وفاة الفنان خالد الذكر الشيخ سيد درويش ...(النسر المصري -وكالة زوهيري للأخبار)

[النسر المصري]

خاص-وكالة زوهيري للأخبار

سيداتي آنساتي سادتي...السلام عليكم ورحمة الله...

معكم اليوم انا مسيو زوهيري بحاله والأجر على الله لينقل اليكم الأخبار من موقعها الرئيسي على ناصية الشيخ جابر بتاع البقاله

ففي انفراد دائم لوكالة زوهيري للأخبار ننقل إليكم ذلك الخبر الأليم والفاجع والفريد من نوعه ولأول مره في عمره...حيث ننقل اليكم ببالغ الحزن والبتنجان وفاة الفنان خالد الذكر الشيخ سيد درويش في تمام الساعة الثالثة والخمسين من مساء ظهر اليوم الموافق 34/16/1911 م ع غ - إخ بع يخ- ملاكي القاهره... وووننتقل الآن لموقع الأحداث حيث الزميل النسر المصري

-زوهيري : ها ياسي نسر...ايه الاخبار عندك...ماجيتش ليه امبارح... آآآ قصدي يعني ايه النظام

- النسر المصري: الو ..ايوه ... ايوه ... ايوه نعم....أسمع جيدا سيدي!!

- نعم وانا كمان اسمعك ...ها ..ماهي الاخبار ؟!

- نعم سيدي اسمعك

- انت هتستهبل....ماتنتطق ياد ...لحسن واللي خالقني آجي ابط كرشك وانتفلك دقنك ياابو مراخير موعوجة

- نعم سيدي ... هذا ماهو حدث بالفعل حيث توفى الفنان خالد الذكر الشيخ سيد درويش..وكما ترى سيدي انا الشاوع خالي من الماره..وقد رفعوا صوره لللفنان خالد الذكر الشيخ حدادا على موت ذلك الفنان الرائع ...

- خالد؟!!! ... خالد مين؟!! :angry2:

- الفنان خالد الذكر ياسيدي...اللذي توفى سيدي -_-

- لا والله....وحياة خالتك ....خالد الذكر مات :blink:

- نعم ياسيدي خالد الذكر الشيخ

- لا ياشيخ

- آوالله...حتى أنني لم أستطع ان اتماسك انا أيضا ً فانا كما ترى أبكي والكل يبكي هنا بل والكل يشجأ (حلوه يشجأ دي. عجبتني بصراحة...انا هقولها تاني...يشجأ يشجأ يشجأ) الكل يشجأ من البكاء هنا والعمليه في الدمعة وسي لمعه راح يجيب الشمعه.... وكل هذا من أجل عيون الفنان الراحل خالد الذكر

- خالد مييين؟!! mfb:

- خالد الذكر ياسيدي..(في ايه مالك ياعم الحج ..ماتفوق كده امال <_< )...ومن اجل ذلك الانفراد الدائم الذي تميز بها وكالة زوهيري للبتنجان فاننا سننقل اليكم مكالمه هاتفيه مع الفنان خالده رحمه الله عالهواء مباشرة الآن

- ايه ده ..بجد الفنان خالد..والله انت ميه ميه يانسر...خليني انا اكلمه وحياة ابوك..الفنان خالد ابن الحج ذكر..ابن الشيخ اابن مش عارف مين سي السيد درويش....كيف حالك

- بخير والحمدلله...

- الفنان خالد يعني بجد آلمنا رحيلك...فما هو تعليقك على تلك الفاجعة والتي قام الناس على أثرها بترك منازلهم من اجل واجب العزاء

- والله انا رأي الشخصي ان الذي يحدث بعيد كل البعد عما سوف المفروض ان يحدث حيث أن الحمدلله هو كده كويس

- اذن فانت لا تعترض

- لا انا لا اعترض والحمدلله الله كافي خيري شري وماليش دعوه بيك ياعم انت

- ايه ده..انت هتلبخ ...انت مين انت عشان تكلمني بالاسلوب ده...

- انا عم ابراهيم البقال

- ابراهيم!!! :blink: ابراهيم مين؟؟!!!

- ابراهيم ياجدع انت ..اصل سي نسر اداني خمس\ة وسبعين قرش وقالي اعمل نفسي واحد ميت وكمان هيطلع صوتي في الطلافظيون

-طلافظيون...وحياة ابوك ...... نسر يازفت :angry2: .....الووووو...انت يابني آدم رد علي يابو مراخير :angry2: ...الووووووو..توت توت توت توت توت

- نأسف سادتي على انقطاع الخط....كان معكم محدثكم زوهيري من وكالة زوهيري للبلح (الاخبار سابقا)...ونقلها لكم على الهوا مباشرة النسر المصري والذي فر هاربا من بطش ايدي.... لكن وحياة خالته لكون جايبه عشان افرجه على عدة النفخ الجديده بتاعتي

