تساؤلات عن التجنيد .... هل تحترم نفسك لو تهربت من التجنيد ؟

[se_ Elsyed]

تم حذف المداخلة لخروجها عن حدود اللياقة

الإدارة

عصام شوقى

يا أخي الكريم عيب الكلام ده

لإن في زملاء أفاضل معنا ليسوا مصريين .. كمان أن بعضنا مصري ولكن لا يعيش داخل مصر وممكن أن يصدق أن هذا يحدث

إذا كان الواحد اللي تعرفه تخنث وإتقلب كده .. فهو حر .. إن شالله يقف على الناصية ويشتغل ميكروباص بالنفر

لكن أن تستخدم كلمة " إنتشر " و " معروف " فعيب جداً جداً

وياريت نوزن كلامنا قبل ما نقوله

هاسألك سؤال : هلى يوجد بيت مصري من أسوان للإسكندرية لا يوجد فيه مُجند أو شخص يخدم في القوات المُسلحة ؟

أتحدى ذلك

إذا فهل نحن وانت لك أقارب قد تحولوا إلى شواذ بمجرد دخولهم الجيش ؟

اللي عايز يتخنث ويلبس طرحه ويقعد في بيتهم عشان ما يخدمش بلده هو حر .. وأهو ريحنا والستات هايبقوا زادوا واحد ... بس مش هانسمح بنشر كلام من تلك العينة ...

واللي عايز يكذب الحديث النبوي الشريف الصحيح الذي يقول إن جند مصر خير أجناد الأرض ... يبقى هو حر في كفره وسيتلقى وعده دنيا وأخره ..

واللي عايز يقضي جيشة في العقاد مول أو دريم بارك .. يبقى يهرب من التجنيد ويلتحق بأي من هذين المكانين

أراني أقرأ وأسمع نفس تبريرات المجرمين ومدمني المخدرات بل والشواذ جنسياً أيضاً كهذا الشيء في فيلم عمارة يعقوبيان لما واحد بيلقح عليه كلام عشان هو شاذ .. فبيرد عليه ببرود ويقوله " إنت فاكر إن أنا لوحدي اللي كده .. لا ... ده في كثير زيينا "

نفس التبرير .. ونفس المنطق اللامنطقي

وأخيراً أقول : حرية الإختيار مكفوله للجميع .. اللي مش عاجبه الجيش وعايز يهرب هو حر .. واللي مش عاجبه بلده كلها وعايز يولع في نفسه برضوا هو حر

لكن أن تتكلم عن الشرفاء وتُطلق إشاعات بغضية عليهم لكي تُثبت لنفسك إنك على صواب .. كده إنت مش حر وهاتتحاسب .

[البوابه]

بطلوا تدفنوا راسكم في الرمله و تنكروا الحقيقة ، اي واحد فيكم يروح يسال اي دكتور علي العضلة اللي ديما بتطلع مرتخية

بعد التجنيد.

انا لم اعمم هذة الحالة علي كل اللي دخل التجنيد ، يعني انت قلبت كلامي غلط يا سي السيد ، انا قلت انها منتشرة و مش ممكن ننكرها، تحب الحاجات دي تحصل لواحد تعرفه ؟ .

الكلام الوسخ و الشتايم ديما بتعبر عن تصرفات صاحبها ، حتنكر يا سي السيد الشتايم في التجنيد ؟ اللي يعيش ياما يشوف !

[Alshiekh]

بطلوا تدفنوا راسكم في الرمله و تنكروا الحقيقة ، اي واحد فيكم يروح يسال اي دكتور علي العضلة اللي ديما بتطلع مرتخية

بعد التجنيد.

