تتصرف ازاي؟؟

[بنت شعنونة]

شخص ما.. في مرحلة المراهقة في حياته لم يستطع السيطرة على غضبي وكان نتيجة دا انه ارتكب جريكة قتل..

ولما اتعرض على القاضي كان حكم المحكمة انه مريض نفسي وماكانش مسؤول عن تصرفه وانه يودع مصحة عقلية..

وعاش الشخص دا في المصحة سنييييين من عمره

وبعدين خرج وعاش سنين تانية وسط الناس و الكل يشهدله بالخلق الحسن و الصلاة و الأيمان وكل الصفات المحترمة

وبعد الحادثة دي ب يجي 30 سنة مثلا او اقل قليل

تقدم لك هذا الرجل وطلب يتجوز بنتك..

وحكالك على كل حكايته من اولها ل اخره وما خباش عليك حاجا وكان صريح جدا في كل حاجا..

ها توافق؟؟ والا ها ترفض؟؟ و ليه؟ :lol:

[nancy]

طبعا ارفض

لانى معرفش بعد مرور كل الفترة دى انى اعرف كل الحقيقة ومفيش حد حيقول كل الحقيقة كدة من نفسة

ولان انا باتعب اوى فى تربية بناتى فلازم الى ياخدهم اعرف اهله كويس جدا جدا

وادرس حالتة اوى لانى حاديلة قلبى ودة مش حاجة سهلة

[سقراط المصري]

هرفض لان الحاله ممكن ترجع له تاني

[سهيلة]

قتل :lol: ;) :)

مصحة عقلية؟؟؟؟

اولا موش هقدر اقولك كلام مثالى انى هنسى كل ماضية عشان حاضرة الابيض

لان لو انا سامحت ونسيت المجتمع عمرة ما ينسى ويرحم

ودة هيسبب مشاكل كتيييييييييييييييييييييييييييييييرة ف حياتنا ف المستقبل

ثانيا

زى ما قالت نانسى لازم اتاكد من كل كلمة قالها ودة صعب جداااااااااااااااااااا

بالاضافة انو ممكن يكون نفسيا موش مضبوط نتيجة لهذة التجربة القاسية اللى مر بيها

او من الاول كدة وما زال عندو بعض لرواسب القديمة

اذا صعب اوى اوافق علية كزوج

[بنت شعنونة]

سقراط..

هوا انا لازم اقتل قتييييييل عشان اشوف حروفك معايا :lol:

واحشاني حروفك فعلا :)

نانسي وسهيلة.. الرفض التام..

ماشيي

خلوني اغير السؤال..

طب لو نفس الراجل دا جاي يشتغل عندك ها تعمل ايه؟ و ليه؟ ;)

تم تعديل 28 يونيو 2006 بواسطة بنت شعنونة

[زعلان]

أرفض رفض قاطع

[White heart]

بنت شعنونة كتبت:

... بعد الحادثة دي ب يجي 30 سنة مثلا او اقل قليل

تقدم لك هذا الرجل وطلب يتجوز بنتك..

وحكالك على كل حكايته من اولها ل اخره وما خباش عليك حاجا وكان صريح جدا في كل حاجا..

ها توافق؟؟ والا ها ترفض؟؟ و ليه؟ :huh:

القرار أولا و اخيرا يعود الى الأبنة .... فإذا وافقت = وافقت، و اذا رفضت = رفضت، ليس معنى اننى والدها أن أقرر بالإنابة عنها!!!

اما اذا كانت تحبه و تريد الزواج منه و طلبت رأيي - فسأوافق و بلا جدل، إحتراما لكل ما عدديته من صفات الرجل أولا، و صراحته و بأنه لم يكذب فى أى شئ ثانيا ...

طب لو نفس الراجل دا جاي يشتغل عندك ها تعمل ايه؟ و ليه؟ :D

سأوافق أيضا - و بلا تردد، خاصة مع وجود فترة إختبار 6 أشهر .... بل و بعدها اذا صدر عنه تصرف - أو طبع غير مقبول حيال زملائه و العمل، فببساطة إنذار - و اذا استمر فيما هو عليه فالثانى .... و اذا أصر بعدها اذن فالفصل .... أما اذا صدر عنه ما يتسبب فى إيقاع ضرر للعمل أو بزملائه فالفصل الفورى .... هذا هو الاسلوب الأمثل من وجهه نظرى.

