نفسك في ايه ...؟؟؟

[eastsoul]

دوام رضى ربنا عليا و الصحة و الستر.

[hopsan]

واحد تانى00000 واحد تانى 00000 دى معناها خليك فى حالك؟--- اقصد فى حلمك؟

يا قبطان...

لا يافندم ... طبعا مقدرش اقول كده...

قصدي اني ممكن اظبط اموري مع رمضان في 3 شهور غيري ممكن شهر او 6... كابيش ؟؟؟ كابيتو ؟؟؟

يس سير انديد

طيب علشان انت طلعب طيب و حلو و محبتش تكسفنى خد البوقين دول

نفسى اشوف الإحترام رجع تانى

نفسى اسمع جمله اللى فاته الميرى يتمرغ فى ترابه

نفسى ترجع المدارس الحكوميه ذات الصيت مثل الخديويه و السينيه و غيره و اللى يدخلها تبقى امه دعياله

نفسى اشوف مدرج كليه فيه 50 طالب بس

نفسى اشوف خريج ثانويه عامه يعرف يكتب موضوع انشا على الا تزيد اخطائه عن العشرين خطأ لغوى بس

نفسى اشوف مواصله عامه عدد اللى فيها هما عدد الكراسى محدش يقولى السوبرجت

نفسى اشوف البحر من شارع الكورنيش انا مش طماع و السنه دى محدش حيشوف البحر فى سيدى بشر حتى لو واقف على الرصيف

نفسى ماشوفش حد قاعد على قهوه فى عز الظهر و المفروض انه شغال فى مكان ما

نفسى الاقى عماره واحده فيكى يا مصر يكون السطح فيها نظيف

نفسى امشى باليل ماشوفش اطفال الكله و هم بيشمو فيها

نفسى ازور مستشفى ابو الريش ملاقيش طفل فيها

نفسى اشوف طفل وشه بيضحك مش شايل هم بكره

نفسى اشوف طفل بيلعب السيجا و الأستغمايه و البلى و يطير طياره ورق مش قاعد ليله و نهاره امام الكمبيوتر

نفسى اصح الصبح و اسمع حفيف الشجر اللى كان موجود بدل اصوات اكياس الزباله التى تلقى من الدور الحادى عشر

نفسى اسمع بائع الروبابيكيا يكتفى بصوته الجهورى فقط بدل من الميكروفون اللى بيجيب النطقه كلها فى ثانيه واحده

نفسى والدى الله يرحمه يشوفنى و انا قائد سفينه حمولتها 75 الف طن قبل ما يقول انت مش حتنفع تقود فلوكه فى بانيو

نفسى اجتمع مع اخوتى مره واحده وفى مكان واحد و لمده عشر دقائق آخر مره حصل الكلام ده كان من 25 سنه

نفسى اشوف اولادى رجاله مش اكتر

نفسى الاقى مكان اركن فيه وقت ما احب اركن

نفسى فى سياره اطويها و اسيبها عند البواب زى ما كنت بعمل مع البيسكلت زمان

نفسى اشوف علم مصر و مرسوم عليه الهرم بدل النسر و يتغير خاتم النسر ليصبح خاتم الهرم0000 تتغير المسميات و الروتين واحد

نفسى اشوف المنتدى ده و قد اصبح المنتدى الرسمى لشعب مصر و ساعتها اقدر ابيع عضويتى فى المزاد

[hopsan]

متشكرين يا فندم

نردهالك في الأفرااااااااااااااااااااااااح

شفتى بقى يا بنت شعنونه خوفتى ازاى عليهم و كنتى بس عامله منفعله و معرفش ايه و ( اتابى ) على رأى المصاروه ( كلاكيت خمسين مره ) قلبك طلع قلب خسايه و انا قلت قبل كده مينفعش التعامل مع الحريم فى الأمور اللى زى دى و بعدين دنا قلت لك على اللى على الرف بس امال حتقولى ايه لما افتحلك الدولاب اللى فى البدروم ؟؟ حاجات ربنا يستر على اللى يشوفها حاجات تخلى ابليس يقولى يا اونكل

يبقى نرجع لأول السطر و تقولى انا زعلانه منهم و كفايه على كده وبلاش حكايه الأمراض المستعصيه دى احس افتحلك الدولاب اللى فى البدروم و الطيب احسن

[واحد تاني]

