الله أكبر..الله أكبر وفاة رسام الرسوم السيئه في حادث حريق.

[النسر المصري]

الله أكبر ...الله أكبر..الله أكبر

أيها المسلمون...ايها المؤمنون...انظروا لعظمة الله

انظروا لقوة المنتقم..العزيز... الجبار

لقد أخذ بحق نبيه الكريم...وانتقم ممن خولت له نفسه ان يعتقد ان بامكانه اذية نبينا محمد صلوات الله وسلامه عليه

فلقد جائني اليوم خبر اشرح قلبي كثيرا....بوفاة رسام الكاركتير الحقير...الذي رسم نبينا محمد في اشكال واوضاع حاشاه الله من تلك التشبيهات

وقد انتقم الله منه في حادث حريق تنويها عن النار الكبرى التي سف يروها الكفار يوم القيام...وسوف يحترقون فيها مرارا وتكرارا

فلتنشرح قلوبكم بذلك الخبر السعيد

وذلك هو نص الرساله

Important news!!! The artist who drew the pictures of

the Prophet Muhammad (P.B.U.H) has died in a fire. He

Was burned alive. Denmark government is hiding the

News from the public and everyone has to know. Plz

Spread this.... (It’s the price one must pay 4 the

Insult of Allah's Prophet) plz copy and paste this as

Many ppl... Thank you for your co-operation.

الحمدلله على نصرتنا العظيمه تلك...وان أجل الباقيين لقريب باذن الله لمن خولت له نفسه باساءة اظفر أحد من رموز ديننا الاسلامي الحنيف

[se_ Elsyed]

الله أكبر

الله أ كبر

بس علي إيه ؟

على خيبتنا ولا على تخاذلنا ؟

يا عمرو للاسف الشديد إحنا وصلنا لمرحلة بقينا عاملين فيها زي مدمني المخدرات اللي بيهربوا من مواجهة مشاكلهم بالبانجو وشرب الخمر التي تُذهب العقل وتقول له إنت بتعمل كده ليه ؟ يقولك عشان أنسى

والخبر ده ما تأخذنيش من أنواع البانجو المحرم دولياً

أولاً لإنه قديم وجالي على الإيميل من 6 شهور وأكثر من مصادر مجهولة وما فيهوش أي تأكيد

ثانياًً : وبعدين .. نفترض إن الراجل مات ولا غار في داهية .. طب ما هو أبو جهل مات وأبو لهب مات .. فهل أنتصر الإسلام بمجرد موتهم فقط ؟ وهل بموتهم إنتهى الشر ؟

إنت بتفكرني بحنظلة في الفيلم الشهير لما جه يكسر الأصنام فعمل إن إيده إتشلت فالكفار أنبسطوا قوي وقالوا لقد إنتقمت منه الألهة .. فلما قال إنها سليمه .. سليمه عرفوا إنه كان بيمثل

عايز أقول إن الله لا ينتقم من الكفار والمشركين واليهود .. وإحنا نايمين أو كاشفين راسنا وبندعي بس

إنما هاينتقم منهم لما نعمل عمل إيجابي .. وما المقاطعة عنا ببعيد ..

لو تشوف شركة أرلا الدنماركية بتاعت الزبدة والجبنة عملت إيه في لاسعودية وهي أكبر سوق لمنتجاتها في الشرق الأوسط ؟ .. دول كانوا ناقص يعدوا على البيوت ويبوسوا إيد الناس عشان يفكوا الحصار عليهم ويشتروا منتجاتهم من كثر الإعتذارات اليومية على صفحات الجرائد واللي أقل إعلان فيهم كان لا يقل عن صفحة كاملة ..

وعندك مشكلة إسرائيل .. طب ماهو شارون الخنزير مرمي رامية الكلاب وولا هو عايش ولا حي . فهل أنسحبت إسرائيل من أراضينا المحتلة . أم زادت توحشاً وكفراً مع الصهيوني أولمرت ؟

تخيل إن شعوبنا العربية لو خرجت جميعها بس ووقف على حدود فلسطين مع الأردن ومصر وسوريا ولبنان ... ومن غير ما نضرب ولا رصاصة وولا أسلحة نووية ولا دياولو.. ولا مؤخذه بصقنا بس عليهم كلنا مره واحده .. تخيل الصهاينة هايحصل لهم إيه ؟

أقسم بالله العظيم ما هاتلاقي ولا واحد صهيوني قاعد في إسرائيل من العرب .. لإن ده وعد ربنا إنه بيقذف في قلوبهم الرعب لإنهم أحرص الناس على الحياة ...

