. ومهارات بدو سيناء وخبراتهم وإنجازاتهم في هذا الموضوع .

ومن وقت لآخر كان يهل علىالحديث مدى تعاون أهل سيناء مع السلطات في القبض على الإرهابيين ..

وتعاونهم مع المخابرات المصرية إبان إحتلال سيناء ..

ومدى التعاون الأمني بين خبراء قص الأثر في سيناء ورجال الأمن

ثم بدأ الحديث عن رجال الأمن (الثقات) ..

ثم تطور الكلام للحديث عن إهمال الدولة لسيناء ..

ثم عن عدم تنمية سيناء ..

وتصاعد إلى الحديث عن المعتثلين بالعشرات دون ذنب ..

وعدم الإفراج عنهم بالرغم من تبرئتهم من قبل النائب العام ...

وتصاعدت حدة الحديث لتلمس إضهاد أهل سيناء ..

ثم ختم الكلام بمناشدة أجهزة الدولة بالإهتمام والنظر إلى أهل شمال سيناء .. بل والجلوس على مائدة مفاوضات معهم ..

وأصبح أهلنا في سيناء .. يتوسلون المواطنة من حكام مصر ...

وأهل شمال سيناء بالفعل مهملون بشدة ..

وأحوالهم بائسة بحق .. ولا توجد هناك تنمية أو خطط للتنمية للنهوض بالمنطقة واستعياب أهلها ..

وزادت في الفترةالأخيرة ذكر أهل شمال سيناء في الحديث عن الإرهاب وخروج عدد من الإرهابيين من وسطهم ..

وهذا أمر طبيعي ..

مع هذا الكم من الإهمال .. والإستهانة بهؤلاء الناس ....

[here _iam]

و لى طلب عند أخوانى فى المنتدى لو فيه حد بيقرا روز اليوسف يراقب لنا رد فعل كرم جابر على اللى اتعمل فيه أمبارح .. أظن نه بعد ما أكل الطوبه بتاعة أمبارح من الولد الشقى حسام بهجت حياخد ديله بين رجليه و و يا فكيك على بيته و يقف على الباب و هات يا هوهوه !!

للاسف مبستحملش روز يوسف بس علشان خاطر الي حصل في كرم جبر اليوم ده ظلت منتظر هيعمل أية و هو معرفش يعمل حاجة علي شاشات التلفاز راح يكتب برحته من غير محد يقطعه و يصحح الخرافات اللي بيقولها و ولا مذيعة تضحك علية و طبعا ده كلة في المجلة اللي جبتهالة لجنه السياسات هدية له

علشان مطولش عليكم :blink: هو كاتب(أسف قصدي ناقش ذي نقش الفراخ في الارض)

موضوع باسم "بكل لغات العالم جمعيات للتشهير بسمعة مصر"

http://rosaonline.net/alphadb/article.asp?view=1341

[أسد]

في حلقة الأربعاء 28 يونيه 2006 ..

استضافت منى الشاذلي وكيلين من وكلاء وزارة التربية والتعليم .. أحدهما من إعتمد القرار وهو وكيل الوزارة المسئول عن محافظة الدقهلية ..

من الواضح .. أنهما قررا السباحة مع السلطان .. ضد التيار ..

فكل من إتصل . وكل من كان جالساً في الاستوديو .. متعاطف مع الطالبة .. ولكنهما كانا في منتهى القسوة والظلم ..

وأصرا إلا أن يقهرا الطفلة ألاء ..

يتحدثا عن مبدأ الثواب والعقاب ...

وأن ما حدث هو قد حدث في ورقة إمتحان وهنا لا يمكن تدارك الأمر أو توجيه التلميذة ولكن يجب معاقبتها ...

وأوضحا أن هذا لغرس قيم الخلق الكريم لدى الطلبة والتلاميذ ، وغرس قيمة الثواب والعقاب . . وأن من أخطأ يجب أن يعاقب ..

العجيب أن كل من في حكومة مصر يعاقب الشعب ..

يقهرهم .. ويسجنهم .. ويسحلهم ..

كباراً أو أطفالأً ..

نساءً أو رجالاً ..

ونسوا هؤلاء أ، هناك قيمة فاضلة يجب أن يعلموها لأبناء مصر ..

التسامح ..

قيمة التسامح ...

حتى ولو أخطأت الطفلة ..

ألا يجوز مسامحتها ..

ونقل تلك القيمة الجميلة (التسامح) إلى أطفال مصر وتعليمهم إياها ...

أم أن الحل الوحيد هو القهر ...

