اللي عايز يضحك من قلبه .. ييجي يمين .. واللي مش عايز يـروح

[se_ Elsyed]

أعتقد والله أعلم إن الشعب المصري من أكثر الشعوب اللي عندها أمثال شعبية لكل مناسبة مُحزنة أو منفرحة أو حتى بين البينين

دي مش بس أمثال شعبية تحتوي على حِكم وخلاصة تجارب ناس .. لأ ده في منها اللي يموت من الضوحك

كان نفسي ومُنى عيني أشوف الناس اللي بيخترعوا الحاجات دي أو اللي بيقول مثل جديد ..

لكن الظاهر إنها زي الأساطير التاريخية كده .. يعني مالهاش صاحب

وبعدين الـ

يابا مش عايزين لت وعجن كثير .. عندك كلمة حلوة قولها .. عندك موضوع منجول إلزقه وبعدين إرغي براحتك

ماشي يا برنس

وإليكم موضوع الأمثال الشعبية .. بس على موضة 2006 ( فوشية بدانتيلا مع شراشيب مدلدة على الإجناب .. أما الحلو فــ مارون جلاسيه ) وعايز أسمع ضحكاتكم

من طلب العلا يتفضل فى كابينه 4 ( شديدة قوي )

اللى بيته من إزاز ميغيرش هدومه فى الصالون ( شديدة قوي قوي قوي )

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص ( مش عارف ليه إفتكرت حشيش في المثل ده ؟!! أصل كل قكة من كصصه . لازم يدخل فيها شرايط الرقص )

قال يامحشحشين يكفيكوا شر الكمين ( حلوه )

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو ( إودعنا يارب )

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خالتها فى مارينا

ياداخل بين البصله وقشرتها حط قطرة علشان هاتدمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

اللى خدتوا القرعه تاخدو ام الخلول

اللى ميعرفش يقول what

أكل العيش يحب الطعميه

العين عليها lenses

[nancy]

هههههههههه

سبقتك يا س س

افتح موضوع امثال .. نكت

يابنى مش اى اى

يلا روح بقى ;)

[se_ Elsyed]

إيه ده خيانة .. خيانة

في حد غريب بيننا يا رجالة

ونانسي كعادتها دائماً بتسرق بنات أفكاري وتسميهم بإسمها وهما ولادي حبايبي وجايبهم بعرق جبيني

إحلفي بالعظيم إنك سبقتيني وحطي اللينك بتاع الموضوع وهاتي شهادة من 3 محاوراتية مداخلاتهم ما تقلش عن 7000 مداخلة في الدقيقة وبعدين نكمل غسيلنا .. قصدي كلامنا

[حشيش]

من طلب العلا يتفضل فى كابينه 4 ( شديدة قوي )

فاقد الشىء يدور عليه

اقلب القدره على فومها الفول يقع منها

جت الحزينه تفرح شغلت شريط حكيم وقعدت ترقص ( مش عارف ليه إفتكرت حشيش في المثل ده ؟!! أصل كل قكة من كصصه . لازم يدخل فيها شرايط الرقص )

قال يامحشحشين يكفيكوا شر الكمين ( حلوه )

اللى ياكل لوحده يشبع

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

اللى ميعرفش يقول what

أكل العيش يحب الطعميه

العين عليها lenses

والله يابو السييد بقالى مدة طويلة ما ضحكتش كده :D ....... مجموعة فى العضل من الحكم والأمثال الشعبية موديل 2006 :P ...... روح ياشيخ ... وتعالى بسرعة ;)

[nancy]

انا معرفش اعمل لينك

بس افتح دعوة للابتسام

انزل شوية

الموضوع 12 هو الى انا كتباة

اقراء الردود والموضوع

علشان تعرف انى سباقتك :P

وبعدين عرق جبينك اية وانت قاعد فى التكيف

حتهرج باة ;)

تم تعديل 5 يوليو 2006 بواسطة nancy

[حشيش]

عندى فكره هايلة :wub: ..... إيه رأيكم نجرب إحنا كمان نطور فى أمثلتنا الشعبية حتى لا يتهمنا الغرب بالجمود :P ...... كل واحد مننا يطور مثل شائع ليصبح موديل 2006 B) ... وسوف أقوم بضرب القدوة الحسنة لكم mfb:

العيار اللى ما يصبش يبقى إنضرب من طبنجة حلوان 9 مللى

حبيبك يبلع لك الزلط ... بشوية كولا دايت

إصرف ما فى الجيب ... يأتيك خراب البيت

مع تحيات أخوكم الأديب الراحل / حشيش :D

إيش تاخد الريح من السيراميك ( مع تحيات أخوكم توتو ;) )

[حشيش]

قرية اهلها اشتكوا ان الامام يلقي خطب طويلة جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة.

