اثبت انك مصري؟؟!!

[المدهش]

"المصري" مجرد جنسية تدل فقط على مكان الميلاد ..وهناك مصريين قلباً وحباً أفضل وأكثر إخلاصاً بكثير رغم أنهم لم يولدوا في مصر ..

ولذلك فالسؤال هو ..اثبت أنك وطني..

والوطنية ليست فقط في خدمة الناس من خلال العمل ..فالاخلاص في العمل فرض وواجب له علاقة بالضمير قبل أن يكون له علاقة بالوطنية..

والوطنية أن تحب بلدك أكثر مما تحب راحتك ونفسك ..يعني تحب بلدك وتكون مستعد تضحي بحياتك أو بحريتك في سبيلها أو في سبيل مقاومة ظالم يحكمها بالحديد والنار ..

وقليلون جدا منا من تنطبق عليهم هذه الشروط..كلنا مصريون ..لكن كم منا وطني بجد؟!

[عطر]

فكرتيني بأغنية ما تئؤلش حناخد ايه من مصر قول حتدئي ايه لمصر :P

لما الأول نحس اننا في بلدنا نبقى نشوف مين له ايه ومين عليه ايه :)

دلوئتي لازم نثبت اننا بني أدمين الأول للأسف

كلنا بنشتغل ونتعب ونجري ولا لئمة العيش بس علشان نعرف نعيش مش علشان مصر للأسف

[hopsan]

فكرتيني بأغنية ما تئؤلش حناخد ايه من مصر قول حتدئي ايه لمصر

لما الأول نحس اننا في بلدنا نبقى نشوف مين له ايه ومين عليه ايه

دلوئتي لازم نثبت اننا بني أدمين الأول للأسف

كلنا بنشتغل ونتعب ونجري ولا لئمة العيش بس علشان نعرف نعيش مش علشان مصر للأسف

الحقيقه اننا مصريون و نعيش داخل مصر و الوطنيه مالها حدود عندنا و الصبر لا يوجد مثيل له فى العالم

و اللى مش محسسينك انك مش فبلدك هم اول ناس حتهرب عند اول مشكله و عندهم الخطط البديله للهروب و فقره نمره واحد فى الهروب بالخطه البديله هى السكن بجوار المطار و انت عارفه الشوارع هناك عامله ازاى يعنى ممكن فثانيه و عند اول قلق تكون الطياره جاهزه و مسافره كمان و الحسابات بره ماشيه تمام و الشنط جاهزه و الطيار بياكل و ينام وهو لابس على سنجه عشره و مستعد ....مش عايز ابالغ انه كمان عايش فى الكبينه بتاعه الطياره بقاله 25 سنه و مستعد

[عليـ***ـاء]

والله موضوع جميل وفكرته حلوة ياشعنونه

انا قرات كل الردود وعجبني اوي رد استاذ محمود مصطفي وقصة الشاب الفلسطيني اللي كان عايز يثبت ان الجنسية مش بالمولد او بالاصل عشان ابوه مصري لازم يكون هو كمان مصري الجنسية دي نابعه من الولاء للارض اللي اتربي عليها واكل وشرب وعاش عمره فيها

انتي بتقيسي الوطنية واثباتها بمدي خدمتك او عطائك للبلد دي انتي خدمتيها 3 سنين يبقي اثبتي انك مصرية خلال ال3 سنين دي ........ انا فاهمة قصدك كويس ومتفقة معاك ومع اغلب الردود اللي بتقول ان كل مصري لازم يدي حاجة لبلده لازم يثبت وطنيته بشئ ايجابي ميقعدش ينقد ويسخر وبس في البلد وفي اللي الحاجات اللي مش عاجباه فيها

طيب اللي متوفرتلوش الفرصه ان يخدم البلد او يعمل حاجه يبقي مش مصري

انا مثلا لسه طالبه جامعية وحتي بعد ماتخرج معتقدش اني هلاقي فرصه للعمل في مجالي لاني ولله الحمد لاخالي سفير ولا بابا دبلوماسي عشان اشتغل في السفارة لاني طالبة علوم سياسية

افتكرت حاجة ممكن تثبتلك ان واحد مصري فعلا

الاول علي الدفعه سنة 2000 كان نفسه يشتغل في السلك الدبلوماسي واجتاز كل اختبارات القدرات وكل حاجة لكن اترفض ليه ؟ اتكتب علي ملفه غير لائق اجتماعيا ...... عارفين ليه ؟ عشان ابوه فلاح

عارفين اثبت مصريته ازاي انتحر في النيل ....... اسمه عبد الحميد شتا

اهو واحد حب يثبت انه مصري

عايزة اققولك ان في ناس تقدر تثبت كده والظروف بتمناعها وفي ناس متقدرش تثبت بس برده هتفضل مصريه عشان بتعشق البلد دي

اسفه عشان طولت عليكم ........

