دباديب وورود ذابلة وصور لا تنسى..ماذا تحمل في درج الذكريات؟!

[المدهش]

في أول يوم زواج قلت لزوجتي ..هذا الدرج لا تفتحيه..وهذا الدرج عمر الأشياء الموجودة فيه من عمري ..صوري الشخصية منذ أن التقطت لي أول صورة في حياتي، مروراً بالابتدائي والاعدادي والثانوي والجامعة.. والبلاد التي زرتها والناس الذين عرفتهم..وفيه أول خطاب وصلني من صديق.. وأول وردة أهدتها لي فتاة أحببتها وأنا في سن 16 سنة.. ودباديب ولوحة مرسومة لي وتذكارات من أسوان وباريس ونورنمبرج..وصور لأمي رحمها الله ..وأول كراسة كتبت فيها خواطري وأشعاري..وكل الكارنيهات التي صدرت لي من الثانوي إلى الجامعة..ووووووو واشياء كثيرة أحتفظ بها وأعود إليها بين وقت وآخر لأعيش معها لحظات من الماضي..فماذا تحمل وماذا تحملين في درج مذكراتك؟!

[hopsan]

غريبه انا كان عندى نفس الدرج و تقريبا نفس المحتويات

و علشان انا ادعى ان لى خبره فى الستات و اعلم ان لو للدرج مفتاح فغريزه الأنثى لن تتركنى فى حالى ففى ايام الخطوبه الأخيره ذكرت لها ان لى ذكريات احب احتفظ بها فى مكان هى تعلم بوجوده و ايضا محتوياته و دى كانت فرصتى لإستماله تعاطفها ...لسبب لو انى فعلت هذا بعد الزواج لكان الرفض بوجود ذكرياتى صريح وواضح و لكن استغليت الموقف فى عز درجات القبول والموافقه ..اى قبل الزواج مباشرا ( آسف زوجتى العزيزه ) وزياده فى اعتزازى بثقتى فى خبرتى قلت لها انت ايضا يمكنك ان تحتفظى بذكرياتك فى الدرج المجاور و كان ردها المعروف مسبقا ( انا مش زيك و ماليش زكرياتك ) و بعد الزواج اصبح وجود ذكرياتى امر مسلم به و زياده فى حنكتى كخبير فى النساء لم اعر ذكرياتى اى اهتمام و اعلم تمام العلم انها كانت تراقبنى كأفضل جاسوس على وجه البسيطه ( حاسه الأنثى لا يستهان بها ) حينما افتح الدرج لسبب ما و اشعر بعينيها تزاحم اصابعى حينما اعبث بالمحتويات و اجزم انها تعلم المحتويات اكثر منى و تعلم اين يوجد المظروف الذى به خطابات حاره و ملتهبه من صديقات سابقه و هى صابره و الجمر الجاثم على قلبها يزداد حراره و بعد مرور بضعه سنون و هى على حالها هذا شعرت بنوع من التجنى عليها كزوجه و امرأه ...فماذا فعلت ؟؟؟؟

لم يكن معى المال الكافى لشراء هديه فى عيد ميلادها ...قفزت فكره جهنميه الى ذهنى ..قمت بلملمه بعض الصور التى لا اهتم بها كثيرا و ايضا خطابات قليله الإهتمام مع المظروف نفسه و الذى لا تخطئه عين زوجتى مع بعض ورق كثير لا قيمه له و مزقت بعضه من كراسه قديمه معظمه فاضى بدون كتابه ووضعتهم فى الشوايه التى نشوى عليها المشويات لما ربنا بيبارك فى قرشين و اعمل عزومه شواء و قمت بحرقهم و فى اللحظات الأخيره من الحريق جاءت مسرعه... فيه ايه....؟؟ فيه ايه ......؟ فقلت لها انا حرقت الماضى ...( فيلم عربى )..و اعتقد ان ما فعلته كانت اغلى هديه تلقتها زوجتى العزيزه حتى وقتنا هذا ....اما متعلقاتى و ذكرياتى و هدايايا القيمه فإحتفظت بهم فى مكان اكثر امانا ....لن تلحظهم عيون زوجتى ...او اتمنى هذا

[صبح]

فقلت لها انا حرقت الماضى ...( فيلم عربى )..و اعتقد ان ما فعلته كانت اغلى هديه تلقتها زوجتى العزيزه حتى وقتنا هذا ....اما متعلقاتى و ذكرياتى و هدايايا القيمه فإحتفظت بهم فى مكان اكثر امانا ....لن تلحظهم عيون زوجتى ...او اتمنى هذا

ما تزعلش منى.........