وصل الامام الجديد فدخل المسجد وصعد المنبر وحيّا المصلين وسأل: أتعرفون قصة سيدنا يوسف عليه السلام؟

فرد المصلون كلهم: نعم .... فنظر الامام الى المؤذن وقال: اقم الصلاة

ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟

فرد المصلون : نعم .... فقال لهم : ماتجوش الجمعة الجايـــة ;)

[mickey_egp73]

انتم ناس عسل عسل عسل

ربنا يبارك فيكم و يفرحكم زي ما بتفرحونا

[حشيش]

انتم ناس عسل عسل عسل

ربنا يبارك فيكم و يفرحكم زي ما بتفرحونا

ربنا يخليك يامعلم ميكى mfb:

اتنين مساطيل قاعدين يحششو في المقابر ... مرت جنازة فواحد بيقول للتاني هي جنازة مين دي يا محمد؟

فرد عليه دي جنازة الشيخ محروس ... فقال الاولاني يا حول الله :D

تاني يوم وهما قاعدين في نفس المكان مرت جنازة فنفس الشخص سأل وقال للتاني هي جنازة مين دي يا محمد؟

فرد عليه دي جنازة الشيخ محروس ... فقال الاولاني يا حول الله :wub:

تالت يوم وهما قاعدين في نفس المكان مرت جنازة فنفس الشخص سأل وقال للتاني هي جنازة مين دي يا محمد؟

فرد عليه دي جنازة الشيخ محروس ...... فرد عليه: هي الدنيا ملطشة معاه كدة ليه ;)

مذيعة قابلت اتنين مساطيل

سألت الاول : مصر بالنسبالك ايه ؟

قال لها: مصر دى امى B)

سألت التانى : وانته مصر بالنسبالك ايه؟

قال لها: مقدرش بصراحة أتكلم عن أم واحد صاحبى :P

تم تعديل 5 يوليو 2006 بواسطة حشيش

[se_ Elsyed]

انا معرفش اعمل لينك

بس افتح دعوة للابتسام

انزل شوية

الموضوع 12 هو الى انا كتباة

اقراء الردود والموضوع

علشان تعرف انى سباقتك :D

وبعدين عرق جبينك اية وانت قاعد فى التكيف

حتهرج باة :P

ما أعرفكيش

وما شفتوش

وما خلفتوش

الموضوع ده وضع يد ..

عندك إعتراض ;) ؟

عدي ليلتك يا نانسي إنت باقي لك معانا ساعات معضوضة

إسمع المثل ده يا شيشو

" يا واخد القرد على ماله .... بكره يروح القرد وتقعد لنا إنت بداله "

إش تعمل الماشطة .. في وش نوال السعداوي

قال يا قاعدين ... والنبي مانتو قايمين

اللي بياكل على ضرسه ... يبقى أكيد هايحتاج دكتور السنان

[حشيش]

الناس شافوا نمله راكبه جمل وبتصررررررررخ ............ جريوا عليها وسألوها فيه إيييييييييييه ؟!!! .... قالت لهم شبشبى وقع منى ;)

[mickey_egp73]

واحد سأل خطيبته عرفت حد قبل مني.. بصت له و سكتت قالها ايه زعلتي ...ردت عليه "بعدهم"..