[بنت شعنونة]

ردك هايل يا علياء

وان كانت القصة زعلتني جدا فعلا :sad:

الله يرحمه ويغفر له..

لكن ردك خلاني افكر في مثل مش عاااااااااااارفة ازاي تاه عن بالي على سيرة اللي جاتله فرصة يثبت او ما جاتلوش...

لاعيبة كورة القدم

اي فريق

يتكون من 11 لاعب ( باين :) )

القصد.. فيه لاعيبة بتنزل " تلعب" في الملعب وفيه لعيبة على دكة " الاحتياطي" الكل ينتمي لنفس الفريق

والكل واخد نفس التمسية الوظيفية " لاعيب"

لكن فيه لاعيبة "+" وفيه لاعيبة "-"

عشان فيه فرصة لحد يلعب و التاني لا

بس الأكييييييييييد انه كله لازم يلعب وينزل الملعب في وقت " ما"

انما المهم في كلللللللللل اللاعيبة دول

اللي يجيب " جـــــــــــــون" :huh:

حد فاهم حاجا؟

المفروض اننا تيم وورك؟؟

نباصي لبعض عشان واحد مننا يشوت؟؟

والا احنا لاعيبة سباحة بنلعب فردي؟؟

حد يجاوب السؤال دا عشان اكمل؟ :blink:

[Diab]

طبعا مصري

ما أنتيش شايفة غدايا الكشري

طول الشهر مفلس دايما :blink:

حتي إسئلي سي السيد شكري

طبعا مصري

ما انتيش شايفة حالتي الغم :huh:

مانتيش شايفة أنا شايل الهم

طول الوقت عايز المم

وأنا علي رزقي بسعي وبجري

طبعا مصري

شفتي حد بسأل فينا :)

غرقت مركب فيها أهالينا

كل هموم حضرات موالينا

كأس العالم و مشروع كبُري

لسة بتسألي برضة يا شانا

فكرك مين حيكون ويانا

لينا رب هو المولي

مش عايزين أمريكي و لا عبري :sad:

تم تعديل 8 يوليو 2006 بواسطة Diab

[مومو الامور]

على فكرة السؤال دة مميز واعتقد انه المفروض له اجابه واضحه

خدمت فين فىمصر

عملت ايه لمصر

رفعت راس مصر فين

مصر عندك ايه

ايه رايك فى مصر

100 سؤال ممكن منقدرشى نرد عليهم كلهم

ولكن

وبين كل الاماكن

مصر هيا امى

ونيلها جوة دمى

شمسها فى سمارى

حتى لونى قمحى لون نيلك يا مصر

مع تحياتى للاخت شريفه فاضل على لاغنيه دى

ومسا وهنا على اخويا النسر المصرى اللى محطوط على العلم بتاعنا

مومو الامور دوت مصر

طبعا مصري

ما أنتيش شايفة غدايا الكشري

طول الشهر مفلس دايما :blink:

حتي إسئلي سي السيد شكري

طبعا مصري

ما انتيش شايفة حالتي الغم :blink:

مانتيش شايفة أنا شايل الهم

طول الوقت عايز المم

وأنا علي رزقي بسعي وبجري

طبعا مصري

شفتي حد بسأل فينا :angry2:

غرقت مركب فيها أهالينا

كل هموم حضرات موالينا

كأس العالم و مشروع كبُري

لسة بتسألي برضة يا شانا

فكرك مين حيكون ويانا

لينا رب هو المولي

مش عايزين أمريكي و لا عبري B)

=================================================

جميله اوى يا دياب

هههههههههههههههههههههه بس مش للدرجه دى

مصر فيها غير الكشرى كبدة وسجق ولحمه راس وكوارع

رز بلبن من عند المالكى وشوف مانجو من عند فرغلى

وتروح بيتك بربع جنيه تجيب كيلو لبن ونص جبنه وربع رومى من عند البقال

وتنام وتقوم الصبح تعيد الكرة وتعيش وفى اخر الاسبوع يجيلك فرح احمد درويش

تروح وتسهر وتمخمخ هيا دى مصر

عيشه الصحبه واللمه والناس اللى بتخاف عليك ويهمها امرك

هيا دىمصررررررررررر

لما تسال عن عنوان يدلوك

لما تروح تزورهم يدللوك

هيا دى مصر وناسها وترابها

مومو الامور

[bakeer22]