الحقيقة انت تتكلم عن الجيش وكأنك تتكلم عن حضانة او مدرسة ابتدائى مش اعدادى

عندما تتكلم عن اشخاص يدخلون الجيش وهم فوق العشرون ، فى الغالب 23 عاما على الاقل ، فانت تتحدث عن رجال مكتملى الرجولة

فاذا دخلت الجيش وخرجت منه بهذه العاهة ، فاسمح لى ان اقول ان العيب فيك انت وليس فى الجيش ، فالطيور على اشكالها تقع

ولن يجد الشاذ الا شاذا مثله ، تماما كما لايقع فى براثن النصاب الا طماع !

[البوابه]

""فاذا دخلت الجيش وخرجت منه بهذه العاهة ، فاسمح لى ان اقول ان العيب فيك انت وليس فى الجيش ، فالطيور على اشكالها تقع""

عيب تقول الكلام ده ، يعني ان الشخص فوق ال 23 سنة معندوش حقوق ، يحصل اللي يحصله في التجنيد ؟ يتشتم و ينضرب و يعتدي عليه كمان ؟ اه ما هيه دي ام الوطنية و عظيمة يا مصر !!!

عيب تلوم شخص ماكنش الامر بايده ، يعني لما يجيلك ضباط الصف والامباشي حتقولهم لاء ؟؟

[البوابه]

[ابو محمود]

بطلوا تدفنوا راسكم في الرمله و تنكروا الحقيقة ، اي واحد فيكم يروح يسال اي دكتور علي العضلة اللي ديما بتطلع مرتخية

بعد التجنيد.

انا لم اعمم هذة الحالة علي كل اللي دخل التجنيد ، يعني انت قلبت كلامي غلط يا سي السيد ، انا قلت انها منتشرة و مش ممكن ننكرها، تحب الحاجات دي تحصل لواحد تعرفه ؟ .

الكلام الوسخ و الشتايم ديما بتعبر عن تصرفات صاحبها ، حتنكر يا سي السيد الشتايم في التجنيد ؟ اللي يعيش ياما يشوف !

.................اية يابنى انت مالك عملين نقولك متعممش انت متعقد من حاجة هوا الشذوذ دة يابنى مرض وممكن صاحبك دة يكون منصاب بية من صغرة وبعدين كل واحد بيدخل الجيش بيكون عندة مشكلة بيرميها على الجيش انا خدمت بلدى ولم ارى يوما ما يسيء الى القوات المسلحة عايز اقولك حاجة السرقة مرض زى الجرب مثلا لوواحد مجند سرق يبقى اتعلم السرقة فى اثناء الخدمة العسكرية ؟اتق اللة ... انت عايز تبرر هروب الشباب من الخدمة العسكرية مش بهذة الطريقة انا عندى طريقة افضل اعرفها .... وهما بيكشفو كشف الهيئة يعترفو انهم نساء وملهمش فى الرجولة

اظن سهلة على جيل بة امثال ... تامر حسنى ... وجيل بيحب يطلع فى ستار اكاديمى مش كدة ياجيل كلة استغفر اللة العظيم ..............

[حشيش]

مش فاهم بصراحة صورة مين دى !!! .... خواجة من الخواجات !!!!!!

[البوابه]

""""وهما بيكشفو كشف الهيئة يعترفو انهم نساء وملهمش فى الرجولة

اظن سهلة على جيل بة امثال ... تامر حسنى ... وجيل بيحب يطلع فى ستار اكاديمى""" اقتباس

المشكلة انهم بيدخلوا التجنيد زي الورد ، شباب معندوش اي مشكله نفسية او اخلاقية ، و هناك يقبلوا بعض المنحرفين من

ضباط الصف والامباشي و يبوظو الشباب اللي زي الورد.

احسن انهم يفشلوا في كشف الهيئة بدل ما يفقدوا رجولتهم !

ده غير اللي بيحصل في معاهد التمريض !! ، مفيش واحدة فيهم لسة بنت !! و عظيمة يا مصر!!

[hopsan]

الساده المقبلين على التجنيد

اود ان اذكر بعض الحقائق و التى لم اكن ادرى يها إلا بعد ان خرجت من الجيش و تجنيده ...حتى فى ظل فتره التجنيد لم اكن ادركها ...وهى ان الجيش يخرج رجال حقيقيون و ناس يعتمد عليهم ...