هذه فى نظرى خيانة ..

ولأقرب الناس... <_<

[سهيلة]

objection

سوال يا جماعة من فضلكم

هوة لية الراجل بيدى لنفسة الحق يحتفظ بذكرياتة القديمة والست لا؟؟

يعنى اظن لو زوجتك قالت لك الدرج دة خاص بية وممنوع تشوفة ؟؟ زى ما المدهش وهوبسان عمل؟؟

يا ترى رد فعلك بصراحة هيكون اية؟؟

انا من راى الذكريات خلاص بقت ذكريات

لية ما اقعدش مع زوجتى واوريها الصور والجوابات كمان والدباديب عشان المدهش ما يزغلش <_<

واحكى لها عن كل شىئ نبذة سطحية طبعا موش كل شىئ عشان دة بيزعل الستات

واحسسها ان دة كلو بقى ذكرى وماضى وانتى بس الحاضر

عارف واللة كدة زوجتك هتحترمك اكتر

[hopsan]

صديقى صح

احنا بشر و احنا فى المنتدى ده اشخاص افتراضيه ...و الصراحه والحقيقه المجرده دون رتوش شىء واجب اما افتعال المثاليه او ما نتمنى ان يرانا الآخرون فلا هو مكسب لى او لك .......

عموما انا لا اراها خيانه و انما احترام مشاعر زوجه فقط و لكن عندما تصل إنشاء الله لعدد سنين زواجى ستدرك ما اعنيه

هناك ما يقال عنه فسحه بين الحين و الآخر بين الزوجين فالزوجه لها اسلوب فى الفسحه والزوج له اسلوب مختلف فى الفسحه خصوصا عندما تطول فتره الزواج فأحيانا يصيب العلاقه الزوجيه شىء من الفتور و الملل وكل علاقه لا يمكن ان تكون هانئه هادئه على الدوام ففسحه الرجل عاده تكون مع اصدقائه القدامى ليستعيدو زكريات زمان ومغامرات كل منهم و لو كانت هناك مغامره مشتركه بينهم لكانت حديث القعده او يعود بخياله للوراء لتذكر كيف كان و حاله اليوم ...هل هذه خيانه؟؟؟ و هناك من هم مثلى عندهم زكرياتهم موثقه..اما الزوجات فالنم و النميمه مع صديقاتها و اخواتها و من هنا و من هناك او التسوق و شراء اشياء لا لزوم لها هى فسحتهم و فى النهايه و بعد ان ينتهى كل منهما من فسحته يعود الود و الموده و الوئام ...البعض يعترض على الصراحه و لكنها حقيقه.... بقى ان اقول لك الخيانه بكل معانيها لا مكان لها بين زوجين يحترمون بعضهم ..و اذا كنت صريح كل الصراحه مع زوجتك ولا تخفى عنها شيئا مما تعرفه فأنت انسان نادر الوجود مثل الخل الوفى و العنقاء ...فهل انت كذلك ؟؟..مع العلم بأننا شخوص افتراضيه

سهيله ياختى

انا والله عملت كده ...بس انتى عارفه بقى الستات تمسكها عالواحده لما تكون رايقه و تحاسب جوزها على حاجات قديمه هى مكانتش موجوده اصلا فى حياته اثناء حدوثها

يبقى تقولى ايه بقى فى تفكير الستات و انتى ست الستات ؟؟؟

تم تعديل 9 يوليو 2006 بواسطة hopsan

[المدهش]

يا جماعة واضح اني ما عرفتش اوصل فكرة الموضوع ..أنا لا أناقش هل من حقك أن تحتفظ بذكرياتك وتمنع زوجتك من الاطلاع عليها ..أنا أريد أن أسألكم عن ذكرياتكم وهل تحتفظون بأشيائكم القديمة أم لا وما هي الأشياء التي تحتفظون بها..

