طلب مساعدة وأستفسار عن تأشيرة عمل بدُبي

[محمد دياب]

HI GUYS

I hope that any of you can help me with that. I have been selected to work in Dubai as an assistant professor in one of the universities there and I noticed that the human resources department said they will send me a COPY of the employment visa and upon my arrival to Dubai inshallah a representitive of the university will be waiting for me in Dubai airport with the ORIGINAL copy of my employment visa. My question is that procedure of me having a COPY of the visa not the visa itself is valid? I mean will the authorities at cairo airport will let me pass while i hold only the copy visa not the original. i really have some doubts about that and i never heard that you can go to any country with a copy of the visa!!!!. so if there's anyone here that can share with me his/her insights about that i would really appreciate it.

Thanks

[Dr.mmfriend]

يا استاذ محمد

السلام عليكم الاول

احب اطمنك ان الموضوع ده سليم وحصل فعلا

لي صديق مهندس سافر قطر بالطريقه دي بالظبط

كان ليه واحد هناك بعتله اميل فيه صوره باسكانر من الفيزا وصاحبنا طبعها واخدها معاه

وهناك بيشوفوا اسمه علي الكمبيوتر عندهم ولما يلاقوه يدخلوه البلد

مش دبي دي عاصمة قطر برضه

متقلقش خالص واطمن

وفقكم الله وسدد خطاكم

وعموما اسال تاني

انا قلتلك اللي اعرفه

واعذرني لقلة معلوماتي

سلام

[amir]

الفاضل محمد دياب

هذه هى الاجراءات المتبعه حاليا وهى صحيحه و مقبوله فى مطار القاهره و حتى فى استخراج تصريح السفر ... تؤكل على اللـه و ربنا يوفقك فى عملك الجديد

بلاش تسمع كلام Dr.mmfriend اللى بيقولك ان دبى عاصمه قطر !!

<_<

[محمد دياب]

thanks ya gama3a . i was really worried about that.

[yasovinas]

الاستاذ محمد اولا اهلا بيك في المحاورات

ثانيا سوف تنور الامارات ودبي وابو ظبي العاصمه ولتزيد الباقه ورده جديده مزهره ومفرحه (باقة المحاوراتية بالامارات)

شوف يا غالي الاجراء ليس عليه اي غبار حضرتك سوف تخرج من مطار القاهرة بناء على هذه الصورة ولكن وحسب اخر المعلومات فان المطلوب اذا كانت صورة للفيزا ان يتم توثيقها منسفارة مصر بدبي وهو ما يطلبه قسم تصاريح العمل بمصر او البديل ان يكون اصل الفيزا في يدك عندماتتقدم لاستخراج تصريح العمل لذا انصحك بان تطلب منهم ارسال الاصل اليك افضل ولو ان وجود الاصل معهم سوف يلزمهم بارسال مندوب عن الجامعه لاستقبالك

على كل حال حضرتك اطلب منهم توثيق الصورة من القنصليه المصريه بدبي قبل ارسال الصورة تحياتي وفي انتظار تشريفك الى الامارات

[se_ Elsyed]

تم ترجمة العنوان إلى اللغة العربية

الأخ محمد دياب : نرجو إستخدام اللغة العربية في الكتابة لسهولة التواصل.

[واحد تاني]

مش دبي دي عاصمة قطر برضه

اؤيد كلام امير وكلام كبير الرابطة ابو قلب ابيض بخصوص الفيزا...

بس ليا تعقيب بسيط على الدكتور mm وهو انها ليست عاصمة قطر وانما هي الميناء التجاري لمملكة البحرين ...

انت ما بتضحكش ليه ..... :)

[Dr.mmfriend]

وحياتك يا غالي انا فاكر ان دبي عاصمة قطر

عموما مش فارقه كتير

كلهم واحد

قطر والامارات والبحرين

كله واحد

ربنا يوعدنا بعقد فيها

عموما انا بس حبيت اساعد الراجل

استأذنكم انا بقي

جوود باى

[محمد دياب]

الاخ الكريم ياسو شكرا جزيلا لك و لكل الاخوة اللي قالولي رايهم

معلهش يا اخ ياسو هاتقل عليك شويه في السؤال و ربنا يجازيك خير يا رب

افرض الجامعة في الامارات قالتلي انهم مش بيوثقوا الفيزا في القنصليه المصريه بدبي ساعتها ممكن يحصللي مشاكل في مطار القاهرة لو صورة الفيزا من غير توثيق؟

يعني التوثيق ده اجراء ضروري للسفر و الا لا ؟

ارجوكم يا جماعة ساعدوني اخوكم محتاس خالص .......و الف شكر مقدما

[Tafshan]

العزيز دياب ..

اولاً مرحباً بك وسط عائلتك الثانية اعضاء رابطة المحاورات بالامارات :)

الاجرائات اللى قال عليها العزيز ياسو تنطبق على تأشيرة العمل و لا تنطبقق على تأشيرة الزيارة ... حسب اللى قرأته لو انا مش غلطان انت جى بفيزا زيارة مش كده ؟؟

في الحالة دى كفايا الصورة و بتستلم الاصل في المطار - لو الفيزا مش صادرة من دبي - لأن فيزا دبي بيبقى فيها بار كود هو كل اللى انت بتحتاجله لأن دبي بتعتمد الحكومه الاليكترونية في معاملات الجنسية و الهجرة .. و بالتالى حتى الاصل في المطار فمش مهم ... باقى الامارات بتعمل الفيزا العادية المطبوعة و بالتالى بتأخذ الاصل في المطار ... لاحظ ان موظفوا الهجرة في المطار ح يساعدوك ان شاء الله ... و ربنا معك mfb:

حاجه كمان ..

اغلب الجامعات في الامارات لا تقدم معاملاتها من خلال دائرة العمل و العمال (زي وزارة العمل كده ) .. و بالتالى ممكن يكون اجرائاتهم بالنسبة للاقامة مختلفه عن اللى قاله ياسو ...

[yasovinas]

صباح الفل على احلى ناس طبعا انا بشكر الغالي محمد لانه خللى الخلايا النئمة امثال امير الطحال كوكيز وطفشان الاصفر يظهروا ويبانوا

شوف يا استاذي الفاضل بالنسبة لسؤال حضرتك فالموضوع مرتبط باستخراج تصريح اعمل اللي بيتم استخراجه من مكتب تصاريح العمل في مكان اقامتك بمصر المحروسه وهو ضروري طبعا لو كنت مسافر بفيزة عمل اما لو كانت الفيزا اللي حضرتك جاي بيها فيزة زيارة وليست عمل فكما قال ابو طفاطيف الاصفر ما فيش اي مشاكل تيجي وتشرفنا بموجب الصورة وتخرج من مصر زي الباشا وبدون الحاجه الى استخراج تصريح عمل لانك جاي للزيارة وليس للعمل وكمام كما قال طفطف لو كنت زيارة على دبي يبقى الكود بتاع الفيزا كافي وبصراحه في مطار دبي هتلاقي خدمه ممتازة

بالنسبة للنقطة اللي ذكرها طفطوف في الاخر من ان الجامعات لا تتبع العمل والعمال فهو امر صحيح في بعض الجامعات وليس كلها وهي تتبع الجوازات مباشرة مثلها مثل اي جهة حكوميه ولكن هذا لا يمنع طلب ادارة تصاريح العمل في مصر اما اصل الفيزا او صورة موثقة من السفارة المصريه بالامارات

وكما قلنا لو كنت حضرتك جاي فيزة {زيارة} يبقى ما فيش اي مشاكل على الاطلاق ومش محتاج لا تنصريح عمل ولا توثيق اي شيء

ومنتظرينك

[autoscriptor]

جئت إلى الإمارات بنفس الطريقة وكانت لدي في القاهرة صورة تأشيرة العمل. استخرجت تصريح العمل من القاهرة بناءًا خطاب صادر من الملحقية الثقافية الإماراتية بالقاهرة نيابة عن جامعة الإمارات (الجامعة الحكومية الاتحادية) واعتقد انه من الممكن استخراج تصريح العمل بناءًا على عقد العمل أو عرض عمل رسمي موثق من سفارة الإمارات بالقاهرة. ان كنت من المقيمين بالقاهرة فإن تعاملات المركز الرئيسي لتصاريح العمل (امام مرور القاهرة) سهلة ويتم تسليم تصريح العمل في نفس اليوم وممن الممكن المرور عليهم للسؤال أو محاولة التحدث إليهم بالتليفون ان أمكن.

تمنياتي لك بالتوفيق