سؤال غريب انا مصرى طبعا لية اثبتلك

اول ماصحى من النوم بسمع اخبار فى الراديو

وبفطر فول

وباكل عيش مليان رمل

وبشرب شاى مغشوش بنشارة خشب وصبغة

وبشرب ماء من حنفية ميتها ملوثة وفيها كلور يجيب فشل كلوى

وانزل امشى ملقيش رصيف

واركب مواصلات جواها مطبات وبندالج جواها

واروح شغلى عندى صداع من تخبيط الناس فيا

وبدفع رشوة علشان امشى مصالحى

وبدفع الكهربا ومعاها النظافة مع انى انا اللى بشيل الكيس اللى مايتسمى الصبح

وبدفع للتليفون اشتراك 200ج فى السنة وبتكلم ب600ج طول السنةمنهم خواص120ج

والجزار والفكهانى والخضرى بيغشونى

وبدفع تامينات

وبدفع ضرايب

وبدفع مرتبات عمال وموظفين

وبمشى اكلم نفسى صباح كل يوم سبت

ومبخدش حقى منهم

وقريب هتجنن واسيب البلد بس بالعند فيهم هستحمل واصطعبط وعمل نفسى مشواخد بالى ومبسوط علشان بحب مصر

عيزة تانى عرفتى مصرى زى انا بقى المصرى اللى اصلى مصرى وبموت فى تراب حببتى مصر غصب عنى

كل دة وزعلان دة انت عايش فى نعمة .... انت كاتب ستة سطور اولهم بدفع انت شكلك مليونير ولا اية اللى يعطيك يعطينا يا عم

انا مش فاهم نقطة التليفون !!! ؟؟؟

[bakeer22]

أعتقد أنه أسهل أن تثبت أنك مصرى من أن تثبت أنك مسلم.

إثبت أنك مسلم رغم أنك أسقطت فريضة الجهاد وأغمضت عنيك عن عرضك وشرفك.

إثبت أنك مسلم رغم إيمانك بفصل الدين عن الدولة وإيمانك بأن الديمقراطية وتشريع الأغلبية هو الحل.

إثبت أنك مسلم وأنت تردد عميانى إعلام الأعداء ثم تصف المجاهدين فى سبيل الله بأفظع الصفات وأحقر العبارات.

إثبت أنك مسلم.

:unsure:

[otaka]

السؤال ده صعب جدا

هل لان شهادة الميلاد فيها الجنسية مصري وتبعا لذلك كل الاوراق الرسمية من بطاقة وجواز سفر وقسيمة الجواز وخلافه مكتوب فيها اني مصري ابقى مصري

سنة 1996 واحد شاعر صاحبنا اصله فلسطيني اتولد فى مصر وعاش فى مصر واتعلم فى مصر أكل من اكلها وشرب من ميتها عاش فى الحواري المصرية وفجأة قررت الحكومة ترحيل الفلسطينين من مصر عيط بشدة لما افتكر انه مش مصري ورفع قواضي على وزير الداخلية وعلى الحكومة علشان يدوه الجنسية ويحلف انا مصري معرفش حتة تانية غير مصر لما اتقبض عليه فى مظاهرات علشان مصر خدوا بعيد وربنا بعت له ظابطابن حلال قاله يا ابني انت مش مصري انت عاوز تترحل حلف له انه مصري وانه مستعد يدخل المعتقل ويضرب على انه مصري وميخرجش على انه مش مصري

للاسف الشديد هذا المصري الشديد الوفاء لمصر الشاعر نضال الذي عاش وتربي فى حضن مصر وعاش مصريا صميما مات مستبعدا بعيدا عن بلده الذي يعشقها والذي اثبت لنا جميعا انه مصريا حتى النخاع اكثر من كثير منا

و الله لو كلب اتولد فى جرن فى قريه هيبقى ابن القريه و بيته الجرن

لكن البنى ادم عندنا لا قيمه له

والله موضوع جميل وفكرته حلوة ياشعنونه

انا قرات كل الردود وعجبني اوي رد استاذ محمود مصطفي وقصة الشاب الفلسطيني اللي كان عايز يثبت ان الجنسية مش بالمولد او بالاصل عشان ابوه مصري لازم يكون هو كمان مصري الجنسية دي نابعه من الولاء للارض اللي اتربي عليها واكل وشرب وعاش عمره فيها