تحياتى.

[سمـ مصر ــا]

بعد الحادثة دي ب يجي 30 سنة مثلا او اقل قليل

تقدم لك هذا الرجل وطلب يتجوز بنتك..

وحكالك على كل حكايته من اولها ل اخره وما خباش عليك حاجا وكان صريح جدا في كل حاجا..

ها توافق؟؟ والا ها ترفض؟؟ و ليه؟

أكيد برفض لان إية ذنب بنتى أنها تبدأ حياتها مع شخص لة مالهذا من خلفيات سوداء من قتل

ومصحات عقلية وبعدين إنتى نسيتى أنة فى هذا الوضع أوشك على الدخول فى الاربعين

مراهقة نقول 18 سنة و30 بعد الحادثة يبقى كدة 38 أو أكثر قليلأ أو أقل قليلا

يعنى يروح يدور على واحدة من سنة مش بنت صغيرة

عموما لأكثر من سبب أنا غير موافقة

طب لو نفس الراجل دا جاي يشتغل عندك ها تعمل ايه؟ و ليه؟

لو أنا عندى مكان ومطلوب فية شخص ما أفضل أن أعطية لشاب يخطو أول خطواتة فى الحياة

عندة طاقة للعمل ورغبة فى إثبات قدراتة

أما الحالة التى تتكلمى عنة أفضل أن أجمع مجموعة من معارفى

وأشرح لهم الحالة ونجمع لة مبلغ ثابت كل شهر نقدمة لة معونة تساعدة على الحياة بكرامة

مع تحياتى لك

[nancy]

شغل ماشى مفيش مشكلة فى الاخر معجبنيش يا دار ما دخلك شر

وعلى فكرة على حكاية عاقل ولا مجنون كلنا فينا حتة جنان

فمش مشكلة لما يكون معاكى واحد مجنون فى الشغل ولا عشرة عادى جدا

[بنت شعنونة]

ياسلام عليكوا... :huh:

طب خدوني على قد عقلي تاني..

في رفض تاااااااام في موضوع الزواج

وفيه احتمالية في موضوع العمل.......

طب لو الولد دا ابنك او قريبك من الدرجة الأولى هل كنت ستشعر ان المجتمع ظالمه؟

والا ها تحس انه يادوبك عليه اللي بيحصل؟ :D

[nancy]

طب لو الولد دا ابنك او قريبك من الدرجة الأولى هل كنت ستشعر ان المجتمع ظالمه؟

والا ها تحس انه يادوبك عليه اللي بيحصل؟

شعنونة .. انت غريبة اوى

عموما لو ابنى اكيد حابقى عرفة مشكلتة من الاول ومتابعة حالتة ويمكن لو هو عاقل حاحس انه اتظلم

بس انت لما بتغيرى موقعك فى الموضع مش رؤيتك ومشاعرك بتتغير بس

لا احساسك بالمشكلة وباية الى صح والى غلط فيها

وبالتالى مش حيكون مستخبى عنى جزء منها زى وضعى فى الجانب الاخر

فمتفتكريش انك حطلعينا بنحكم معيارين مختلفين :D

[مـي]

:closedeyes: أرفض :closedeyes:

مي

[محمود الشاعر]

لو جاء يتزوج ابنتي

أولا انا مش هجوز بنتي سلمى ربنا يخليها لي يا رب لحد جاي كدة يطلبها وخلاص لازم هي توافق عليه وبعدين اشوف تمسكه بالدين وبالعقيدة والاخلاق ولو اطمنت له وفهمت مشكلته وعرفت الحقيقة بعد ما هسئل عنه هحط كل ده ادمها وهى تختار

لو فى الشغل اكيد هعمل له اختبار للوظيفة لو ينفع ماشي مينفعش ممكن اشوف له حاجة على قده

لان الشغل مسئولية مش فلوس بتاعتي لا فى ناس شغالة تانية واكيد فتحيين بيوت وهما استئمنوني على مستقبلهم فلازم اكون قد المسئولية

لو ابني لا قدر الله

مش عارف هيكون احساسي اية بس اكيد مش هيختلف كتير لان المبدأ واحد

[White heart]

طب لو الولد دا ابنك او قريبك من الدرجة الأولى هل كنت ستشعر ان المجتمع ظالمه؟

والا ها تحس انه يادوبك عليه اللي بيحصل؟ :closedeyes:

بكل تأكيد المجتمع ظالمه ....