زوهيري ابو العافيه............مووووسكوووووووو

تم تعديل 9 يوليو 2006 بواسطة النسر المصري

[MZohairy]

اليوم

فقدنا رجل من أعظم الرجال

فقدنا رجل من أعز الرجال

عوضنا الله عنه بما هو خير

رحم الله الفن الأصيل

و لا حول ولا قوة الا بالله <_<

[النسر المصري]

من اجل معرفة اصل الحكاية اية

انا كنت كاتب خبر عن وفاة رسام الرسوم السيئة في حادث حريق

وتفضل مسيو زوهيري بالتفضل وبالاقتراح علي عشان اكتب موضوع جديد بدل الخبر الباتنجان اللي انا كتبته ده

فاقترح علي التالي شاكرا

عندي موضوع يا نسر .... متقولش لعدوك عليه

لو نزلت بيه المحاورات ...حتكسر الدونيا

هو موضوع و خبر في الحقيقه و يعتبر طازه و لنج و ادعي لأخوك بقى

الموضوع هو .....................................

و فاة الفنان خالد الذكر الشيخ سيد درويش

[لولاتي]

انا لله و انا اليه راجعون :angry2:

لاحول ولاقوة الا بالله :angry2:

هو فيه ايه ؟؟؟؟ <_<

[MZohairy]

حننجح يا نسر

حننجح

و حياة طنط شمس النفوس حننجح

وادي لولاتي جتلك من المغرب تشارك

يعني كلامنا وصل للمحيط الأطلنطي و لسه يمكن ربنا يكرمنا و نوصل جوانتانامو..... محدش عارف :blink:

شوف

انت اكتب وانا ارد عليك و بعدين انا اكتب و انت ترد عليا لغاية ما تكتر الكتابه والقراءه والناس تفتكر بالخطأ انو موضوع مهم ويبقى عليه اجماع شعبي و بكده يبقى كله تمام

ياللا

تم تعديل 9 يوليو 2006 بواسطة mzohairy

[النسر المصري]

الله...حلوه اوي الفكر دي يامسيو زوهيري

انا اكتب وانت ترد علي..وبعدين انت تكتب وانت ترد علي ...وبعدين ان يكتب وانت ييروح رد عليه..وهكذا لحد لما اكتب وانت تتـــ........هو في ايه :blink:

نسيت اقولك يالولاتي...من كتر سحر جمالك في الصوره بتاعتك دي فانا نسيت اسمي ومكاني وانا مين وبعمل ايه...انت اموره اوي اوي اوي اوي يالولاتي............تتجوزيني mfb:

[last_Samurai]

بجد والله فظيعه انا مش عارف امسك نفسى من الضحك

شكرا يا مسيو زوهيرى ويا نسر

مراسلكم من شنغهاى خميس ابو ساموراى قطاع البطيخ

[مصرية يعني مصرية]

:blink:

mfb:

تجننو ..إيه الحلاوة دي؟؟؟؟؟؟

لا متخفوش حتنجحو

و أنا كمان معاكم و حساعدكم

إنتم تردو

و أنا أرد لحد ما يصدقو إنو موضوع مهم :huh:

يلا..

[النسر المصري]

ايه ده ...الحق يا مسيو زوهيري....الخطة بتنجح ياباشا..الله ..ايه الحلاوة دي

خطة زوهيري الثنائية الرد......بعنوان (انت ترد وانا أخض.....أأأقصدي وانا أجري...أأققصددي وانت تــــ. ..انا نسيت انا عاوز اقول ايه)

ماعلينا....المهم.....يعني كلنا كده لازم نرد.. يلا ياجماعة ورونا هميتكو...عاوز كل الناس ترد..اللي ليه ومالهوش يرد

[MZohairy]

هنيئا لنا بهذا الموضوع المبجل :angry:

الانسان يقراه يحس انه امتلك ثقافة العالم كله

منتهى الاشباع

منتهى الثراء

اثرونا بالمزيد (قال يعني حد قال حاجه قبل كده) :rolleyes:

[النسر المصري]

مش مهم حد يقول او مايقولش يامسيو زوهيري ....المهم الخطة تنجح...قول بس يارب ..ها يجماعه مين هيقول اي حاجة في اي حاجة...المهم تقولو

[yacho]

الووووووووووووووووووووو

حوووووووووووووووووول

معاكم وكالة الصحافه الفرنسيه ..

الوكاله مهتمه جدا بوكاله زوهيرغى ونسغ.. وبسرعه نقل الحدث والخبر اللى ساعات بتنقلوه للعالم كله قبل ما يكون حصل اى

حاجه اصلا .. ايه السر يا جماعه .. ويا ترى عندكو فكره زيدان ضرب ليه لاعب ايطاليا امبارح ؟

الوكالات العالميه كلها مستنيه وكاله زهيرغى ونسغ عشان يعلقوا على الخبر ويبداوا النشر .