ما قد تجده فى مركز التدريب يشعرك احيانا بأنك دخلت فى مستنقع قذر من حيث الإهانه و التكدير و ما الى ذلك من إحساس قد يدفعك الى الهروب ..و لكن قف ...انتظر لحظه فأنت مقبل على ترويض للنفس و تحضير لرجل فاعل بمعنى الكلمه ...ما قد تشاهده او تشعر به ما هو إلا برنامج قد وضع من قبل اطباء نفسين و ممارسن للجنديه ...حيث ان الهدف الأوحد هو الطاعه و تنفيذ الأوامر بحذفيرها و لست انت وحدك فى هذا المجال فكل رتبه تعلوك لديها امر تنفذه بدون مناقشه و يأتى بعد ذلك التقنيه و التى ستتعلمها فى وحدتك .....العيب فى كل هذا هو انك لن تدرك هذا طوال فتره تجنيدك و لكن ستشعر به بعد فتره طويله من تخرجك من التجنيد و لن يدرك ما اقول سوى شخصان ....اولاهما الذى لا تجنيد له و ثانيهما الذى دخل و خرج بواسطه دون المرور بفتره الجيش ...و انصح كل من لم يمارس تجنيده ألا يعطى لنفسه الحق بالكلام عن التجنيد لآنه لا يعرفه و ألا يعطى اذنه لمن يخرب عليه فتره تجنيده ...كما ادعو كل من مارس تجنيده ان ينصح الشباب بأفضل ما يجب فعله طوال فتره تجنيده ......صحيح و هى حقيقه ستخرج من حضن مامى و لكن عندما تصبح رجل بمعنى الكلمه ستعود و تأخذ مامى فى حضنك....مع التحيه

انسان جرب التجنيد منذ فتره طويله

رجاء من الإداره بتغير العنوان فهذا المنتدى للبناء و ليس للهدم

[engamr]

كيف تهرب من التجنيد ؟؟؟؟؟؟؟؟؟؟؟؟؟

سؤال اصبح شاغل شباب كتير ولااخفيكم سراً ان قلت كل شباب مصر

وذلك لما نسمعه من قصص كثيرة حول المعامله والقسوة داخل الجيش والاهانات والخ الخ الخ

وحقاً تكثر بعض المبالغات من بعض الاطراف حول الجيش

ولكن اتفق الجميع في نهايه الامر ان دخول الجيش ( شر لابد منه )

وبالطبع يابختهم ياهناهم وياسعدهم اللي يكونو ( وحيدين آبائهم وامهاتم من الصبيان )

واصبح الشغل الشاغل ازاي اعدي من الجيش ؟؟؟؟

قصه غريبه حكاها لي احد الاصدقاء

ان احد اصدقاءه بالصدفه قبل موعد الكوميسيون الطبي باسبوعين تقريباً خُلعت كتفه ولم يذهب لعلاجها حتى ياخد اعفاء من الجيش ... وبالفعل اخد اعفاء طبي

وسألت صديقي بمنتهى السذاجه ,, هو خلع الكتف دا مشكله يعني ,, دا كلها اسبوع وتخف لما تتعالج بطريقه معينه او اسبوعين بالكتير ,, ازاي يعني اخد اعفاء طبي ؟؟

قاللي هو دا اللي حصل .......

