مواقف غريبة جداااااااااا.........

[عليـ***ـاء]

صباحكم سكر

انا كاتبة الموضوع عشان انا بلاحظ مواقف غريبة جدا بتحصل في الشارع او في الجامعة او في المواصلات وغيرها .............

مثلا .............

بما انه كان موسم امتحانات فبلاقي بعد ما بخرج من اللجنة البنات مغمي عليها وبتعيط ودي بتلطم ودي بتقول هشيل المادة .........وتيجي يوم النتيجة امتياز في المادة اه يا بنت "......."

مش عارفة قدرتهم علي التمثيل فظيعه .......يا عيني عليا اللي مبستناش حد يسألني اساسا انا عملت ايه بطلع من اللجنة منشكحة اوي ومبسوووووووووطة مع اني حله نص الامتحان بس تقولش البت هتجيب امتياز مع مرتبة الشرف يا خي

عملتي ايه يا علياء .......الحمد لله حليت حلو ......حليت السؤال التاني

.....طيب والاول والتالت

احمدي ربك اساسا اني حليت السؤال التاني احنا هنفتري ليه هقطع نفسي ..............

موقف تاني في المترو ....المفروض اول 5 عربيات للحريم بس ببقي انا راكبة العربية التانية والاقي 6 رجالة او اكتر راكبين العربية فتيجي واحدة بنت حلال تقولهم والله يا كباتن دي عربية الحريم يقولو اسفين معلش مكناش نعرف "ام الخجل والذوق اوي قال انت مكنتش تعرف يا خويا انت وهو "

واحد بقي من ال6 يقول ايه اشمعني انتو بتركبو عربيات الرجالة ومحدش بيقولكو حاجة .......علي الطلاق ان شفت واحدة فيكم في عربية الرجالة هتشوف اللي هيجرالها .......متيجي تولع فينا وتخلص !!!!!!!!!!! المفروض امثالك ميدفعش 10 جنية غرامة المفروض يتحبس احسن ..........

موقف تالت في المواصلات ..........بتحصل حاجات حدث ولا حرج في موقف البيجو لو الموقف ده مكنش حصلي كذا مرة مكنتش حكيته .......تلاقي في عز الزحمة احنا ياعيني البنات بناخد جمب لو حدينا كده باحترامنا احسن ....وتلاقي الرجالة كلها تزاحم وتجري علي العربية مش دي المشكلة المشكلة انهم بيركبو ويبصولنا ويغيظو فينا ويطلعو لسانهم كمان ....يا خويا جتك خيبة "الله يرحمك يا رجولة "

كله كوم وتعدية العربيات كوم تاني خااااااااالص

واحدة صاحبتي نصحتني نصيحة الله يسامحها بقي ...قالتلي العربية هي اللي تستناكي مش انتي اللي تستنيها .......قلت ماشي بسيطة وانا بعدي الاقي العربيات بتجري اروح راجعة تاني وبعدين اققول جمدي قلبك يا بت هي العربية هتعورك دي هتموتك بس !!!!!!

اعدي الاقي العربية جاية اهدي وارجع وهكذا اعدي واهدي نص ساعه لحد ماتيجي عربية تقف والسواق يشاور عدي وانا مش راضية اعدي انا اضمنك منين .....؟؟؟؟؟؟

الراجل يقول عدي يا انسة وانا اقوله والله لوجبت ابوك هنا مش هعدي لحد الراجل ما لطم وانا اققوله طب احلف ......وبسررررررررعه اروح معدية لما اجي راجعه بقي واحتاج اعدي تاني يبقي ربنا يفرجها .......

حاجة تانية بقي مختلفة عن اللي فات بيقولك ايه بقي اللي ماشي في نظام الجامعه قال البت تخدم الواد والواد يخدم البت لكن البت متخدمش البت والواد ميخدمش الواد .......هو ايه النظام !!!!!!!هي الاية اتعكست ولا ايه ؟؟؟؟ مرة كان عندي امتحان احصاء وكان ناقصني انا وصحباتي المحاضرة الاخيرة والمحاضرة دي هيجي عليها سؤال كامل طب وبعدين المهم فوضت امري لله وقلت عليه العوض ومنه العوض .........انا هقطع نفسي

وفجاة صدفة لاقيتها مع واحدة صاحبتي ......كنت فاكراها خام الفاشلة ............قلتلها جبتي المحاضرة دي منين ؟ قالتلي من عمرو قلتلها من مين يا ختي ........؟؟؟؟

قالتلي من عمرو دا حتي صورهالي ومرضاش ياخد حق التصوير .........كماااااااااااان

......جتنا نيلة في حظنا الهباب ............ما علينا

في حاجة تانية بقي غريبة جدا جدا .............