نفسي لا أحتاج لواسطة عشان ابني يدخل المدرسة ... او الجيش ... او الوظيفة

وكمان

نفسي اعرف اقول لوالدي قد ايه أنا بحبه... وبفتقده ... زي ما هو بيعرف يقول

[hopsan]

نفسي اعرف اقول لوالدي قد ايه أنا بحبه... وبفتقده ... زي ما هو بيعرف يقول

واحد تانى 000 معرفش ليه لما بحب شخص احب اعاكسه 000

انا اقولك تعمل ايه فى الحكايه دى

بسيطه اديله اللينك بتاع الصفحه دى و هو حيعرف علطول

[واحد تاني]

شكلك هتتعبني معاك... :angry2:

بقول نفسي اقووول ... ما هو اكيد عارف من غير اللينك ... :blush:

نفسي الاقي وقت اروح النادي ... زي ما كنت قبل ما اعرف محاورات المصريين

وكمان

نفسي يوسف يخف بسرعة... ويبقى تمام

[واحد تاني]

نفسي الجنيه ... يبقى عنده دم

[Bya]

نفسك في ايه ...؟؟؟

سؤال عميق ... ومحير !

ما علينا ...

نفسى أفهم المصريين - إلى هما إحنا - علشان أنا خلاص غلب حمارى فى المسألة دى

نفسى أحس بالأمن والأمان

نفسى أكون مفيد لبلدى

نفسى ربنا يرضى عنى ويهدينى

نفسى أحقق إلى عمرى بأحلم بيه

نفسى الأخ hopsan يدى الـ 100 مليون للمصريين لأنهم أولى - ومع كامل إحترامى لإخوانا الفلسطينيين إلا أن منهم عتاة فى السرقة فى ما تسمى بالسلطة الفلسطينية ومليارديرات - بلا مبالغة - فى الخليج لا هم لهم سوى مص دماء الناس وليس عند البعض منهم إستعداد إن يتبرع بفلس لبنى جلدته ... معلش أصل هما بيستفزونى كتير .

نفسى ربنا يورينى يوم فى كل ظالم وحرامى وابن ستين كلب

[واحد تاني]

نفسي تراجع اخر سطر

نفسي لما اتكلم مع طفل مصري...الاقيه عارف حاجة عن التاريخ والفن والكواكب والصحابة

[se_ Elsyed]

ماشى :lol:

نفسى اعمل زيارة لقبر الرسول قبل ما سافر بعد اسبوع

نحن لا نزور القبور يا ست نانسي

ولكن نزور المسجد

خدوها من قدامي دلوقت

[se_ Elsyed]

نفسي أعيش لحد ما أشوف وش رئيس تاني غير مبارك ...

وماحدش يقولي ينفع " جمال مبارك " ؟

--

نفسي في كوبري كبييييير رايح جاي بين الرياض والقاهرة .. والواحد يقدر يمشي فيه بعربيته على سُرعة 350 ك ( 1500 ك في السعودية + 700 ك في مصر =2200 ك ومأقفش إلا عشان أمون في تبوك أو لما تكون في لجنة عشان الأوفر سبيد ويسحبوا رخصي ... يبقى كده أوصل بيتنا في 6 ساعات أسلم على ماما وأضرب طبق محشي وأرجع الدوام تاني يوم الصبح ) ... حلم صعب المنال

ونفسي المنتخب السعودي يوصل الدور الثاني في كأس العالم

واحد بيقولي تحب الكوبري رايح جاي ولا رايح بس :lol: :P

--------------------------------------------

ونفسي أروح أعمل عُمره قبل ما أنزل أجازة

وبعدين أعدي على موديست في جده .. ويعزمني على أكلة سمك من اللي وصى عليها قدورة في التذكرة ( واللي يتبقى أجيبه معايا الرياض أكل فيه يومين تلاتة ) .. وبعدين أعدي على محبط أضرب معاه واحد شاي تقيل عشان أعوم السمك وعشان كمان ياكل وداني بأخر مستجدات الفن التكحيتي على الساحة التجريدية ... ويا سلام لو هما الإتنين يلموا من بعض ويبعتوا لي تمن التذكرة .....

