حكاية صبية - الصبية هى مصر

[watany ta7n]

هذا الكلام  كتبه طالب فى الصف الثانى من كلية التجارة

وأهديه إلى منتدى محاورات مصرية

[b:post_uid5]

بيحكوا عليكى يا صبية

ف الدنيا تايهه وشرده

أجدادك كانوا فراعنة

وولادك بيعيشوا عبيد

عبودية تكون بالكرباج

ومسكوا دخخنى قديم

وساعات بيقوموا بهوجة

ويقولوا دول وطنيين

وتسيب ركبك يا مصرى

مع أول ضربة سيف

(بلاش الحته دى عشان الوفد ما يزعلش)

والوطنى واقف يدافع

عن شعب الميتيين

لوتنزل مصر تلاقى جنة

من هبة النيل

والتانى يقوم يقول لك

دى هبة المصريين

والحق نقول الجنة

صنعها الإستعمار

سواء كان هو أرمنلى

أو كان حتى حمار

والسخرة وبس بتنفخ

فى قلب المصرى النار

سعتها يشق الصخر

ويفتح ألف قناة

وجالك ناصر جارر

وراه شلة أحرار

ساعتها بجد قامت

الثورة وبقينى أحرار

ولحد دلوقتى ما نعرف

أخوان صنعوها ولا الأحرار

وقلك بس عبد الناصر

ده زعيم مختار

فى سعتها أتنكسنا

وحالنا بقى حال

والحق ناصر حاول (يتنحنح)

ولعب لعبة الأحرار

وأما الأموات صدقوه

ألك شدوا الحزام

وجاعوا ومركس أفندى

(تغيرت الكلمة إلى) زانن  فى ودن الأحرار

ودور يا ريس أصل

زعيمك كان إيه

ناس ألو أشتراكى صميم

والتانى ألك ده أخونجى قديم

وأخينا أم ألك ده ولد عمى

(بلاش عشان الوحده الطائفيه) أصيل

ومات ناصر مكنوس

وسايب الأحرار جعنين

بعد ما رمى فى اليمن

شوية مصريين

لكن والله ما هديوا

ولا وقفوا الوطنيين

بس كرباج الأعتقال

ما بيرحم وطنى ولا حتى غشيم

لساك بردوا بدافع عن شعب الميتين

وفاكر ثورة أنور

لتأييد الملك سنة 52

أهو بعد ما مات الصعيدى

جبوه وألولوه أحكم يا حكيم

وألك سيبك من أنه أأرع

ده (الطائفيه بردو) أبن لأيم

وجالك أنور يلغى سياسة

(طائفيه) وألك ده كان غشيم

وأفرج عن كل المعتقلين

أخونجى شيوعى ولا غشيم

ألولوه يا ريس السجون تفضى

قال إزاى هاتوا حبه تانيين

وقالك أسرق وأنا حسرق

بس الى حشوفه حيبقى عندى من الضالين

وصحيح, ساعتها الى عدى عدى

والشريف إنداس تحت الرجلين

مهو أنفتاح يا عبد الفتاح

وفتح مخك ومص دم المسكين

وأحتار المصرى سعتها

بين الرأسمالية والمركسيين

وقاموا وسألوا سدهم

ألك يا راجل خليها الأتنين

قالوا إزاى يا سدنا

ألك لخبط اللخبوط يبقى مخلوط بالصلى ع الزين

وسدء لما يقولك

فى مصر أفضل جنود

وأكتوبر وبرليف يشهد

على صدقك يالى بتقول

إن خير جند الأرض

همه المصريين

بس ساعتها القائد كان يقول للجندى

"يا راجل" مش يا عسكر يأبن فلان

وكان الراجل شايل سلاحه وصايم

مش محشش وف جيبه برطمان برشام

وراجل يا خالد يالى

قديت على زعيم جبان

وهو ف وسط عزوة

وكتفهم مليان

خلصت سعتها مصر

من ظلم وطغيان

لكن أخرتها إيه

غير شعب ميت وقلب جبان

[/b:post_uid5]

[daktara]

كمل القصيده

وبعدين جه واحد فى تانيه تجاره عشان يخلص مصر من ورطتها

وواحد تانى بيعلن عن قدومه كانه بيقدم رب السيف والقلم

****** ******

*********** ***********

Edited By ragab2 on Oct. 03 2002 6:49pm

[ragab2]

شوية شوية

على الصبى يا دكترة فهو مازال فى ثانوى يخطو خطواته الأولى

تحياتى

[watany ta7n]

