مطعم شعنونة....

[بنت شعنونة]

ياشو

انتي يتسألي اسأله صعبة ليييييييه :rolleyes:

:D

مش عارفا والله بالفرنساوي تبقى ايه

وموضوع ازازة المية دا انا شخصيا ما جربتوش بس ناس كتير غيري جربوه

وبعدين انزلي السوبر ماركت ها تلاقي العمود دا اكيد مش لازم اسسسسسسسسسسسمه

شاوري عليه :angry:

استاذ شرقية..

انا عن نفسي بعمله بالعيش الشامي بتاع المخبز مش اللي بيتباع جاهز

عشان اللي بيتباع جاهز ها يتفري قبل ما تعرف تاكله!! :angry:

ايه الورق الابيض دا؟؟

انا اعرف فيه حاجا اسمها ورق فرن بس دا شفاف وفيه الفويل الفضي

انما مين التاني دا؟ :blink:

[yacho]

ياشو

انتي يتسألي اسأله صعبة ليييييييه :rolleyes:

:D

مش عارفا والله بالفرنساوي تبقى ايه

وموضوع ازازة المية دا انا شخصيا ما جربتوش بس ناس كتير غيري جربوه

وبعدين انزلي السوبر ماركت ها تلاقي العمود دا اكيد مش لازم اسسسسسسسسسسسمه

شاوري عليه :angry:

مفيش يا لينا عواميد شوى خالص .. قلبت المحل على عامود واحد يوحد ربنا مفيش خالص :angry:

عموما احنا مشكرين قوى على مجهوداتك يا شانا .. ولكى عليا مش حاسالك على حاجه تانى :blink: هاه

:D

اه بالمناسبه الورق اللى بيسال عليه استاذ شرقيه

اسمه ورق زبده بيدخل الفرن وبيستحمل الحراره .

[بنت شعنونة]

اه بالمناسبه الورق اللى بيسال عليه استاذ شرقيه اسمه ورق زبده بيدخل الفرن وبيستحمل الحراره

يادي الأحراج :P

اضربولنا سمعة المحل بقى :P

:P

[Sherief AbdelWahab]

مممممم ..

المنظر الخارجي للأكل لوحده يفتح النفس .. فما بالك لما ندوق :P

خلص الكلام

[بنت شعنونة]

يا كزووووفي

يا كزووووووفففففففففي :P

طب ما تمد ايدك معانا يا شريف و تستسهلك طبخة وتعملها و تقولنا ايه الأخبار؟؟

انا ورا رجال المنتدى لما اعلمهم كلهم الطبخ :P

[Sharkiah]

اه بالمناسبه الورق اللى بيسال عليه استاذ شرقيه

اسمه ورق زبده بيدخل الفرن وبيستحمل الحراره .

إن شاء الله وبإذنه وحوله

ستطهين حواوشى وغيره مرات ومرات عديده ولسنوات كثيره فى عمر مديد وستأكلوها جميعا هنيئا مريئا أنت وأبنائك وزوجك وستتمتعون بكل لقمه فى حب وود ورحمه ولن يطيب لزوجك والد أولادك الزاد إلا من يديك لأنك زوجته الصالحه خير متاع الدنيا كما قال الرسول صلى الله عليه وسلم وستتذكران يوما نزغ الشيطان بينكما ورده المولى عزوجل مهزوما مدحورا وحولكما أبناؤكما زينه الحياه الدنيا يزيدون فى الأكل طيبا على طيب ، لعلى يجب أن أتوقف ولا أسترسل حتى لا أقع فى ذنب الحسد ، ما شاء الله لا قوه إلا بالله ، يكفى أخانا الكريم أن رزقه الله بالزوجه الصالحه المؤمنه الصابره الوفيه العاقله المطيعه لربها وفوق كل ذلك الماهره فى الطهى والعالمه لنوع الورق الذى يدخل الفرن

[last_Samurai]

