مشكله نصب بالسعوديه (ايصال الامانه وعقد العمل)

[مومو الامور]

سؤال مهم لسى السيد حفظه الله بعد اذنك تسألنا او تعرفلنا او تفيدنا لانى من اشد المعجبين بيك حاسس انك تشبه محمود سعد بتاع الام بى سى

المهم

انا مقيم فى السعوديه ومعى ايصال امانه على كفيلى بمبلغ محترم مقابل مستحقاتى

ودلوقتى كالعادة المعروفه لدى كافه انحاء السعوديه (اضرب دماغك فى الحيط او بل الورقه واشرب ميتها)

نص ايصال الامانه هو

استلمت انا فلان الفلانى من السيد فلان الفلانى مبلغ وقدرة كذا الفلانى وذلك على سبيل الامانه يرد حين الطلب .وتوقيعه ورقم بطاقته

انا اللى كتبت الايصال وهو اللى وقع

اما بالنسبه لعقد العمل فهل يلزم صاحب العمل ولا بردة كما سبق بله واشرب ميته

وهل فى فى السفارة او الجهات القنثصليه مستشار يعمل اى حاجه ولا مكاتب وشكرا

اشكركم جزيلالالالالالالالالالالالالالالا على رعاة هذا الموقعالجميل ودى 3 مشاركه من يومين

وبكرة نكمل ارجو الرد بسرعه احسن هاولع فى علبه السجاير دى كلها

اخوكم المنصوب عليه مومو

[the sad man]

ل انت مازلت بالسعودية او رجعت الى مصر؟

اذا كنت رجعت الى مصر بهذه الورقة فانت لا تؤخذانى انسان طيب و قلبك ابيض قوى و غالبا يعوض الله عليك ان شاء و يخلف عليك بغيرهم. و حاول الاتصال بالكفيل لدفع مستحقاتك و ربنا معاك.

واذا كنت مازلت بالسعودية فايضا حاول بالحسنى مع كفيلك لاخذ مستحقاتك و ان لم يكن فعليك بالمحاكم السعودية فهى سوف تنصفك ان كان لك حق و ابعد تماما عن السفارة المصرية لانها لا طائل منها ولن تعطيك سوى فقدان الامل و كراهية نفسك...

و حياكم الله

و دمت سالمين

[se_ Elsyed]

أخي الكريم مومو

خلينا أرد على حضرتك الأول رد عام وبعدين نتكلم عن مشكلتك :

1- الرد العام

- نحن العرب جميعاً عندنا فوبيا غريبة جداً ومشتركين فيها كلنا .. وهي الحكم على الأمور بإنطباعات مُسبقة .. وده نتيجة إن فلان إبن خالة مرات عم مش عارف مين حصل له كذا في موقف كذا .. يبقى أنا لو أتحطيت في الموقف ده يبقى حتماً ولابد يحصل نفس اللي حصل لفلان .. وده تقريباً ينطبق على تعامل الأفراد مع السُلطة بجميع هيئاتها

يعني لو واحد وقع عليه ظلم معين وإتقال له ... يا عم إتوكل على الله وروح قسم الشرطة إشتكي .. هاتلاقي 50 رأي طلع لك يقطم في مجاديفه : وهما اللي إشتكوا خدوا إيه .. ولا مؤخذه موت يا حمار ... ودي بلدهم يابا ... وبالتالي أخينا بينام وحقه بيضيع ..

2- نيجي لمشكلتك : وأنا هافترض إنك لسه في السعودية عشان لو كنت مشيت .. يبقى مع نفسك وولا هاتاخد حق ولا باطل

- إسمع البؤين دول الأول

إشتغل عندنا لمدة سنة تقريباً مهندس مبيعات في مجال الإتصالات وما كنش نقل كفالته علينا .. المهم حصل خلاف بينه وبين مدير الإدارة وأتفصل .. فلأسباب شخصية - غير مقبولة طبعاً - المدير بتاعه - وهو مدير أحد الشركات الشقيقة - قاله مع نفسك .. ومالكش عمولة وهو نهاية الخدمة والمرتب اللي باقيلك فقط ... راح صاحبنا تاني يوم وقام عامل شكوى في مكتب العمل .. مكتب العمل بيروح مديله نسخه من الشكوى يسلمها للشركة باليد .. طبعاً ما فيش شركة بترضى تستلم حاجة زي دي .. فبيرجع تاني لمكتب العمل يروحوا باعتينها في خطاب مُسجل بعلم الوصول يروح واصل للشركة في أيام بسيطة .. خلال تلك الفترة بقى بيروح مكتب العمل موقف جميع معاملات المؤسسة أو الشركة المُشتكي عليها حتىيتم حل المشكلة بأي شكل ...