------

زعيم عربي علي فراش الموت دخل عليه السكرتير بتاعه وقاله الشعب طالب يسلم عليك رد عليه "ليه هو الشعب مسافر"

تم تعديل 5 يوليو 2006 بواسطة mickey_egp73

[لخبطه]

أشد واحده فيها

السواق اللى كاتب على العربيه

ما تبصليش بعين راضيه ............... دانا طلع عين امي في السعوديه

مش عارف ياسي السيد انا قريتها في مشاركة نانسي ولا في الايمل اللى جاي لي بنفس الموضوع شكلها وصلتك بردو بس انته مقص الرقيب عندك قصها

حشيش فتحت الباب انتظرني في مواصله لتعديل كامل الامثال

تم تعديل 5 يوليو 2006 بواسطة لخبطه

[se_ Elsyed]

ما تبصليش بعين راضيه ............... دانا طلع عين امي في السعوديه

فعلاً العالم بقى قرية صغيرة

هو الواحد ما يعرفش يخبي حاجة

أو حتى يبقى له خصوصيات خاصة به ؟

--------

[حشيش]

حشيش فتحت الباب انتظرني في مواصله لتعديل كامل الامثال

أنا فى إنتظارك مليت :D .... سأكمل أنا الأمثال المعدلة موديل 2006 لحين عودة لخبطة :ninja:

من دقنه وانتف له

نوم الظالم شخير المظلوم

مراية الحب عاميه ومراية الجواز معمصة

[Hammer]

كابتن ... كابتن ... ممكن ألعب معاكم لعبة الأمثال دي

لبس البوصة ... تبقي خيال مأتة

اللي يتلسع من الشوربة ... لسانه يفقفق

برة و جوة فرشت لك ... إتفضل أقعد في الحتة اللي تريحك :ninja:

[لخبطه]

العروسه للعريس .......... والجري لأصحاب الاقساط

قال أيش لم تنتون على تنتن .............. قالك اتقابلوا سوا في محطة المترو

اصبر على جار السو .................. يايرحل ياتيجي له ازاله من الحي

أخدو جوز الخرسه .............. رقعت زغروده ( المثل الاصلى لمن لا يعلمه أ خدو جوز الخرسة أتكلمت )

[واحد تاني]

و دول من عندي ... :ninja:

على رأي المثل ...

ايش تعمل المكوة ... في الوش الكشر

قال بره و جوه فرشتلك ...وانت عيل ... ينيلك

اتلم سونسون على طنطون ... والاتنين انظف ما يكون

[القرموطى]

السلام عليكم عم سى السيد باشا ...وانته عارف طبا باشا دى التصريف الماضى من يبوش وانته طبعا عارف ان بوش ده فيه منه الابن وبوش الاب واوقات بيكون فيه بوش فى الدركسيون بتاع العربيه واكيد برده انته عارف ان العربيه دى لغه مهمه جدا وبيتحدث بيها كل اهل الخليج وطبعا عارف ان الخليج هو عباره عن مضيق مائى تحيط به اليابسه من جميع الجهات واكيد برده انته سمعت عن اتفاقيه الجات الى هترخص تمن الحاجات

المهم مطولش عليك قول طول

الله ينور يا عم موضوع زى العسل بس لو تحط معاه رغيفين عشان الى يحب يغمس يبقى قشطه عليك بس قشطه طازه صابحه يعنى وانتى اكيد طبعا عارف صبحه بتعات فيلم احنا بتوع البتاو بطوله عبد الوارث فارس وباقى فريق العمل

المهم ممكن ادلى بدلوى انا كمان فى الموضوع ده واحط شويه امثال يمكن ينفعه

يا مأمن للحريم .....يا مأمن للمعزه جو غيط برسيم

يا مأمنه للرجال .....يا مأمنه للقرد فى السنغال

ضربوا الاعور على عينه قال ....اىىىىىىىىىىىىىىى

القرد فى عين امه ....قرد صغير

قالوا لفرعون ايه فرعنك ....قال ..ممكن استعن بصديق ؟

الحب فى القلب زى الرز فى الكوسه

بطلوا ده ....واوعوا تعملوا كده تانى عيب

قالوا بلدك فين يا جحا قال بصوا على البسبور وبلاش غباء

مبيعجبوش العجب ولو محترمش نفسه هيتضرب

الى ميشفش من الغربال ...يبقى بيستهبل

الى بيته من قزاز ....يبقى غنى جدا الله يخرب بيته كل دى فلوس

اكسر للبت ضلع ......هتروح المستشفى طبعا

ذاكر تنجح غش تجيب مجموع

الى اتلسع من الشوربه اكيد لازم يحط مرهم على لسانه

[مصرية يعني مصرية]

:angry2:

برافو

والله كان نفسي أضحك كده من زمان

أشكرك يا س س على الموضوع الجميل ده

و بشكركم كلكم عشان ضحكتوني شوية و نسيت همي