ماذا يحدث فى المحاورات

[محمود الشاعر]

ماذا يحدث فى المحاورات

لماذا تطل علينا الروح العدائية وكأننا فى اتوبيس مزدحم لا يطيق كل منا الاخر

هناك حالة غريبة بدأت فى الظهور احجام عن المشاركة من شخصيات اظنها اعمدة المحاورات

هل هو الحر

هل الظروف

هل

هل

لست ادري

[hopsan]

يمكن يا عمنا محمود الشاعر ان الواحد لما ياخد عليك بيسيب نفسه و يقول على اللى فقلبه علطول 000 يعنى تقدر تقول واخدين على بعض 00 عكس لما نكون لسا منعرفش بعض و تلاقى الواحد مننا بيرسل بالونات اختبار ليعرف مدى تقبلك للطرف الأخر و بأى منظور حتشوفه

بس الواضح و الجلى اننا شعب ودود وبناخد على بعض علطول و مبنخليش حاجه كاتمينها و متنساس اننا شخصيات افتراضيه فى الإسم و حاله الماده أى حاضرين بأفكارنا فقط والماده اى اجسامنا و شخوصنا مش موجوده فتجد حاله من الفضفضه تنتاب البعض و ليس العامه لسه بينا ناس بتتكسف لو وجهنا لها سؤال و بتلاقى وشها احمر و مع الوقت يموت الخجل و تجده فتح على الرابع و خرب الدنيا و تلاقى ناس مهما كان الأمر معها تجدهم برضه واضعين الحدود 000 الظاهره الحسنه فى هذا المنتدى هو الإحترام 00 حتى المشرفين مش لاقين شغل 000 عايزين يلغو مشاركه مش عارفين و علشان زر الرمال فى العيون بيشيلو كلمه و يحطو بدالها *** ال يعنى بيشتغلو ( لازم احط وش واحد بيضحك ) بتاعتك يا س س 000 حقوق النشر محفوظه لسعادتك

[محمود الشاعر]

hopsan

هو انت بتاع الافتراضي تصدق بالله انا اعد بحاول افتكر مين اللي قال يا صديقى الافتراضي فى اول مشاركاتي فى المنتدي لما كنا بنتكلم عن الشعر والحداثة و ...... الخ وساعتها قلت اننا ممكن نتكلم على الخاص اعدت ادور على الخاص لحد معرفته لكني نسيت الموضوع كان اسمه ايه ومين اللي كلمني

يا اخي مش تفكرني

لا بجد

انا ملا حظ ظهور بعض الشخصيات فى المنتدى كل همها انها تغلس عليك و تهجمك وتلوي كلامك وبيدخل المحاورات وهو فى دماغة بيقول ها هلطش فى مين النهاردة مع اننا كلنا اشخاص افتراضية زي ما انت بتقول يعني هيا الحكاية ناقصة قرف برة وجوا

ثانيا ناس كتير بتخش على المواضيع وتسيب تعليق ترد عليهم تلاقيهم مش معبرينك طب ما نتم موجودين متردوا ميردوش

يالله ويجعله عامر بقى

[الأفوكاتو]

الأخوة محمود الشاعر, و هوبسان,

هذه الظاهرة تتكرر كل عام فى موسم حر الصيف, و الإمتحانات, و التصييف خارج مصر.

كما أن هذا يتصادف أحيانا مع زيادة فى العضوية الجديدة, و غياب من الأعضاء القدامى, ثم يحدث اللقاء و التماس, و بعضه إيجابى, و بعضه سلبى.

و لكن الذى يحدث هوأن يتأقلم الجدد بسرعة مع القدامى, و يصبحون قدامى أكثر من القدامى, اى تظهر منهم كفاءات, و قدرات خلاقة مبدعة, ترفع من مستوى أداء المنتدى.

و يمكن أن نشبه المنتدى بقرية يفد إليها زوار جدد, يعجبون بموقعها و مناخها, و يقرروا الإستيطان.

بعض العناصر المقيمة سترحب فورا بالدم الجديد, و بعض العناصر ستترقب, لكى ترى من الضيوف يستحق الدعوة لغذاء شهى, و صنية كنافة.

فى النهاية, تعود المياة إلى مجاريها, و تعيد الحياة روتينها فى العام التالى, و هذه سنة الحياة.

تقبلوا تحياتى, و مرحبا بكم مرة أخرى, فأنتم شباب مصر, و مستقبلها.

[المدهش]

المحاورات مثلها مثل أي مكان لتبادل الآراء والتحاور بين البشر

فيها الجاد المحترم المثقف الواعي الذي يريد أن يفيد ويستفيد..وهم كثيرون في المنتدى والحمد لله ومنهم أنت يا شاعر وسي السيد وهوبسان ونانسي والرافعي ومهيب وابو زيد ووليد صفوت وبنت مصرية وشريف عبد الوهاب وكثيرون أخشى أن أنساهم حتى لا يزعل أحد.