وجميع الشركات وبدون إستثناء صغرت أم كبرت بتعيش بمبدأ " العيار اللي ما يصيبش يدوش " ومش عايزين قلق ومش عايزين مكتب العمل أو إدارة الجوازات تعرف طريقهم على أساس إن 100 % من الشركات في السعودية مخالفة للأنظمة القائمة هنا .. دي حقيقة سواء في نسبة السعودة المطلوبة .. أو حتى تشغيل عمالة مهنتها في الإقامة هي مهنتها التي تعمل فيها في الواقع .. إلخ ..

طبعاً وقعنا في حيص بيص ومسكنا المدير ده بهدلناه .. لإن ده حق الراجل .. ومافيش يومين تلاتة وقبل الجلسة التي من المفروض عقدها بيننا وبين مكتب العمل والشاكي .. كنا جايبينه ومستلم حقوقه وموقع على تنازل ..

بالرغم من إن ناس كثير تقولك .. إنت مجنون هاتروح تشتكي ناس إنت أساساً مش على كفالتهم .. وكمان عمولة مبيعات أي ليست مثبته في العقد ؟!!!!! .. ومع ذلك قانون العمل بيقولك لو أثبت حقك إن شالله كان مكتوب على ورقة بفره من بتوع السجاير تاخده تلات ومتلت ...

خد دي كمان : لو زي مؤسسات صغيرة أو زي ما بنسميها " بقالة " ما بتعملش عقود للعمال وروحت إشتكيتهم وجبت إتنين شهود من زملاء العمل إنك كنت شغال بصفة دائمه من تاريخ كذا حتى تاريخ كذا .. تاخد حقك .. ولو ما فيش إثبات بمقدار راتبك ومستحقاتك .. فيكفي أن تقدم صورة من إيصال إستلام الراتب الشهري .. أو صورة من حساب البنك لو مرتبك كان بيتحول كل شهر على البنك .. تاخد حقك برضوا

وخلي بالك : وعشان مقولة " موت يا حمار "قانون العمل بيقول إن الفترة اللي بيحصل فيها النزاع بين صاحب العمل وبين العامل .... تُحتسب من ضمن حقوقه ... لإن صاحب العمل هايقولك أنا نفسي أطول ووالله لأبهدلك ومش هاروح الجلسات دي وخليها تتأجل إلى حين ميسره .. وأبقى وريني هاتعيش منين .. فمكتب العمل بياخد في أعتباره ده وبيحاول إنهاء الشكوى في خلال 15 يوم من تاريخ الشكوى لو كانت بسيطة .. ولو طولت فبيحسب تلك المدة دي كإنك شغال فيها .

- الحالة الثانية : كان شغال عندنا مهندس فلبيني وطلبنا نقل كفالته من كفيله ولكنه أبتزة يا يدفع ملبغ معين يا يسفره نهائي وأخد منه الإقامة بالفعل وحاول يخرج له نهائي ... هنا قلنا للواد مع نفسك وخلص أمورك مع كفيلك وبعدين إبقى تعالى ، المشرحة مش ناقصه قُتلى ...

لم يمر أكثر من شهر ولقيت الولد جايلي وفرحان جداً .. فأنا سألته عملت إيه ؟ - الكلام ده لسه من أسبوعين فقط – فقالي إن ناس قالت له روح للإمارة إشتكي كفيلك إنه واكل عليك حقوقك وإنه عايز يخرج لك نهائي بدون وجه حق .. والله يا عم الولد عمل كده وراحت الأمارة مدياه تحويل لإدارة الترحيل قاموا قالوا له ما تخافش .. وخد نص الخطاب ده خلي الشركة اللي إنت عايز تشتغل عندها تكتبه على ورق رسمي وجيبو تاني ...

الخطاب بيقول إيه " إننا الشركة الفلانية نرغب في الإستعانه بخدمات فلان الفلاني ونرجو من إدارة الترحيل تزويدنا بخطاب موافقة "

في نفس اليوم راحوا باعتين معاه خطاب بيقولوا فيه إنهم بيسمحوا له بالعمل لدينا حتى يتم إنتهاء مشكلته مع كفيله وإسترجاع إقامته وإن الخطاب ده يُعتبر بمثابة خطاب تعريف وإثبات شخصية له ..

والواد شغال دلوقت وزي الفل وكفيله هو اللي متبهدل .

- إذاً بوصل الأمانة ده عليك وعلى الإمارة وتروح تشتكيه حالاً ...