[hopsan]

يا جماعة واضح اني ما عرفتش اوصل فكرة الموضوع ..أنا لا أناقش هل من حقك أن تحتفظ بذكرياتك وتمنع زوجتك من الاطلاع عليها ..أنا أريد أن أسألكم عن ذكرياتكم وهل تحتفظون بأشيائكم القديمة أم لا وما هي الأشياء التي تحتفظون بها..

عزيزى المدهش ...الظاهر ان انا اللى مفهمتش ايه قصدك و دخلت فى مواضيع تانيه و ان كانت مرنبطه بذات موضوعك ....سورى .....برضون

طبعا احتفظ بأشيائى القديمه ..فهى بالتأكيد المتنفس و الداعم لإستمرار حياتى ..فالماضى اساس حاضرى

ما احتفظ به من ذكرياتى القديمه تبدأ من حيث ولدت فى مستشفى المواساه عندما كانت الممرضات من الراهبات و الوالده تمكث اسبوع من الراحه و الدلع اولا خصله شعر + قطعه قماش مكتوب عليه اسم امى و معلومات عنى باللغه الفرنسيه وورقه مكتوب فيها إهداءات من الممرضات لأمى تهنئها بتشريفى و معلقه فضه من والدى الله يرحمه مكتوب عليها اسمى و تاريخ ميلادى و المعلقه دى أخذت بها اول نفطه لبن فى حياتى ...مش عارف ليه مكنتش دهب ...مع ان الدهب وقتها كان رخيص ...كل واحد و ظروفه بقى.....

و طبعا صور الطفوله و مش عارف ليه والدى كان مصر يصورنى و انا ابكى ...يمكن على حالى او على حال البلد ( حته تخريف فى فيلم عربى من مخرج تعبان ) او يمكن كان البكاء احدى سماتى و انا بيبى ( عيل نكد )

و بعد كده متعلقات الطفوله من ميكانو حديدى مش بلاستك زى بتاع اليومين دول و مازلت احتفظ بكل قطعه و مش عارف ليه هما 99 قطعه .بس اضفت القطعه ال100 و هى عباره عن مسمار مالوش لازمه ..اهو عند و السلام و بعد كده فتره الشباب و الصبيانيه و ده اللى كتبته فوق .....يعنى يا مدهش اللى كتبته فوق كان له داعى ...ماشى!!!!!..بس خلاص ...مبسوط كده ؟؟ و لا انا لسه مش فاهم ؟؟....قول بس ...!!

[نورية]

موضوع (درج الذكريات) دة بجد جميل... و احلى حاجة فيه غموضه....باحاول انه يكون لية درج ذكريات.. و ان كان يحوى القليل منها... بس حقيقي له (هيبة) زى ما بيقولوا...

درج الذكريات دة بيبقى (انت).. فيه كل شئ عن حياتك و شخصيتك و احاسيسك و مشاعرك..احلى ما فيه غموضه... و انك تكون الوحيد اللى عارف فيه ايه... متهيألى بتبقى حاطط فيه كل الذكريات الخاصة .. ومايمنعش كمان نقط ضعفك المتمثلة فى ان ممكن يكون ليك ( دفتر مذكرات)...و ماعتقدش انك ممكن تخلى حد يقراها... ممكن احراج.. ممكن خصوصية...

اهم حاجة ان يكون ليك (درج الذكريات دة).. عشان من وقت للتانى تفتحه و تغمض عنيك و تفتكر كل لحظة مرت بيك ... الدرج دة مش مجرد درج و خلاص.... دة حصيلة عمر عدّى و مش حايرجع تانى و دى حصيلة ذكرياته بحلوها و مرها...

[بنت شعنونة]

الدرج الأسسسسسسسسسسسسسسود

كل ما افتحه اقرف من نفسي...

