طب انا هروح ومش هتغرب تانى حد عندة فكرة اعمل مشروع ايه فى مصر

[مومو الامور]

طب خلاص كفايه غربه هروح بلدى واعيش فيها ومش هتغرب تانى وهنصح الناس ميتغربوش

بس ساعدونى فى افكار المشاريع الصغيرة ام 150 الف او زيادة شويه

لو سألتونى تخصصى هتلاقونى برد على تخصصى انه تخصص المراهقين فى مصر تخصص كمبيوتر يعنى

والكمبيوتر دلوقتى فى مصر بقا زى الموبايل فى ايد كلواحد وكله بيعرف يجمعه ويبيعه ويشتريه

انا عاوز افتح مشروع خدمى تجارى رخيص (ابو 2 ونص ) فول وطعميه

حد يساعدنى بافكار وربنا يفك غربتنا جميعا

وتحياتى الخالصه لمدير الموقع وربنا يكرمه زى ما بيساعدنا نتكلم مع بعض وياريت لو يعملنا شات نتكلم فيه لو موجودين ونتعرف ببعض اكتر

تسلموووووووووووووو يا احلى ناس بالعالم

تحيا مصر يا عم

[nhro]

بسم الله الرحمن الرحيم

الأستاذ مومو الامور

احب اوضح لحضرتك شئ فى غاية الأهمية وهو ارتفاع الأسعار بشكل ملفت للنظر فى كافة القطاعات واعتقد ان بدء مشروع بما زكرت ب150 الف يكون فى احدى المجالات التالية على حد تقديرى

يمكنك فتح مصنع صغير لتصميم وتصنيع الملابس والتى يوجد عليها اقبال من الشباب

كما يمكنك فتح مصنع صغير لتصنيع قطع غيار السيارات المسرح بها

ايضآ فى مجال الخدمات يمكنك انشاء منظومه مصغره لصيانه السيارات كبديل مصغر عن التوكيلات

اما اذا كنت من اصحاب التحدى فيمكنك انشاء مركز صغير للجمنزيوم

وهفكر تانى واقولك

[hany shokry]

فيه مشروع رائع بس عايز قلب جامد

انا عملته والحمد لله ناجح

هومزرعة ارانب والمبلغ اللي معاك ممتاز لمشروع متميز في هذا المجال

لو عايز اي تفاصيل عن هذا المشروع ابعت لي

[kaporia]

الاخ الفاضل ليس المهم ما نوعية المشروع بقدر اهمية العائد المغرى منه

للاسف الكثير من بعد مشوار الغربة ينظر فقط للمشاريع البرستيج بصرف النظر عن العائد

فالحمد لله المبلغ المذكور عال العال وليس من الصعب البدء بجزء و الاحتفاظ بالباقى عندما يتتطلب

الامر ذلك او استثماره فى جهة اخرى .....المشاريع ببساطة هى

تعبئة وتوزيع كل من السكر-الارز-الدقيق-البقول بانواعها ..-فتح معمل البان يصنع به الزبادى باحجام

مختلفة-القشطة-الكريمة-الجبن القريش وتوزيعها....فتح محل لتجارة الورق واكياس البلاستك و الفوم الازم لمحلات تك اوى وكل ما يلزم محلات البقالة والمطاعم والالبان بشكل تجارة الجملة ...