إيه الحكاية ؟ هانلاقيها من الرئيس ولا من إبنه

[se_ Elsyed]

على فكرة

في نهاية عهود الحُكام الظلمة

أو في بدايات آفول شمس - اللي هي مضلمة أساساً - أي ديكتاتور

بيبقى فيه حاجات كده بنسميها رسائل قصيرة أو إشارات مرئية وغير مرئية

على سبيل المثال مثلاً ...

رجوع زوار الفجر إلى سابق نشاطهم بضراوة

ما حدث من أنتهاكات إنسانية في مظاهرات تشوية الدستور المشوة خلقه

تزوير الإنتخابات الأخيرة بمُنتهى الفًجر والبجاحة

و

و

تعالوا نقرأ المقال المَحط ده النهاردة في جريدة المصري اليوم

إوعى وشك

فى الممنوع

بقلم مجدى مهنا

منذ ثلاثة شهور تقريبًا اشتكي بعض أهالي منطقة ميدان روكسي بمصر الجديدة، من الإجراءات الأمنية المشددة التي اتخذت لتأمين موكب الرئيس مبارك لحضور اجتماع حزبي في مقر الحزب الوطني بمصر الجديدة.

وقد بلغت هذه الإجراءات، أن نادي أحد ضباط المرور في الساعة الواحدة صباحًا علي الأهالي للنزول إلي الشارع سريعًا لنقل سياراتهم في تلك المنطقة إلي أماكن أخري.

وقتها كتبت في هذا الموضوع كنوع من التنفيس عن الأهالي، وللتعبير عن مدي حالة الضيق والضجر التي أصابتهم.. فقد هرع بعضهم إلي الشوارع بملابس النوم، حتي لا تتعرض سياراتهم للأذي!

الآن.. لم تعد هذه الإجراءات الأمنية المشددة مقصورة علي رئيس الجمهورية وحده، ففي الساعة الواحدة من صباح فجر الأربعاء الماضي اتصل بي بعض سكان منطقة الدقي، في المنطقة الواقعة بين ميدان الدقي ووزارة الزراعة، وأخبروني بأنهم فوجئوا بعدم وجود سياراتهم أمام منازلهم وعياداتهم ومكاتبهم، ولم يفهموا ما الذي حدث لها؟ وأين ذهبت؟ وهل سرقها أحد؟ ووجدوا أمامهم بعض ضباط المرور، فسألوا أحدهم.. فأجابهم بأنه تم نقل سياراتهم خلف مبني وزارة الزراعة، وأن من يريد تسلم سيارته عليه الذهاب إلي هناك لتسلمها.

وكان طبيعيا أن يسألوا عن السبب في اتخاذ مثل هذه الإجراءات ولماذ تم نقل سياراتهم إلي هناك، فقال لهم الضابط: إن جمال مبارك أمين عام مساعد الحزب الوطني سيقوم بزيارة صباح اليوم إلي مقر الحزب الوطني في الدقي خلف نادي الصيد.

وضرب الأهالي كفًا بكف، فهذه الإجراءات الأمنية المشددة لم تعد مقصورة علي رئيس الجمهورية، إنما أصبحت تشمل جمال مبارك أيضا، وقالوا كلامًا كثيرًا أغلبه ليس صالحًا للنشر.

تساءل بعضهم: هل هذه هي الصورة أو هذا هو الانطباع الذي يريد جمال مبارك أن يتركه عن نفسه في الشارع ولدي الناس؟ فإذا كانت مثل هذه الإجراءات التي تصيب الناس بالضجر إلي حد الاختناق تتخذ قبل أن يصبح لجمال مبارك أي صفة رسمية في الدولة، فما هي الإجراءات التي يمكن اتخاذها في حالة ما إذا كانت له هذه الصفة في يوم من الأيام؟

إن المبالغة في الإجراءات الأمنية بالنسبة لتأمين موكب رئيس

الجمهورية، ربما اعتاد عليها الناس منذ عشرات السنين، وتعودوا علي مشاهدتها، لكن أن تمتد تلك الإجراءات بالنسبة إلي جمال، فهذا هو الجديد وهو الأمر المحير، ولماذا الحيرة والمستور ربما لا يكون مستوراً قريباً؟

