عقدة حياتك ايه ........؟؟؟

[عليـ***ـاء]

كل واحد فينا عنده عقدة من حاجة ممكن تكون تافهه بس اهي مدايقاه في عشته وعملالو عقده في حياته مهما كانت ..........

مثلا ........

واحده صاحبتي عقدتها الكتاكيت تشوف العفريت ولا تشوف كتكوت ماشي قدامها

كانت اختها الصغيرة تشتري الكتاكيت مخصوص وتحطها في قفاها او تحطها علي حجرها وهي قاعده.. البنت كانت تجيلها حالة عصبية ............

واحده صاحبتي عقدتها انها تشوف تجمع النمل عشان كده عمرها ما اكلت مكرونه بشاميل عشان شكل اللحمه المفرومه بيفكرها بتجمع النمل................

وسبحان الله كل ما تيجي عندنا نكون عاملين مكرونة بشاميل

واحده صاحبتي تانية بتخاف موووووووت من القطط عقدتها ان قطة تيجي جمبها عشان كده بحب اوي اققعد اهش القطة جمبها واققعد اضحك عليها ............

في ناس تانية عقدتها الدم والحشرات والكلاب و و و و و و و

انا عقدة حياتي الديدان ..........كل ما افتكر شكلها بمووووووووت اخواتي منهم لله بيحطوها قدامي وانا بذاكر اروح مصوطة................

انت بقي عقدتك ايه ...................؟؟؟؟؟؟؟؟

[المدهش]

انا عندي فوبيا الاماكن الضيقة ..واحاول دايما اتجنب الصعود في الاسانسير او التواجد في اي مكان ضيق ومغلق..وباموت في جلدي لما افتكر مساحة القبر ..ربنا يكفينا شر عذاب القبر.

[سمـ مصر ــا]

انت بقي عقدتك ايه

أنا عقدة حياتى الثعابين

لو رأيت ثعبان فى حديقة الحيوان أموت من الرعب

ولو كان فى صورة او فى التليفزيون يبقى رحت فيها :blink:

مش عارفة السبب ياترى فية حد معانا دكتور نفسى يحلل اية حكاية العقدة دى

[سهيلة]

اولا

اهلا بيكى يا علياء معانا ونورتى الدنيا كلها

انا بقى يا علياء موش بخاف من ايوتها حاجة

يعنى لا بخاف من الظلمة ولا العفاؤيت ولا افلام الرعب ولا الدم ولا التعابين زى سما مصر ولا الاسد حتى

ولكن ما يؤرق حياتىىىىىىىىىىىىىى

حاجة واحدة بس

لما بشوفها بخرج عن شعورى

هوة كائن هلامى ممكن يبقى على الارض وممكن يطير وحتى ف المية ممكن يسبح وموش بيمووت

وتلاقية ف البلاعات او لازق ف شوز

اكيد عرفتوة

موش قادرة اقول اسمو حتى

السوريسار :blink:

على راى سمير غانم

عندى فوبيا منو بجد

يا رب ينقرض من مصر قريب او اسافر انا منها واسيبلو البلد

[yacho]

نبدأ بالكائنات الحيه

الحشرات الكبيره حتى لو دبانه كبيره .. الصراصير .. الى اخره ماعدا العناكب انا بحب العناكب .

الدود واى حاجه حيه لزجه .. حتى لما كنت اروح اصطاد مع بابا الله يرحمه

ماكنتش انا اللى اطعم الصناره بالدود الجمبرى عادى لكن الدود ياعععععععععععععععععع.

الفيران التعابيين .. يا ماااااااااااااماااااااااااااا .

من الحاجات الجمادات اللى تخللينى اتضايق قوى .. منظر الارض الجافه قوى لمل تشقق.

حتستغربوا قوى من اللى حاكتبه دلوقتى انا عارفه بس بجد انا ماحبش خالص منظر قلب

الشمام لما نشيل منه البذر مكان البذر بيكون فى تشققات منظرها برضه بيضايقنى قوى .

اخر حاجه الضلمه .

تم تعديل 27 يونيو 2006 بواسطة yacho

[مهيب]

العزيزة علياء كتبت :

كانت اختها الصغيرة تشتري الكتاكيت مخصوص وتحطها في قفاها او تحطها علي حجرها وهي قاعده.. البنت كانت تجيلها حالة عصبية ............

و كتبت

وسبحان الله كل ما تيجي عندنا نكون عاملين مكرونة بشاميل

و ....

