رسالة إلى الحمار

[العبد الفقير]

يابلدنا ياحبيبة

جتنا نيلة وألف خيبة

لو حنحلم أنك أنتى

لسه برضه أم العروبة

يابلدنا ده كان زمان

قبل ما نشد الحزام

وراح المغفل يوقع

إتفاقية سلام

أشترونا بكام دولار

دخلوا ف حساب الحمار

وفهمونا إن المعاهدة

بتنهى أيام الدمار

وراح بيجن وجه شارون

غسل اللى كتبه بصابون

وقال إن سوريا حتخرم

ف سما اليهود الأزون

وبكره الدور يجى علينا

ما أحنا سلمنا بأدينا

بغداد والجولان وغزة

ورفح والقدس الحزينة

يامبارك أعمل حسابك

الخطر واقف ببابك

لو حتسهى أو حتغفل

مش حتلاقى شبر ف ترابك

التوقيع

العبد الفقير

يابلدنا ياعزيزة فيكى حاجة محيرانى

نزرع القمح ف سنين . تطرح الكوسة ف ثوانى

[المدهش]

تسلم يا ايها العبد الفقير ..القصيدة جميلة وفكرتها رائعة..لكن هناك بعض الكسور في اوزانها ..عليك وعلى دروس بنت مصرية في العروض هتلاقيها في باب قراءات وشعر وادب..أحسنت يا شاعر.

[لخبطه]

جميله العبد الفقير شغل حلو و الظاهر انته بتكتب من فتره لانك محافظ على ايقاع حلو

بس العنوان بلاش يكون بالشكل دا لان الناس هنا بتعتبر دا سب مباشر وبيني وبينك عندهم حق

[سمـ مصر ــا]

أهلا بك أخى العبد الفقير بيننا فى محاورات المصريين

وجميل قلمك السلس فى التعبير وفكرتك التى قدمتها لنا

والأجمل هو اننا إكتسبنا قلمك الرائع بيننا

[العبد الفقير]

إلى كل من قام بالرد ومن لم يقم بالرد

لكم كل تقديرى وحبى وأمتنانى

أشكركم جميعا

[مصرية يعني مصرية]

شعر جميل يا عبد فقير

بس الأجمل منو توقيعك

مرحبا بك معانا و يلا روح

لركن الترحيب في المحاورات

خلينا نكرمك كما يجب

الموضوع إسمه ( نعرف بعض أكثر)

[العبد الفقير]

اختى مصرية

أشكر لحضرتك مرورك الكريم وتوجيهاتك القيمة

سوف أذهب إلى ركن الترحيب