وفاة الفنان خالد الذكر الشيخ سيد درويش ...(النسر المصري -وكالة زوهيري للأخبار)

[alnoobi]

سيد درويش مات ؟؟

تانى ؟

حشيش برضه ... ولا المره دى نجيله ؟

هااااااااااو .. نجيله عبيد .

[واحد تاني]

سيد درويش مات ؟؟

تانى ؟

والله يا استاذ نوبي الراجل ده ملطشة معاه خالص ... :angry:

مش هتروح تترجم بقى الاغاني اللى مستنياك هنا ؟؟؟ :blush:

[النسر المصري]

عم النسر المشوى............اسف النسر المصرى

اخبارك كلها جميله وانا مش بتريق ولا اى حاجه انا بس عاوز اعرف الراجل ده مات خالص ولا فى امكانيه انه يرجع فى كلامه عشان بس نعمل حسابنا ومن الاخر متكنش حركه عملها عشانيهرب من الجمعيه الى عليه

وعلى فكره عارفه ...على فكره ومحد فكره وسعيد فكره عيله فكره دى عيله كبيره من بنات افكاره

تصدق كلامك مظبوط ياقرموطي. :blink: ....لاني كنت حاضر لقاء مع علي فكره ده قبل كده وقال فعلا انه ممكن يكون بيستهبل وعامل ميت من خمسه واربعين سنه.. :blush: ...ده انا حتى بردو كنت فاكر انه بيتريق عشان يهرب من الجمعيه بردو :angry: ....

الا اني روحت سألت الجمعيه وقالولي ان معندهمش بيض بالسمك.....وده اللي ادهشني في الموضوع.....وانا بيني وبينك ماحبتش اندهش اكتر من كده لبعدين يجيلي مرض انفلونزا المدهش بعيد عنك.....ومية اكلم سي مدهش مايسيبش النور مفتوح....لكن نعمل ايه بقى ده قدر ربنا

عموما نرجع لاصل الموضع لحسن سي زوهيري يرفدني

سيداتي سادتي .....جاءنا البيان التالي

حيث ان وكالة زوهيري للبتانجان دائماً سباقة لكم بالبطاطس ...فقد قامت الوكالة بعمل استفتاء شعبي للتأكد من ماهية الموضوع....لان الماهية لا تكفي هذه الأيام لسد فم حنك لافاش كيري ....وسي لافاش كيري هو الراس الكبيره بتاعنا. ...والمسمى عند البعض بالبقره الضاحكة....

وحيث ان اولاده الجوز عجول محوله... جلجل و علعل...قد نوهو عن ان اللي يتعرض لسي خالد الذكر هنشقله وسطه......وحيث ان مرات لافاشكيري اللي ماتتسمى سوزاش خيري ...حيث انها هي ايضا تصر على التاكيد على ذلك....اننا نحث الشعب على الخروج بنفسه للتعبير عن رفضه لهذا الظلم.....

ومن هنا..ومن هذه القناة المحترمه....قناة الزوهيري باشا والاجر على الله (بس يبقى يفتكر ويزودني راتبي).....من هنا......من ارض الزوهيريه الاخبارية....نحثكم ايها المواطنون......بالرفض القاطع لتحكمات البقرة الضاحكة.......ولتعلموا ان المنتج المصري بالف من تلك المنتجات المهجنه الفاسده...اننا ندعوكم باسم القناه....ان تقاطعوهوم....بل وتقطعهوم....بتراً مبتوراً مباتراً......وشكراً لكم (وش جمال عبدالناصر ف خطبة الالاستاد)

كان معكم. محدثكم الصادق والواعد....النسر المصري.....قناة زوهيري للأمراض الجلدية....مووووسكوووووو

[القرموطى]

الحج نسر ...... صباح الاختام وانته طبعا عارف ان سعدتك اهم ختم فى مصر بغض النظر عن الاخبار الى انته كتبها انا بس حبيت انصحك انك تحضر ترنج ابيض وشنطه مليانه غيارات نظيفه وهدوم كلها بيضه وتعمل توكيل لحد عشا نيقبض معاشك اوك ....عشان انا حاسس انك دخلت حاره غلط وشتمت الاهلى وانته قاعد فى المدرجات الحمره

وعمتا هتوحشنا كتير اوى بس الله يكرمك بلاش تجيب اسمى فى التحقيق عشان انا عندى فراخ عاوز اربيها

اه وعلى فكره الجمعيه اصلا مفيش فيها بيض بالسمك الجمعيه فيها فراخ انته هتغلط كمان فى الجمعيات ............؟

[MZohairy]