عشان كده بحب اوي اققعد اهش القطة جمبها واققعد اضحك عليها ............

وكمان

اخواتي منهم لله بيحطوها قدامي وانا بذاكر اروح مصوطة................

وانا بشىء من الخبث (يعنى عين مفتحة و عين مغمضة) بقول ايه السر فى ان لما بنعرف ان فى شخص عنده عقدة من حاجة بنحب نرميها على حجره و نضحك ؟؟؟

أنا عندى عقدة و شنيطة من نوع من الصراصير اللى بيطير ... بصوت جناحاته جنب الودان و حجمه و حركته السريعة ... ييييييي .. بحس لما بفتكره حتى ان جسمى بيقشعر ... و الموضوع ده ليه سبب ...

كنت صغير .. و فى بيت جدى ... و كان بيت جدى من النوع اللى فيه قبو تحت السلم .. و كنا أيام الأعياد هاويين مغامرات و شقاوة ... عادى ان مجموعة من الأطفال تحاول تكتشف أسرار مقبرة (حتب - حرس) اللى اسمها القبو ... الدنيا ضلمة ... و الباب القديم المتهالك ... و الصوت ... صوت غريب جدا .... زززززززز ... لكن عادى ... احنا و لا بيهمنا ...

-" يابنى هات الكشاف الناحية دى .. مش شايف حاجة ... "

-" لا يا عم .. أنا هقف هنا بالكشاف و انت تفتح الأكرة و تدخل ... "

- "أحمد .. فى حاجات بتتحرك على الأكرة .. "

-" عادى .. تلاقيه عنكبوت و لا حاجة "

-" زززززززززززززززززززززززززززززززززززز "

- "ايه الصوت ده ... "

-" ده أكيد صوت الخشب علشان قديم ..."

ويقف أحمد بالكشاف ... و ضلى على الباب .. ضل كبير ضخم ولا كأنه ضل مازينجر بنفسه وده لأن الاضاءة جاية من ورا طبعا ... صوت الخشب اللى بيزن بدأ يزيد ... يزيد ... و بدأت أحس بصوت حاجات بتخبط فى الباب من ورا ... تك .... تك ... كأن واحد من الناحية التانية بيرمى الباب بالطوب ... صوت ريقى و أنا بابلعه ... مينفعش أطلع جبان ... ايدين أحمد بترتعش بالكشاف ... ويتهز الضل اللى على الحيطة ... وفجأة قررت انى أزق الباب برجلى .. وعملت كده فعلا ...

فى لحظة اتحول الصوت من زززززززززز الى فووووووووو ... الطوب اللى كان عمال يخبط فى الباب بقى يعدى من جنب ودنى بسرعة الصاروخ ... أحمد بيصرخ ... و الكشاف بيقع ... احساس شنيع بأن فى كائنات فاكرة ان جسمى جماد بدأت تحط عليه ... تحط؟؟ أيوة ماهى كانت بتطير ... تطير ؟؟؟ أيوة ... امال ززززززززز و فووووووووووو ده من ايه ... الملمس الصلب المرعب و الأجنحة اللى بتتحرك بسرعة ... صراصير بتطير ...

ويسرعة و هيستيرية بدأت أجرى .. أجرى ... لو وقعت دلوقتى هتبقى كارثة ... ارتطام الأجسام الصلبة اللى بتطير فى عكس اتجاه جريى ... السلم فين ... من أى اتجاه ... و فين أحمد و الكشاف ... أجرى جرى ... و أدور على السلم ... ززززززززززز ... فوووووووووو ... تك .. تك ... صوت الأجنحة المرعوشة و الهوا الضعيف اللى ناتج من حركتها جنب ودنى ... جنب رقبتى ... الحقوووووووووووونى

وطبيعى اتعقدت بشدة من موضوع الصراصير اللى بتطير ده ... لدرجة انى لما كبرت و كنت أيام الكلية أنا و مجموعة من أصحابى .. كنا ساكنين فى شقة ... و فى يوم عرفوا عنى عقدتى دى ... عرفوها لما شافوا رد فعلى لما شفت صرصار بيطير جوة الشقة ...