بصراحة انا من بعدها وانا بفكر على كدا اي حد قبل مايروح الكوميسيون الطبي يروح كاسر ذراعه او رجله عشان يكون فيه عنده مشكله تعوقه عن الجيش (( مؤقتاً )) وبيها ياخد اعفاء طبي

وعلى حد معلوماتي المتواضعه ,, اعفاء طبي يعني اعفاء نهاااااائي

زمان كنت بسمع ان اللي عنده فلاتفوت ,, مستحيل يدخل الجيش

وحقيقي نفسي اعرف الفلاتفوت دا هو عبارة عن ايه بالظبط ؟؟؟؟؟؟

كل معلوماتي ان الواحد تكون رجله مسطحه

يعني مفيهاش اي الم ,, ولا ايه شكوى من المشي ولا حتى الجري ؟؟؟؟

اومال اعفاء ازاي ؟؟؟؟؟؟؟؟؟؟؟؟؟؟

(( دا كان زمان ))

لكن حالياً يتاخد اللي عنده فلاتفوت

وكنت بسمع برضو اللي نظره ضعيف ومش بيشوف الا بالنظارة ,, خلاص اعفاء طبي

حالياً الواحد لو لابس نظارة كعب كبايه يروح الجيش (((( مش متأكد ))) حسب مابسمع من الاشاعات حول الجيش وانه بقى سويقه ومفيش كشف ولا اي حاجه ,, اي حد بيدخل الجيش

المهم ياجماعه ....

ليه الصورة السيئه دي عن التجنيد ؟؟؟

وهل حقيقي الحال وصل لهذه الحاله من السوء وانعدام الضمير ؟؟؟؟

ياليت حد من الاخوة الكرام اللي دخلو الجيش وخلصو او لسا في الجيش او يعرفو حد من اقاربهم او معارفهم دخل الجيش او موجود فيه ,,, يحكو لنا عن تجاربهم

لانريد تجارب من 10 سنوات

نريد تجارب حديثه

قرأنا جميعاً موضوع ( المنتوف ) للاخ الكريم حشيش وحكايته مع التجنيد

نريد ان نسمع منكم حكايات جديده وواقعيه ولايوجد بها مبالغات

هل حقاً الاهانه اصبحت شئ عادي

ان يهان الشخص بابيه وامه دون اي فعل عمله ,, اصبح شئ عادي ؟؟؟؟

هل عندما ادخل الجيش ,, سأهان بأبي وامي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ام انها مبالغات او انها فقط للطبقه السفلى اللذين لاقيمه لهم (( في نظر الحكومه ))

وانت ياشاب يامصري .. جاوب بصراحة نفسك تلاقي طريقه تهرب بيها من التجنيد ؟؟؟؟؟؟؟؟

ولو سمحتم كنت طرحت موضوع من فترة وهو (( التجنيــــــــــد )) الكشف الطبي - الزواج

اطرح فيه بعض الاسئله وارجو اجابتي عنها وهي ...

1- فترة التجنيد للمؤهلات العليا 9 شهور ولا 14 شهر ؟؟؟

2- ماهي طبيعه العمل بالظبط في الجيش وعدد الايام التي تقضيها ؟؟؟

3- وعدد ايام الاجازات ؟؟؟

4- المرتب ؟؟؟

5- وبالنسبه للثانويه العامه ؟؟ هل هي سنتين ولا 3 سنوات ؟؟؟؟؟ ونفس السؤال الاجازات والمرتبات ؟؟؟؟

6- هل اذا تجوز الشاب في فترة الدراسه مثلاً .. هل لانه عائل لاسرة ياخد اعفاء او تأجيل ؟؟ او لااهميه لذلك في نظرهم ؟؟؟

ارجو منكم الاجابه عن هذه الاسئله للاهميه ,,,,

وشاكر تعاونكم :unsure:

انا دخلت الجيش ولسه مخلص قريب في يونيو 2009 يعني من حوالي سنة ونص كده

وطبعا مكنتش عاوز ادخل اكيد وكان امنيتي اني اطلع تاجيل او اعفا طبي لاي سبب

بس في النهاية لو كلنا مدخلناش مين اللى هيخش؟ ده مش معناه اني كنت عاوز ادخل بل بالعكس لو الايام رجعت تاني هكون مش عاوز ادخل بس انا بقول الكلام ده للي داخل او دخل فعلا انه يسلم امره لله ويحتسبها عند الله تعالى وبرده يقول لنفسه لو كل شباب مصر هربوا ومدخلوش مين برده هيخش؟ اه احنا طبعا مابنعملش اي حاجه وقاعدين وخلاص بس بفرض انه حصل حاجه مين هيكون موجود؟ وممكن متبصش لمصر كبلد بصلها كامك واختك او مراتك ياتري لو لا قدر الله حصلنا زي العراق كده هترضي لاختك او امك او مراتك تتبهدل او ... او ... لو مفيش جيش او رجاله في البلد؟ اكيد لأ