لذا وحيثما وبما أنني وبصفتي شاب مصري روووش طحن

هاقترح إقتراح على بابا مبارك عشان يبقى في الأمان من أي محاولة نُص كم من الشعب المصري الشيريس

أنا باتكلم جد ومش عايزين تهريج

" بابا العزيز مُبارك

إزيك يا بابا وعامل إيه ؟

تسمح لي أقولك يا بابا ؟ أصل أنا بابا مات من حوالي 4 سنين

وبما إني وعيت على الدنيا لقيتك إنت في وشي

فأنا من منطلق البنوة ومسئوليتي تجاة الأبوة هاقترح على حضرتك يا بابا إقتراح طالما بقيت تخاف من المشي في الشوارع إنت وآبيه جمال أحسن تكون عربية من العربيات المركونة هنا ولا هنا هربانه من العراق ومتفخخه لا سمح الله .. بالرغم يا بابي إنكو بتصرفوا كثير قوي على العربيات المتصفحة اللي ما بيأثرش فيها حاجة حتى مدافع الهاون التسعين مللي

فليه يا بابي ما تستبدلش مواكب السيارات اللي بتسد عين الشمس بطائرات هليكوبتر .. وأهو يبقى منظر الموكب عامل زي حرب الكواكب وإنتوا ماشيين بالعشرات كده فوق راس اللي جابونا ...وأهو منها ما تعطلوش المرور والناس اللي بتنشف بالساعات في الشوارع عشان حضرتك تعدي .. ومنها كمان تبقى أنتوا فوق عند ربنا في الأمان "

أرجو دراسة الإقتراح ده ومراسلتي عن طريق الرسائل الخاصة عشان خد مكافآتي

وأرجو إن حضرتك توصل سلامي لآبيه جيمي ولأبله خديجة

إبنك البار سين سين

[nash]

ربي يرحم والدك وكل موتي المسلمين

وبعدين بأمارة أيه يكون مثل ..والدك..لا والله أحنا أبهاتنا غير شكل خالص..اللهم ارحم والدي يارب.

وبعدين في هذا المسلسل؟ شكلهم بيعودوا الناس علي القرار اللي هايكون جديد عن وقت قريب..

لكن والله أنا قلبي حاسس أنه فيه تغييرات ولن تمر هذه السنه هكذا بسهوله..أهو مجرد أحساس..يارب يكون صحيح.

بس الصراحه نفسي أعرف ..ياتري هوة مهندوش أي تأنيب ضمير أو خوف من رب العالمين؟ طيب هايقف ويقول أيه ..في ملايين الغلابه اللي حتي لقمة العيش غير موجوده...وده أكيد مثل ضغير جدا عن الذي يحدث عندنا ربي يسهلها ..ونسمع عنه قريب

[wagdi]

ماينفعش يا دوبل سين... الهليكوبتر أخطر ألف مرة من الموكب الأرضي...وأسهل ألف مرة إنها تتنش... مانتنفعش إلا في الزيارات الغير معلنة أو السرية... أو كوسيلة نقل بديلة مع وجود الموكب الأرضي برضه للتضليل... يعني الموكب يبقى متجهز والناس تنشف وكل حاجة... والريس يكون وصل بالسلامة قبلها بنص ساعة بالطيارة...

وبعدين إنتوا مش عايزين الراجل ياخد باله من نفسه ومن عياله... يعني ترضى أنت تبقى محروس والمحروس إبنك مش محروس؟؟ بطلوا بقى أفترا وخلوا أمن مصر الساهر يشوف مهمته...