انا سعيد ان في 224 واحد قروا الموضوع الح........... الحلو ده :D

و بعدين و فيها ايه يعني؟

ماحنا بنقرا الأهرام من 100 سنه كل يوم

و مبنشوفش في حاجه أهم من الموضوع بتاعنا الح........ الحلو ده :D

[القرموطى]

عم زهيرى انا خايف عليك من شريكك فى الموضوع ده ده بداء يتكلم ويجيب فى سيره الى بالى بالك و من خلال خبرتى اليومين دول حتى الى بيمشى جنب الحيط بيتبهدل احنا المفروض نمشى جوا الحيط

يا عم انته راجل طيب وعندك عيال وانا بنصحك تعمل بالحكمه المصريه عيش جبان تموت كستور

[مصرية يعني مصرية]

سيداتي سادتي

نقدم لكم أخر الأخبار من العالم إمبارح

هنا في الرباط تنعقد جلسة لخبطة لتصحيح المفاهيم المغلوطة

واعتقال مسؤول كبير المشروعات البيروكيماوية الاقتصادية الهامة

كما كشف المعهد الإيطالي للدراسات الاجتماعية أن سامح فهمي وزير البترول و بوش يعد السنيورة بالضغط على

الفيفا فى ضرب زين الدين زيدان لـ المدافع الايطالي ماركو ماتيراتزي برأسه وكأن الكلام حرفة لا أثر لها سوي قتل الوقت

دوليا

أكدت الراقصة المصرية فيفى عبده بعد شد و جرأن هيفاء إشاعة ليس إلا المصريين لا يحبونها بل يحبون الجمال المصرى السمين وعلى حد قولها : هيفاء وهبى مش أحلى منى أنا الأصل وهى التقليد أما نبيلة عبيد قد تزوجت لفترة من ملياردير سعودى و عاشت معه فى لندن

واعترضت على مشروع القرار اتهاما لإسرائيل باستخدام القوة المفرطة في عمليتها ومطالبتها بالانسحاب من غزة

كانت معكم مراسلتكم الجميلة الأموره الحلوة

احم احم

مغربية يعني مصرية

البيضاء بالرباط

موسكوووووووووووو

[مصرية يعني مصرية]

أستاذ ...زهيري... أستاذ ...زهيري ...أستاذ ...زهيري

إيه رأي حضرتك في أخبار الظهيرة..............هه............هه :sad: :P

أنفع......مراسلة .... :angry:

لحظة أزبط المكياج بتاعي ..و أرجع :lol:

[النسر المصري]

ايه ده ايه ده ايه ده....انت جاية تغطي علي هنا كمان ياطنط.....لا بقولك ايه ياطنط مصرية....انكش شعر راسك...تعرف خلاصك...آآآ ..احنا هنا اللي شربيكناها الأول

وانت ياطنط ملكيش مكان عندنا هنا....ومسيو دزوهيري مش ناوي يعملك حاجة آآ انا بقولك اهو

احنا ممكن نوافق على ان نديك قناة عزوبي الزهوريه للبحث عن العرايس والمتزوجين

ونسميك المذيعة مصريه الخاطبه

واهو ابقى استغلك وقتها كزميل عمل انك تنقيلي حتة كده طالياني على بودي فرنساوي....على جمال لبناني ..وتظبطهالي...واحنا هنشوفك بردو يعني ماتقلقيش...كله بحسابه :angry:

[مومو الامور]

صباح الخير

معكم مومو الامور فى احداث 64 القادمه

عناوين الاخبار

_ التحاق مصريه يعنىمصريه بوكاله انباء زوهيرى العالميه للاخبار الباطنيه

-- تعدى النسر المصرى على حقوق مصريه يعنى مصريه واتهامه لها بخطف العناوين الرئيسيه وتغير وظيفتها الاساسيه كمذيعه تحت البطانيه.

-- الفنانه فيفى عبدة ترد على مصريه يعنى مصريه وتشكرها رسميا على وصف المراةالمصريه السمينه.

-- ياشو المصريه تطالب رسميا بتغير اسم مومو الامور الى مومو الوحش علما بانها لم تراة ولو راته لغيرت رايها وسمته مومو العسول

-- مومو الامور يرد على تعليقات ياشو التهجميه بانه غير راض عن التدخلات الاسميه لمومو الامور واعلن انه ليس من اطلق على نفسه هذا الاسم.

-- النسر المصرى نفسه يتجوز على ايد طنطه مصريه ولكن الواضح انه متعقد من الجواز (البنت الهنديه)

-- الاستاذ زوهيرى يحصل على وسام تقدير واحترامل وجائزة الفجل العالميه الخاصه بالوكالات المعنيه على كل السبوقات الصحفيه الغير مرئيه بواقعات حقيقيه .