بس ده مقدمة بسيطه حبيت اوضح بيها ان اه الجيش مش محبوب من الناس اكيد بس برده انا مازلت شايف انه مهم ان يكون في تجنيد طبعا بس المشكله في اختيار مين يدخل ومين ميدخلش

حكايه الكشف الطبي بقا ده ملهاش اي قاعده وميحكمهاش الا مزاج الدكتور وبمناسبة خلع الكتف كان واحد معانا كتفه بيتخلع وقال للدكتور كده .... الدكتور قاله اخلعلي كتفك طيب دلوقتي عشان اشوف !!

وفي واحد صاحبي كان داخل انه هيطلع عظام طلع التصاق!!

وفي ناس نظرها تعبان وبتخش برده لان العدد كبير و اكيد ناس هتتظلم في الهلمه ده.

فحكايه انك تكسر رجلك او دراعك معتقدش انها هتعمل حاجه

افي نقطة وهيا الناصور للي يعرفه. كان عند واحد صحبي ومرضيش يعمل العمليه غير بعد الكشف الطبي وفعلا خد اعفا.

فهي حالات وحالات وفي الاخر نصيب

طبعا اعفا طبي يعني نهاااائي والجيش ملوش عندك اي حاجه بعد كده وتاخد بسبور غير مطلوب للتجنيد ولو البلد ولعت مش هتخش



الفلات فوت في حالتين عظام او في اقدم نفسها يعني لو انت عندك مشكله في عظام القدم عامله القلات فوت يبقي ممكن تخرج انما لو شكل القدم بس مستوي معتقدش

النظر اكتر من سالب اربعه بيطلع

الصوره طبعا عن الجيش سيئه انت سايب بيتك او شغلك واهلك ورايح تقعد عندهم وممكن متعملش اي حاجه طول خدمتك فاكيد مش هتحب تدخل يعني وعموما اي حاجه بالعافيه مش محبوبه بعني

بس لأ عن خبرتي وتجربتي (وانا بتكلم عن اللى شوفته في خدمتي يعني مش قاعده عشان محدش يعترض) الجيش لسه فيه ضمير شوية ويعتبر الحاجه الوحيده المحترمة اللى باقيه في بلدك

انا مشفتش اهانه والحمد لله وعلى فكره لو انت مؤهل عالي حتي لو عسكري فليك وضعك واحترامك جوه الجيش وهتعرف قيمة شهادتك لو دخلت لا قدر الله

انما الناس العاده (اللى بيخشوا 3 سنين ومعاهم ابتدائيه مثلا) دول بيتبهدلو شويه يمكن عشان تفكيرهم على قدهم (مثلا) فلازم معامله قاسيه انما لو عسكري عليا فبيقولوا لنفسهم على بال ميخش هيكون طلع فمش لازم نبهدله يعني



الاهانه مش عادي جوه الجيش وفي طرق كتير ممكن تشتكي منها لو حد اهانك ومحدش يقدر ييضربك او يشتمك وفي قاعده بتتقال جوه الجيش

لو تطاولت الايدي تساوت الرتب

يعني لو ظابط ضربك خلاص كده خرج من الميري اضربه زيه زيك

او ممكن تاخد حقك وتشتكي برده لانك في الاخر هتلاقي ناس كتير عندهم ضمير

بس انا الحمد لله مشفتش اي حاجه من ده خالص وده برده قليل جدا وطالما انت مؤهل عالي محدش هيعملك حاجه وهيحترموا شهادتك وعقلك