و من وسط الدموع من كتر الضحك على ملامح وشى اللى أخدت أعتى علامات الرعب .... و أنا بجرى برة الأوضه .. ثم بره الشقة ... واقف لوحدى فى البرد .. باترجاهم بلهجة أشبه للتوسل انهم يموتوه ... وهم يقولولى بضحك انهم هيربوه .. و يسيبونى لوحدى برة الشقة أتلج من البرد ... تطلع جارتنا ... كانت موجهة رياضيات ... و كانت ست طيبة جدا ... تسألنى بشىء من الدهشة :

- "مالك يا باشمهندس ... انت نسيت المفتاح جوة ولا ايه ؟؟ "

أرد عليها بارتباك :

-" أيوة يا طنط .. أصلى الباب اتقفل و مأخدتش بالى "

-" بس ده أنا سامعة صوت جوة "

-" لا يا طنط .. ده بيتهيألك... "

-" !!!!!!!! "

بنتها اللى فى سننا تطلع تشوف ايه اللى بيحصل ... باب شقتنا يتفتح و واحد من أصحابى يقوللى :

- "تعالى خلاص ... موتناه ..."

وشى طبعا يحمر و جارتنا بتسأل صاحبى عن ايه اللى موتوه ده .... وهو بيجاوبها بمنتهى البراءة :

-" لا أبدا يا طنط ... ده صرصار .. و مهيب بيخاف من الصراصير ... "

ارتباكى و أنا بصحح المعلومة :

- "اللى بتطير بس يا طنط والله .. "

صوت بنتها و هى بتحاول تكتم الضحكة ... وبعدها الوعود من اصحابى بانهم خلاص اتخلصوا منه ...

- "بالأمانة ؟؟؟ "

-" آه ... بالأمانة ... "

-" طب احلف .. "

-" وأنا أحلف ليه ... عاوز تصدق صدق .. مش عاوز انت حر .."

و أصدق .. و أدخل ... ألاقيهم فى صوت واحد يزعقوا ويقولولى :

-" حاسب ... الصرصار أهه ..."

أجرى تانى على الباب .. أتخبط فى كرسى الأنتريه ... صوت وقوعهم على الأرض من كتر الضحك ...

أنا فعلا عقدتى الصراصير اللى بتطير .. عادى يا جماعة ...

مهيب

تم تعديل 27 يونيو 2006 بواسطة مهيب

[nancy]

ضحكتنى يا مهيب :blink:

انا باة بخاف من البحر وهو ضلمة احينا لما تنزل فى مياة عميقة وخصوصا فى البحر الاحمر

مستحيل انزل البحر فى مية مش شايفة اخرها

لازم اكون فى عمق اعرف اعمل خط راجعة وارجع للشط

كمان مفيش حاجة ترعبنى اد الفار اخاف منة جدا ويجبلى حالة قرف

حتى بناتى جابوا هماستر وكان لازم يتنقل من الصندوق للقفص

اديا ماتت قبل ما عارف امدها وانقلة

وفضلت طول ماهو عندى ادعى ربنا انة يموت لوحدة

ومرة شفت دود على فار ميت دود الموت رعبنى ومنساش المشهد بتاعها رغم مرور اكتر من 20 سنة على الموضوع دة

انتم فكرتونى بفيلم اجنبى

كان اسمة (سفير ) ان كل الى بيدخل الكورة ممكن اصغر مخاوفه تموته

[se_ Elsyed]

حتى بناتى جابوا هماستر وكان لازم يتنقل من الصندوق للقفص

الهامستر ده حاجة غير الديناصور

؟

...

طب تعملي إيه يا باسمهندسة نانسي لو حضرتك قايمة من النوم ولسه ما كملتيش حوالي 90 % من الحلم ونزلتي تصلي الفجر في الجامع

لحد هنا وعادي

اللي مش عادي بقى إن في الركعة التانية تلاقي حاجة سودا جت بسرعة الصاروخ وطلعت فوق هدومك - حصل والله معايا - .. وبعدين رجعت تاني من نفس الطريق وراحت داخلة في بنطلون واحد هندي قدامك - الله الوكيل الواد ما أتحرك وكإن اللي داخل في هدومه ده ناموسه أو كائن لا يُرى بالعين المُجردة .. كل ده وإنتي شايفة السيناريو قدامك ... وبعدين الحاجة دي جريت تاني على الباب لكن لقيته مقفول عشان التكييف راحت جاريه وداخله في هدوم واحد سوري يقوم الراجل راقع صوت بالصريخ الحياني خلى كل اللي موجودين في الجماع ماتوا على نفسهم من الضحك والحمد لله إننا كنا سلمنا ..

كل ده وإحنا في الجامع وأنا عمال أقنع نفسي إني شايف كابوس ..