مراسلتكم ياشو ابو العافيه

منيا القمح

[القرموطى]

ايه الحلاوه دى مفيش جبنه يا عم

اولا خبر اكثر من رائع وبجد مش عارف اقول ايه

بس انا كان عندى استفسار ....هو المرحوم مات خالص ولا يعنى كده وكده .....

اه وكما ن سمعت انهم هيعملوا الجنازه على الديق وهتبقى عائليه صح الكلام ده ولا دى اشاعه (الاشاعه بتاعت الكسور والكلام ده .....

وكمان معلش يعنى لو فيها تقل هو الفنان خالد الذكر يقرب للفنان خالد عجاج ؟

ولا اراكم الله مجروحا فى زجاج لديكم

[MZohairy]

جميع المراسلين.....................

حول

آخر الأخبار

خروج السعوديه من الدور الأول لكأس العالم 2006

[النسر المصري]

وكالة ياشو المنياوية الإخبارية

رداً على سؤالكم حول امكانية معرفة نطح زيدان للاعب الايطالي بقرونه..فاننا نبلغكم بان الشيخ بهلول رئيس قسم التنبؤات الفتكية قام بعمل استطلاع ومسح شامل للموضوع..وطلعله في البرنت آوت ان الايطالي قام بالتعليق على زيدان معيبا عليه بانه اقرع وراسه عامله زي البطاطسايه المنياوية.....وطبعا ماخلصهوش زيدو لا لما نزل بالبطاسية وف كرشة عدل.....هذا وسنوافيكم بآخر الأخبر الزويهراويه

النسر المصري.....وكالة الزوهيري للأمراض المستعصية....مووووسكوووووو

عارف ياقرموطي ....عارف انا قد ايه تعبت عشان اجيب لك الاخبار المتنيله دي....وانت تقعد كده تتريق بكل بساطة كدة ولا كان ف بالك حاجة...انت عارف اني انا ببحث ف الموضوع ده من خمسة واربعين جنية...أأقصديه سنه..هه ..عارف ولا مش عارف......ما تنطق!!!!...اما قراميط عجيبة بحق وحقيق

[مصرية يعني مصرية]

هاي...

هاي...

هلووووووووووووووووووو....

غريب :P

محدش بيرد.....

هو مفيش حد في الجريدة و لا إيه ؟؟ :angry:

يالهوي .....صوت باب بيتقفل :P

:P

يامااااااااااااااااااااااااااااااااا

[Dr.mmfriend]

طيب يا جماعه انا عندي سؤال

السؤال مهم جدا وليه علاقه بالموضوع

سؤال لولبي

السؤال بيقول

علل

عللل.....

هل

هل

التعلب بيبيض ولا بيولد؟؟

:P

[النسر المصري]

عوووووووووووووووووووو

احنا لابوليس ولااااا حرامية

احنا العفاريت يا طنط مصريه

احنا عفاريت المانشيتات الرئييسية

واللي هيوروكي النجوم في عز الظهرية

ياتستجيبي لطلبتنا الإخبارية

يا اما تجيبيلنا اتنين كيلو طعميه

ها قولت ايييييه..

[MZohairy]

:P

نقطة نظام

لاحظت انكم تخرجون عن السياق الأصلي للخبر

أرجوا عدم الخروج عن صلب و لب الموضوع

الموضوع مهم

ركزوا شويه :P

[القرموطى]

عم النسر المشوى............اسف النسر المصرى

اخبارك كلها جميله وانا مش بتريق ولا اى حاجه انا بس عاوز اعرف الراجل ده مات خالص ولا فى امكانيه انه يرجع فى كلامه عشان بس نعمل حسابنا ومن الاخر متكنش حركه عملها عشانيهرب من الجمعيه الى عليه

وعلى فكره عارفه ...على فكره ومحد فكره وسعيد فكره عيله فكره دى عيله كبيره من بنات افكاره

وعم الزوهيرى ايه لب الموضوع ده انا كده عرفت القشر الى كان فى الموضوع ده جه من فين يبقى انته المصدر وانته طبعا عارف نا المصدر بيكون فى اللغه مرفوع او منصوب او مجرور فخلى بالك عشان لو الموضوع ده اتكرر تانى هتلاقى نفسك مجرور هه دير بالك لحالك وانظر حولك

اه وعندى ليك خبر اجمل من بتعا خروج السعوديه يا عم مصر خرجت من المونديال اصلا وانته معندكش خبر وفى نفس المونديال ده الامارات اتغلبت 6 :1 والمصيبه ان المذيع العمانى فى الوقت ده كان بيقول ونحمد الله على هذه النتيجه

الا مش النتيجه دى اللى بتتعلق على الحيطه ........وانته طبعا عارف نا الحيطه يعنى الحذر