[nancy]

انت نفسك واسعة اوى يا س س

انت حتعدى على كل الناس دى باية بالعجلة :lol:

[غيداء]

نفسي افتح عين واغمض عين الاقي ولادي كبروا :sad:

نفسي انام الصبح من غير ما ابني احمد يجي ويحط اصبعه بعيني ويقولي ماما اصحي :lol:

نفسي اكمل تعليمي واخد الماجستير :P احلام اليقظة انا عارفة مع 3 ولاد :excl:

نفسي اضرب حدا -_-

[سمـ مصر ــا]

نفسى الأيام تمر بسرعة

وأرجع لحضن أمى أصلها وحشانى قوى

[Cleo]

نفسى أغمض وأفتح ألاقى أمريكا اختفت من الوجود... أظن ساعتها هيبقى العالم أكثر سلاما

[وليد صفوت]

نفسى كليو ماتفكرش لبعيد اوى كده :lol:

نفسى اجيب عدة توزيع موسيقى كاملة عشان اشتغل بنفس بقى -_- ... نفسى اشتغل فى شركة كويسة مافيهاش نفسيات ( حلم اهبل لواحد جديد مش عارف حاجة :D )

و أخيراً ...........

نفسى اخد إعفاااااااااااااااااااااااااااااااا من الجيييييييييييييييييييييييييييييييييييييش :P :excl: :sad:

[النسر المصري]

نفسى اصحى من النوم الاقى مصر دولة متحضرة

النظام رقم1 ف كل شىئ والناس تعمل كدة عشان بتحب كدة بتحب النظام موش خايفين من العقاب او غرامة او اى حاجة

النظافة رقم 2 النظافة ف الشوارع والمكاتب والهيءات الحكومية والمستشفيات والنظافة ف القلوب

الحب

الحب بين البشر من غير مصالحى ومصالحك

بحبك ف اللة عشان ربنا امرنى بكدة حتى لو انت موش مسلم واختلفنا ف الدين لكم دينكم ولي دينى واعاملك بالحسنى

الاتقان ف العمل

نفسى كل واحد يتقن عملو بجد من غير رقيب وكفاية رقابة ربنا علينا

احترام الصغير للكبير وعطف الكبير على الصغير

نفسى كل واحد عندو خبرة يعلمها للصغير بحب

يعنى مثلا بدال الناس ما يخرجوا معاشات على سن الستين وهوة ف الوقت دة وصل لقمة الخبرة والفهم لشغلة

لية الحكومة ما تحاولش تعطية دخل بسيط ف مقابل انو يعمل دورات للشاب الصغير اللى داخل مجال الشغل دة

ويبتدى الشاب من حيث انتهى الكهل وبكدة نتقدم ف اى مجال

نفسى ونفسى ونفسى.......

كلها احلام ف زمن ضاعت فية الاحلام

حد يا اخواني اعضاء المنتدى واحبائي الدائمين .....حد يقول ان في احلام اعقل من كده

السيده الرائعه سهيله انكرت نفسها وفكرت في غيرها

اني لا اجرؤ ان اكتب كلاما اعقل من ذلك

سلمت اناملك يا سهيله

وارشح تلك المداخله كافضل مداخله في هذا الموضوع وبلا منازع

[Modest]

نفسي أروح أعمل عُمره قبل ما أنزل أجازة

وبعدين أعدي على موديست في جده .. ويعزمني على أكلة سمك من اللي وصى عليها قدورة في التذكرة ( واللي يتبقى أجيبه معايا الرياض أكل فيه يومين تلاتة )

و يقول لك الاسكندرانية همَّا اللي فنجرية بوء :excl:

طيب نفسي تيجي يا سين سين و نطلع العمرة سوا .. و التذكرة (تذكرة الطيارة مش تذكرة قدورة :P ) و أكلة السمك عليّا - و $%^ اللي يرجع في كلامُه - بس انت حدد الميعاد :lol:

[واحد تاني]

نفسي احفظ القرآن ... وافهم معانيه

[se_ Elsyed]

طيب نفسي تيجي يا سين سين و نطلع العمرة سوا .. و التذكرة (تذكرة الطيارة مش تذكرة قدورة :P ) و أكلة السمك عليّا - و $%^ اللي يرجع في كلامُه - بس انت حدد الميعاد :lol:

نفسي أعيط

ونفسي ألحق أكلم موديست قبل ما يعقل ويرجع في كلامه

-----------

نفسى اخد إعفاااااااااااااااااااااااااااااااا من الجيييييييييييييييييييييييييييييييييييييش

نفسي ما يتحققش إلا في نفس وليد

-------