انتي بتقيسي الوطنية واثباتها بمدي خدمتك او عطائك للبلد دي انتي خدمتيها 3 سنين يبقي اثبتي انك مصرية خلال ال3 سنين دي ........ انا فاهمة قصدك كويس ومتفقة معاك ومع اغلب الردود اللي بتقول ان كل مصري لازم يدي حاجة لبلده لازم يثبت وطنيته بشئ ايجابي ميقعدش ينقد ويسخر وبس في البلد وفي اللي الحاجات اللي مش عاجباه فيها

طيب اللي متوفرتلوش الفرصه ان يخدم البلد او يعمل حاجه يبقي مش مصري

انا مثلا لسه طالبه جامعية وحتي بعد ماتخرج معتقدش اني هلاقي فرصه للعمل في مجالي لاني ولله الحمد لاخالي سفير ولا بابا دبلوماسي عشان اشتغل في السفارة لاني طالبة علوم سياسية

افتكرت حاجة ممكن تثبتلك ان واحد مصري فعلا

الاول علي الدفعه سنة 2000 كان نفسه يشتغل في السلك الدبلوماسي واجتاز كل اختبارات القدرات وكل حاجة لكن اترفض ليه ؟ اتكتب علي ملفه غير لائق اجتماعيا ...... عارفين ليه ؟ عشان ابوه فلاح

عارفين اثبت مصريته ازاي انتحر في النيل ....... اسمه عبد الحميد شتا

اهو واحد حب يثبت انه مصري

عايزة اققولك ان في ناس تقدر تثبت كده والظروف بتمناعها وفي ناس متقدرش تثبت بس برده هتفضل مصريه عشان بتعشق البلد دي

اسفه عشان طولت عليكم ........

و من ينسى شتا ابن الفرماوى شهيد الاحباط

اذكر اننى بكيت حتى ابتل الورق امامى على المكتب على هذا الفتى و لازلت اتالم كلما تذكرت

و قصه عماره يعقوبيان فيها قصه مثيله تنتهى بموت البطل ايضا

طيب انا بحب مصر و لا املك اى شئ يثبت انى مصرى سوى ان الناس بتقول انى مصرى اكتر من اى مصرى معرفش انا ممكن اديت مصر ايه بس هو الحب مش كفايه

تم تعديل 20 يوليو 2006 بواسطة otaka

[ابو محمود]

ياعمBAKEER22 انامش مليونير ولا حاجة انا انسان مجتهد وبحب شغلى وبلدى المفروض ان اكون ميسور الحال ولاكن النظام هنا عايز توصل لازم تزور او تسرق اما بخصوص التليفون ؟ ياسيدى .انا ادفع فاتورة كل ثلاثة اشهر الاشتراك والخدمات كان 27ج المكالمات من 40:60 ج يعنى انا27×4= 108 الان بدفع اشتراك 50 وخدمات27 يبقى77×4=308 والمكالمات متوسط 50×4=200 يعنى انا بدفع اشتراك اكثر من مكالماتى وانا بدفع موبايل شهرى لان الخدمة احسن واسرع على الموبايل كدة خلاص انا مصرى علشان انا بتسرق من من حولى الى اللقاء

[bakeer22]

يا استاذ محمود انت زعلان لية انت فاكرنى بنتقدك محنا كلنا فى الهوا سوا

[اسود وتعالب وارنب]

لما الدولة تحبني الاول وتحترمني ولما ادخل القسم وانامتاكده اني حاخد حقي ومحدش يقدر يبهدلنهي لما اكون علي حق لما اسافر اي دولة واروح السفارة اشتكي من اي مشكلة اتقابل بالترحاب تعرفوا مشكلة وانا كنت موجدة مشكلة حدثت لفتاه سورية علي راتبها وتدخل السفير السوري شخصيا حتي حصلت علي مستحقاتها لما الدولة ديني الحق في التعبير عن رايي وتسمعه وتحاول تنفذ الصح منه مش ودن من طين وودن عجين او كاننا مجانين اهي مستحملانا بالعافية لما اياس من العمل في الخارج واحاول ارجع ممكن اللاقي مان مش الدولة ماصدقت اننا خرجنا وكسرت ورانا قله للازم تحبني عشان احبها مش يبقي ناس هايصة وناس لايصه