طيب مش من الأفضل نقول فين ***** علشان أعرف أصلحه

Edited By ragab2 on Oct. 03 2002 6:48pm

[daktara]

اخى وطنى

الغلط ياعزيزى فى كل حاجه بدءا بالمضمون وانتهاء بالصياغه

لان صاحبنا كده بيشلفط كل حاجه وبيشجع القاتل وبيكفربكل حاجه فى مصر وتاريخها

كفايه بقى تشويه

اما الصياغه فليست شعرا ولا زجلا ولا حتى كلام دمه خفيف

معذرة فأذنى لم تستسغ كل ما قيل

[watany ta7n]

طيب يا دكتره أنت شايف إن حد لسه ليه وش يدافع عن الشعب المصرى

وهل أنت شايف إن فيه حد من قادتنا العظام إنجازاته  غلبت بلاويه؟

وهل حد لسه فاكر إن إحنا مش عايشين فى عبوديه؟

أما عن مشكلة الصياغه فدى كلام مش أكتر ممكن تقبله أنت وغيرك لا أو العكس

[Cleo]

اخى وطنى

الغلط ياعزيزى فى كل حاجه بدءا بالمضمون وانتهاء بالصياغه

لان صاحبنا كده بيشلفط كل حاجه وبيشجع القاتل وبيكفربكل حاجه فى مصر وتاريخها

كفايه بقى تشويه  

اما الصياغه فليست شعرا ولا زجلا ولا حتى كلام دمه خفيف

معذرة فأذنى لم تستسغ كل ما قيل

لا فض فوك يا دكترة...... !!!!!!

[daktara]

يا اخ وطنى

احنا فى ذكرى حرب اكتوبر المجيده بكل معنى الكلمه ويكفى هذا الراحل انور السادات

اما موضوع الصياغه تعجب فلان وفلان لأ  فأرى ان ده كلام يحيد عن الصواب لان الغلط لايتفق عليه اتنين (صاحيين) طبعا

[إسكندرانى]

الأخ " دكتره "  

أقدر معاناتك .. لا تنشد حسن الصياغه فى زمن الشنكوتى والروش !!  لك ولنا وللقليل الصابرين فى هذا الزمن ... الله

[watany ta7n]

يعنى أفهم أن "الراحل أنور السادات" كان صاحب الأمجاد العظيمه وله الفضل فى حرب أكتوبر؟

:sneaky2:  :sneaky2:  ???

[watany ta7n]

من الواضح أننا ننتقل إلى موضوع يناقش بالفعل فى باب سياسة عامة

ألف رحمة عليك يا سادات...

[daktara]

لا يا عزيزى

الفضل كل الفضل لشعبان عبد الرحيم

يا راجل اتقى الله

[إسكندرانى]

أخى دكتره ..

أرى أن مجادلك قد إبتعد بك من الإعتراض على سوء الصياغه إلى دور السادات فى نصر أكتوبر !! وتلك هى الرمال المتحركه التى إبتلعت الكثير من الحوارات دون جدوى ..

أرى أن ترد على محاورك بمقطوعه زجليه من زجلك الجميل .

                                  إسكندرانى ،،

[watany ta7n]

(للأخ أسكندرانى)كويس والله ده فيه ناس فهمانى أهو

على العموم, يا أخ دكتره

أنا لست بشاعر ولا حتى غاوى أشعار جاهليه

أنا بحب الأبنودى وأحمد فؤاد نجم وبحاول أقلدهم مش أكتر

كونى بقى كتبت شىء حلو ولا وحش ممكن بكونك شاعر كبير كده ترشدنى أو ترد عليا بقصيده أو أى حاجه غير النقد الى لا حيودى ولا حيجيب

[watany ta7n]

لا يا عزيزى  

الفضل كل الفضل لشعبان عبد الرحيم

يا راجل اتقى الله

والله ما كان لسه شعبولا طلع أيامه يا دكترة............شوف والله

[daktara]

;)  ;)  ;)  ;)

على فكره لو لاحظت  انا كان اعتراضى على المضمون وعلى الصياغه

وعلى فكره بردو شعبوله كان موجود بس ما كانشى مشهور

اما ردى بزجل فللاسف انا فى حاله نفسيه حاليا لا تؤهلنى للكتابه ولو عايز تستمتع بازجالى اعمل سيرش على اسمى واكيد حتعجبك كتاباتى

تحياتى وياللا نلم الدور