- وبصورة من عقد العمل أو عرض العمل او إيصالات إستلام الراتب تروح تشتكية في مكتب العمل

وبإذن الله ايام قليلة وهاتتحل مشكلتك

ويُمكنك أيضاً الإستعانة بالمستشار القانوني في السفارة المصرية ، وعلى فكرة لو روحت النهاردة أو بكره ومعاك صورتين شخصيتين للسفارة وأشتركت في صندوق التكافل بـ 100 ريال في السنة ستستفيد بكثير من المميزات والتعويض لا قدر الله في حالة حدوث مكره ( وفاة ، عجز كلي ، عجز جزئي ) ومنها ايضاً تخصيص محامي من السفارة للدفاع عن حقوقك مجاناً

وبالتوفيق إن شاء الله

[صبح]

أخى العزيز سى السيد واسمحلى بكلمة أخى هذه

أنا لى ثلاث تعليقات لم لأتمالك نفسي لكتابتهم وسأبدا بالأهم:

- أولا : جزاك الله كل خير على وقتك ومجهودك الذي لا تبخل به أبدا وأتمنى أن يكون فى ميزان حسناتك ان شاء الله

- ثانبا : فعلا ما ضاع حق وراءه مطالب وهى دي مشكلتنا

- ثالثا : أدعو من الله أن يصبح مكتب العمل فى مصر زي السعودية قول آمين

[لخبطه]

كلام س السيد في الجون بالاضافه كمان لأن الناس هنا بتخاف جدا من التعامل مع الحكومه يعني بعضهم يبقا له الحق ويتنازل عنهم علشان مش يتعامل مع الشرطة أو الحكومه ودا انا شوفته بعيني بس هما بيعتمدوا على أننا الأجانب مش هنقدر نعمل حاجه فزي ما قالك س سيد الجىء للطرق العاديه دي وعلى الاقل تبقا عملت اللى عليك

[topman]

أخي العزيز سي سيد

أشكرك على ردك وسردك للوقائع0

أحببت أن أظيف بعض النقاط:

01يعتبر التقاضي لدى المحاكم الشرعية و رفع الدعاوي لدى الجهات الادارية في المملكة العربية السعودية من المور المجانية اللتي كفلتها السلطات0

02 تمتاز السعودية بأتاحة الفرصة لاي طالب حق بأن يختار الجهة اللتي يريد ليبداء رفع دعواة فلة الحق في رفعها من الشرطة أو مكتب العمل أو أمارة الممنطقة التي يقع في دائرتها0 ومع أختلافي مع من لايرى ذلك فأنني ارى بأن ذلك أقر من السلطة العليا لكي يسهل لطالب الحق الوصول الى حقة وعدم تمركز الفصل في ذلك في يد سلطة واحدة0

03 عزيزي مو مو كنت أتمنى أن لا تكتب الأمانة بخط يدك ولكن ذلك لا يمنعك من حقك والمطالبة بة0

أرجوا أن لاتمنعنا تللك الفوبيا اللتي ذكر سي سيد من ضياع حقوقنا0

وما توفيقي ألا بالله000000

[مومو الامور]

عزيزى سى السيد مساء الفل

عرفت ليه انا طلبت رايك لانى كنت متاكد انك مش هتبخل عليا بالمعلومات دى ومتقلقشى عليا انا لسه فىالسعوديه ورافع فى الامارة والمحكمه الشرعيه ومكتب العمل ومقوم محام كمان والموضوع ماشى بس انا كان نفسى اعرف رايك جدااااااااااا لانى من خلال قراءاتى لك عرفت اد ايه انتا بتفهم المشكله وبتعرف هيا عاوزة ايه من صاحبها وهتخلص ازاى

وانصح كافه السادة بالمملكه قراءة قانون العمل الجديد جيددددددددددددددددا لانه واضح جدا انه بصفنا واحنا مكناش عارفين

ومعلومه جديدة عرفتهامن الامارة اليوم

انه فى مرسوم من وزارة الداخليه انه لا يحق لصاحب العمل انى يعطى نهائى الى اى مكفول تم نقل كفالته من داخل المملكه الا بموافقه وبصم المكفول امام ظابط الجوازات بنفسه وشخصه وحضورة

لكم منى ارق الامنيات واشكركم على مساعدتكم وادعولنا دايما

[مومو الامور]

تحياتى للجميع

ولكم وافر التحيه

مومو الامور

تم تعديل 24 يوليو 2006 بواسطة مومو الامور

[بندر]

سؤال مهم لسى السيد حفظه الله بعد اذنك تسألنا او تعرفلنا او تفيدنا لانى من اشد المعجبين بيك حاسس انك تشبه محمود سعد بتاع الام بى سى

المهم

انا مقيم فى السعوديه ومعى ايصال امانه على كفيلى بمبلغ محترم مقابل مستحقاتى

ودلوقتى كالعادة المعروفه لدى كافه انحاء السعوديه (اضرب دماغك فى الحيط او بل الورقه واشرب ميتها)

نص ايصال الامانه هو

استلمت انا فلان الفلانى من السيد فلان الفلانى مبلغ وقدرة كذا الفلانى وذلك على سبيل الامانه يرد حين الطلب .وتوقيعه ورقم بطاقته

