وداعاً للكآبة ..نفسي أسمع خبر حلو!

[المدهش]

هل تلاحظون معي أن مظاهر الكآبة والاكتئاب أصبحت تحاصرنا في كل مكان..

هل تتذكرون آخر مرة سمعتم فيها خبراً حلوا أو مفرحا أو مبهجا؟!

ألا تلاحظون أيضاً أن معظم موضوعاتنا في المحاورات تدور حول الفساد بكل أشكاله وأنواعه..

حتى موضوعاتنا الخفيفة حزينة وتدور في الغالب الأعم حول الذكريات القديمة وكل ما يثير الشجن وأحياناً الدموع..

هل نحن بطبعنا شعب حزين ..ونخاف أن نفرح ونقول حين نضحك اللهم اجعله خير ..أم أن الحياة هي التي أصبحت كئيبة وحزينة؟

على كل حال أنا نفسي اسمع أي خبر حلو..فيه حد منكم عنده حاجة متفائلة أو خبر مبهج يا ريت وانا في انتظاركم.

[nancy]

وللهِ يا مدهش انا كمان مش حسة انى سعيدة ولا عندى خبر جميل

رغم انى نازلة مصر بس لانا مشتاقة لحاجة او لحد هناك

ولا حسة انى المفروض اقضى الصيف هنا

لو حد عندة خبر حلو يبقى يقول

[سمـ مصر ــا]

فعلا الكأبة بقت محصرنا فى كل مكان

أنا كمان مسمعتش خبر حلو من زماااان بس سمعت أخبار سيئة كتير قريب :D

وعلى أمل إنى لما انزل مصر بعد كام يوم أنى الأقى جديد وأخبار حلوة :)

وعلى فكرة يا مدهش الحياة مش هية الكئيبة .. لا ممارستنا اليومية هى التى إتسمت بالكئابة

ولو حاولنا اننا نغير من نمط اليوم حيتغير الوضع لكن أظن إننا أدمنا رتم اليوم الذى نحياة

[بنت شعنونة]

اقولكم على خبر حلو؟

ها اشــــــــــتغــــــــــــــل اخيرا

النهاردا جالي تلفون عشان اشتغل في مركز طبي من 8-8م

ب 30 جنيه :)

والنبي مش حاجا تفرح؟

دعواتكم بقى :D عشان شيطاني ب يوزني ما اروحش

[زعلان]

شعنونة ما تنسيناش في حلاوة الشغل الجديد :)

[maksoof]

ب 30 جنيه :)

فى الشهر و اللا فى اليوم و اللا فى الساعة؟

[صبح]

دعواتكم بقى :) عشان شيطاني ب يوزني ما اروحش

اللهم ارزقها كما ترزق الطير ووسع لها أبواب رزقك الحلال المبارك فيه

اللهم ابعد عنها الشيطان ورضها بالقليل وبارك لها فيه

اقبلى الشغل على بركة الله برضا وسيرزقك أضعافا مضاعفة (اسألى مجرب :D )

[بنت شعنونة]

30 جنيه في النبطشية ( يعني كل 12 ساعة = 30 جنيه)

دا اعلى سعر انا لقيته :D

غير كدا تلاقي 15ج و واحدا اتصلت بيا النهاردا عشان اشتغل ب 18 جنيه كنت ها اقفل السكة وهيا بتتكلم :)

بس اهو احسن من مفيش :huh:

اكبر عيب فيه انك مجبر تصحى و تروح من الساعا 8 الصبح ل 8 بالليل وانت واثثثثثثثق انه مافيش ولا عيان ها يجي اصلا

لأنه مركز لسا فاتح جديد وفي منطقة ورا الشمس

مع اني لو اشتغلت في موبينيل نفس الوقت ها اخد 1500 جنيه في الشهر بس اشتغل كل يوم

وهنا ها اشتغل يوم واحد في الأسبوع!!!

مش بقولكم شيطااااااااااااااااااااااني عمال يوزنيييييييييييييييييي :angry:

اسكت يا شطانييييييييييييييييي :D

استاذ زعلان

من عنيا ليك الحلاوة من اول 30 جنيه ها اقبضها :D :D

ربنا يكرمك ع الدعوة دي استاذ صبح وربنا ييسر الحااااااااااااااااااااااااااااااااال

تم تعديل 3 يوليو 2006 بواسطة بنت شعنونة

[المدهش]

مش فاهم يا شعنونة هاتشتغلي ايه في موبينيل..

وكمان مش فاهم قصدك بالنسبة لصعوبةالشغل..يعني المركز ابو 30 جنيه هتقعدي فيه 12 ساعة كل يوم بدون عمل ..وفي موبينيل هتاخدي 1500 جنيه في الشهر لكن فيه شغل حقيقي..

عموما أنا مع الشغل الحقيقي ..وكمان مع انك تشتغلي في مجال تخصصك لأن ده بيضيف خبرة ..والخبرة بتترجم بعد كده لفلوس..

ربنا يوفقك ويرزقك رزقاً حلالاً طيباً..

انا اقول لكم خبر حلو..

انا قدمت استقالتي من شغلي هنا في السعودية..

وراجع مصر نهائي في نص اغسطس بإذن الله..

[محمود الشاعر]

أقول لكم على خبر حلو

انا بدأت بعد تشجيع ناس هنا ليا فى خطوات تنفيذ مشروعي الخاص

بجد اشكرهم ومش هوفيهم حقهم من الشكر لانهم وقفوا جنبي وساعدوني من غير ما يعرفوني

هما عارفين نفسهم

[المدهش]

مبروك يا شاعر وربنا يوفقك ويرزقك من حيث لا تحتسب

[maksoof]

30 جنيه في النبطشية ( يعني كل 12 ساعة = 30 جنيه)

دا اعلى سعر انا لقيته :D

غير كدا تلاقي 15ج و واحدا اتصلت بيا النهاردا عشان اشتغل ب 18 جنيه كنت ها اقفل السكة وهيا بتتكلم :)

بس اهو احسن من مفيش :huh:

اكبر عيب فيه انك مجبر تصحى و تروح من الساعا 8 الصبح ل 8 بالليل وانت واثثثثثثثق انه مافيش ولا عيان ها يجي اصلا

لأنه مركز لسا فاتح جديد وفي منطقة ورا الشمس

مع اني لو اشتغلت في موبينيل نفس الوقت ها اخد 1500 جنيه في الشهر بس اشتغل كل يوم

وهنا ها اشتغل يوم واحد في الأسبوع!!!

مش بقولكم شيطااااااااااااااااااااااني عمال يوزنيييييييييييييييييي :angry:

اسكت يا شطانييييييييييييييييي :D

استاذ زعلان

من عنيا ليك الحلاوة من اول 30 جنيه ها اقبضها :D :D

ربنا يكرمك ع الدعوة دي استاذ صبح وربنا ييسر الحااااااااااااااااااااااااااااااااال

بصراحة أنا رأيى برضه إنك تتوكلى على الله و تقبليها و ربنا يبارك لك فيها و يشفى مرضى على إيدك ويكفيكى دعواتهم لكى.

[بنت شعنونة]

مبروووووووووك يا استاذ محمود وربنا يوفقك ويرزقك من فضله :D

استاذ مكسوف

ان شاء الله ها ابتدي فيها وشكرا على تشجيع حضرتك :)

مدهش

ادينا بنجرب وربنا معانا بقى :D

[سمـ مصر ــا]

بنت شعنونة

مبروك على الشغل

فرحت لك جداً واتمنى تشتغلى فى تخصصك لانة فعلا حيضيف لك خبرة كويسة

وربنا يبارك فيما رزق روحى إشتغلى على بركة الله

المدهش

مبروك أنك راجع لمصر وربنا يوفقك فيها يارب

محمود مبروك على مشروعك الخاص

وربنا يبارك لك فية

[محمود الشاعر]

اشكركم بجد فى ناس لسه بتفرح لما تسمع خبر حلو لناس متعرفهاش

فيكم الخير

انتم فعلا اهلي واحبابي

اشكركم

[nancy]

مش عرفة اقولك مبروك ولا لا يا مدهش المهم لما تقفل هنا تكون عارف رايح على فين هناك

ولو انت واثق من خطوتك دى ربنا يوفقك :D

الف مبروك يا محمود ويارب تكمل على خير وتخلص كل الى وراك وتابع الى ابتديتة واحنا فى انتظار اخبارك الجميلة والى ان شاء الله تكمل على خير :)

مبروك يا شعنونة وااهم من الفلوس انك تلاقى نفسك وتكونى سعيدة حتى لو بربع جنية :D

[Hammer]

أخبار حلوة بالزوفة أهي يا مدهش ...

أولاً ... بما إني من أكتر المتعصبين لفكرة العمل في مصر ... بأقولك مبروك علي عودتك و إن شاء الله ربنا يوفقك وتحقق كل أحلامك في بلدك .

شانا ....

مبروك الإستوظاف ... و عقبال كده ما يبقي عندك مجموعة مستشفيات ست شعنونة الدولية ( علي أساس يعني إن ده Long term plan )

و نصيحة زءننه ... في أول الكاريير بنحتاج نملا ال C.V بتاعنا و نكتسب خبرات بغض النظر عن المقابل المادي .. و ده بيساعدنا إننا نطلع درجة السلم اللي بعديها ... نملا سطرين في C.V للدرجة اللي بعديها ... و هكذا دواليك .. حتي الوصول لأعلي الدرجات ( وش زكي رستم :) )

محمود ...

مبروك علي المشروع الخاص و ربنا يوفقك يا رب .... و أهلاً بيك في جمعية ممولي و محبي الضرائب المصرية ... أنصحك و إياي :D بالمحاسب القانوني المطأطأ ... علشان اللعب مع الضرايب بدون مدير فني فاهم بيطأطأ .......... :D

[اسود وتعالب وارنب]

مبروك يااستاذ محمود المشروع الجديد وبالتوفيق يارب يكون فاتحه خير عليك

[النسر المصري]

طبعا اكيد مش مصدقين عينكم اني هدخل اشارك في الموضوع ده

وهتقولوا ايه اللي دخل نسر على الواضيع اللي بتفرح ..مش كفايه مراخيره وعربيته وفلوسه والحوادث المتواليه ...وآخرها شغله اللي ماقبضش فيه بقاله خمس شهور..ده غير مديره اللي مات...ثم رئيس مشروعه

بس طبعا ماحبتش احرمكم من الأخبار الحلوه بردو

واستكمالا للأخبار الجميله بتاعة الغاليه اوي شانا

واخبار المدهش مدهش

ومن ثم حبيبنا سي محمود

احب ازف اليكم يا معشر المنتدى خبرا عجيبا

اخواااااااانيييييييي (تصقيفة والنبي عشان خاطري)

احم احم....اخوووواااااااني الاحباء ( تصقيفة تانيه والنبي عشان الاحباء الحلوين دول)

احم احم ...اخواني واصدقائي (تصقيفــ....اي ...اي اي..خلاص :angry: ...ياعم انت وهو خلاص هتكلم.....اي ..كده ياشانا بالطماطم وف وشي.......ياستي هتكلــ...طيب طيب خلاص ..اوف :happy: )

أنا اتعينت مدير ادارة التقنية الفنيه في المنظمه العربيه لتطوير البرمجيات التعليميه.....يعني اترقيت ياجماعة......

ولولولولوولولولولوولوليييييي

ايه رايكم

خبر حلو مش كده

استنوا اكملكم الخبر

من ضمن شروط الوظيفة...ان اتم اعمالي الاداريه في غير اوقات دوام العمل الرسمي

ان يحسب له مكافئه وليس زياده ف الراتب

القرار غير قابل للرفض او المناقشه

(الباقي مش لازم تعرفوه حرصا على اصحاب القلوب الضعيفة من احبائي ف المنتدى ليجيلهم شلل ولا جلطه هولاميه )

اخيرا....مشكلة تأجيل دفع الرواتب قائمه لمده شهرين اكسترا

وفتح عينك تاكل جاتوه

واللي مش عاجبه ينفخ ف مراخيره

وطز فيكم ياموظف منك ليها لاهاه لوها

وسلملي عالتورماي

وانا

وانت

ومبارك عليكو الترقيه

تم تعديل 3 يوليو 2006 بواسطة النسر المصري

[nancy]

الف الف مبروك ياعمرو ويارب يفتحها عليك كمان وكمان

بكرة كل الامور دى تتصلح

انا اول الكلام فهمت ان فية ترقية وحاجت كدة وعلى الاخر فهمت متاخر طبعا

ان الازمة متفكتش

بس الى يسمعك فى الاول يقول دة كل حاجة اتحلت

اصير يا عمرو الصبر جميييييييل

وربنا معاك ان شاء الله تشوف الخير كلة

تم تعديل 3 يوليو 2006 بواسطة nancy