أحبك بس مش طايقك

[Hammer]

رسااله من زوج لزوجته :

لقد أن الاوان لكي ابوح لكي بما يجتاح فكري و قلبي و هو تكسير

الحواجز التي بيننا أعرف ان هذه الافكار بنفس الوقت قد تدور في

راسك و لكن لابد ان تفهمي جيدا انني لا اريد و اتمنى لكي سوى

ان تكوني معي و الي جانبي للابد فالحياة التي اعيشها بدونك كأنها

جهنم الحمرا صدقيني ذلك احساسي فهل تلبين طلبي و تخلعين

عنك هذه الافكار الباليه و لنبدأ معا صفحة جديدة و تبدلي الهموم كما تبدلين

عبائتك حتى يراكي الناس كما انت على حقيقتك اما انا فأريد ان اقطع

جميع علاقاتي السابقة مع الجنس اللطيف و كل ما اتمنى ان يكون على

يديك لارتاح و يرتاح قلبي و لكي ازداد شجاعة و قوه و استطيع اقتلاع

الحزن اللذي ملكني و اتعبني فلا تصدقي الا ما تريه من خلال

عينيكي و لا تتعجبي ففي تلك رغبتي في الدنيا و حقا اقول ان وجهك

نور اضاء ظلمات حياتي التعيسه التي كانت بدون مبالغة بدونك

بؤس و شؤم و كلما نظرت اليكي و تكلمت معك كان كلامك و صوتك

كالموسيقى التي تعزف احلى الالحان حتى ظننت ان باقي الاصوات

نهيق و عواء و لا انسى ذلك اليوم الذي عرفتك فيه فقد كان حقا يوم

ولادتي من جديد في هذه الدنيا و عمري اللذي مضى بدونك كان

ملعونا و ثقيلا فصدقيني هذه الحقيقة اقولها بكل صراحه

فيا حسرة على ما مضى من سنين .

كانت هذه هي الرسالة العاطفية المرسلة ..

أما المشاعر الحقيقية ... فلكي تعرفها ... الرجاء القراءة مرة أخري سطر و ترك سطر .

__________________

[yacho]

هاااااااااااااااااااااااااااااااااااااااااااااااااامر :P

حلوه قوى ;)

[Hammer]

يا ياشو الموضوع ده منقول

يعني مش أنا اللي كاتبه .... مش أنا اللي كاتبه :P

إستري عليّ ربنا يستر عليك

[yacho]

هامر .. هو انا قلت حاجه خالص .. دانا حتى بقولك حلوه

بس انا بقى نظامى .....

ما شتمك الا اللى بلغك .. وانت اللى بلغت :P

بس ياللا سماح مش حنعملولك حاجه المره دى ;)

تم تعديل 25 يونيو 2006 بواسطة yacho

[غيداء]

بعد حذف السطور :angry2:

لقد أن الاوان لكي ابوح لكي بما يجتاح فكري و قلبي و هو تكسير

راسك و لكن لابد ان تفهمي جيدا انني لا اريد و اتمنى لكي سوى

جهنم الحمرا صدقيني ذلك احساسي فهل تلبين طلبي و تخلعين

عبائتك حتى يراكي الناس كما انت على حقيقتك اما انا فأريد ان اقطع

يديك لارتاح و يرتاح قلبي و لكي ازداد شجاعة و قوه و استطيع اقتلاع

عينيكي و لا تتعجبي ففي تلك رغبتي في الدنيا و حقا اقول ان وجهك

بؤس و شؤم و كلما نظرت اليكي و تكلمت معك كان كلامك و صوتك

نهيق و عواء و لا انسى ذلك اليوم الذي عرفتك فيه فقد كان حقا يوم

ملعونا و ثقيلا فصدقيني هذه الحقيقة اقولها بكل صراحه

فيا حسرة على ما مضى من سنين .