طيب يا شعنونه يا اختى الله يخليكى اخوكى ساموراى فى الصين واتدمرت فى الاكل

بالصدفه اتعلمت اطبخ واللى بعرف اطبخه حاجتين المكرونه والرز والبطاطس بالصلصه واللحمه بالبصل لغايه اما شكلى بقى عامل زى المكرونه ودماغى بقى بطاطسايه

يعنى لو ممكن تشرحي شويه اكلات سريعه علشان الاكل الصينى صعب اوى فى طعمه

وشكرا

[بنت شعنونة]

يا عيني عليكي يا ياشو

خدتيلك دعوتين هنا من عمنا شرقية :P

ماشي ماشي :P

اخي ساموراي

من عنيا

ها احطلك كام طبخة سهلين بالتفصيل الممل كمان حبة و قولي رايك ايه :P

[last_Samurai]

الف شكر وربنا يبارك فيك ايوه كده علشان ناكل بقى كفايه ضفادع وقرود هههههههههههههه

شكرا يا اختى

[بنت شعنونة]

ساموراي..

اسبيشال ريكوست ليك اهو :P

شيش طاووق..

بما انك فرداني ف انت ها تجيب ربع او نص كيلو صدور فراخ مخلية ( بتتباع في السوبر ماركت)

2 طماطم كبيره مقطعه مربعات

1 بصله كبيره مقطعه مربعات

2 فلفل رومي مقطع مربعات

لعمل تتبيلة الشيش طاووق بقى

علبه لبن رايب 250 جرام او 2 علبه زبادي

1/4 كوب زيت

ملعقه صويا صوص كبيره

2 ملعقه صلصه صغيره

ليمونه

ملعقه ملح

ملعقه بابريكا ( فلفل احمر بارد)

ملعقه زعتر

ربع ملعقه ثوم مفروم

نص ملعقه فلفل اسود

عيش للتقديم..

اسياخ خشب منقوعه في ماء ( علشان مش تتحرق في الشوي)

نحط مقادير التتبيله في طبق غويط و نخلطهم مع بعض

نحط الفراخ في التتبيله و توضع في الثلاجه لمده ساعتين او يوم بطولة افضل عشان تبقى اطعم... :P

بعد كده بالترتيب في السييخ: بصل ، فراخ ، طماطم ، فراخ ، فلفل ، طماطم ، فراخ ، بصل بالشكل الواضح

دا بعد ما تكون حطيت الخشبات دي في مية لمدة ربع ساعا عشان النار ما تحرقهاش..

توضع الاسياخ علي الشوايه و تقلب من حين لحين و نرش الفراخ بالتتبيله الفضله اثناء الشوي

ياشو اهي شواية البوتاجاااااااااااااااز اللي بقولك عليها :angry:

و بالهنا و الشفا

ها سهلة والا ايه؟ :P

[Sharkiah]

أنا مش عارف ياشعنونه إنت حطيطى ليه وجوه مكشره بخصوص مداخلتى ، بس لو كان فى حاجه غلط أنا عملتها وزعلتك فأحب أبشرك إنك أخذتى حقك من غير ما تقصدى ، الشيش طاووك ده أمى لازم تعملهولى كل ما أنزل مصر ، ولن أصف مقدار الحنين وألمه إللى شعرت به وأنا أنظر للصوره إللى أرفقتيها ، بجد حاجه تفوق الوصف

بس بتاع أمى بيبقى لونه أكثر إحمرارا من الصوره

يمكن لأنها بتستخدم قوطه أكثر

[last_Samurai]

والله يا شعنونه فظيعه ربنا يخليكى

بس مش كل المكونا ممكن الاقيها يا اختى

الصين يا شعنونه مفيهاش كل المقادير دى

انا عما لاقيت عندهم طحينه كنت حرقص فى الشارع

والله بصراحع شكل الاكله دى ملهاش حل

طيب بصى حاجات خفيفه زى الطبيخ

يعنى عندى لحمه اى والله لحمه

وفرخه وخضار يعنى بطاطس

تانى بطاطس؟ اى نعم

وفيه فصوليا خضرا

ورز ومكرونه وعلبه صلصه

ولوبيا ناشفه

نعرف نعمله وجبه حلوه زى اللى كنا بنكلها فى مصر

معلش يا شعنونه انا بتاقل عليك بس انت عارف ما باليد حيله

الف الف شكر على تعبك ومساعدتك

[بنت شعنونة]