الموضوع دا حللللللو جدا يا مدهش

بحسدك عليه بجد

بص يا سيدي

صلوا على النبي... وربعوا كدا بقى عشان القعدة طويييييييييييييييييلة

زمان كان عندي درج زي دا وفيه بلاوي متلتلة

اولا مليااااااااااااااااااااااااااااااااااااان كروت معايدة بمناسبة عيد ميلادي من كل من هب ودب ..عدو او حبيب عشان وانا في الكلية كنت غاااااااااااوية يوم ميلادي اعزم الناس و تبقى لمة ( اي ناس :blink: )

اشي كروت بمزيكا واشي ساكاتة واشي نفاق و اشي حقيقي

دفتر من ايام ثانوي بتاع للذكرى دا... موقع من كللللللللللللل صديقاتي في المدرسة و المدرسات

صور

يالهوي

بالعبييييييييييييييييييط يعني

اشي صور صاحباتي اشي صور صبيان mfb:

كل واحد حبني واداني صورته علقتها عندي مع الشهدااااااااااااء :happy:

اشي صور رحلات وكلها طالعين فيها عاهااااااااااااااااااااات

صور اتنين خطيبي سابقا..

و جوابات بقى

جوبات انا كاتباها او غيري كاتبهالي

الصراحا اوقات كنت اعمل زي قبطان كدا وافتح الجوابات دي كل فترة و ....

اعيييييييييييييييييييييييييييييييييييييط

اه والله

عته بعيد عنك!!!

اشي جوبات غرامية

اشي جوبات شتيمية

اشي جوابات ما تفهم تصنفها ايه اصلا!!!

واكتر حاجا بقى

شرااااااااااااااااااااااااااااااااايط كاسيت؟؟؟؟؟؟!!!!!!

كنت مسجلها لتلفونات لناس حبوا يشتغلوني ف قلبت الترابيزة عليهم :P

مش قوي يعني بس على ما قد ربنا قدرني " شريرة انا"

اي ورد مجفف كنت برمية عشان كان بيعملي حساسية :angry:

دباديب بقى كتير اوييييييييييييييييييي على قد ما ربنا يديك عدد دي الفايدة الوحييييدة في الدرج دا اصلا

دا نص

النص التاني بقى صور ليا انا وماما و بابا واخواتي واحنا صغيرين

صور خطوبات قديمة

حاجات شخصية قديمة و بسيطة جدا ب اعتز بيها...

كل الدرج دا جيت في يوم ورحت مستربعة في البلكونة وجبت فخااااااااااارة كبيييييييييرة و وولعت في كللللللللللللل الحاجات دي ماعدا العائلي منها

وعلى طريقة القبطان

حكيت لزوجي على كللللللللللللللللللللللل نتوفة في الماضي

ووريتة كل الصور وكل حاجا في اول ايام معرفتنا و قبل ما نتخطب رسمي عشان اكون واضحة جدا معاه

وهوا كمان حكالي على كل كبيرة وصغيرة عملها في حياته

و قبل ما اتجوز بكام يوم وانا بعزل من بيت اهلي

لقيت بواقي صور خطيبي القديمة ف رحت قلت ل بابا ارميها

اضحككوا بقى...

بعد ما اتجوزت ب كذا شهر كدا وفي يوم كنا ضاربين خناقة فللللللللللللللللة وطلقني وبتاع

في ايام الخناقة دي لقيت ايميل مبعوتلي من خطيبي السابق بيقولي فيه

انه سمع اني " اتخطبت" ف مبروك و انتي تستاهلي كل خير

تفتكر عملت ايه؟ -_-

رحت متصلة بزوجي في عز نار الخناقة و قلتله :blink:

فرستة -_- بس زعل مني جاااااااااااامد

مع اني والله ماكانش قصدي اغيظة كان نيتي بس اعرفه كل حاجا بعملها ك العادة عشان ما احسش اني خنته :huh:

بس جت على دماغي mfb:

[nash]

أخي المدهش..والله موضوع جميل بحق..

يعطيك العافيه..

...................................................