المضحك بقى إني رجعت أحكي لمراتي وقولتها لو حصل الموقف ده قدامك تعملي إيه ... فقالت لي أموت طبعاً من سُكات .... بقى أنا بأخاف من الصرصار يقوم يطلع لي فار وكمان يمشي على هدومي ؟ ...

---

أنا بقى عُقدة حياتي القطط ... أولاً علشان بأحس إن الشعر بتاعها ممكن يتطاير وإني ممكن أتنفسه ... وثانياً لما القطة تيجي تتلزق فيك بتسمع صوت كركبة في بطنها وكإن في بابور بيطحن زلط جوه .... وعامة أنا عدو الحيوانات الأليفة بمختلف أنواعها ومابحبش حد يشاركني في البيت .. قطط بقى كلاب سمك عصافير وأي كائن حي غير عيالي ...

[shahd]

هو اللون الأحمر :lol: بدرجاته بكل حاجة فيه

لدرجة اني لو شفت اي حاجة لونها احمر اغمض عنيا ولو اقدر اشيلها بشيلها

وكله كوم لو جه عندنا حد لابس احمر :blink:

هو ايه الي جاب سيرة اللون ده

اللهم احفظنا :unsure: :huh:

[hopsan]

هو اللون الأحمر بدرجاته بكل حاجة فيه

لدرجة اني لو شفت اي حاجة لونها احمر اغمض عنيا ولو اقدر اشيلها بشيلها

وكله كوم لو جه عندنا حد لابس احمر

هو ايه الي جاب سيرة اللون ده

اللهم احفظنا

اكثر الكلام استوقفنى..... ربنا معاكى يا شهد

الحقيقه على اختلاف انواعنا فإننا نتفق على شىء واحد ألا وهو أن تأخذ موقف من شىء ما إما بالرعب او بالقرف ...حاولت ان اكتشف شىء يرعبنى فلم اجد و لكن اعلم تماما مايسبب لى القرف لدرجه الألم و احيانا اظل طول اليوم لا أكل او شرب حتى تذهب عنى حاله القرف و لو تذكرت الحادث يمكن أن اظل لثانى يوم غير طبيعى و اصوم ايضا على حسب شده الحاله ...و الحادث و العياز بالله عندما اشاهد شخص يبصق على الأرض او ارى و بمحض الصدفه بصقه كامله المعالم او ورقه كلينكس بها كذلك و بعيدا عن الشرح ..كل ما يتعلق بالبصق....عفانا الله نحن و اياكم

تم تعديل 27 يونيو 2006 بواسطة hopsan

[سهيلة]

[اللي مش عادي بقى إن في الركعة التانية تلاقي حاجة سودا جت بسرعة الصاروخ وطلعت فوق هدومك - حصل والله معايا - .. وبعدين رجعت تاني من نفس الطريق وراحت داخلة في بنطلون واحد هندي قدامك - الله الوكيل الواد ما أتحرك وكإن اللي داخل في هدومه ده ناموسه أو كائن لا يُرى بالعين المُجردة .. كل ده وإنتي شايفة السيناريو قدامك ... وبعدين الحاجة دي جريت تاني على الباب لكن لقيته مقفول عشان التكييف راحت جاريه وداخله في هدوم واحد سوري يقوم الراجل راقع صوت بالصريخ الحياني خلى كل اللي موجودين في الجماع ماتوا على نفسهم من الضحك والحمد لله إننا كنا سلمنا ..

كل ده وإحنا في الجامع وأنا عمال أقنع نفسي إني شايف كابوس

se_ Elsyed مشاركة بتاريخ اليوم, 05:31

دة معناتو حاجة واحدة يا سى السيد

عارف اية؟؟؟

انك ما كنتش مركز ف الصلاة

[nancy]

الهامستر دة فار ابيض بس فى الاخر فار

كل يوم وانا باحط له الاكل اقولة مش ناوى تموت موتت ربنا باة

ولهى باكرهك :blink:

فعلا اناكمان زيك يا س س مش باحب القطط لانى باحس انهم معنى الغدر

ومحبش اربى غير زرع او سمك لان ملهمش صوت

[مصرية يعني مصرية]

مهيـــــــــــــــــــــب

يااااااااااااي

أنا حتجنن من إلي كتبته ده ......يييييععععععععععع

مرعب كإنني بتفرج على فلم رعب :o

أنا بكره الصراصير بكل أنواعها أما بشوفها

لكن إلي بتطير دي........