حكاية البناطيل الساقطة دي ..........

تشوف الواحد من دول بيمشي زي المعاقين .......مهو لو قفل رجلة هتبقي مصيبة ........هيتفضح

ببقي نفسي اققوله يا كابتن بنطلونك واقع ارفعه عشان كده عيب ......اختشي علي دمك ؟؟؟؟

المصيبة بقي واللي طالع موضة الايام دي البنات اللي بتسقط البنطلون هتستفيد ايه من كده .........

اه علي فكرة معلومة جديدة واحدة صاحبتي بتشورني عشان عايزة تسقط البنطلون بتاعها عشان تعمله الستايل بتاعها الجديد .......وبتقولي ايه تعرفي يا علياء ان اللي بيعمل كده في امريكا بيبقي معناه ان الشخص ده شاذ !!!!!

ايه رائيك بقي في الستايل بتاعي الجديد البنطلون لما اسقطه كده مش هيبقي ستايل حلو !!!!!!!!!!!!!!!!!!!! :lol:

[مريوم المصرية]

صباح النور يا عسل.

آه يا بنتي.ما هونتي ما تعرفيش ان بلدنا بايظة عالآخر!!!!!

ناس غريبة والله.ده حاجة بقت تقرف :P :excl: . بالذات حكاية الزعطلونات الواقعة

وأنا بحترم حضرتك أوي والناس اللي بتفكر زيك. :sad:

ربنا يشفي المجانين :lol:

تم تعديل 26 يونيو 2006 بواسطة مريوم المصرية

[se_ Elsyed]

حكاية البناطيل الساقطة دي ..........

طب يمكن سقطت عشان ماجبتش مجموع ؟!!!

بلاش زووولم :lol:

على فكره شكلي بقى بايخ قوي وأنا مش عارف يعني إيه بناطيل ساقطه .... يمكن الشورت بس بيدلعوه ؟

[Modest]

حكاية البناطيل الساقطة دي ..........

على فكره شكلي بقى بايخ قوي وأنا مش عارف يعني إيه بناطيل ساقطه .... يمكن الشورت بس بيدلعوه ؟

اصبر على رزقك .. بكرة عُمر يبقى ماشي قدامك و انت تقول له: يابني ارفع البنطلون :lol:

يقول لك: دي الموضة يا بابا :P

إدعي ربنا يخلصنا من الموضة دي قبل ما عُمر يكبر.

[نفسي احبها]

اعتقد الموضة اللي راح تيجي

مش البنطلون اللي راح يكون ساقط

وقتها مش راح يكون فيه بنطلون

الله واعلم ايه اللي راح يكون ساقط ساعتها

وممكن ساعتها تكون الموضة رجالي وحريمي

الله يستر

[لخبطه]

الجديدة علياء

جميله اوي اول مشاركه يعني فيها قوه ملاحظه عاليه وكمان خفه دم واحنا بصراحه بنحترم اوي النوعيه دي من المحاورين

من الحاجات السخيفه بردو في الشارع كانت البنطلوات الطويله زياده كانت طلعت موضه تلاقي الواد من دول يمشي يجرجر بيها كدا وتبصي في ديل البنطلون تلاقيه لامم كل زباله الاحياء الى لفها تقوليش متفق مع البلديه تنظيف

بخصوص بقا البناطيل الساقطه انا مش شوفتها في مصر لانها طلعت وانا مش في مصر لكن حصلت هنا في السعوديه كان واحد صاحبي مع بنته في مول والبنت الصغيره شافت ولد لابس بنطلون من دا علطول قالت لبابها بابا شوف الولد قليل الادب البنطلون بتاعه نازل وايه االلى باين منه صاحبي بيقولى بقت محروج للولد

[عليـ***ـاء]

صباح النور يا عسل.

آه يا بنتي.ما هونتي ما تعرفيش ان بلدنا بايظة عالآخر!!!!!

ناس غريبة والله.ده حاجة بقت تقرف :angry2: :angry2: . بالذات حكاية الزعطلونات الواقعة

وأنا بحترم حضرتك أوي والناس اللي بتفكر زيك. :)

ربنا يشفي المجانين :D

شكرا علي المرور الجمييييييييييييل يامريوم

وبتمني في يوم من الايام بلدنا تبقي احسن

حكاية البناطيل الساقطة دي ..........