[se_ Elsyed]

ناش كتبت

ياتري هوة معندوش أي تأنيب ضمير أو خوف من رب العالمين؟

لأ طبعاً

ما هو اصل حضرتك لو بصيتي كده على تجار المخدرات مثلاً أو السفاحين .. هاتلاقهي خلاص وصلوا مرحلة إن ربنا طبع على قلوبهم

عارف الحلة بتاعت الطبيخ لما يكون عليها طبقة صدأ ييجي 5 سم ؟

أهي قلوب الناس بقت عاملة زي الحله المصدية

---------

عزيزي وجدي

مانا ماكملتلكش بقيت الخطة

ماهو مش هاتبقى طيارة واحده ... تصور لما تلاقي 50 طيارة هوروكوبتر طايرين في الجو

هاتعرف بقى منين فين طيارة الريس

اللي لو كان مكتوب عليها " ملاكي مصر الجديدة "

ي

عني ترضى أنت تبقى محروس والمحروس إبنك مش محروس؟؟

لا يا باشا إزاي

ده لو جمال بك مالقاش ركوبه يركبها فممكن

إحم إحم

مش عايز أكمل وإفهم إنت بقى أحسن وليد إيده ما بترحمش خصوصاً إنه بييتدرب على ضرب النار بالبندقية الرمسيس ضغط الهوا وممكن ينشني عيار

[عطر]

لا بأة انت عايز تطينها على دماغنا اكتر !!

يعني الهليكوبتر وحرب الكواكب دي مش لازم برضه تكون مصفحة واكتر من العربيات علشان دي سهل تنشن عليها من فوق اي سطوح

وطبعا زيادة التصفيح ده من ئوت الشعب الغلبان

لالالا قول لباباك يرحمنا ويدور له على بلد تانية خلاص دي نشفت

[Abofady]

انتو فاكرين يعنى لما يركبوا طيارات هيلغوا الامن المركزى اللى تحت ؟ لا وحياتك , كله فى مكانه , بس هتلا قى طوابير الجرى اشتغلت تحت الطيارات , الكل بيجرى لحد ما يتقطع نفسه , قال يعنى علشان يحموا الطيارات من تحت , المشكلة لو فيه طياره ماشية بالغلط والامن المركزى شبط فيها ومشى تحتها وتركوا طيارة الرئيس ؟ وانتوا عارفين ان الكبير بيحب الونس واللمة , والعظمة كبرت ومتقدرش تستحمل مفاجاة زى دى , هتلاقوه واقع لوحده وسط الرجالة( دى لوكان فيها رجالة اصلا)

****

[نفسي احبها]

أولاً : انا نفسي افهم ... *****... مش عارف ان الناس والشعب كله مش بيحبه ... غير الحرامية اللي معاه بس .

ثانياً : جمال راح يمسك البلد ويحكم لحد ما يموت كمان .. وغصب عن اتخن تخين في البلد ده اللي اسمها المحروسة .

ووروني بقى مين راح يقدر يقف في وشه ... ياجماعة سلموا بقى .

يعني واحد حاطط المسدس في نفوخك وبرضوا عمالين نأأأأأأأأأأأأأوح ..

قلنا والله العظيم مفيش فايدة .. غير انها تتمسح من على الخريطة .. وبكرة تشوفوا ....

لسه السواد جاااااااااااااااي .

وبكرة جيمي راح يفرجكم على الشتيمة اللي بتنقال عليه ده . ويعرفكم انه بعد كده لما يمر في الشارع

كله الأسر والعائلات في شققهم راح يتجمعوا في غرفة واحدة

ويتمركزوا في مكان واحدة وممنوع التجول في الشقة أثناء مرور جمال في الشارع في موكبه .

يعني بكرة تقولوا الله يرحمك ياحسني ، ولا يوم من أيامك .

كنا احرار في الشقة لما كنت بتمر في الموكب بتاعك في الشارع .

وياويله ياسواد ليلة اللي عايز يدخل الحمام وقت مرور جيمي في الموكب ....

يعني حظر تجوال في الشقة ..... ده فكر جديد وشاب جديد ..... رووووووووش برضوا وراح ينزل فيكم طحن .