انا اللى كتبت الايصال وهو اللى وقع

اما بالنسبه لعقد العمل فهل يلزم صاحب العمل ولا بردة كما سبق بله واشرب ميته

وهل فى فى السفارة او الجهات القنثصليه مستشار يعمل اى حاجه ولا مكاتب وشكرا

اشكركم جزيلالالالالالالالالالالالالالالا على رعاة هذا الموقعالجميل ودى 3 مشاركه من يومين

وبكرة نكمل ارجو الرد بسرعه احسن هاولع فى علبه السجاير دى كلها

اخوكم المنصوب عليه مومو

قبل ان اجيبك علي السؤال سأسلك..

كيف وقعت علي هذا السند.. وهل هناك اتفاق بينك وبين الكفيل علي امر ما.؟

كيف استلمت مستحقاتك ,,,وكيف وقعت على استلامها..؟؟؟

مثل هذه الامور تصبح مع كثرتها معروفه لدي مكاتب العمل والشرطه . والمحاكم ..

ان هناك علاقه ما .؟؟ ..

هل نقدر نعرف ليه وقعت..ونت لم تستلم كااااااااافه حقوقك.

ثق اخيرا انه لن يصح الاالصحيح ..لو تقدمت للجهات الرسميه . الاماره او المحاكم الشرعيه .

تم تعديل 19 سبتمبر 2006 بواسطة بندر

[أبو زياد]

جزاك الله خير أخى بندر مرة ثانية

أنا معجب جدا بمشاركاتك

أخى الأمور لقد شاركت بمشاركة عامة

لذا أطلب منك أن تفيد جميع الإخوة لمن يتعرض لمثل هذه المشاكل بقدر ما تستطيع طبعا

أخى س س كله جميل بس موضوع الإمارة دة طازة

ياريت تقولنا بقة ازاى يعنى بتروح فين و تقابل مين وتكتب ايه

معلش ادينا من وقتك شوية عشان تعم الفائدة

على فكرة سمعت إن السفارة الفلبينية بالذات ليها طريقة فى حماية عمالها

بالمناسبة أمور إكتب النمر دى يمكن تحتاجها :

المستشار العمالى بالسفارة المصرية 4804643- 0559661851

إسمه ا . السيد و سمعت إنه راجل متعاون بالمشورة او بما يستطيع و لكن لا تدخل للسفارة بأى جهة رسمية سعودية و ذلك للعلم

[se_ Elsyed]

يا أبو زياد إنت لو أخدت أي ليموزين وقلت له إمارة الرياض اللي عند أسواق المعقلية هايفهم على طول .

وأريد أن أقول كلمة حق هنا وهي عن النزاهة والسمعة الطيبة التي يشتهر بها الأمير سلمان أمير منطقة الرياض اللي معروف عنه إنه المتصرف الإداري في أمور العائلة المالكة .. يعني الكبير اللي بيرجعوا له في مشاكل العائلة ... وبالتالي لو ذهبت هناك هاتلاقي في قسم للشكاوى أياً كان نوعها وهايفيدوك هل هي تخصهم ويقدروا يحلوها أم تخص الشرطة أو مكتب العمل .. إلخ ..

والله يابو زياد أتذكر جيداً سكرتير فلبيني كان عندنا سنة 95 وواحد فلبيني صديقه نصب عليه في مبلغ 5 آلاف ريال مستفلهم منه وتلاقي دول أساساً كانوا تحويشة عمره... وماطل في السداد وتقريباً حلق له ومارضيش يرجع الفلوس دي ... الولد أخد بعضه وراح الإمارة أشتكى الشخص ده .. اللي بعثوا له جواب إستدعاء فوري وشدوه هناك لحد ما كتب تعهد بتسديد المبلغ وإلا هاتتحول إلى قضية ممكن ياخد فيها حكم ...

[بندر]

جزاك الله خير أخى بندر مرة ثانية

أنا معجب جدا بمشاركاتك

أخى الأمور لقد شاركت بمشاركة عامة

لذا أطلب منك أن تفيد جميع الإخوة لمن يتعرض لمثل هذه المشاكل بقدر ما تستطيع طبعا

هلا فيك ابو زياد... بالنسبه لبعض القضايا .. لا يمكن تعميمها .. وطلب رأي عام ..ينطبق علي جميع الحالات..

اذا كان المشاركه عامه. الامر افتراضي .. فالوضع يحتلف.. ياقول له اتبع الاجراءات العاديه.. المتبعه في مثل هذه الحاله.

لكن اذا كان قضيخ حقيقه فلكل موضوع ملابساته.. ولا يمكن ابدأء الرأي على حاله افتراضيه..

تقبل تحياتي وشكرا