طب يمكن سقطت عشان ماجبتش مجموع ؟!!!

بلاش زووولم :P

على فكره شكلي بقى بايخ قوي وأنا مش عارف يعني إيه بناطيل ساقطه .... يمكن الشورت بس بيدلعوه ؟

]اعتقد انك ياسي السيد عرفت دلوقتي يعني بناطيل ساقطة بعد الردود دي بس مش مشكلة حسرة عليا لما اققول لاخويا الصغير حط جيل في شعرك ابويا يقولي انتي هتفسدي الواد لسه موصلتلوش البناطيل الساقطة برده

شكراااااااا ياسي السيد علي المرور الجميييييييييل

حكاية البناطيل الساقطة دي ..........

على فكره شكلي بقى بايخ قوي وأنا مش عارف يعني إيه بناطيل ساقطه .... يمكن الشورت بس بيدلعوه ؟

اصبر على رزقك .. بكرة عُمر يبقى ماشي قدامك و انت تقول له: يابني ارفع البنطلون :angry2:

يقول لك: دي الموضة يا بابا :blink:

إدعي ربنا يخلصنا من الموضة دي قبل ما عُمر يكبر.

[color=#CC66CC]شكرا علي المرور modest

ويارب الشباب فعلا ينتبهو ان التقليد بيبقي في الفكر او الاهتمام بالعمل مش بالشكل والمظهر اللي ساعات بيبقي مقرف بجد زي حكاية البناطيل دي

اعتقد الموضة اللي راح تيجي

مش البنطلون اللي راح يكون ساقط

وقتها مش راح يكون فيه بنطلون

الله واعلم ايه اللي راح يكون ساقط ساعتها

وممكن ساعتها تكون الموضة رجالي وحريمي

الله يستر

[شكرا علي المرور يا "نفسي احبها " بس الموضه هتبقي رجالي وحريمي امتي لما تبدئوانتو الاول فتبقي رجالي بعدها علي طول هتبقي حريمي ..........

شكرا علي المرور ]

الجديدة علياء

جميله اوي اول مشاركه يعني فيها قوه ملاحظه عاليه وكمان خفه دم واحنا بصراحه بنحترم اوي النوعيه دي من المحاورين

من الحاجات السخيفه بردو في الشارع كانت البنطلوات الطويله زياده كانت طلعت موضه تلاقي الواد من دول يمشي يجرجر بيها كدا وتبصي في ديل البنطلون تلاقيه لامم كل زباله الاحياء الى لفها تقوليش متفق مع البلديه تنظيف

بخصوص بقا البناطيل الساقطه انا مش شوفتها في مصر لانها طلعت وانا مش في مصر لكن حصلت هنا في السعوديه كان واحد صاحبي مع بنته في مول والبنت الصغيره شافت ولد لابس بنطلون من دا علطول قالت لبابها بابا شوف الولد قليل الادب البنطلون بتاعه نازل وايه االلى باين منه صاحبي بيقولى بقت محروج للولد

شكرا يا لخبطة وانا بجد نفسي انضم لاسرة المنتدي اللي زي العسل دي ........ انا كنت في منتدي قبل كده بس المشرف كان مجنون كان قطري فراح طارد كل المصريين اللي كانو بيمثلو الاغلبية في المنتدي طردهم ظلما وعدوانا ومن غير سبب فبقينا لاجئين في كذا منتدي بس انا عجبني اوي المنتدي ده خاصة ان كله مصريين وبيتحاور كل اللي فيه بحرية عن مشاكل البلد وهموم المصريين .......

شكرا مرة تانيه علي المرور

[سمـ مصر ــا]

منورة علياء

ودلوقتى البيت بيتك وانتى من أهل البيت اقعدى وارتاحى ونورينا بمشاركاتك الحلوة

وأنا شايفة الكل علق على موضوع البنطلون

وأنا معاهم شايفة أنة موضوع مهم المشكلة ان البنات امهات المستقبل

للأسف الشديد هية كمان وقعت البنطلون وتعمدت إظهار الملابس الداخلية بكل اسف

عايزة الحق انا زهلت وانا ماشية فى الشارع وفية بنت قدامى حسة مع كل خطوة لها ان البنطلون حيقع منها

والخوف ليجى يوم وتكون الموضة تى شرت فقط

ربنا يستر