لكن للأسف حكامنا زرعوا تحت جلدنا الخوف والجُبن مخلوطاً بالدجل والشعوذة والأخبار المُخدرة وإحنا تقبلنا كل ذلك بصدر رحب وزيدنا عليه كمان ..

وحسبنا الله ونعم الوكيل

[عطر]

طيب فين الخبر والرابط اللي يؤكد الكلام ده ولما الحكومة مخبية عرف منين وعلى أي اساس نصدقه!!

وبعدين عايزة اسأل سؤال هو ده اول واحد ولا اخر واحد مات في حادث عربية واتحرق فيها حي!! ما مسلمين بتحصل لهم حوادث مشابهة كل يوم والتاني ، ما عراقيين وافغان وغيرهم مسلمين برضه بيموتوا نفس الموتة على يد الأعداء هل ده معناه انه انتقام من ربنا لهم !! ولا في الحالة دي نقول المؤمن منصاب !!

لازم نبطل تهاون وسلبية وبحث عن شماعات نعلق فيها تخاذلنا، رسولنا الكريم (ص) تنبأ بحالنا ده وقال حيكتر عددنا صحيح لكننا حنصير مثل الغثاء لا لنا قيمة ولالازمة الا لما فعلا نتحد ونبطل تخاذل وضعف وانتظار الفرج يجي لوحده من عند ربنا

[محمود الشاعر]

أخي النسر

أعلم تماما مدى فرحتك وشعورك بهذا الخبر

ولكن هل تاكدت منه

ام انه جاء اليك هكذا كما تاتي الكثير من الاخبارالغير مدروسة والتى تسيئ الى متلقيها اكثر من راسلها أخي الحبيب ان ثقافة الجهل والغياب التام للهمة والقدرة على الفعل تؤدي دائما الى تصديق الحلول السحرية السماوية ( مع الاحترام والحفاظ على قدسية قدرة الله فى خلقه ) لجميع مشاكلنا اليومية

نشكرك على محاولتك لأدخال الفرحة علينا

ربنا يفرحك ويسعدك فى الدنيا والاخرة امين اللهم امين

وابقى طمنا عليك

[محمد عبدالعزيز]

أنا حاسس كده إن عمرو بيختبرنا عشان يشوف مدى وعينا وقدرتنا على التفرقة بين اﻹشاعات واﻷخبار الحقيقية

مش كده ولا إيه ياعمرو؟

[wa7d]

أول ما قرأت ما كتبه النسر المصري ، كنت سوف أرد بسرعة ، ولكن وجدت بعض الردود من الأخوة الأعضاء ، فقلت أقرأها الأول . فوجدت - والحمد لله - أن الأخوة قد قالوا ما كنت أفكر فيه وأحسن شوية .

أنا متهألى إن أحد الصحفيين من الدينمرك هو صاحب هذه الإشاعة ، وعاوز يضحك علينا العالم .

على فكرة الرسوم القذرة لم يرسمها رسام واحد ولكنها كانت مسابقة واشترك فيها الكثير .

[النسر المصري]

خلاص خلاص ياجماعة.... استهدوا بالله بس كده وسيبوني اشرحلكو حقيقة الموقف بكل هدوء....

انا كنت بقول جاني خبر...من رساله.... اميل يعني...واساسا الاميل ده جه لواحد زميلي معايا هنا في المنظمة

وهو اول ماقراه صرخ بالفرحة وقعد يقولنا عالاميل اللي وصله...طبعا كلنا هنا في السيكشن ده اساسا رسامين كمان...ففرحنا كمان معاه....لان احنا فاهمين وحاسين اكتر بالموضوع شويتين عن الناس التانيين... فالرسم عامل عندنا زي اللغة الخاصة ... واكمني البجم اللي رسم رسمة ترمز في خياله هو فقط ان النبي فوق رأسه قنبله وحواليه جواري... اكمني هو رسام ...فاحنا بنحتقره بشده اكتر.....ااكتر من اي حد تاني

عشان كده احنا عندنا شعور عارم بالعداء ضد الشخص المتخلف ده...يعني الموضوع له علاقه بالمهنة كمان

فهمتوني ولا لع ياجماعة :wub: !!!

المهم ان كلاكم كسفني جدا...وحسيت انه قد ايه اني انا باتنجان (ولا خليها كوسه ...اصلي بحب الباتنجان)

المهم انكم كلكم عندكم حق ....ماكنش المفروض اكتب موضوع كده بكل سذاجة وبدون مافكر في صحة الكلام ده...وحتى من غير مافكر هو الامر زي مانتو شرحتوه...هفرح على خيبتنا فعلا ولا على تخاذلنا

بس اعذروني ياجماعه هناك عدة اسباب جعلت عندي غشاوه .....وبعض الاسباب تكمن في...