ياما...بحس بقشعريرة أما بذكرها ..و كل ده و عمرها ملمستني

أما يحصل لي إلي حصل لك ؟؟؟؟؟؟؟؟؟؟؟؟؟؟؟؟؟؟؟؟؟؟ :ninja: :ninja: :ninja:

أنا أروح فيها :unsure:

أما القطط أنا بحبها أوي

[عليـ***ـاء]

شكرا يا جماعه علي المشاركة في الموضوع .........

واسفه علي تأخري في الرد بس الكمبيوتر بتاعي دخله 15 فيروس لحد مازهقت والراجل اللي بيصلحه قالي انا هعملك وندوز جديد ونخلص ......مش عارفة هو العيب فيا ولافي الكمبيوتر الجازب للفيروسات بشكل غير طبيعي .........ماعلينا

سهيلة

شكرا يا سهيلة علي الترحيب :angry2:

اما حكاية السورسار الحمد لله انا مبخفش منه قد ما بخاف من الدود عشان ومش متخيلة ازاي هياكلني الدود في القبر عشان كده بدعي اني اموت شهيدة وربنا يحفظ جسدو وابعث زم ما انا !!

وياشو

انا معاكي في حكاية الاماكن الضيقة دي انا بتخنق اوي منها

اللهم اجعل قبورنا روضة من رياض الجنة

اما ........"مهيب " ههههههههههههه ده حكاية لوحده ...... بصراحه اللي حصلك ده فيلم رعب لوحده .... كويس انها اقتصرت علي عقدة وبس ...... بس طريقتك في وصف الحدث جميلة اوي وطريفة بتفكرني باسلوب "احمد خالد توفيق " كاتب رويات ماوراء الطبيعه .....

اه نسيت انت كنت سألت .......

.وانا بشىء من الخبث (يعنى عين مفتحة و عين مغمضة) بقول ايه السر فى ان لما بنعرف ان فى شخص عنده عقدة من حاجة بنحب نرميها على حجره و نضحك ؟؟؟

انا بالنسبة لي من باب الهزار وبس يعني الحمد لله مش سيكوباتية ولا حاجة ........

نانسي

شكرا للرد ........ انا برده بخاف من البحر والله في النور في الضلمة بخاف منه برده عشان غدار انا حدودي الشط مرة تجاوزت الحدود دي كنت هغرق لولا انهم لحقوني في الوقت المناسب

سي السيد

انا حصلي زي الموقف ده

كنا برده بنصلي جماعه وجت قطه جمبي وقعدت تلعب بالعباية بتاعتي وتشدها صاحبتي اللي كانت بتصلي جمبي بقت كل شوية تبعد واترعبت وفي الاخر راحت مسلمه وطلعت من الصلاة انا مكنتش خايفة لاني بحب القطط بس كنت عايزاها تمشي عشان اعرف اركز

شهد

انا مستغربة اوي اشمعني اللون الاحمر ........ بس اكيد ده ليه سبب يمكن حاجة حصلت وانتي صغيرة متعلقة باللون الاحمر او موقف وحش ........لو عرفتيه ...... العقدة دي ممكن تتلغي .......

hopsan

انا معاك بردة في نقد حكاية البصق دي ...... بصراحة حاجة فعلا مقرفة بحتقر اللي بيعملها .......ده ممكن يجيب مرض السل الله يحفظنا

[shahd]

عليـاء' شكرا يا جماعه علي المشاركة في الموضوع .........

شهد

انا مستغربة اوي اشمعني اللون الاحمر ........ بس اكيد ده ليه سبب يمكن حاجة حصلت وانتي صغيرة متعلقة باللون الاحمر او موقف وحش ........لو عرفتيه ...... العقدة دي ممكن تتلغي ...

بجد يا علياء مش فاكرة موقف محدد وما اظنش ان في شيء معين بس هو فعلا اللون ده بيعملي قلق جامد .....

ما تستغربيش هيا دي عقدتي فعلا :P

هو اللون الأحمر بدرجاته بكل حاجة فيه

لدرجة اني لو شفت اي حاجة لونها احمر اغمض عنيا ولو اقدر اشيلها بشيلها

وكله كوم لو جه عندنا حد لابس احمر

هو ايه الي جاب سيرة اللون ده

اللهم احفظنا

اكثر الكلام استوقفنى..... ربنا معاكى يا شهد

اي والله ربنا معايا يا استاذ hopsanانا مش عارفة الناس بتستحمل اللون ده ازاااااااااااااااي يا اما انا الي مش طبعيه:)

شكلي كده :wub:

تم تعديل 7 يوليو 2006 بواسطة شهد