أخي hopsan

احنا بشر و احنا فى المنتدى ده اشخاص افتراضيه ...و الصراحه والحقيقه المجرده دون رتوش شىء واجب اما افتعال المثاليه او ما نتمنى ان يرانا الآخرون فلا هو مكسب لى او لك .......

صدقت في هذه..

.................................................

شعنونه اللذيذه..والله قلتي كلام كبير..بس بجد كلام جامد قوي..وربي ضحكت من قلبي

...................................................................................................................................

أنا لازلت محتفظه بصندوقي..ولا يمكن أفرط فيه أبدا..رغم أنه قريب جدا مني ..لكن صعب جدا النظر في محتوياته..يمكن أخر مرة منذ أربع أو خمس سنوات..رغم أنه أمامي طوال الوقت

موجود عندي ورقه شوكولاته..وورقه كلينيكس<<<<<< من غير تريقه..أجنده..فيها بعض الخواطر..مجموعه عرايس..يوووووووووووووة..كفايه كده....

[hopsan]

نوريه

سامحينى ..لو اخترقت خصوصيه ماليش فيها ..بس الصوره الإفتراضيه مع كلامك الهادى اللى كله شجن بيعطى انطباع ان عندك مشكله يمكن صغنونه بس انتى عمله منها حكايه كبيره ..احنا هنا اهلك اللى مش موجودين حقيقى بس موجودين ...قولى... فضفضى ...حتلاقى الف حل و حل ....و لو مافيش مشكله يبقى نهارنا ابيض وزى الفل

شانا

...معجب قوى بصراحتك ...قليلات مثلك ..و اللى عاجبنى اكثر الثقه اللى بتتكلمى بيها ...بس انتى صريحه كده على طول ؟؟؟...يعنى لو حد سألك السؤال المقرف دائما و اللى مافيش ست تحب تتسأله ..( انتى عندك كام سنه ) حتكونى صريحه كده ؟؟ ولا تبصيله او تبصيلها بإمتعاض وحاجب فوق و التانى تحت ....بلاش تقولى سنك افضل تكونى مبهمه وسطنا بس عايز اعرف هل حتجاوبى بصراحه ؟؟؟

اضحككوا بقى...

بعد ما اتجوزت ب كذا شهر كدا وفي يوم كنا ضاربين خناقة فللللللللللللللللة وطلقني وبتاع

في ايام الخناقة دي لقيت ايميل مبعوتلي من خطيبي السابق بيقولي فيه

انه سمع اني " اتخطبت" ف مبروك و انتي تستاهلي كل خير

تفتكر عملت ايه؟

رحت متصلة بزوجي في عز نار الخناقة و قلتله

فرستة بس زعل مني جاااااااااااامد

مع اني والله ماكانش قصدي اغيظة كان نيتي بس اعرفه كل حاجا بعملها ك العادة عشان ما احسش اني خنته

بس جت على دماغي

تستهلى ....علشان انتى لسته بتاعته حتى بعد ما يطلقك ...و لمده 3 شهور و عشر ايام و كان ممكن تلمى الموضوع طالما بيزعله كده

ايه يا عم الدهش

سايبنى ارد على الناس ... اصحى وقوم طش وشك بشويه ميه ورد عليهم ...مش انت اللى عامل الموضوع ده برضه

[بنت شعنونة]

استنىىىىىىىىىىىىىىىىىىىىىى

طلقني وبتاع = اني قلتله طلقني كدا و كدا يعني :angry:

مش يعني انه طلقني فعلا :rolleyes:

بعد الششششششششششررررررررررررررررررررر يا عبده :D

ايوة صريحة كدا على طول مع الكل

واكتر ناس بابا و اخواتي و زوجي اللي دخل الملعب معاهم :D

يعني اعمل الكارثا واقول عملتها .. او اقول انا رايحا اعمل كذا :D

موضوع السن دا عادي خالص ولو دعبست في الملف ها تلاقيه 30 :angry:

ولو ان شكلي اصغر من سنى ودايما الناس بتستعيلني عشان كدا ودي اكتر حاجا بكرههههاااااااااا :blink:

بس بجد الصراحا راحا

صحيح بتلبس في الحيط

بس مهما حصل صعب تقع...بيكون ليك جذور قوية

[hopsan]

طلقني وبتاع = اني قلتله طلقني كدا و كدا يعني

مش يعني انه طلقني فعلا

معلهش يا شانا اصل كلمه بتاع دى مش متعود عليها .... كنت تشرحى علطول مش تخلينا فاهمين غلط ...اصل فيه ناس زى كده مبتفهمش من اول مره ...عموما ربنا يخليكو لبعض

[المدهش]

هوبسان.