1- بقالي شهرين مش عارف اكتب موضوع ف المنتدى بسب الانقطاع وده يعتبر كده اول مشارك يعني فعليه (وطلعت مني اوت كمان ...شوفتو السعاده اللي انا فيها :P

2- الاحداث المتلاحقة اللي عندي من خمس شهور ( من اول حادثة المراخير...لغاية الفقر اللي حل علينا انا وزمايلي )

3- عدم التركيز بسبب البحث عن حلول لمشاكلنا الرئيسيه في العمل

4- صعبانه علي نفسي جدا ...فعملت عبيط....وقولت يلا اهو حاجة تعمل في الواحد اي حاجة

5- ده انا غلبااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان !!! :D

6- فوتكم بعافيه ...لما ابقى مركز هبقى اشارك....ولااااا هفتح بوقي بعد كده...هه ..ممم أأأ زهممم

[NoorJehan]

:blink:

حضرتك مضحك اوى يا اخ نسر :)

متزعلش نفسك، أنا برضه كنت هفرح لو سمعت الخبر كشعور تلقاءى تجاه شخص أهان شئ غالى علينا, لا أكثر ولا أقل .

بس ان شاءالله يكون عايش علشان يمكن ربنا يهديه وتكون الواقعه

نفسها ما تجعله يتعرف على الاسلام ويصحح مفاهيمه..

[El-Masri]

قد يموت أو لا يموت فى حريق، ولكنه بالتأكيد سيحيى بعد ذلك فى حريق دائم.

[ابو محمود]

ياعم ماتزعلش اعتبر الخبر صحيح اقولك قول معايا وقولو انتم كمان ( اللهم صلى على محمد وعلى الة وصحبة وسلم وطول منتو فاضيين او قاعدين مش بتتكلمو فى شيء مفيد غيظو الرسامين اللى رسمو الرسوم المشينة للحبيب الهادى وقولو معايا(اللهم صلى على حبيبى محمد وارزقنى شربة ماء من يدة الشريفة ) ياحبيبى يامعلمى ياقدوتى ياسيدى وامامى ارجو المعزرة فانا ضعيف ولا املك الا الدعاء(حسبى اللة ونعم الوكيل) من اتباع محمد *محمود مصطفى

[MZohairy]

1- بقالي شهرين مش عارف اكتب موضوع ف المنتدى بسب الانقطاع وده يعتبر كده اول مشارك يعني فعليه (وطلعت مني اوت كمان ...شوفتو السعاده اللي انا فيها :)

عندي موضوع يا نسر .... متقولش لعدوك عليه

لو نزلت بيه المحاورات ...حتكسر الدونيا :blink:

هو موضوع و خبر في الحقيقه و يعتبر طازه و لنج و ادعي لأخوك بقى

الموضوع هو .....................................

و فاة الفنان خالد الذكر الشيخ سيد درويش :huh:

[alnoobi]

نقطة نظام .. عشان الكلام ما يا خدناش لبعيد !!

الرسوم التى درج على تسميتها بالرسوم المسيئه للنبى محمد عليه الصلاة و السلام عددها 12 رسما .. قام برسمها 12 شخصا .... ما فيش أخبار عن الحداشر الباقيين ؟!

تم تعديل 9 يوليو 2006 بواسطة alnoobi

[النسر المصري]

ربنا يخليك يانور جيهان..اهو انت كده دايما ترفعي روحي المعويه mfb: (وش عادل امام وهو متشنج)

المصري

بالتاكيد سيعذبه الله عذابا اليما ..وبغض النظر عن صحة الخبر او نفيه

استاذ محمود مصطفى

بارك الله فيك وسمع منا رب العالمين ..آمين

الخواجة كونسولو مسيو زوهيري

علمت بنصيحتك وفتجت الموضوع اللي انت قولتلي عليه..وماحدش رد علي الا انت...تفتكر هننجح :blink:

النوبي

ربنا يحرقهم كلهم ياشيخ..قول آمين

[alnoobi]

آمين ... و آخر دعوانا أن الحمدلله رب العالمين .

[عبدوس الوزير]

قد يموت أو لا يموت فى حريق، ولكنه بالتأكيد سيحيى بعد ذلك فى حريق دائم.

أو ربما أسلم قبل وفاته. بل ربما كان سببا في إسلام الكثيرين. مين عارف؟