يا أخي الكريم

لو سمحت .. ممنوع إستخدام ألفاظ وكلمات يعاقب عليها القانون

الإدارة

سي السيد

[واحد تاني]

تصدق بالله ... :lol:

والا خسارة الكلام... :P :excl: :sad:

[عطر]

تصدق بالله ... <_<

والا خسارة الكلام... :blink: :angry2: :angry2:

اهو هو ده الحاجة الوحيدة اللي ببلاش :rolleyes:

[واحد تاني]

يافندم الهواء الذي نتنفسه ايضا مجاني ...

ولكن يمكن أن يملؤه البعض بغازات سامة تسبب الضيق... وربما الموت اختناقا ... :rolleyes:

[KANE]

عكس الريح

ماجدة خضر

</FONT>

ما قاله د. زكريا جاد نقيب الصيادلة لجمال مبارك كان تعبيرا حقيقيا عما شعر به ضيوف اتحاد الصناعات من استفزاز ومهانة فاقت الحد.. لقد وجه نقيب الصيادلة كلامه لابن الرئيس قائلا: إن الكثافة الأمنية المحيطة بك تسحب من أسهمك لدى الناس وأن الحماية الحقيقية حب هؤلاء الناس. لقد كان زكريا جاد واحداً من عشرات تعرضوا لإجراءات أمنية بشعة لمجرد أنهم قبلوا دعوة وجهت إليهم من اتحاد الصناعات لحضور مؤتمر حول نظام التأمين الصحى الجديد بعد أن تمت تسويته على نار هادئة داخل أروقة الحزب الوطني، وقد حضر المدعوون قبل الموعد المحدد ليتفرغ أمن الرئاسة الذى تسلم مبنى الاتحاد منذ السادسة صباحا للتسلى بالضيوف بدء من السؤال عن هويتهم وتفتيش الحقائب حيث لا مجال لتفتيش العقول، وانتهاء بمصادرة المحمول رغم أن كثيراً من الحضور من الشخصيات العامة المحترمة التى يثير حفيظتها سؤال روتينى ساذج سأله رجل أمن يرتدى ملابس مدنية ويستجوبهم كأنهم متهمون قيد التحقيق وليسوا مدعوين إلى ندوة كعشرات الندوات التى تعقد يوميا، لقد تحولت مثل هذه اللقاءات التى يحضرها ابن الرئيس وسيدة مصر الأولى إلى كوابيس لكل من يحتفظ بقدر من الاحترام لذاته والتى لا يشعر بثقلها بالطبع كدابين الزفة من أبناء الحزب الوطنى ومؤيدى الفكر الجديد، ويبدو أن نقيب الصيادلة حين خاطب جمال مبارك كان فى خلفيته مشهد الرئيس السادات وهو مضرج فى دمائه لحظة اغتياله، ولم يحمه لا حرسه الجمهورى ولا قواته المسلحة.

وللأسف لم ير د. زكريا جاد ما شاهدته بنفسى وإلا لاحتدت لهجته أكثر ولكان حجم استفزازه أكبر فقد رأيت بعينى عشرين رجلا من ذوى الأجسام الضخمة يرتدون ملابس مدنية ويحملون رشاشات مروا أمامى على سلم المبنى وهم يحاولون اللحاق بموكب ابن الرئيس لحظة انصرافه وقد أحسست لحظتها بأننى فى ساحة حرب ولست داخل مبنى على نيل القاهرة لا يرتاده سوى رجال الأعمال وممثلى صناع مصر وموظفى الاتحاد وبعض الإعلاميين وفى أحيان كثيرة وزراء لم نشهد معهم حراسة تذكر بينما هم مسئولون فى الدولة المصرية.

والحقيقة أن مالا يعرفه جمال مبارك ولا أصحاب الفكر الجديد من مستشاريه أن الفجوة بين النظام الحالى وحزبه الوطنى والمصريين لن تسدها الإجراءات الأمنية المشددة، وأن أساليب الدولة البوليسية التى تمارس يوميا فى الشوارع وأمام النقابات وتسحق المتظاهرين وتدنس حرمة المبانى والقاعات المغلقة لن تمكن أمين السياسات من عبور الحاجز النفسى بينه وبين الشعب ولن تقض على مشاعر الكراهية تجاهه لأن مشكلة النظام والحكومة والحزب أنهم لا يستمعون لصوت الشارع ولا يفهمون لغته ولا يعرفون ما يرضيه وما يغضبه بعد أن كسرت لغة الحوار وفقد هؤلاء بوصلة التواصل.

