تحقيقات النيابة في مذبحة بني مزار ... نكته

[لخبطه]

دا الجزء الخاص من تحقيقات النيابه باعتراف المتهم طبعا هو منشور النهارده في المصري اليوم وفيه شويه نكت حلوه اوي

اسمي محمد علي محمد أحمد عبداللطيف «٢٧ سنة» كهربائي ومقيم بعزبة شمس الدين وأحمل تحقيق شخصية رقم ( ).

س: ما تفصيلات اعترافك؟

ج: اللي حصل إن أنا ليلة الحادث كنت في الغيط في النهار وبعد كده رجعت البيت المغرب واتعشيت مع اخواتي وأمي وابويا ونمنا وكنت أنا أخذت العلاج لأني باتعالج عند دكاترة نفساويين في مصر والمنيا وبني مزار لأني أنا بتجيلي حالة نفسية وبتروح في بعض الأحيان، وقمت من النوم وزي ما يكون هاتف وجالي في دماغي إن أنا أموت أي حد ودورت في البيت علي ساطور لقيته وخدت السكين برضه وطلعت من البيت وماعرفشي كانت الساعة كام وكنت بأحاول أخفي نفسي لحسن حد يشوفني وكنت داير في الشوارع في البلد ورحت بيت الأستاذ يحيي أبوبكر، حاولت أنط علي البيت بتاعه من ورا وفعلاً عرفت أطلع ولما وصلت السطح نزلت علي السلم دخلت علي الأوضة اللي فيها الأستاذ يحيي وزوجته وعياله الصغيرين وضربت علي دماغهم بالساطور، ومش فاكر كام ضربة لأني أنا ماكنتش في وعيي وبعدما ماتوا فتحت بطن كل واحد منهم بالسكين وبعدين قطعت الأعضاء الذكرية ليحيي وابنه محمود ودفنتها ومسكت كذا حمامة وموتها.

شوفوا الملاحظات دي على اعتراف المتهم ( اللى هو متهم حتى يتم تلفيق التهمه له )

* دخل اخد ساطور من البيت مع انه اداه الساطور مش موجوده في كل البيوت المصريه إلا فيما ندر

* دخل الاوضه ضربهم كلهم على دماغهم بالساطور ( ساطور كاتم للصوت ) يعني مافيش حد صحي من أول ضربه أو أول صرخة قتل الكل بهدوء والكل يغظ في نوم عميق

وبعدين مسكت كام حمامه وموتها

افهم بقا الحمام دا كان فين يعني بالصدفه كام حمامه معديين حب انهم يشاركوه اتفضلوا ياطقم حمام ودبحهم .......... ولا اخدهم معاه من البيت بتاعه طيب ازاى ومسكهم ازاى بالليل من بتهم ولا هو كان مجهز الحمام من بدري طيب ازاى مجهزهم وهو بيقولى جالى هاتف ............ هو المفروض يقولى جالي ضابط قالى قول كدا :) :blink: :huh: مش جالي هاتف

[Cleo]

تذكرت وأنا أقرأ هذه الاعترافات الملفقة فيلم "أبو على" فى المشهد الذى أداه الرائع "خالد الصاوى" وهو يقوم بدور ظابط الشرطة المنحرف وهو يملى الكاتب اعترافات ملفقة على لسان أبطال الفيلم ...

[لخبطه]

فيه مقال يا أستاذه كليو لفهمي هويدي من فتره في الشرق الاوسط كان عنوانه ( تدني مستوى التلفيق في العالم العربي ) كان بيتكلم عن أن التلفيق كان زمان مطبوخ صح لكن دلوقتى ماعدش حتى فيه تلفيق عدل

[Cleo]

فيه مقال يا أستاذه كليو لفهمي هويدي من فتره في الشرق الاوسط كان عنوانه ( تدني مستوى التلفيق في العالم العربي ) كان بيتكلم عن أن التلفيق كان زمان مطبوخ صح لكن دلوقتى ماعدش حتى فيه تلفيق عدل

زمان كانت الحكومة بتعمل حساب الرأى العام وشكلها العام قدام العالم وقدام الجمهور.. أما دلوقتى فهى حكومة وشها مكشوفة لا تخاف ولا تختشى