الجملة دى مهمة جدا:

... لما اتعرض على القاضي كان حكم المحكمة انه مريض نفسي وماكانش مسؤول عن تصرفه وانه يودع مصحة عقلية..

و دخل فعلا المصحة و قضى الفترة الملزمة عليه .... سنين من أحلى سنين عمره .... يعنى دفع الفاتورة .... يبقى المفروض لما يخرج هو نفسه ابتدى صفحة جديدة ... و الدليل كل اللى عددتيه من مزايا و صفات حسنة يتحلى بها ... يبقى المنطق و العقل و من قبلهم الحق و العدل، بيحكموا على المجتمع انه برضه يفتح صفحة جديدة .... مش بس كدة - لأ دة يفتحها مش " إحسان " أو " عطف " أو " شفقه " ... لكن بشكل طبيعى و بديهى .... لماذا يجب على المجتمع أن يعاقب و يعاقب و يعاقب ..... و لا يصفح أبدا ... حتى و لو دفع هذا الفرد المعاقب ثمن خطأه بالفعل، و بذل من الجهد الكثير ليصبح فرد صالح من جديد؟؟؟!!!

تحياتى.

[سهيلة]

خلوني اغير السؤال..

طب لو نفس الراجل دا جاي يشتغل عندك ها تعمل ايه؟ و ليه؟

الراى هنا هيختلف تماما

لية لانى محتاجة منة حاجة محددة يعملها وبس

هعمل للشخص دة اختبار زية زى اى حد متقدم للوظيفة

لو اجتازها

هشغلو طبعا واعاملو زى الباقيين

لية؟؟

لانى لو قفلت الباب فى وجهة وغيرى قفلة وغيرى وغيرى

مصير الراجل دة حاجة من الاتنين

هيبقى مجرم عشان يقدر يعيش

او هيرجع مريض نفسى تانى لان المجتمع ظلمو ولم يغفر لة ما كان وهذا سيصيبة بالاكتئاب وغيرة وغيرة

فلازم احاول اساعدة

ولا اظلمة

[se_ Elsyed]

الرد هايكون في كلمتين

" مع نفسك يابا "

الواحد ممكن يقبل شاب في مقتبل العُمر ..

واحد ظروفه ملطشة شوية

فرق بسيط في المستوي الثقافي والتعليمي والمادي بس لو البنت كانت بتحبه .. إنما كاتل - على رأي شويكار - ومجنون كمان ؟

مع نفسه

( وبعدين ده أنا ماعنديش بنات

وأنا أساساً مش متجوز

أنا إيه اللي جابني هنا ؟ :) )

ربنا بس هو الغفور الرحيم يا دكتورة

ومع ذلك كل فوله ولها كيل

يعني مصيره يلاقي واحده تناسبه

فاكره المواضيع اللي فتحناها من 23 سنة وكانت بتتكلم عن حالات مشابهة بس بالنسب للبنات ؟

زي البنت - ربنا يعافينا جميعاً - اللي إتعرضت لحالة إغتصاب .. أو المُطلقة أو الأرملة ...

مش بأقولك كل فوله ولها كيال

[نورية]

بينى و بينكم صعب اوى انى اوافق ... الاب و الام لما بيجوزوا ولادهم قلبهم بيرتاح و بيطمن بالهم...

و لو وافقت يبقى كدة باحكم على نفسى و بنتى بالقلق المميت... ليه ارمى ببنتى فى بير غويط ماعرفش ايه نهايته و لا نتايجه

((( ولا تلقوا بايديكم الى التهلكة)))