وفيهم المستظرف السطحي الذي يريد مجرد لفت الانتباه واثبات الوجود.

يعني أصابعك ليست مثل بعضها ..لكن المحاورات في المجمل الأعم ملتقى رائع للأفكار .

[محمود الشاعر]

الافوكاتو اكثر شباب المحاورات شبابا

يستحق الدعوة لغذاء شهى, و صنية كنافة.

تقبلوا تحياتى, و مرحبا بكم مرة أخرى, فأنتم شباب مصر, و مستقبلها.

ممكن الكنافة تكون بالمكسرات وياريت لو في قطايف

أشكرك من كل قلبي

مع حبي واحترامي

المدهش

فيها الجاد المحترم المثقف الواعي الذي يريد أن يفيد ويستفيد..وهم كثيرون في المنتدى والحمد لله ومنهم أنت يا شاعر وسي السيد وهوبسان ونانسي والرافعي ومهيب وابو زيد ووليد صفوت وبنت مصرية وشريف عبد الوهاب وكثيرون أخشى أن أنساهم حتى لا يزعل أحد.

نسيت تكتب واحد المدهش

شكرا لك

تم تعديل 25 يونيو 2006 بواسطة محمود الشاعر

[الرافعي]

الأخ والصديق العزيز محمود الشاعر

موضوعك يدخل تحت باب (الغيرة المحمودة والتطلع للأرقى)، وهذا ينبع من أخلاقك ومشاعرك الجميلة تجاه الآخرين .. وللمرء من اسمه نصيب .. يا شاعر

الخلاف في الرأي لا يفسد للود قضية، طالما لم يخرج عن نطاق الأخلاق والآداب العامة، وبروتوكولات المحاورات التي تهدف أساساً إلى الحفاظ على هذه الثوابت

لا بأس من وجود الخلاف في الرأي من وقت لآخر .. ونحن بشر نخطئ ونصيب، والمهم هو أن نتذكر عندما يذكرنا الآخرون طالما هم مخلصون في تذكرتهم ونصيحتهم، وطالما الهدف هو الحفاظ على الروابط الأخوية الوثيقة ... يعني مش تهدئة النفوس بتاعة زهيري :angry2:

وحدوث الجفاء ممكن بين اثنين ممكن في أي وقت، وهناك من الشياطين من هو متفرغ لهذه الوظيفة (إفساد ذات البين) لذا فأنا أذكر نفسي وكل المتحاورين والمتحاورات بضرورة حسن الظن .. والمسارعة إلى الآخر للمكاشفة والمصارحة معه والتصافي حتى لا نترك فرصة للشيطان يفرق بيننا ..

(ولا تنازعوا فتفشلوا وتذهب ريحكم)

تم تعديل 25 يونيو 2006 بواسطة الرافعي

[محمود الشاعر]

الرافعي

صديقى الانسان المحترم الراقي

دائما سباق كعهدي بك الى الخير

رجل بمعنى الكلمة من طين مصر الطيبة العظيمة

تحية اجلال واحترام

[hopsan]

ايه الكلام الحلو ده

طيب انا على كده ماليش لازمه 000 اصلى بتواجد دايما عند التماس و خطوط النار و معرفش ليه احب اكون فى الصفوف الأولى ..يمكن بحضر نفسى ؟؟؟

اما لما يبدأ الكلام الحلو بلاقى نفسى انسحب واشوف نقطه تلاقى ساخنه اخرى ..اصلى ماليش فالحلو

يمكن طبق طرشى و طبق كشرى سخن و كوبايه حلبسه مولعه يكون الوضع افضل

عمنا الكبير الأفوكاتو رجل السفر الدئم و المحاورات الجاده و احنا مش قده ..لسه محذوف ليا مداخله و قبل كده تم وقف مداخله و قبلهم تم التعديل فى اخرى و رغم التزامى الشديد بقوانين المحاورات إلا ان هذا يحدث معى فلا اجامل او انافق و لكن وجهه نظر مع موضوعيه ..ما علينا

اشكرك اخى المدهش على تقديمك لى فأنت العزيز على القلب

الرافعى ذو الكلام الجاد و المحترم فعندما اقرأ لك اتخيل انى مش مثقف و اهرب علطول احسن اقع فى حيص و بيص .. فأنا أذكر نفسي ..جمله قلما اسمعها و تخفى وراءها مثقف متواضع و دول اللى بهرب منهم ..اصلى بتمنظر على اللى فى اعدادى بس

محمود الشاعر جميل كلامك و ده اللى حيخلينى انسحب

تم تعديل 25 يونيو 2006 بواسطة hopsan

[واحد تاني]

هو انت بتاع الافتراضي تصدق بالله انا اعد بحاول افتكر مين اللي قال يا صديقى الافتراضي فى اول مشاركاتي فى المنتدي لما كنا بنتكلم عن الشعر والحداثة و ......

