بجد عيب اوى علينا كده

[القرموطى]

السلام عليكم ورحمه الله وبركاته

اخوانى الافاضل اولا اعلما جميعا انى لو اكتب هذا الموضوع الا لانى احبكم جميعا واتمنى ان تنتشر بيننا روح الحب والايخاء

الموضوع من الاخر كده ومن غير تجميل او تزيين

من خلال مطالعاتى على موضواضيع المنتدى لاحظت ان محدش طايق اخوه يعنى الاخ مننا يكتب الموضوع والتانى يرد عليه بطريه ممكن تكون مش كويسه احياننا فتنقلب الى معركه حاميه الوطيس على مرءى ومسمع من الناس كلها

ونبداء نرمى بعض بكلام واتهام يعنى خد عندك

اخى يكتب للتانى ...ارجوك انزل من برجك العاجى وشوف الواقع (طبعا بأسلوب تهكم )

والتانى يكتب ....واضح انك مش عارف حاجه

والتالت يقول بصراحه انته كداب

والرابع يقول انا شامم ريحه كلام مش كويس

والرابع يقول ارجوك التزم بأداب الحاور

وياسلان لما الاخ المشرف يحب انه يحذف شىء مش يحذفه وكان الله حليم ستار لا طبــــــــــــــــــــــــــــــعا لازم يفضح الاخ ويكتب بالون الاحمر تم حذف الموضوع /الرد لعدم التزامه بأداب الحديث او لعدم توافقه مع الاداب العامه وطبعا اى عضو بيقرا التعليق ده يظن بأخوه السؤء او انه كان كاتب سيناريو فيلم عماره يعقوبيان .

اخوانى الافاضل ليه منخفش على مشاعر بعض

ليه منستخدمش الرسايل الخاصه لما يكون فيه اتعراض او زعل او تعليق مش كويس

ليه ما نصدق ان واحد يغلط وننزل عليه سلخ بالكرابيج وكتير من مواضيعنا كده للاسف

ليه عوزين نخسر اعضاء كتير وكتير فعلا منهم انسحب من المنتدى بسبب تعليقات الاعضاء او احراجهم له

ليه مش عوزين نعرف ان الى بينا هنا هو علاقه ادبيه ولو انا كسرتها مش بعيد ان الاخ يرد عليا برد لا يمط بصله لاى نوع من انواع الادب

ليه بناخد المواضيع على محمل شخصى واول ما حد يغلط فيك تسن سنانك وتنزل فيه

اخاوانى الافاضل لو انتم داخلين المنتدى هنا عشان نظهر والناس تقول ان ده العضو الفصيح يبقى انسحب احسن احنا هنا عوزين نكون اسره واحده مش اعداء ومش عوزين نحمل لبعض دغائن او مشاعر مش كويسه

اخاونى الافاضل

النصيحه على الملاء فضيحه

النصيحه كالهديه قدمها فى افضل صوره وتقبلها فى اى صوره

ياريت نراعى مشاعر بعض اكتر من كده

والسلام عليكم ورحمه الله وبركاته

[الأفوكاتو]

عزيزى الأخ القرموطى,

فى جميع المجتمعات, ستجد قلة تخرج عن المألوف, و يكون أسلوب تعاملها و تخاطبها مع البقية غير مقبول.

و لكن هذه الأفليات لا تقلل من القدر الكبير من المساهمات الإيجابية المفيدة التى تمتلى بها" المحاورات" أى منتدى المحاورات.

و ظاهرة العراك, و الخلاف تظهر, و تختفى طبقا لعوامل كثيرة, منها الظروف المناخية, و المزاجية, و السياسية, و العائلية.

لذا, دعنا ننظر إلى القدرالأكبر الجيد من المشاركات, ثم نهنئ أنفسنا على هذا القدر من الأخوة و الحب الذى يغلف قلوب معظم أعضاء المحاورات.

إبتسم يا صديقى, فأنت ما زلت فى منطقة آمنة. و يمكنك التجول فى بقية الأبواب الأخرى, و ستجد أنها آمنة أيضا.

تقبل تحياتى.

[المدهش]

أشكر لك هذه الروح الجميلة يا قرموطي ..ومعلش احنا بنتكلم..يعني ممكن نتخانق ونتعصب شوية ..لكن في النهاية الخلاف لن يفسد للود قضية.

[nancy]

الحالات الى ذكرتها يا استاذ قرموطى مش كتير زى ما نت متخيل

بس حضرتك اخترت اسواء الكلمات الى مرت بس دة مش كتير

بالعكس المنتدى دة كم الناس الودودين والمتعاطفين مع بعض كتير

بيحصل اختلاف احيانا وقليلا ما بيكون فية اسلوب عنيف فى الكلام

بس لو حنتكلم على اسلوب الكلام الغريب

فمعلش ممكن اوجة لحضرتك ملاحظة من زميلة

اسلوب حضرتك فى موضوع الامارات محدش متعود علية هنا فى المحاورات

دى مجرد ملاحظة

[القرموطى]

السلام عليكم ورحمه الله وبركاته

الاخوه الافاضل اولا الف شكر على الردود

وشكر خاص للاخت نانسى عشان بجد كانت اول واحد يطبق الرجاء الموجود فى الموضوع وانها لما جبت تنتقد اسلوبى فى موضوع الامارات وانها لما حبت تنصحنى نصحتنى على الملاء وده كان اول تطبيق عملى للموضوع وشكرا للمره الثانيه

سلام