الو .. لحظة واحدة الرئيس مبارك معاك على الخط

[سمـ مصر ــا]

ماذا تفعل لو دق جرس هاتفك وسمعت الطرف الأخر يقول لك

لحظة واحدة الريس حيكلمك

لا تستبعدها عندما تكون فى مشكلة ما أن تسمع صوت الريس يأتيك ويقدم لك الحل

لقد أصبحت مكالمات الريس كتيرة بدأت بالفنان يونس شلبى للإطمئنان على صحتة وبعدها عبد المنعم مدبولى

وبعدها الكاتب الناصرى اليسارى محمد عودة والمذيع الاعلامى محمود سعد

وآخر إتصال للفتاة الصغيرة آلاء فرج وفين فى شربين يعنى الامر مش مقتصر على الفنانين ولا الكتاب

ولا أهل القاهرة فقط .. الرئيس متواجد مع الناس كلها بكل طبقات الشعب

نيجى للسؤال

==========

أنت كمواطن مصرى لو رن تليفونك ولقيت الريس معاك على الخط حتقولة اية ؟؟

أنا لو رن تليفونى ولقيت الريس

بكلمة عن الناس النايمة على الرصيف فى العقبة ومش لقية عبارات تنقلها لنوبيع

عبارة السلام وغرقت طيب فين التخطيط من الوزارة المسئولة وسيادتك عارف موسم السفر جاى والناس عايزة تروح

تفتكر سيادتك أنهم حيروحوا سباحة

ولو كانت الدولة غير جاهزة لتشغيل هذة المرافق الحيوية التى أعتقد أنها تدخل دخلاً كبير لخزينة الدولة فلما لم تعطى تشغيلها

للشركات الدولية حتى تقوم بذلك خير قيام وتحافظ كمان على أرواح البشر ؟؟

[لخبطه]

أنا بقا لو الرئيس اتصل على هجهز له شويه طلبات

أول حاجه اجازه الحرمه بتاعتي مش عايزين يخلصوها في مصر ياريت سيادته يتصل على وزير الصحه علشان يكلم وكيل الوزراة يكلم مدير الأدارة يكلم رئيس الاجازه يكلم موظف الاجازات يمشيها من غير وجودها

كمان العسكري اللى يباخد الورق بتاع تصريح السفر دايما مكشر ياريت يقوله يضحك في وشنا علشان احنا مش خدامين عند ابوه

الضابط بتاع الختم اللى في المطار اخد تصريح السفر مني وراماه مع اني محتاجه تاني والتصريح مكتوب فيه صالح لأكتر من سفريه حاولت اقنعه مفهمش ياريت الريس يفهمه

موظف الجمارك اكد لى ان الدي في دي رايتر عليه جمارك قولت له ياعم ازاى الكمبيوتر نفسه ماعلهوش جمارك ويكون قطعه واحده منه عليها جمارك مافهمش وخبطتني 100 جنيه ياريت الريس يفهمه أن الدي في دي رايتر جزء من الكمبيوتر

[المدهش]

اولا.. واضح ان مبارك سارق خط تليفون من حد مسافر وهات يا مكالمات ..ببلاش بأه..أو فيه احد اتوسط له عند ساويرس واداله خط مجاني من بتوع البيزنس ..الدقيقة ب22 قرش ..عموما لو اتصل هاقوله يرجع الخط لو كان سارقه علشان حرام وهافكره بكلام عمرو خالد عن سرقة الخط بتاع الايه ار تي..اما لو كان واسطة فسأطلب خط انا كمان ويكون مجاني علشان اتكلم براحتي زيه..وبعد كده هاحلفه برحمة امه يقول لي الحقيقة ..جمال جاي كرئيس ولا لأ..

[على عينه]

حا اقوله

ياريتك تورينا عرض كتافك وكفياك كدة وكفاية انك خربت البلد وخربت ذمم الناس انت وعصابتك اللى ملتفة من حولك ريحتكم كلها طلعن حرام عليكم عايزيين توصلوا البلد لاكتر من كدة ايه...

بصراحة اسحب كل كلامى لاننى حاسس اننى بانفخ فى قربة مخرومة والناس دى ماعدشى بتسمع ولا تفهم ولا تعى

انا لا اسمع انا لا ارى انا لا اتكلم

[ابو حلاوه]

هأقفل السكه في وشه علي طول ...... مش عايز اسمع صوته

[yasser6666]

طبعا الصدمة حتعقد لساني ومش حفتكر كل الكلام اللي بنقوله هنا ولا اللي بيخطر علي بالي وانا بفكر في مصر والحال اللي وصلت له وكل اللي حيخطر علي بالي وقتها انه التليفون متراقب وفيه اتنين مخبرين واقفين علي الباب ولو اتكلمت كلمة كده والا كده يبقي عليك العوض...

طبعا حفضل اقوله حضرتك وسيادتك وعظمتك لما اخليه يزهق مني

لكن بصراحة لما حقفل السكة معاه حأزعل قوي من نفسي اني كنت جبان معاه

والمفروض اني كنت اشجع من كده

وتقريبا بدون مبالغة كلنا حنعمل كده (خلينا صريحيين)

لكن لو انا بقي اللي اتصلت عليه ومن الخارج ومن تليفون في الشارع كمان ومش من تليفوني الخاص

حقوله بمنتهي الشجاعة والصراحة

(مش عيب عليك ياريس عمال تتصل علي ايشي مدبولي وايشي شلبي ومش عاوز تقعد مع رئيس نادي القضاة...

ورايح تقابل أولمرت وتاخده بالأحضان ورفضت تقابل المرشد العام للأخوان المسلمين...

انت دايما تيجي في الهايفة وتتصدر ليه ياريس...ربنا يديلك علي اد نيتك يارب)

واقفل السكة وأخدها جري علي بيتنا عدل وربنا برضه يستر دول اديهم طايلة

[الطموح*73]

ماذا تفعل لو دق جرس هاتفك وسمعت الطرف الأخر يقول لك

لحظة واحدة الريس حيكلمك

لا تستبعدها عندما تكون فى مشكلة ما أن تسمع صوت الريس يأتيك ويقدم لك الحل

لقد أصبحت مكالمات الريس كتيرة بدأت بالفنان يونس شلبى للإطمئنان على صحتة وبعدها عبد المنعم مدبولى

وبعدها الكاتب الناصرى اليسارى محمد عودة والمذيع الاعلامى محمود سعد

وآخر إتصال للفتاة الصغيرة آلاء فرج وفين فى شربين يعنى الامر مش مقتصر على الفنانين ولا الكتاب

ولا أهل القاهرة فقط .. الرئيس متواجد مع الناس كلها بكل طبقات الشعب

نيجى للسؤال

==========

أنت كمواطن مصرى لو رن تليفونك ولقيت الريس معاك على الخط حتقولة اية ؟؟

أنا لو رن تليفونى ولقيت الريس

بكلمة عن الناس النايمة على الرصيف فى العقبة ومش لقية عبارات تنقلها لنوبيع

عبارة السلام وغرقت طيب فين التخطيط من الوزارة المسئولة وسيادتك عارف موسم السفر جاى والناس عايزة تروح

تفتكر سيادتك أنهم حيروحوا سباحة

ولو كانت الدولة غير جاهزة لتشغيل هذة المرافق الحيوية التى أعتقد أنها تدخل دخلاً كبير لخزينة الدولة فلما لم تعطى تشغيلها

للشركات الدولية حتى تقوم بذلك خير قيام وتحافظ كمان على أرواح البشر ؟؟

شوف يا حبيبى انا هقوله مسا الشرم يا ريس الجو عندك عامل ايه على فكره يا ريس الموظفين حلهم اتعدل ومبقوش يخدوا رشاوى زى الاول وبعرفك ان البنزين غلى والديزل غلى قصدى ولع والحاله تمام يا ريس وهقوله ؟ كفايه احسن الريس كارت مش خط