محمود ...

ايه دا يا محمود ... :angry2:

ده مكنش hopsan يا سيدي اللى قالك كده ... يمكن كان واحد تاني :blush: !

[محمود الشاعر]

هو انت بتاع الافتراضي تصدق بالله انا اعد بحاول افتكر مين اللي قال يا صديقى الافتراضي فى اول مشاركاتي فى المنتدي لما كنا بنتكلم عن الشعر والحداثة و ......

محمود ...

ايه دا يا محمود ... :angry2:

ده مكنش hopsan يا سيدي اللى قالك كده ... يمكن كان واحد تاني :blush: !

لا والنبي بجد

طب مش تقول يا راجل

وانا اعد ادور يطلع واحد تاني غيرالواحد التاني اللي هو مش الاولاني والله غلبتني كل ما اتكلم فى موضوع احاسب لتيجي فى واحد تاني

[hopsan]

ايه الحكايه يا واحد تانى

هو كل ما ادخل حته و اعمل فيها جو الاقيك سابقنى مش انا لسه سايبك بتظبط فى نفسك فى ايه ..وبعدين انا قلت سيب الراجل يفتكرنى بتاع الإفتراضى و خلاص بقينا صحاب .تقوم تيجى تبوظها

[واحد تاني]

ولا يهمك يا قبطان ...

نفترض يا سيدي ان انت بتاع الافتراضي ...

ها نفسك في ايه تاني ؟؟؟ ... لأ صحيح ... ماذا يحدث في المحاورات ... :angry2:

[nancy]

مجموعة المحاورات ديما بيكون فية بنها تفاهم وعقد غير مكتوب بان لما موضوع يحود الناس الى موجودة كتير متردش

زى موضوع كان ماشى حلو اوى وفجاءة عمل زى عربية بتخبط فى الرصيف بدون سبب وبقالها بتخبط اسبوع بشخصين بس

واحلى حاجة انهم مش فاهمين بعض خالص

والكلام حول على طريقة (هاءو واشمعنى )

بس انا رغم ان بقالى هنا حوالى 4 او 5 شهور بحس انى مع اصحاب قريبين منى اوى

حتى لما حد فيهم بيغلس مش بازعل لان بعتبرة هزار اصحاب ( من الناس الى انا متاكدة انهم كويسين جدا بس)

[محمود الشاعر]

فى بعض الاوقات او المواضيع يدخل احدنا ويشارك برأيه وقد يكون وجيه ولكن يصطدم بالشلالية اي جمع شلة وبيحس انه غريب فى وسطهم لانهم يمكن ما شفوش اللي كتبه ساعات بحس ان كل شلة عاملة موضوع او ركن ليها صحيح ده مش على طول وصحيح الاهتمامات والميول بتختلف من شخص لشخص وممكن مجموعة تتفق مع بعضها ويحصل بينها تألف لكن ما المانع لضم لضيوف جدد الى هذه المجموعة طبعا انا مش بعمم لان المحاورات اصبحت بيتي الافتراضي على رأي واحد تاني بل بالعكس اكاد الان اعرف بعضهم وكاني اعرفهم من زمن الطفولة

الملاحظ فى هذا التنوع والخليط الرائع من الاشخاص الذي يجعل الشخص يفكر الف مرة لماذا ونحن هكذا فى غاية الروعة الافتراضية لماذا لم نتقدم فى الواقع الحقيقي

عالم المحاورات الحقيقي

مش عارف انا هشطح بعيد عن الموضوع معلهش يا جماعة

نرجع تاني ماذا يحدث فى المحاورات

[بنت شعنونة]

انا اقولك يا سيدي..

اللي بيحصل انه في 3 مواضيع بالتمام او 4 عشان اكون دقيقة نزلت في نفس الشهر بتدور حوالين نفس المعنى اللي انت بتقوله...! :ninja:

زي ما قال عمنا الأفوكاتوا في موضوع قبل كدا

انه المحاورات دايما تمر بمراحل هجرة و عودة او هجرة من غير عودة؟ او هجرة الينا مش عنا.. كدا يعني

ودي تقريبا بتحصل في نفس الموسم

ناس تيجي وناس ترحل

ويختلط الجديد بالقديم و اوقات الحابل بالنابل

وبما انه ناس مش عارفا بعض بيحصل تصادمات

كل بيتصرف بطريقته.. او بطبيعته.. حسب

وما حدش عارف مين اللي قدامه ف بيطقشوا في بعض! :unsure:

عكس الحياة

انا لو مع ناس ما اعرفهمش اكيد مش ها ادخل ع الرابع من اولها .. تاتا تاتا عشان اعرف حدود اللي قدامي وهما يعرفوا حدودي

بس اوقات الحماس بياخد الناس الجداد او القدام وتلاقيه داس ع الرابع مرة واحدا وهب تحصل الحادثا!!! :ninja:

وكل واحد وتقبله للحادثا

والجداد ليهم شلة و القدام ليهم شلة... مش لاقيا كلمة اوصف بيها غير شلة بس مش دا التعبير الصحيح

ممكن نقول انتماء.. تعود.. مش عارفا بجد :ninja:

المشكلة بقى بتكبر لو حد من "الشلة" تدخل... ودا اللي لاحظته عشان الأفتاءات بتزيد و يتطاير الكلام وكل واحد يدلو بجردله و بتبقى هيييييييييييييصة

حبة

ويخلص الموسم

وتبتدى الغربلة

ويفضل اللي يفضل و يمشي اللي يمشي ونعود لحالة الأستقرار مرة تانية وتبتدي الشكاوي ان المنتدى ممل و رتيب و المواضيع هيا هيا

كدا يعني

لو دعبست في المحاروات هتلاقي كذا موضوع عن الشللية " من وجهة نظر صاحبها"

كذا موضوع عن الملل في المنتدى

زي ما دلوقتي فيه كذا موضوع عن الحروب :o

سي لا في...

كبر دماغك يا استاذ محمود

واكتب عشان عاوز تكتب وبس..

بس فعلا مافيش شلل هنا.. انما فيه ناس عرفت بعض وفاهما اسلوب بعض..

[الرافعي]

انا اقولك يا سيدي..

اللي بيحصل انه في 3 مواضيع بالتمام او 4 عشان اكون دقيقة نزلت في نفس الشهر بتدور حوالين نفس المعنى اللي انت بتقوله...! :ninja:

زي ما قال عمنا الأفوكاتوا في موضوع قبل كدا

انه المحاورات دايما تمر بمراحل هجرة و عودة او هجرة من غير عودة؟ او هجرة الينا مش عنا.. كدا يعني

ودي تقريبا بتحصل في نفس الموسم

ناس تيجي وناس ترحل

ويختلط الجديد بالقديم و اوقات الحابل بالنابل

وبما انه ناس مش عارفا بعض بيحصل تصادمات

كل بيتصرف بطريقته.. او بطبيعته.. حسب

وما حدش عارف مين اللي قدامه ف بيطقشوا في بعض! :unsure:

عكس الحياة

انا لو مع ناس ما اعرفهمش اكيد مش ها ادخل ع الرابع من اولها .. تاتا تاتا عشان اعرف حدود اللي قدامي وهما يعرفوا حدودي

بس اوقات الحماس بياخد الناس الجداد او القدام وتلاقيه داس ع الرابع مرة واحدا وهب تحصل الحادثا!!! :ninja:

وكل واحد وتقبله للحادثا

والجداد ليهم شلة و القدام ليهم شلة... مش لاقيا كلمة اوصف بيها غير شلة بس مش دا التعبير الصحيح

ممكن نقول انتماء.. تعود.. مش عارفا بجد :ninja:

المشكلة بقى بتكبر لو حد من "الشلة" تدخل... ودا اللي لاحظته عشان الأفتاءات بتزيد و يتطاير الكلام وكل واحد يدلو بجردله و بتبقى هيييييييييييييصة

حبة

ويخلص الموسم

وتبتدى الغربلة

ويفضل اللي يفضل و يمشي اللي يمشي ونعود لحالة الأستقرار مرة تانية وتبتدي الشكاوي ان المنتدى ممل و رتيب و المواضيع هيا هيا

كدا يعني

لو دعبست في المحاروات هتلاقي كذا موضوع عن الشللية " من وجهة نظر صاحبها"

كذا موضوع عن الملل في المنتدى

زي ما دلوقتي فيه كذا موضوع عن الحروب :o

سي لا في...

كبر دماغك يا استاذ محمود

واكتب عشان عاوز تكتب وبس..

بس فعلا مافيش شلل هنا.. انما فيه ناس عرفت بعض وفاهما اسلوب بعض..

ممكن حضرتك تضعي روابط للموضوعات التي كتبت عن الشللية من وجهة نظر صاحبها، غير هذا الموضوع الذي وضعته باسم هل هناك شللية في المحاورات

أرجو وضع روابط لأي موضوعات أخرى لأني مهتم بعلاج هذه الظاهرة بصدق ... وشكراً لك