إنه وبحق ظلم بين ... وقسوة ما بعدها قسوة ...

ولم تكفي إلتماسات الشعب المصري كله .. وطلباتهم لأن يتراجع الجبار عن جبروته ...

إذن ..

ليستعدوا لتحمل نتيجة أفعالهم .. ويتحملوا دعاء آلاف وملايين الأمهات والآباء عليهم ..

وعلى ظلمهم وتجبرهم .. وتكبرهم ...

في بلد نظامها الراسخ ..

عو القهر والذل والظلم ..

[أسد]

تامر حسني ...

قام بعمليات تزوير حقيقية .. في مستندات رسمية ..

وعندما حوكم في المحكمة ..

حكم عليه بعقوبة مع وقف التنفيذ ...

حفاظاً على مستقبله ...

مستقبل إيه ..

ده عالمه (من عوالم) ....

أما تلك الفتاة طظ فيها وفي مستقبلها وفي أهلها وفي كل الشعب ..

حاجة تحرق الدم ..

[nancy]

غريبة ان محدش لفت نظره حلقة يوم الثلاثاء

مع ان محسنة توفيق

كانت اكتر من هايلة .. لما شفتها

كنت سمعة فى ودانى مصر يابهية ياموطرحة وجلابية

كان كلامها قوى جدا وخصوصا اخر عشر دقايق

كانوا ضرب نار

وكلام واضح وصريح ان مصر بتغلى والثورة جاية والناس على وشك الغضب الحقيقى

محدش خد باله ولا انا اتهايالى وفهمت غلط

عموما كانت حلقة جميلة مع انسانة رائعة

لدرجة انى حسيت ان منى مش عرفة ترد ولا تسال فى الاخر

من قوة واحساس كلام محسنة توفيق

[alnoobi]

غريبة ان محدش لفت نظره حلقة يوم الثلاثاء

مع ان محسنة توفيق

كانت اكتر من هايلة .. لما شفتها

كنت سمعة فى ودانى مصر يابهية ياموطرحة وجلابية

كان كلامها قوى جدا وخصوصا اخر عشر دقايق

كانوا ضرب نار

وكلام واضح وصريح ان مصر بتغلى والثورة جاية والناس على وشك الغضب الحقيقى

محدش خد باله ولا انا اتهايالى وفهمت غلط

عموما كانت حلقة جميلة مع انسانة رائعة

لدرجة انى حسيت ان منى مش عرفة ترد ولا تسال فى الاخر

من قوة واحساس كلام محسنة توفيق

و هى أيضا أم رائعه .. أقول هذا و أنا لم أتشرف بمقابلتها بعد .. و لكنى أعرف ابنها المهندس وائل خليل أحد ناشطى الحركه المصريه من أجل التغيير ( كفايه ) و الذى أفرج عنه مؤخرا بعد اعتقاله لمشاركته فى مظاهرات التضامن مع القضاه .

قناة دريم 2 غير موجوده من مساء الأمس و توجد على نفس التردد القناه الرابعه الكويتيه !!

هو فيه ايه ؟

المشكله دى عند الكل و لا أنا بس ؟

[se_ Elsyed]

قناة دريم 2 غير موجوده من مساء الأمس و توجد على نفس التردد القناه الرابعه الكويتيه !!

هو فيه ايه ؟

المشكله دى عند الكل و لا أنا بس

إذا ً يجب أن أتدخل

بس جاوب على كام سؤال الأول :

س1 : هل في مشاكل بينك وبين الكابتن أحمد شوبير نائب رئيس إتحاد الكورة ومُقدم برنامج الكورة مع دريم ورئيس البرامج الرياضية في قناة الدريم .. واللي بيصلح ساعات بعد الضُهر ؟

س2 : ما هي علاقتك بحركة كفاية .. ومين اللي بيمولكو .. وعايزين إيه من مصر ؟

لما تجاوب على الأسئلة دي أقدر أقولك إن قنوات دريم بخير .. بس ممكن تعمل ريفريش للقنوات من تاني أو تعمل بحث بنفس التردد بتاع القناة .. وخلي بالك . دريم 2 بتتكلم كويتي اليومين دول أصلهم بيتابعوا عن كثب الإنتخابات البرلمانية اللي هاتحصل في الكويت النهاردة ...

سين سين .. أخصائي تصليح دشات .. وعضو نقابة البنجلاديشين الأحرار اللي مسيطرين على السوق ده هنا ..

[KANE]

تم نقل تردد دريم 2 إلى تردد جديد

11842

H

27500

3/4