ماشي ماشي هاتو الكرباج :blush:

[اسود وتعالب وارنب]

ليه ليه كده ياهمر تفتح علي نفسك فتوحه وليه تبدي بالشر يعني لما نلموا الحريم دلوقتي و نعملو هجموم مباغت عليك بنات واحد قصيده متبله بالملح والفلفل علي الاستاذ همر فيه حد عنده رساله هجاء من بتاعت زمان علي شاكله مكرم مفرم ياريت واحده تبدع يلي هجججججججججججججججججججججججووووووووووم

[Hammer]

يا جماعة .... القصيدة المنشورة لا تعبر إلا عن رأي صاحبها :angry2:

و الراجل ده يعتبر قلة قليلة مندسة في وسط كل الرجالة اللي في الدنيا

هو في راجل عاقل في الدنيا دي ما بيحبش مراته حبيبته برضه و يكون شايفها أجمل و ألطف و أظرف و أخف واحدة في الدنيا .

ده يبقي مجنون يستاهل الإعدام و الشنق و الضرب بالسيف مع بعض .

عقل بالي :

:blush:

[nancy]

هامر دى لو صلت للى بالى بالك مش حتقعد على كنبة الانتخة ولا حتشوف المباريات

حتقعد على باب البيت :P

بس مش حنوصلها مع ان الى نشر لة ذنب الى كتب :lol:

[اسود وتعالب وارنب]

يا جماعة .... القصيدة المنشورة لا تعبر إلا عن رأي صاحبها :

و الراجل ده يعتبر قلة قليلة مندسة في وسط كل الرجالة اللي في الدنيا

هو في راجل عاقل في الدنيا دي ما بيحبش مراته حبيبته برضه و يكون شايفها أجمل و ألطف و أظرف و أخف واحدة في الدنيا .

ده يبقي مجنون يستاهل الإعدام و الشنق و الضرب بالسيف مع بعض .

شوفت العقل زينه متتهورش تاني عشان انت عارف مجرد اننا بس بس هوشنا الكل رجعله عقله اكتمها في قلبك احسن من انك تعبر عن نفسك انت شوفت البنت الصغيره بتاعت الثانويه عبرت كما يجول بخاطرها ايه اللي جري لها سنه حرمان من التعليم وبقي دور علي مدرسه تتدخلها

[عليـ***ـاء]

يا جماعة .... القصيدة المنشورة لا تعبر إلا عن رأي صاحبها :

و الراجل ده يعتبر قلة قليلة مندسة في وسط كل الرجالة اللي في الدنيا

هو في راجل عاقل في الدنيا دي ما بيحبش مراته حبيبته برضه و يكون شايفها أجمل و ألطف و أظرف و أخف واحدة في الدنيا .

ده يبقي مجنون يستاهل الإعدام و الشنق و الضرب بالسيف مع بعض .

شوفت العقل زينه متتهورش تاني عشان انت عارف مجرد اننا بس بس هوشنا الكل رجعله عقله اكتمها في قلبك احسن من انك تعبر عن نفسك انت شوفت البنت الصغيره بتاعت الثانويه عبرت كما يجول بخاطرها ايه اللي جري لها سنه حرمان من التعليم وبقي دور علي مدرسه تتدخلها

[center[color=#3366FF]]والله القراءة الاولي للقصيدة حلوة بس بعد كده مش حلو

هي الرجالة هتفضل لحد امتي تعبر عن مشاعرها الحقيقية ومشاعر الغيظ والكره من وراء ستار !!!:lol: [/center]

[Hammer]

إنتو كلكم عليّ و لاّ إيه .. <_<

و بعدين إحنا مش بننادي بالديموقراطية و ((( حرية التعبير ))) و بننتقد أمريكا في الكيل بمكيالين ؟... لما تقولون مالا تفعلون ؟

إيه كبت الحريات ده :rolleyes:

هم رجالة المنتدي سايبيني لوحدي ليه .... أنا خايف :blink:

تم تعديل 26 يونيو 2006 بواسطة Hammer

[Modest]

هم رجالة المنتدي سايبيني لوحدي ليه .... أنا خايف <_<

هو انت كنت أخدت رأينا قبل ما تعمل موضوع شائك زي ده؟ :rolleyes:

استحمل بقى

[اسود وتعالب وارنب]

شوفت الرجاله جرجروك الي طريق الخطيئه وسابوك لوحدك من اللي حينفعك دلوقتي حبيت تفرحهم ادي النتيجه ماشي وانت تحمل وصمه العار والخطيئه ياخوفي علي من اللي حيحصلك خلي بالك من نفسك خليك مسالم احسن وربي عيالك اشتري نفسك