معالي سعادة سيادة المستشار الباشا المحافظ اللواء الدكتور الباشمهندس رئيس النيابة المحامي

[المدهش]

زمان كانت ألقاب البكوات والباشوات في مصر مقصورة على عدد محدود من الاقطاعيين والتجار وحاشية الملك وأذناب الحكومات..

والآن أصبح الباشا هو الضابط وأمين الشرطة..والباشمهندس هو الصنايعي أو الميكانيكي..

واصبح أي واحد في الشارع ممكن يتقال له يا بيه ..ما دام قادر على دفع البقشيش أو راكب عربية كويسة أو لابس شيك..حتى ولو كان حرامي أو نصاب..

وهناك خطأ آخر شائع وهو اطلاق لقب دكتور على اي صيدلي أو طبيب حتى ولو لم يكن معه درجة الدكتوراة..على طريقة اطلاق لقب الحاج على كل من هو كبير في السن..

وطبعاً في هذا امتهان وظلم لكل من اجتهد وتعب ليحصل على الدكتوراة..

ومش عارف ليه الشعب المصري من دون شعوب العالم كلها شرق وغرب اللي غاوي ألقاب بهذا الشكل..

وممكن واحد يزعل اوي لو لم تقل له يا دكتور أو يا يا بيه أو يا أستاذ أو ناديته باسمه كده مجرداً ..واحنا اللي اخترعنا سعادتك يا افندم ومعاليك وحضرتك وغير ذلك من عبارات التفخيم والتعظيم التي تدل على مركبات نقص قديمة وهوس بالمظاهر والألقاب.

[KANE]

كلام سعادتك صح ياباشا :rolleyes:

المشكلة أصبحت متأصله في الشعب

أذكر أنني لما كنت في أمريكا كان طلاب البكالويوس ينادون ألاستاذ بأسمة (اسم العائلة) مجرداً بدون دكتور أو سعادتك أو يافندم

وهذه بالمناسبه راجعة للشخص نفسه فلقد رأيت من هم في درجات علمية أو مناصب كبري من يترفع أن يناديه من امامه بهذه الألقاب ويتبسط في الحوار مع من أمامه

[mohameddessouki]

اخى الفاضل نسيت تقول ضمن الالقاب لقب " السيد المحافظ الوزير "

اول ما قرأت عنوانك هذا تذكرت ما صدر فى جريدة المصرى اليوم بتاريخ25/6/2006 عن محافظ بورسعيد اللى ابنه الباشا الصغير طلع حرامى فى تشكيل عصابى

وتحت عنوان " لافتات فى بور سعيد لرفع معنويات المحافظ ابو خالد " صورة للافتة معلقة فى بورسعيد ـ من احد المنافقين المستفيدين او الذين يخططون للاستفادة فيما بعد مكتوب على اللافتة هذه العبارة:

اللواء المعلم القائد العسكرى الدكتور المحافظ قائد التنمية البورسعيدية حفظك الله ورعاك " وتتوسطها صورة ابوخالد (الحرامى ) وهو لابس نظارة شمس

على فكرة هذا المحافظ كان ضابط صاعقة ضمن القوات المصرية التى قاومت الاسرائيليين فى معركة رأس العش بعد هزيمة 5 يونية بعدة ايام

ولا اعرف اسباب لقب المعلم (بضم الميم ) الا اذا كان النطق (المعلم ) بكسر الميم ، ولا لقب الدكتور ، ولا لقب قائد التنمية البورسعيدية وبورسعيد انتهت تماما تنمويا وتشرد اهلها وانتشرت البطالة والجرائم بعد النكاية باهلها عقابا على ماحدث للرئيس فى زيارته الاولى والاخيرة لبورسعيد من محاولة الاعتداء عليه من فرد فكان العقاب جماعيا ( النظرية الاسرائيلة )

كلام سعادتك صح ياباشا :rolleyes:

المشكلة أصبحت متأصله في الشعب

أذكر أنني لما كنت في أمريكا كان طلاب البكالويوس ينادون ألاستاذ بأسمة (اسم العائلة) مجرداً بدون دكتور أو سعادتك أو يافندم

وهذه بالمناسبه راجعة للشخص نفسه فلقد رأيت من هم في درجات علمية أو مناصب كبري من يترفع أن يناديه من امامه بهذه الألقاب ويتبسط في الحوار مع من أمامه

مظبوط يــا بـــاشــا

[عطر]

طيب ايه رأيك اني كنت بنكشح اوي وانا لسة في اعدادي هندسة لما كانوا يئولولي يا باشمهندسة :rolleyes:

لدرجة اعتبرته لقب مش ممكن اتنازل عنه وانا لسة حتى مش ضامنة طالعة اولى ولا لأ <_<

[hopsan]

و الله يا فندم كلام سموك كله حكم و مواعظ ولولا سعادتك ما كنا فهمنا

طيب ايه رأيك يا بيه انا مش بحب حكايه الألقاب دى ....بحس ان اللى بيستعملها انسان منافق

و طبعا عظمتك لا يخفى عليك هموم الناس

مش كده ولا ايه جلالتك

قهوه معاليك ايه يا باشا ..؟؟

يا محروس ...هات قهوه هنا للأستاذ

[mohameddessouki]

طيب ايه رأيك اني كنت بنكشح اوي وانا لسة في اعدادي هندسة لما كانوا يئولولي يا باشمهندسة :D

لدرجة اعتبرته لقب مش ممكن اتنازل عنه وانا لسة حتى مش ضامنة طالعة اولى ولا لأ :angry2:

ياباش مهندسة

لاتقل بنكشح وقل بنشكح لان الاولى معناها بنطرد والثانية معناها بنبسط

و الله يا فندم كلام سموك كله حكم و مواعظ ولولا سعادتك ما كنا فهمنا

طيب ايه رأيك يا بيه انا مش بحب حكايه الألقاب دى ....بحس ان اللى بيستعملها انسان منافق

و طبعا عظمتك لا يخفى عليك هموم الناس

مش كده ولا ايه جلالتك

قهوه معاليك ايه يا باشا ..؟؟

يا محروس ...هات قهوه هنا للأستاذ

مكملتش ياباشا . طلبات سعادتك اوامر وشخبطة ابن سعادتك رسم لمستقبل مصر و،تقضلوا سيادتكم بقبول فائق الاحترام . شوفتم الذل والاذلال والنفاق ! ا وكنت اعتقد ااننا الشعب الوحيد اللى جرعة النفاق عنده عالية لكنى تذكرت السعودية والخليج وعندهم نفس الشىء وان اختلفت العبارات فكلمة باشا مكانها كلمة شيخ وعندهم عبارة " طال عمرك " " ياطويل العمر " " على خشمى ".... الخ

[عطر]

[ياباش مهندسة

لاتقل بنكشح وقل بنشكح لان الاولى معناها بنطرد والثانية معناها بنبسط

يادي الكسوف يادي الكسوف :D

حاولت اعمل فيها متودكة ومدئدئة طلعت اخيب من الخيبة :angry2:

<< يارب متودكة تبقى صح :angry2:

[se_ Elsyed]

وهناك خطأ آخر شائع وهو اطلاق لقب دكتور على اي صيدلي أو طبيب حتى ولو لم يكن معه درجة الدكتوراة..

طب أومال في بلاد الغرب بيطلقوا على الطبيب إيه ؟

---------------------------

مسأة الألقاب دي من ضمن المساويء التي غرستها الثورة اللعينة في الشعب المصري

فبالرغم من إن أحد مباديء الثورة كانت القضاء على الرأسمالية والملكية المتعفنة .. إلا إنهم طلعوا ألعن منها .. وإتحكمت البلد بباشوات جُدد أقل ثقافة وأكثر تسلطاً وحاجة كده زي ما بنقول ( شبع بعد جوع ) فدانت السيطرة للميري سواء جيش أو شرطة .. ويا ويل ويا سواد ليل اللي ما يفخمش وما يعظمش الباشا الظابط حتى لو كان عيل لسه بيلبس بامبرز ويادوب بيدرس في كلية الشُرطة أو في أحد الكليات العسكرية ..

يُتبع

[mohameddessouki]

[ياباش مهندسة

لاتقل بنكشح وقل بنشكح لان الاولى معناها بنطرد والثانية معناها بنبسط

يادي الكسوف يادي الكسوف :blink:

حاولت اعمل فيها متودكة ومدئدئة طلعت اخيب من الخيبة :huh:

<< يارب متودكة تبقى صح :unsure:

صح

[mohameddessouki]

وهناك خطأ آخر شائع وهو اطلاق لقب دكتور على اي صيدلي أو طبيب حتى ولو لم يكن معه درجة الدكتوراة..

طب أومال في بلاد الغرب بيطلقوا على الطبيب إيه ؟

---------------------------

مسأة الألقاب دي من ضمن المساويء التي غرستها الثورة اللعينة في الشعب المصري

فبالرغم من إن أحد مباديء الثورة كانت القضاء على الرأسمالية والملكية المتعفنة .. إلا إنهم طلعوا ألعن منها .. وإتحكمت البلد بباشوات جُدد أقل ثقافة وأكثر تسلطاً وحاجة كده زي ما بنقول ( شبع بعد جوع ) فدانت السيطرة للميري سواء جيش أو شرطة .. ويا ويل ويا سواد ليل اللي ما يفخمش وما يعظمش الباشا الظابط حتى لو كان عيل لسه بيلبس بامبرز ويادوب بيدرس في كلية الشُرطة أو في أحد الكليات العسكرية ..

يُتبع

الطبيب دكتور والاستاذ بروفسور

ايام الثورة لم يكن هناك القاب وياويل من ينادى اخر باى لقب غير ( ياسيد)

اما الالقاب فجائت فى هذا العصر ( عصر الانجازات والريادة وحضارة سبعتلاف سنة ) اذ تم تعميم على جميع المصالح الحكومية بالالقاب التى يخاطب بها المسئولون

رئيس مجلس الوزراء (وهو غير رئيس الوزراء ) الاول لاكلمه له على الوزراء الذين يعينوا من قبل الآب والابن والروح القدس ويحلفون امام الآب اليمين... ويخاطب صاحب الدولة السيد الدكتور

الوزير .... صاحب المعالى السيد الوزير

وكيل الوزارة ...حضرة السيد المحترم الاستاذ

رئيس الادارة او قسم السيد الاستاذ

الموظف السيد فقط

الميكانيكى والسباك وبتاع المجارى والسمكرى وسواق المايكروباس باشمهندس

المواطن العادى كابتن

المواطن كبير السن ياحاج

وتخم الرسائل هكذا

الوزير .. وتفضلوا معاليكم بقبول فائق الاحترام

وكيل الوزارة وتفضلوا سيادتكم بقبول فائق الاحترام

المدير او رئيس القسم .. وتقبلوا خالص الاحترام

الموظف .. تقبلوا الاحترام

المواطن العادى مع تحياتنا