يا نهار ابيض يا استاذ شرقيييييييييييييية :o

لاو والله دا انا كنت بتاغش ياشو عشان الدعوتين دول بس والله :blush:

حضرتك عارف معزتك عندي يعني :wub:

وما تزعلش مني بقى عشان الشيش طاووق

اديك قلت طلع وحش مش زي بتاع الحجة :D

ساموراي..

بص صوص الوصيا اكيد عندك دا بتاعكو يعني :blink:

و اكيد فيه زبادي

لو مافيش باربيكيا مش مشكلة شيلها و ولو مافيش زعتر برضه مش اشكال

وكمل الطبخة عادي

و ها ابعتلك حاجا حلوة في السكة اهو و قولي سهلة والا ايه احسن انت كدا ااااااااااااخرك كباية شاي يعني :angry: :D

[last_Samurai]

نست اقول ان عندى بوتاجاز بعين واحده ومفيش فرن

انا عارف كده صعبتها معلش استحملونى

[بنت شعنونة]

مكرونة بالسجق ليييييييييييييييك يا ساموراي انت وابناء المهجر :wub:

نص كيس مكرونة

كيس سجق او نص كيلو او ربع كيلو سجق حسب الكمية اللي تحبها ( تلاتا بالله العظيم لو قلتلي ما فيش سجق عندكوا يا ساموراي لا اكون راقعا بالصووووووووووووت :blush: )

بصل مقطع مربعات

2 فلفل رومي مقطع مربعات

1/2 علبه الطماطم المقشره جاهزه (او 3 طماطم مقطعين و معاهم ملعقه صلصه)

ملح ، فلفل ، زعتر ، سماق

للبشاميل:

3 ملعقه زيت

3 ملعقه دقيق

2 كوب لبن

1 ملعقه مسطرده

ملح

للوجه:

بقسماط

جبنه مبشوره

بص يا سيدي الطبخة دي ليها طريقتين

طريقة بتاعتي انا و طريقة بتاعت صاحبتها الأصلية

شوف يا فندم..

نسلق المكرونه عادي .....اظن عارفها دي بقى

علي النار نشوح البصل في شويه زيت.. يعني تقعد تقلب فيها كدا لحد ما تحسها لونها اتغير حبة او دبلت بالبلدي!!

بعد كده نحط السجق و التوابل و نشوحه لغايه ما لونه يتغير ( انا بحط ملح وفلفل بس )

نحط الفلفل و يشوح

نحط الطماطم و كوب ميه ... او قطع طماطم حتت صغيرة زي السلطة ها تبقى حلوة برضه..

و تترك علي النار لغايه ما السجق يستوي بالشكل دا..

نقلب المكرونه مع مقدار السجق

انا لحد كدا بعملها و بتبقى حوة جداااااااااااا

صاحبة الطبخة الأصلية بقى بتكمل حاجات كمان و انت بقى و اللي تحبه

نكمل

لعمل البشاميل

نحط الزيت ع النار في حلة

وبعدين نضيف عليه الدقيق ونقلب باستمرار لحد ما يتجانسوا ويبقى لونه ذهبي كدا وشبه العجينة

وبعدين نضيف اللبن البارد واحدااااااااااااااا واحداااااااااا عشان ما يكلكعش معاك :angry: واحنا عمالين نقلب على طول

لحد ما يتجانس

اسيبه يغلي لحد ما يتقل ويبقى بشاميل وبعدين نضيف الماستردة ( ممكن تستغنى عنها لو عاوز)

نحط الخليط في الصينيه

نحط البشاميل و نرش شويه بقسماط و الجبنه و تدخل فرن لغايه ما تحمر

و بالهنا و الشفاااااااااااا

ها

ايه النظام؟ :blink:

[last_Samurai]

بجد عبقريه ودى تمشى معايا بسهوله

ربنا يخليكى لاخواتك المغتربين يارب

بصى ربنا يخليكى عاوزين حاجات زى دى سهله كده ومفيهاش تعب

على فكره انا اللى رقعت ب الصوت من شويه

ههههههههههههههههههههه :blush:

شكرا وفى انتظار الطبق الاسبوعى لاجدع شيف ربنا يكرمك

[yacho]

اه بالمناسبه الورق اللى بيسال عليه استاذ شرقيه

اسمه ورق زبده بيدخل الفرن وبيستحمل الحراره .

إن شاء الله وبإذنه وحوله

ستطهين حواوشى وغيره مرات ومرات عديده ولسنوات كثيره فى عمر مديد وستأكلوها جميعا هنيئا مريئا أنت وأبنائك وزوجك وستتمتعون بكل لقمه فى حب وود ورحمه ولن يطيب لزوجك والد أولادك الزاد إلا من يديك لأنك زوجته الصالحه خير متاع الدنيا كما قال الرسول صلى الله عليه وسلم وستتذكران يوما نزغ الشيطان بينكما ورده المولى عزوجل مهزوما مدحورا وحولكما أبناؤكما زينه الحياه الدنيا يزيدون فى الأكل طيبا على طيب ، لعلى يجب أن أتوقف ولا أسترسل حتى لا أقع فى ذنب الحسد ، ما شاء الله لا قوه إلا بالله ، يكفى أخانا الكريم أن رزقه الله بالزوجه الصالحه المؤمنه الصابره الوفيه العاقله المطيعه لربها وفوق كل ذلك الماهره فى الطهى والعالمه لنوع الورق الذى يدخل الفرن

ربنا يخلليك لينا يا رب وما يحرمناش من دعواتك الحلوه .. امين :blush:

[yacho]

شانننننننننننننننننننننننا

شوفتى يا شانا موضوعك ده هو اكبر دليل اننا فى محاورات المصريين :angry: ..

اىحاجه فيها اكل تكسب دهب :o

دانتى لسه بتقولى ياهادى ومنزله بسسسسسسسسسسس يدوبك شوية صور للاكل والمقادير ..

حاله الكساد اللى كانت ف المحاورات راحت والكل بيجرى عشان يشارك .. :o

الموضوع لسه فاتح شوفتى بقى كام صفحه

اللهم لا حسد يا شعنونه :blush:

بس بصراحه انتى بجد الاكلات بتاعتك عمليه وسريعه انا عن نفسى

جربت الساندويتش العملاق بتاع اول صفحه .. حاحكيلك اللى حصل

فى رساله خاصه :blink: ...

لا بهزر معاكى..

كان تحفففففففففففففففففففففففففففففففففففففه :wub:

:D :D mfb:

[shahd]

شانااااااااااااااااااااااااااااااااااااا :closedeyes:

حرام عليكي الي انت بتعمليه ده mfb:

بوظتيلي الرجيييييييم :wub:

انا عمالة بحارب عشان انزل 10 كيلو

بس بعد موضوعك حزيد 25

يلا بسرررررررررررررررررعه هاتي الوصفة الي جاية :D :D

بلا رجيم بلا بتاع mfb:

مع تحيات تيتا شـــــــــــــــهد من امام باب الفرن

[nancy]

شانا حاكتبلك طريقة شبة طريقتك فى البشاميل بس مظبوطة بمقادير

2 ملعقة كبيرة سمن نباتى+ 8 ملاعق كبيرة دقيق يقلب على النار وبعد ان يحمر يضاف 3 كوب لبن ويقلب جيدا ويضاف الية ملعقة مستردة وجبنة تركى مبشورة

ويقلب وويترك ليبرد

يضرب 4 بيضات صغيرة يضرب مع ملح وفلفل

ويضاف 3/4 على الشاميل والباقى على وجة الصينية

جربيها وقوليلى رايك

:closedeyes: