الاسراف ثقافة ام وراثة

[ابو محمود]

سؤال محيرنى لماذا انا مسرف ولما نحن مسرفون ؟؟؟؟؟؟؟؟

انا بيتى الحمد للة كويس والعيشة برضة كويسة ولاكن مش دة المقصود....

فى يوم فكرة جت على بالى هل كل مافى البيت احنا بنستخدمة وحجم الاستخدام ولية ووووو

مثلا بدات باول حاجة السفرة والمطبخ عملت زى الجيش فرش متاع هههههههههههههه

بدات بالنيش لقيت ان ما بين 75 ال90% من مكونات النيش لاتستخدم الا من 2اى3 مرات فى السنة وكلها اشياء ممكن نجيب منها اللىبنستخدمة بس مثلا يوجد شوك ومعالق اضرب فى6 عددنا احنا وسكان العمارة الكوبيات كذالك الصينى اقل شوية . دخلت على الحمام الصابون فية اصراف الشامبو وووووو ممكن نستخدم الحجات دى بس بدون تخزين الظاهر احنا خدنا على التخزين من ايام (عبد الناصر) المهم وبعد كدة كام بطانية كام لحاف مع اننا عددنا متوسط 5 افراد

حتى الكتب والكراسات بتاعة الاولاد بنجيب اقلام دست لية ماعرفش المهم لقيت انعكاس اسرافى وصل الى اولادى والحقيقة المدام كانت بتعترض المهم حسبتها لقيت ان احنا بنسرف على انفسنا بدون حساب ولقيت ان الموضوع دة عند غالبية الناس ولما حسبتها لقيت انى ممكن اكون ثروة من عدم الاسراف فى اشياء ليس لها معنى الا الترف ولذلك حبيت ان اقول عن اسرافى لكم لانى اكتشفت ان بحسبة بسيطة لو كل بيت خرج من عندة او تخلص من الاصراف فى الحجات التافهة دى هنكون كلنا مبسوطين ومش ممكن نصادف ازمات مالية متوسطة وانا بحاول ان ابدا بنفسى بس عايز حد يشجعنى علشان اتخلص من هذاالاسراف .... ممكن ؟ اعتقد انى هقدر

[Hammer]

ملاحظتك في محلها يا أستاذ محمود و أعتقد إن الموضوع بالفعل يتعلق بالثقافة الموروثة ... فنحن شعب يحب الكراكيب زي عينيه و يفرد لها من مساحة المسكن ما يضيق علي أهله أنفسهم ... و تستمر هذه الكراكيب في مكانها دون الحاجة لها ... بل دون أن نعرف في حالات كثيرة إننا نملك هذه الأشياء أصلاً .

و الإسراف في مجتمعنا كثيراً ما يكون من أجل خاطر الناس ... فكما تفضلت سيادتك بالقول موضوع النيش و الفاترينة و إفراد غرفة للصالون في بيوت لا تحوي عدد كافي من غرف النوم .

و قياساً علي هذا أيضاً طريقة طعامنا و الإسراف المبالغ فيه في الكميات و تعدد الأصناف .

[nancy]

انا عندى عقدة من الكراكيب ماما كانت استاذه فى الموضوع دة مترميش حاجة ابدا

انا من كتر عقدى بقيت ارمى كل حاجة الى يفوت علية سنة من دون استعمال اتخلص منة

كل سنة لازم افرز كل البيت وارمى الى ملوش لازمة

ورغم انى كل ما اجيب حاجة اتاكد انى معنديش منها محتاجاها اد اية

برضة مسرفة مش عرفة فى اية بس مسرفة فى النثريات جدا

نفسى اعرف السبب

[صبح]

للأسف هو خليط بين الأثنين...أى أنه نوعا من الوراثة على حبة من ثقافة المجتمع

[بنت شعنونة]

طب هوا اسراف والا بخل؟

بمعنى..

لما جيت اجهز بيتي قالولي لالالالالالالالالازم و حتماااا تشتري طقم معالق و سكاكين مفتخر عشان الضيوف ولزوم البرستيج

ورغم اني ما كنتش موافقة ابدا ع الموضوع دا لكن قلت ماشي :) على اساس ان زوجي ممكن يزورة ناس مهمة ف لازم يبان شيك قدامهم في كل حاجا..

واشتريته..

بس ليييييييييييييييييييييه بقى ما استعملوش؟؟؟؟؟؟؟؟؟؟؟؟ :huh:

لازم استعمله للضيوف بس؟ :D

الصراحا في الحاجات الطويلة العمر انا جبت احتياجي بالظبط وزيادة 1% بس لزوم لو حاجا اتكسرت او لو جه عدد زيادة من الناس وما كترتش الصراحا

بس سبب الزيادة كمان ان شرا الحاجات دي كان من اماكن زحممممممممة و سخيفة مووووووووت و الواحد ما يصدق ما يروحهاش في حياته ابدا :D

اما موضوع الصابون و الحاجات الأستعمال اليومي و الخزين

اعتقد دا لا بد منه

يعني الصراحا انا كل ما يبقى معايا فلوس وفاضل مثلا نص علبة شامبو لالالالالالازم اشتري واحدا واخبيها وقيس على كدا كل حاجا

ليه بقى..

عشان توفر معايا في الشهر الجاي ( بس بشرط اني اكون الشهر دا مريحة مش مزنوقة يعني)

وكل ما اروح حتة الاقي فيها شوية حاجات ارخص اجيب حببببببة حلوين لزوم التوفير

يعني مثلا..

الفرااااااااااااااااااااخ حسبي الله عليهم بس

من 3 اسابيع كان الكيلو المجمد ب 9 جنيه

من اسبوعين بقى ب 13

دلوقتي ب 17

وفي كارفور و في الأسبوع القادم ب 22 جنيييييييه

فوجئت انها بتتباع في اسكندرية ب 9 جنيه الكيلو

ف خليت بابا يشتريلي من هناك وابقى اخدهم منه عشان اوفر في المصروف السحري :D

وعلى فكرة اعتقد الرجالة عندها نفس الطبع

بس في الأجهزة الكهربائية :angry:

[otaka]

انا معترض احنا مش مسرفين احنا مش بنعرف نصرف

بنحاول نوفر فى الحاجات اللى ميتوفرش فيها و نصرف على الحاجات اللى يتوفر فيها ده مبدئيا

ثانيا من اكثر الشعوب اللى بتشيل تحت البلاطه هو الشعب المصرى و انا بصراحه شفت حاجات و خصوصا لما الاولاد اللى كانوا معانا فى الجامعه جم يتجوزوا لاقيت فى فلوس بالهبل مع ان الناس شكلهم غلبان فى نفس ذات الوقت معدل الادخار قليل واضح ان الادخار بيتم فى سوق موازى على هيئه جمعيات و كده

المهم ليه المصريين فيهم طبع تحت البلاطه

اكيد لانعدام الامان

مثلا انا حاليا لو حصلى اى حاجه و انا مقشفر كالعاده هروح المستشفى و اتعالج و ميت فل و 14

لكن فى مصر هموت لانى معييش تمن الدوا

فححوش لمين

ثانيا الجواز يقلك مهر و شبكه و من الاخر اللى يدفع اكتر يشيل

برضه لازم تحوش

للاسف الثقافه المظهريه اللى احنا عايشيين فيها فرضت نمط استهلاكى معين يحتاج للتحويش و هنا نقول ان الشعب المصرى مش مسرف ولا حاجه لدواعى امنيه بحته

[محمد عبدالعزيز]

والله أنا رأيى إنها ثقافة وليست وراثة بدليل إن الله سبحانه وتعالى قال "ولا تسرفوا إن الله لا يحب المسرفين" فبما إن ربنا يأمرنا أن لا نسرف إذن فنحن نستطيع أن لا نسرف ولنا الخيار فى ذلك.

وبصراحة موضوع الإسراف ده منغص علينا حياتنا كلنا لأنه لا يوجد بيت إلا ويتضرر منه مثلما ذكر الأخوة فى المداخلات السابقة وأنا دائماً أقول أن هناك حالة سفه منتشرة فى المجتمع المصرى, حيث نرى الشباب العاطل يجلس على المقاهى يشكو مر الشكوى من البطالة بينما هو يهدر ماله ووقته وصحته فى أشياء لا تفيد بالإضافة إلى التليفون المحمول الذى لا يجد الكثير منهم ثمن الكارت ولا يستخدمه إلا فى إرسال وسماع النغمات والرسائل القصيرة ومشاهدة صور وفيديو كليب!!!

[ابو محمود]

بسم اللة الرحمن الرحيم

اشكركم على الردود الهايلة دى وبدى اكمل شرح ماكان يجول بخاطرى اثناء تفكيرى فى هذا الموضوع لانى تقريبا فاتنى اشياء مقدرتش اوضحها الا وهى ؟ ان كان اسرافنا ثقافة من اين اكتسبناها ولماذا ؟ وان كانت وراثة ماهى مدلولها وكيفية علاجها والتخلص منها ..... اولا ثقافيا نحن كدولة مرت بمراحل قبل الاستقلال اولا مراحل الاستعمار الفرنسى ونبدا بة كحقبة زمنية قريبة كى لانتوة الشعب الفرنسى غير مسرف ولة حضارة راقية رغم انة مستعمر وانا تعرفت عن قرب ببعض منهم بيوت انيقة غير مسرفة الاثاث او الملبس او المطعم بسيطة وغير متكلفة .

ثانيا الاستعمار الانجليزى لهم شهرة حتى فى بلادنا انهم لايسرفون حتى فى اللهو او الجد . وعندنا مثل بيقول( احنا نتعامل انجليزى) اذا لم نتاثر بهذة الشعوب عندما وقعنا فى اسرهم تحت الاحتلال

اذا مابنا ليس له علاقة بالثقافة وفى رأيى انها نقص ثقافة او جهل ثقافى لان جميع احوالنا تدل على ذلك

من حكام ومحكومين ولابد ان نتدارك هذة الافة فى الاجيال القادمة عن طريق البحث والدراسة لبناء اجيال سليمة غير سلبية ...اما ان كانت وراثة من اين يرث هذا الشعب العظيم هذا الاسراف وماهى الاسباب ارجو من حضراتكم الرد على هذة النقاط واضافة اىرديخطر ببالكم لكى نستفيد جميعا من تعاطى افكارنا ونكون سباقين بطرح حلول ومناقشة مواضيع تهم اجيال قادمة نتمنى لها التوفيق ونكون سباقون فى هذا المنتدى المحترم ان نطرح افكار ونرد عليها من اجل انعاش المنتدى وجذب المذيد من الرواد الجدد وفقنا اللة .. ودامت لنا مصر امنة باذن اللة . محمود مصطفى...................