انت خلتني احس اني عامل فرح وانتوا المعازيم..يعني يا صديقي انا مستمتع بقراءة كلامكوا عن درج الذكريات ..ومش حاسس ان فيه ما يستدعي التعليق..وعموما انت قايم بالواجب وزيادة وردودك دمها خفيف وبتثري الموضوع ..يعني رد انت يا هوبس واعتبر نفسك صاحب الليلة

ناش..

شكراً على مجاملتك اللطيفة..كلك ذوق..

شعنونة..

أنت شخصية استثنائية ونموذج مختلف للفتاة العربية الجريئة المثقفة..والله يكون في عون زوجك ..لأنه يحتاج إلى كثير من الصبر والذكاء لكي يتمكن من استيعابك ..أنت تذكرينني بحلم عمري الذي ضاع مني ..أو الفتاة الحلم التي لم أستطع بعقليتي الشرقية التقليدية أن أستوعبها أو قولي أحتمل استقلاليتها ..تحية مرة أخرى لزوجك الجميل وربنا ييبعد عنكوا العين.

نورية..

الصورة التي تصاحب تعليقك تلخص شخصيتك..أنت حالمة وخجولة وتخشين مواجهة الناس والأشياء..لكنك دؤوبة وطموحة ومتحدية..

[بنت شعنونة]

مدهش

ربنا يكرمك يارب :P

يا رافع معنوياتي :P

بس عاوزة اقولك على سر...

انا في الحياة زي ما انت وصفتني كدا لكن لحد عند جوزي ببقى "امة"

كوني له امة يكن لك عبدا...

على قد ما بقدر بحاول ابقى كدا ولو اني اوقات افلت و الدنيا تبوظ بس ربنا بيكرم و نلم المواضيع تاني :angry:

دي الحاجا اللي اتعلمتها من والدي ربنا يخليه ليا ويحفظة يارب

واعتقد ان دي هيا المعادلة الصعبة :P

[صبح]

انا في الحياة زي ما انت وصفتني كدا لكن لحد عند جوزي ببقى "امة"

كوني له امة يكن لك عبدا...

على قد ما بقدر بحاول ابقى كدا ولو اني اوقات افلت و الدنيا تبوظ بس ربنا بيكرم و نلم المواضيع تاني :angry:

دي الحاجا اللي اتعلمتها من والدي ربنا يخليه ليا ويحفظة يارب

واعتقد ان دي هيا المعادلة الصعبة :P

برافو عليكي

هيا فعلا معادلة صعبة ولكن مجرد أن يشعر زوجك بمحاولاتك المستمرة ستجدي منه أكثر من توقعاتك

ربنا يخليلك والدك ويخليكوا لبعض ويخليلي زوجتى برضه لأنها من نفس النموذج

وان كانت أهدا شوية ...... :P

مش شعنونة يعنى......... :angry: :blink: :P

[nancy]

موضوع حلو اوى يا مدهش

شوف باة انا طبعا قولت كذا مرة انى حبيت جوزى من اولى كلية

فاول ما قررنا ننا مع بعض

كل واحد جاب الذكريات القديمة الى من ايام ثانوى

اى جوابات اى حب قديم

انا وهو حكينا لبعض كل حياتنا وكل الى فات فى حياتنا وحرقنا كل ذكريتنا القديمة سوى

وحرقنا كل الاوراق الى تخصنى والى تخصة

وقررنا نعمل ذكريات جديدة

الى فيها اية

صور الرحلات

وجوباتنا لبعض اول ما سافر السعودية

وكل الحاجت الى اشترناها فى الوحات والااقصر واسوان ولقاهرة

حتى كان عندى رمل من الوحات كان درجة الاحمر بتاعتة حلوة اوى

ولوحات رسمناها سوى كل واح خط

وشريط سمعناها سوى

من كلاسيك لهارد روك لمحمد منير

افلام شفناها سوى

الحاجة الوحيدة الى من قبل ما نعرف بعض جواب كنت كتبتة لبابا وانا عندى 6 سنين

وبحبة لان اسلوب الكلام كان حلو ودمة خفيف

[hopsan]

