عيادات و مواقف...!!

[بنت شعنونة]

النهاردا كنت عند دكتور السنان بتاعي ( اللي بقالي يجي 5666453568435 مرة بروحله عشان نفس الضرس :blink: )

بس هوا عيادتة شيك جدا الصراحا

المهم

رحت زي كل مرة وقعدت على الكرسي المزعج بتاع السنان ولبست البافتة بتاعت كل مرة دي

وابتدى ابتدى ابتدىىىىىى المشواااااااااااااار

واااااااااااه يا خوفيييييي اه يا خوفييييييييييييي سوري اندمجت :D

المهم ابتدينا بالبنج وبعديها البتاع ززززيييييييييييييييوووووووو دا

وانا بقى فاتحا بقي :o ومتألمة جدا

كان اتفاقي انا و الدكتور لو حسيت ب وجع ارفع ايدي يقوم يبطل

اذ فجأة وهوا بيشتغل...

لاقيت حاجا بتجري :huh:

قلت يا واد طنث خاااااااااااااالث

تهيؤات بنج وبتاع

لا لأءءءءءءءءءءء

دا بيمشششششششششي؟؟؟؟؟؟؟ :o

اتاري فيه فار انيق جدا تحت مكتب الدكتور وانا شايفاه

طبعا رحت رفعا ايدي للسسسسسسسسسقف مرة واحدا عشان يوقف ززززززززززييييييييو زززززززززييييييييو

- اااااااااوووووووو اااااووووووووو اممممممم اممممممممممم

- حاضر يا دكتورة خلصنا اهو اصبري شوية

- اييي ايييااءء اييي ممممبب ( معناها فيه فار في المكتب)

- طيب طيب خلصنا

:sad:

- اييييييء اااااااااااءء ممممبببببببب

- ياستي بلاش دلع مش بتوجع

كل دا و الفار ابن اللذين عمال يجري قدامي

رحت بعدا الدكتور مرة واحدا ومصوتة في وشه

فيييييييييييييييييه فااااااااااااااااااااااااااااااااااااااااااااااااااااار

اااااااااااااااااااااااااااااااااااااااااااااااااااااااااااااااااععععععععععععععععععععععععععععععععععععععع

كان جوزي قدامي لقيته مات من الضحك

فين يا بنتي

تحت المكتب

يخبطوا يمين

يخبطوا شمال ابن اللذن ما اعرفش اختفى فين

وابتدت التريقة على الهلاوس بتاعتي

وانا ابتديت اتكور فوق كرسي الدكتور

والله يا جماعا موجود خبطوا بذمة بس

خبطوا حبة راح طالع جري

واتفرج على احلى صوييييييييييييييييييييييييييييييييييت واحلى تنطيط فوق كرسي الدكتور و فوق اللمبة بتاعتة وفوق الجهاز و كلللللللللللللله ما سبتش حاجا عالية الا و نطيط فوقيها و الدكتور و زوجي شغالين مطاردة مستميتة مع الفار الأنيق

لحد ما زنق نفسه وخرج من الأوضة

راح الدكتور خارج وراه وقافل الباب

واسمعلكوا اصوات برا ( والله العظيم تلاتا نفس اصوات سمير غانم في مسرحية المتزوجون وهوا ب يموت الفار)

تريخ تراخ

دب

دب

دببببببببببببببببب

اييء اييييييييء ايء ايء

و صمت رهييييييييييب!!!!!!

بعدين الباب اتفتح

:huh:

ودخل الدكتور ومن وراه مشهد مؤثر ل اشلاء الفار

خلصت عليه :D ( الدكتور)

- طب الحمدلله ( زوجي)

ممكن بقى تنزلي من فوق الجهاز يا دكتورة :blink:

حتت موقف محرج موتتتتتتت ليا و للدكتور

المهم خرجت من الأوضة بعدها ب دقيقتين بالظبط عشان كنت خلصت

لقيت كللللللللللللللل الناس اللي برا بتبصلي ومسخسخة من الضحككككككككك

ما كانش فاضل الا يسقفوالي ولا عادل امام زمانه :huh:

[محمود الشاعر]

مش عارف اقول ايه

الله يسمحك ان بعد كدة هخش على موضوعاتك بحذر فعلا

زميلي اتلموا على صوت ضحكي المتواصل وكل ما اتخيل شكلك وانت فوق الكرسي اضحك اكتر وصوتي يعلى اكتر

فكرتيني بيوم كنت فيه فى مكتب عديلي ومراتي والعيال ومراته كلنا متجمعين وهفت عليهم يكلوا كشري المهم فجأة لقيت أخت مراتي بتصوت بشكل مرعب جدا أخوكي مكدبش خبر لقيت نفسي بجري و انط فوق المكتب أصل انا بخاف من حجتين الفار و الكلب والاتنين عضوني وانا صغير علشان كدة بقى عندي عقدة فوبيا يعني وممكن الدكتور خالد يشرحهالنا بعد كدة المهم فجأة الصويت اللي كان مالي الدنيا اتقلب ضحك بهستيريا من كل اللي موجودين أتاري كيس الصلصة السخن وهى بتفتحه ادلق على رجلها وانا من خبتي افتكرته فار

[سهيلة]

ولا النبى يا جماحة بلاش سيرة الكاءن اللى اسمو الفاررررررررررررررررررر

;) :P

هحكيكو حكاية بس اخف منك يا شعنونة شوية واصعب منك يا استاذ محمود

كنت قاعدة ف سوبر جيت رايحة اسكندرية والدنيا جميلة والناس نايمة والفيديون شغال والتكييف كمان واخر دلع

واذ فجاة

لاقيت ....

حاجة بتحرك البنطلون بتاعى

ش ش ش

انا قولت دى تهيؤات

اتحركت كدة كان جنبى ظابط قوات مسلحة نايم

المهم الراجل بص بنص عين كدة ونام تانى

المهم دقيقة كدة والبنطلون بيتحرك جامد

لا لا دة حاجة اكيد ماشية علية

المهم ببص كدة ما شوفتش حاجة

ولكن فجاة حاجة نطت من تحت ع الظابط اللى جامبى

ببص لاقيتو فار صغير

قومت صرخت وقومت وقفت ع الكرسى بتاع السوبر جيت

اصلى كنت قعدة جوة

ا الراجل انزعج فى اية

:wub: mfb: B)

وانا اصرخ واشاور على كتفة

السواق وقف

والضابط حط ايدة قام موقعة ع الارض

وفتحو الباب

بتاع السوبر جيت

وقالولى نزل

بس انا جاتنى هستريا عياط

عاوزة انزل

موش هكمل معاكم

الراجل حلف واللة نزل

قولت لهم ايش ضمنى ما فيش تانى :D

وقعدت طول الرحلة على اعصابى موش ع الكرسىىىىىىىىىى

[بنت شعنونة]

محمود

شفت بقى

كسبت فيك ثواب اهو :P

سهيلة

انا لو مكانك كنت اتشليييييييييييييييييييييت في ثانية و عملت احلى هلللللللللع في الأتوبيس :)