[عطر]

سؤال بسيط لما هم خايفين اوي على حياتهم من الناس كدة ازاي حيئدروا يعرفوا هم الشعب وحاله

سؤال عبيط بس يمكن بابا حوسني وأبيه جيمي يقروه ويعيدوا نظر

[المدهش]

اقتراح جرئ يا س س ، لكن طائرات الهليكوبتر ستكون أكثر خطورة على حياة الأب والابن ..وكانت جريدة الواشنطن بوست نشرت منذ أكثر من عشر سنوات عن محاولة اغتيال استهدفت ضرب بيت الرئيس في مصر الجديدة بالطائرات على طريقة 11 سبتمبر والبرجين اياهم..وبعدين الريس بتاعنا طيار قديم وعارف كويس انه لو ركب هليكوبتر الدم هيحن ولازم هوه اللي يسوق..وبعدين انت عارف السن والنظر ما عادش يستحمل وممكن يدخل في شجرة ولا مطب هوائي ابن حرام يزعله..وانت عارف بأه اللي يزعل الريس بتاعنا بيجراله ايه..خليها على الله يا سي السيد ..بكرة ينشف ويقع لوحده!!

[Alshiekh]

للتذكرة فقـــــــــط

كان فيه زمان رئيس إسمه صدام حسين

وكان برضه الشعب بيحبه مـــــــــــــوت

وكان برضه عنده ولدين

قصــــــــى وعـــــــــــدى

وكانوا برضه مالهمش صفة رسمية

وكان الشعب بيحبهم مــــــــــــــــوت

فيه حد عنده أخبار عنهم؟

[hopsan]

ايوه انا عندى اخبارهم

اما عن الرئيس القائد المهيب و بعد ما سمع كلام و دعوه امير قطر بالتنحى و اخد بعضه و معاه مراته و البنتين بعد ما ذبج جوازهم و ايضا بعد ما اخد تعهد من امريكا بعدم المحاكمه بأى حال من الأحوال اسوه بالجنود الأمريكان و راح قاعد فى عزبه صغنونه هاديه مخصصه من قبل امير قطر المفدى للناس اللى هربو من بلادهم بإعاز من الأمريكان ( كلها كام يوم و يطلع مرسوم ملكى بجعل امير قطر الملك المفدى للبلاد اسوه بأخيه ملك البحرين لما خلى الأمريكان يقيمو فى بلده ( طبعا بلده امال بلد الشعب اللى ميعرفش حاجه ) اكبر قاعده بحريه فى الشرق الأوسط ...و الراجل واكل شارب نايم بتفرج على العراق من قناه الجزيره و كل شىء تمام

اما عن الولدين عدى و قصى....... فعدى و كما تعلمون بعد الحادث الرهيب الذى تعرض له فلم يعد يصلح طبله او تار و انما قاعد على الكمبيوتر و منتحل شخصيه مصريه و بتحاور فى منتدى محاورات المصرين و بما انه لسه مشاغب فلإداره محتاره تخليه و لا تحذفه من المنتدى ...اما اخونا قصى فهو موجود فى ايران بيعد العده لتكوين خليه ..يقال عنها ارهابيه للعب لعبه حرب العصابات مع الأمريكان و هما متربصين له فى الدره بتاع الفرات اللى معدش نهر ..اللهم ترعه صغنونه و هكذا اصبحت لما تركيا قفلت عليهم الميه و قالت اللى عايز ياخد منى الميه يدفع شلن و يقول افنظم يا فنظم ......و اى حاجه عايز تسألها عن اللى هربو و محدش سمى عليهم ...اخوك الصغير حلاوه فى الخدمه