البنطلون الجينز

[أحمد عمر]

آه منه ومن بلاويه

آه من شكله واللي عليه

مثير مشاكل .... مثير هياكل

أسير أنا يا ناس معاليه ؟!

دايماً بيمشي مع اللي ماشية

تقولشي شوطة في البلد ماشية

والماركة أفشة في ريشها نفشة

خلي الصبية قمرة ومارية وهي ..عفشة

الكل لابس ومتعنجه

على سنجة عشرة متمنجه

واحنا الغلابا ...اخر طيابا

على طلته . . . بنتوجه

ده بنطلون والا سيما

جايز انا دقة قديمة

بس الخواجة ابن لئيمة

لعبها في الجون . . لعبة سليمة

يوزد ... استرتش وكمان درتي

لفيت ما خليتش ولا حتى سنتي

أصل الحكاية يا ولاد جيرتي

خايف ليوم تلبسه بنتي

في المول ... في النادي ... في الشارع

أينما ذهبت تجده أمامك

وكأنه عفريت العلبة

وعجبي

[سمـ مصر ــا]

أسجل إعجابى أحمد بكلماتك الجميلة

وإبداعك واختيارك للموضوع

وفى إنتظار جديد قلمك الرصاص

[أحمد عمر]

اشكرك من كل قلبي

وانا اسجل اعجابي بكلمات اعجابك

والقلم الرصاص مش بتاعي

ده بتاع واحد صاحبي ...للدعاية والاعلان .