والى سيادتكم الفيلم العربى

متزوقينى يا ماما اوام يا ماما دة عريسى هياخدونى فى الترعه البولاقيه

ونلفاكم بعد الفاصل

معكم مومو الامور مراسلكم من جوار مطعم ابو السيد للادوات المنزليه

اكشن

[MZohairy]

أوامر نقل وانتداب للخارج

النسر المصري

لتغطية الأخبار المباشره على الحدود اللبنانيه الاسرائيليه للفترة القادمه و لمدة عام

مومو الأمور

لتغطية أحداث الحرب في غزه

القرموطي

للأقامه في بغداد

مصريه يعني مصريه

فرنسا لنقل احداث المهرجانات السينمائيه الصيفيه (انتي و جوزك على حساب الوكاله)

شدوا حيلكم يا جماعه :angry2:

تم تعديل 16 يوليو 2006 بواسطة mzohairy

[النسر المصري]

السلام عليكم

ننقل اليكم سيداتي سادتي آخر الاخبار المؤلمه من الاراضي للبنانيه ..

.بلد الموزز والسكريات والمهلبيات والقشطات والزبدات والحلويات والدلع والولع.....والتي كما ترون اعزائي المشاهدين ان الحرب قد اتت بدمار شامل على كل المستويات في ذلك البلد الحبيب المتدلع

وفي عنواين الأخبار

- قيام حزب الله بتغير الوان صواريخه للون البينك حيث انه قد اكتشف عدم فعاليه الصواريخ ذات اللون الفوشيا

- الصهاينه الاسرائليين يعدون لخطة (مسح) شامل (للأراضي) اللبنانيه باستخدام مسحوق برسيل

- شركة اريال المملوكه لرجل الاعمال اليهودي يرفع دعوى قضائيه على اسرائيل بدعوى ان مسحوقه اقوى لعمليات المسح...واسرائيل تؤكد ان تنفي ذلك في بيان حذر

- الدول العربيه تشجب وتستنكر احداث العنف القائمه بين البلدين...وتصدر بيانا رسميا يحذر حزب الله من مغبة استخدام الصواريخ البينك ضد شريكتهم الغراء اسرائيل

- سوريا تعلن حالة الطوارق في البلاد..وتطلق عمليات القبض الجماعي على كل من إسمه طارق

- زعيم الطوارق العراقي (آية الله طارق الطورارقي) لحزب البعث...لن نستسلم وسنستمر على عهدنا بارسال جيوش الطوارق لدعم حزب الله

- ايران تعد خطة سداسية التشتيت والانفراغ لحث الدول الأوربيه على التصدي للعمليات الاسرائيليه في لبنان وذلك للحيلوله دون استخدام اسلحة المسح الشامل المحرمه صابونياً

- وحزب الله يؤكد انه لم يستخدم سوى القليل القليل من ترسانته الصابونيه وانه ينوي زحلقة اسرائيل وكعبلتها وانه لا يطلب المعونه سوى من شركة نابلسي ولايهمه تصريحات العلوج من الدول العربيه

- وزير الاعلام السابق في النظام العراقي الصحاف يحذر حزب الله من استخدام آلية العلوج خاصته في إدارة حربهم القائمه الآن

- ومن الأخبار الطريفة...قيام ذيعة مصريه في البي بي سي بلطش سائحة لبنانيه بالقلم على وجهها وذلك تأديبا لتلك السائحة اللبنانيه الأموره....وكان ذلك بسبب ان اللبنانيه كانت تتمسخر وتتدلع وتتمايل يمينا ويسارا في حين ان المذيعه المصريه كانت تسألها عن احوالها واحوال رعيتها في لبنان وحيث انها الآن بعيده عنهم ومدى قلقها عليهم... ولكن السائحة أوي أوي قالت لها (ههههه شو بدي اساوي ..هيهن قاعدين بلييبنان...اما انا هايني قاعديه بمصيير ....هههه)..فلطشت المذيعه المصريه السايحة اوي اوي بالقلم..وقالت لها بالحرف.. اتلمي يابت انت بدل ماربيك انت واهلك ياروح امك...اتكلمي عدل كده..) وذلك في تأكيد على (رجولية) بنات مصر وشجاعتها (الذكوريه)

هذا وسنوافيكم بآخر الأنباء من الأراضي اللبناني المنكوبه

كان معكم محدثكم النسر المصري.....وكالة زوهيري الإخباريه للتهريج والمهيصة (للأمراض سابقاً)

...منتجع بونا بيتي اللبناني- حمام السباحة النسائي- بيرووووووووت...... يلا بقى عشان مش فاضيلكم عندي جلسة ساونا وتدليك