هوبسان.

انت خلتني احس اني عامل فرح وانتوا المعازيم..يعني يا صديقي انا مستمتع بقراءة كلامكوا عن درج الذكريات ..ومش حاسس ان فيه ما يستدعي التعليق..وعموما انت قايم بالواجب وزيادة وردودك دمها خفيف وبتثري الموضوع ..يعني رد انت يا هوبس واعتبر نفسك صاحب الليلة

صديقى المدهش بأخلاقه .....احرجتنى يا راجل ..مكانك محفوظ برضه

يعنى تخلى اللى يعجبك و تشيل اللى ميعجبكش

طيب ممكن اضيف سؤال على موضوعك ...اصل انت كريم و انا استاهل و تدينى صوبعك ..آكل دراعك

هل تتعمد التعرف على أزواج صديقات زوجتك ..أم تتركها للظروف ؟؟؟

طيب هل تتعمد أن تتصادق زوجات أصدقائك الأنتيم مع زوجتك ؟؟؟

عن نفسى ..اتعمد مصادقه زوجات اصدقاء الطفوله مع زوجتى ..حتى يتثنى لى الخروج بحريه مع اصدقائى و لو لم تتآلف القلوب احاول رأب الصدع فى حينه و اكون قلق لودخل الثلج بينهم ...او الإندماج القوى الزايد عن اللزوم...( انانى....عارف )

أما عن ازواج صديقات زوجتى فالعلاقه قاتره نوعا و اشاهدهم فى المناسبات و اعتقد انهم يشعرون كذلك بنفس الإحساس ...لا توجد ارضيه مشتركه

[نورية]

نوريه

سامحينى ..لو اخترقت خصوصيه ماليش فيها ..بس الصوره الإفتراضيه مع كلامك الهادى اللى كله شجن بيعطى انطباع ان عندك مشكله يمكن صغنونه بس انتى عمله منها حكايه كبيره ..احنا هنا اهلك اللى مش موجودين حقيقى بس موجودين ...قولى... فضفضى ...حتلاقى الف حل و حل ....و لو مافيش مشكله يبقى نهارنا ابيض وزى الفل

نورية..

الصورة التي تصاحب تعليقك تلخص شخصيتك..أنت حالمة وخجولة وتخشين مواجهة الناس والأشياء..لكنك دؤوبة وطموحة ومتحدية..

hopsan والله حلو اوى انك تحس انك ليك اخوات حاسين بيك... و مين اصلا خالى من المشاكل!!!... ربنا يخليك يااااااااااااااا رب للمكبوتين الغلابة اللى زيى :D

الاستاذ الدكتور المهندس المدهــــــــــــــش ..والله انت فعلا مدهش :angry:

[hopsan]

hopsan والله حلو اوى انك تحس انك ليك اخوات حاسين بيك... و مين اصلا خالى من المشاكل!!!... ربنا يخليك يااااااااااااااا رب للمكبوتين الغلابة اللى زيى

نوريه

اشكر لك كريم ردك و حسن تقديرك ....و اتمنى ان تكون الصوره القادمه فيها الفتاه مرفوعه الرأس و بتبص شزرا و موريانا العين الحمرا ...اصلنا واخدين على كده و اسألى اختك علياء

وارفعى رأسك يا اختى عاليا لقد مضى عهد المعرفش ايه ...و ياريته كان لسه موجود اهو ارحم من عهدنا دلوقتى

و احنا جانبك بالطول و العرض ...وبس جربينا ......