مع الشكر لنانسي..من بقي لك من اصدقائك؟!

[نورية]

نانسى حبيبتى والله انتى اللى رقيقة و حلوة و بريئة. :blink: . وزى ما قولتى (حياتى اختلفت وافكارى وكلامى)... دة برده ليه تأثير كبير جدا...

المدهش ... ربنا يخليك ياااااااااا رب... والله مش حكاية كتابة او سرد قصص..

الموضوع ان الحكاية دى كانت جارحانى من جوة.. تعبانى بجد...طول اربع سنين و انا كنت متخيل لقائنا راح يكون عامل ازاى... كنت فاكراه (شوربة عدس ملهلبة...طلع ايس كريم).. للاسف... و ادينا بنتعلم و الدنيا بتعلم فينا... :rolleyes:

مريوم المصرية

بتقوليلى طنط؟؟!!!!!!!!!!!!!!!! :D مصيبة لا تكونى فاكرانى طنط بجد :angry:

عامة انا قصدى بكلمة (تفاهات) .. الحاجات اللى كانت بتبكينا زمان بحررررررررررقة و دلوقتى جنب اللى بيبكينا دلوقتى ولا حاجة... بالعكس.. احنا بنبتسم لما بنفتكرها. :angry:

[الباشمهندس ياسر]

بقى من اصدقائى ... كام واحد يا ابو اليسر

تقريبا هما هما

اى حد فينا بيبقى موجود ف مصر بيتصل بالباقى

انما طبيعة شغلنا ان معظمنا بره بصورة مستمرة

و اللى موجود ف البلد اتنين بس

للرفع و اى خدمة

[عنبو]

ياه الاصدقاء اجمل شىء فى الدنيا ان الواحد ربنا يبعتله صديق بجد بيحبه ويخاف عليه ومافيش بينهم اى فرق والله انا نفسى اجوز واحده تبقى صاحبتى يعنى اقعد واحكى معها فى كل حاجه ومش نمل من بعض ومندخلش حد بينا مهما كانت الظروف

انا ليا واحد صاحبى محامى أ ح ده اعز اعز اصدقائى فى كل موقف بيسبتلى انه بجد صديق واخ عزيز مواقف كانت صعبه وبدون لما تقله تلاقيه جنبك مش يوم ولا اتنين ولا تلاته على طول ويسيب كل حاجه حتى لو كانت ايه ؟؟ ويفضل جنى افتكر لما كان والدى الله يركمه كان تعبان اقعدنا انا وهو تلات شهور مع والدى فى المستشفى وماملش ومش اقلى اى حاجه ولا حسسنى انى متقل عليه مع انى كنت بتحايل عليه علشان يروح بس عمره ما كان يرضى ومواقف كتير بجد احنا مش بندخل حد بينا خالص مهما حصل بينا لدرجة ان الناس خلاص عرفوا ان الداخل بينا خسران

واحد صاحبى تانى بس ده كيميائى م م زميل دراسه سنه بسنه من الناس اللى الواحد صعب يلاقى زيهم يعنى كان مره عندنا امتحان عملى وانا جايلى تليفون ان فيه مشكله فى البيت اقبل الامتحان وكان لابد اروح ساب الامتحان ومرضيش يحضره وجه معايا مع انى اتحيلت عليه علشان يروح الامتحان وتانى يوم روحنا انا وهو للدكتور ولما عرف الموضوع ادانا الدراجات بتعتة الامتحان بس مش تقولوا لحد

وفيه برضه م ي وده مهندس ميكانيكا برضه مواقف ومواقف كتير وفيه برضه م س وده كيميائى وده برضه مواقف ومواقف

دول اللى الواحد اتسحاله يزعل منهم

طبعا انا ليا اصحاب كتير اقوى ولو اقعدت اتكلم عنهم مش هخلص بس دول على سبيل المثال مش اكتر

[السويفي]

السلام عليكم:

بسم الله الرحمن الرحيم نبدأ العد

2 عدد اصدقاء من 2 ابتدائي((ما زلنا على اتصال وود كبير ولكن ظروف السفر))

عدد واحد صديق من 1 اعدادي((ما زلنا على اتصال وود كبير ولكن ظروف السفر))

عدد واحد صديق من الجامعه((ما زلنا على اتصال وود كبير جداااااااا ولكن ظروف السفر))

عدد 9 اصدقاء جيران ((ما زلنا على اتصال وود كبير جداااااااا ولكن ظروف السفر))

وعدد 2 كرسي وكنبه

[nancy]

لما جالى الى اميلى مع الشكر لنانسى من بقى لك من اصدقائك

فتحت الموضوع لاقيت ان دة كلام من3 سنوات

يعنى الحال اتغيربس اصحاب زمان زى ما هما انما اصحاب المحاورات اختفوا كل واحد فى ظروف واسباب واكتشافات وتغيرات مختلفة

ربنا ريرجع الناس الى كانت

وشكرا انكم فكرتونى بالاصحاب