انا فترتي عدت على خير الحمد لله بل وليا ذكريات جميله كمان

واجابه لسؤالك

انا لو كنت لقيت طريقه مشروعه تخرجني كنت طبعا خرجت انما هروب انا شايف ملوش لازمة

واجابه لاسئلتك بالترتيب

1- لو عسكري يبقي 13 شهر لو ظابط يبقي 30 شهر

2- ملهاش طبيعه



لانه على حسب مكانك اللى رايحه انا كنت في سكرتاريه بكتب جوابات عالكمبيوتر وببعت فاكسات وحاجات كده

وبرده كنت بمسك خدمة

هي على حسب انت متوزع على فين يعني لو رايح حته في جبل او صحرا او مستودع اسلحة او حاجه زي كده اعتقد هتتعب شوية انما لو منطقه مركزيه جوه المدن فده اخف يكتير وبرده بتفرق من سلاح للتاني

3- الاجازات برده على حسب مكانك انا كنت بنزل كل اسبوع جمعه وسبت وكان معايا ناس بتنزل كل 21 يوم اسبوع وفي ناس في اماكن تانيه جوه القاهره بتروح كل يوم زي الشغل كده

4- المرتب طبعا حاجه بسيطه كان 120 جنيه تقريبا

5- المرتب ثابت للعسكري انما الفتره بتفرق

مؤهل عالي 13 شهر

دبلوم فوق متوسط سنة ونص

ثانويه عامه تقريبا سنتين

عاده (ابتدائيه او امي) 3 سنين

6- عائل اسره مش معناه انك متجوز

معناه ان الوالد متوفي وانت كبير العيله وليك مثلا اخ بيدرس

بتاخد تاجيل لغايه ما اخوك يخلص دراستة لانك عائل للاسره وبعدين في الغالب بتخش

تم تعديل 30 نوفمبر 2010 بواسطة engamr

[عادل أبوزيد]

محاورات المصريين بدأت سنة 1998 أى منذ عشرين سنة  و كانت هي الموقع الوحيد ال regulated site بمعنى الرقابة الذاتية للمحتوى الذي ينشر في محاورات المصريين.

بذلنا جهدا غير عاديا  لكتابة قواعد المشاركة في محاورات المصريين و يمكن وصف هذه القواعد بالسهل الممتنع  كيف تضع قواعدا في أقل عدد من القواعد و في نفس الوقت تسمح بحرية الحوار  ......

قبل محاورات المصريين أنشأت أخبار اليوم منتدي  و لم تكن هناك أي قواعد تحكمه فكنت تجد أسماء الأعضاء الحركية  تشمل أسماء شخصيات حقيقية و كان مملوءا بالسباب مما إضطر أخبار اليوم إلى إلغاءه بالكامل بعد أقل من ستة شهور على قيامه.

في محاورات المصريين  تكون مجلس للأمناء يكونوا مسئولين و يواصلون الليل و النهار للتأكد من رقي المحتوى المنشور ، هذا الموضوع يمثل عينة لجهد فريق التنسيق و الإشراف طوال العشرين سنة الماضية  تجد هنا عدة مداخلات تهاجم عملية التجنيد  و هناك عدة مداخلات تم حذفها ، المرحوم محمد الشيخ كان يعيش في الةلايات المتحدة  و أذكر أني كنت معه علي التليفون قبل وفاته بأيام و فتح لي قلبه و حكى لي قصة حياته بالكامل منذ كان طفلا صغيرا في الإسكندرية و حكى هنا في محاورات المصريين جزء من قصة حياته ، له في هذا الموضوع مشاركتين أو ثلاثة يرد بالكامل على كل من يتخوف من عملية التجنيد و الشرح بإخلاص كما لو كان كلام أب لإبنه و كذا عدة مداخلات للفاضل Hospan و هو من الأعضاء الراحلين و كتب يرد على من يتخوف من التجنيد.