انتحار كلب...... مالوش ذنب

[ابو محمود]

حكى لى صديق حكاية لم اصدقها الاعندما شاهدتها الحكاية

واحد بيحب ويهوى تربية الحيوانات من كلاب ونسانيس وكان لة كلب خاص بة ونسناس وكان يقطن اعلى سطوح العمارة اللى كانت قريبة لوسط البلد المهم صاحبنا دة كان بيشرب مخدرات مع هذة الحيوانات الكلام دة انا مكنتش مصدقة الا لما شفتة بنفسى وكان النسناس بيكون بعد التعاطى لة تصرفات تموت من الضحك اما الكلب فكان يتسطل ويقعد يعوى وكانة بيغنى وقلت للراجل صاحبهم انة كدة بيشيل ذنب خطير وحرام المهم صاحبنا دة الزمن غدر بية والتجارة بتاعتة خسرت ومبقاش معاة حق الدخان وبطل المخدرات ولاكن الكلب بتاعة مقدرش على الموضوع ورفض ان يقلع عن المخدر لية مش عارف قلى عملت معاة كل الحيل مش نافع لدرجة ان الكلب كان بيجيلو حالة هياج غريبة بس مكنش بياذى فكان صاحبة بيربطة جنب سور السطوح لانة بيخاف انة يقع لما تجيلة حالة الهياج ومرة صاحبى اتصل بية وقلى انت عارف فلان صاحب الكلب اللى عرفتك بية قلتلة اة؟ قالى ان الكلب بتاعة انتحر ضحكت وقلت لة انت هتهزر قلى انا بتكلم جد انا بكلمك بعد مازرتة النهاردة وهوا زعلان قوى لانة السبب قلتلة انتحر ازاى قالى جالة حالة هياج ونط من على السور فى الشارع وهنا دار بخالدى ازى المخدرات بتازى شبابنا وتنهى مستقبلهم انا حبيت اقص على حضراتكم هذة القصة لعل الشباب يتعظ منها لان الموضوع مش علشان الحيوان ولاكن لما الحيوان اتصرف كدة وهو بدون عقل. الانسان تحت تاثير المخدر ممكن يصدر منة اية؟ ارجو من كل من يقرا هذة المداخلة ان ينصح شابابنا ويحكى مشهد عن حادث مشابة او لانسان كان تحت تاثير مخدر وكيف تكون النصيحة والابتعاد عن المخدرات لانها بقت ظاهرة مخيفة بين شبابنا وربنا يحميهم من كل صاحب سوء ..................................