زنوبة وعم فاروق

[ragab2]

[b:post_uid0]

زنوبة قعدت تنعى حظها للجيران

بعد ما كانت وردة مفتحة وعودها غصن البان

بقت عانس مستنية عريس يقدم لها الحنان

دة ياما اتقدم لها عرسان على كل الألوان

اتبطرت. واحد تقول أعرج والتانى بنص لسان

آخر عريس قالت عليه نحيف ومش مليان

يعيب ايه الراجل لو فيه العبر وجيبه عمران

عم فاروق أبو شادية ماتت مراته من زمان

عنده كبشة عيال بنات على صبيان

اتقدم لها أهه تونسه وتخلى البيت عليه مليان

فرحت بيها العيال البنات قبل الصبيان

عم فاروق سواق تاكسى يوماتى يرجع كسبان

ايشى توصيلة لشبرا وتوصيلة تانية لحلوان

عم فاروق نسى مرة يربط حزام الأمان

وعشان هو راجل طيب وفى نفسه غلبان

قابله أمين شرطة فى السكة طيب وجنتل مان

فين رخصتك وفين رخصة العربية لقى كله تمام

عم فاروق شكره وضرب له تعظيم سلام

روح بيته شرب تعميره أصله دايما خرمان

زنوبة طلعت أصيلة شايفة بيتها آخر تمام

تطبخ وتخبز ولا أجدع فران

ابن عم فاروق البكرى اسمه شعبان

معاق بعين واحدة بس فى الشقاوة شيطان

غاوى طرب وغنا وعامل فيها فنان

يهجم على الحفلات وأفراح الجيران  

يغنى م العين دى حبة والعين دى حبة ويشاور كمان

اذا فتح فى الغنا كله بينسحب أو ينام

صوته يطفش بلد ويلم الدبان

ابن عم فاروق الصغير كل يوم هربان

اتعلم السجاير وبيشرب دخان

فشل فى المدرسة من كتر الزوغان

ايده طويلة وما عدش ليه أمان

اتلم على بنت صايعة شغالة فى لبنان

تاجرة شانطة ومصاحبة صبيان

الابن التالت ميكانيكى فسدان

مدمن  شمام  ودايما  سرحان

يصلح عفشة ويخرب شكمان

بنت عم فاروق الربع ضارب عندها مع جنان

تقعد تكلم نفسها وتقول كلام هذيان

الوحيد اللى فلح فى ولاد فاروق سافر عجمان

مهندس كبير له قيمة وصولجان

وادى جزاة اللى يخلف كتير بنات أو صبيان[/b:post_uid0]

Edited By ragab2 on Jan. 25 2002 8:34pm