توقف عن الكتابة و اعتذار واجب...

[مصرية يعني مصرية]

شعنونة

الأخت شانا الغالية عندنا كلنا

انسحاب مرفوض

فهمة :)

هو دخول الحمام زي خروجو B)

إحنا منستغناش عنك يا دكتورة المحاورات الحبوبة :D

إوعي تفكري تسبينا :D

فهمة :D

[wa7d]

الدكتورة العظيمة شانا .... كل الناس دى بيحبوكى كل الحب ده ، هذا يضعك أمام مسئولية كبيرة . طيب أنا عندى حل ..... لو لازم يعنى تنسحبى !!!!! الأول تخشى وتخلى الناس تزعل منك ، وبعدين تخلينا ننسى مواضيعك اللذيذة ، وبعدين تدينا شوية وصفات طعام بايظة علشان ننسى طعامتك وطعامة أكلك ................... وبعد كل ده ...... برضه مش حنسيبك تمشى .

[صبح]

أختي العزيزة الدكتورة شانا

أنا عندي سؤال واحد...؟؟

لو انتى توقفت عن الكتابة .........مين هايرد عليا في أي حاجة باكتبها

يا بنتى ده هما أربعة اللى بيعبروني ويردوا :)

تلاتة سكر نباتة سعادتك والرافعى وواحد تانى :excl: والرابع :blink: (انتي عارفاه كويس !!)

خليكى عاقلة وماتخسرينيش ربع جمهوري

تم تعديل 12 يوليو 2006 بواسطة صبح

[hopsan]

أختي العزيزة الدكتورة شانا

أنا عندي سؤال واحد...؟؟

لو انتى توقفت عن الكتابة .........مين هايرد عليا في أي حاجة باكتبها

يا بنتى ده هما أربعة اللى بيعبروني ويردوا

تلاتة سكر نباتة سعادتك والرافعى وواحد تانى والرابع (انتي عارفاه كويس !!)

خليكى عاقلة وماتخسرينيش ربع جمهوري

اوعى تكون بتقصدنى انا الرابع ؟؟؟؟؟................ايه ؟؟....مين ؟؟......ايوه كده ...خضتنى يا شيخ!!!!

تم تعديل 12 يوليو 2006 بواسطة hopsan

[Sharkiah]

إرجعى بس عن إللى فى دماغك ومايهمكيش الأكل الشايط إللى ملحه زايد إللى مش عارفه تظبطيه

معلهش ماتتكسفيش ، معظم ستات اليومين دول كده دلوقت

[سهيلة]

Sharkiah مشاركة بتاريخ اليوم, 04:22 PM

إرجعى بس عن إللى فى دماغك ومايهمكيش الأكل الشايط إللى ملحه زايد إللى مش عارفه تظبطيه

معلهش ماتتكسفيش ، معظم ستات اليومين دول كده دلوقت

لا معلش بقى يا شرقية

شعنونة اكلها لا شايط ولا ملحة زايد

دة انا من ساعة ما عملت السندوتش العجيب بتاعها

وانا

وانا

وانا

عندى مغص :blink:

ارجعى باة يا شنشن

وحشتينى موت

[النسر المصري]

لو انتى توقفت عن الكتابة .........مين هايرد عليا في أي حاجة باكتبها

يا بنتى ده هما أربعة اللى بيعبروني ويردوا

تلاتة سكر نباتة سعادتك والرافعى وواحد تانى والرابع (انتي عارفاه كويس !!)

خليكى عاقلة وماتخسرينيش ربع جمهوري

\

قولي انك باتهزر ياعم صبح عشان مازعلش منك

ليه وانا رحت فين....بقى يعني النسر اللمصري مش عاجبك خلاص......كده بردو..

روووح ياشييييييخ

وتعال بسرعة :blink:

[hopsan]

شعنونه

Mzohairy عايز يقولك كلمه !!

الميكروفون معاك يا باشا........

[Sharkiah]

Sharkiah مشاركة بتاريخ اليوم, 04:22 PM

إرجعى بس عن إللى فى دماغك ومايهمكيش الأكل الشايط إللى ملحه زايد إللى مش عارفه تظبطيه

معلهش ماتتكسفيش ، معظم ستات اليومين دول كده دلوقت

لا معلش بقى يا شرقية

شعنونة اكلها لا شايط ولا ملحة زايد

دة انا من ساعة ما عملت السندوتش العجيب بتاعها

وانا

وانا

وانا

عندى مغص :blink:

ارجعى باة يا شنشن

وحشتينى موت

أهو ، أديكى قولتيها بنفسك

المغص ده ما يجيش فجأه ومن أكله واحده من بتوع شعنونه

لأ من عده أكلات

والمعنى فى بطن الشاعر

أظن ياشعنونه ده إثبات لصحه رسالتى الأولى

فاماتتكسفيش

[MZohairy]

شعنونه

Mzohairy عايز يقولك كلمه !!

الميكروفون معاك يا باشا........

أخي هوبسان

لا أعتقد ابدا انني المقصود و لا أنا السبب في رغبة الأخت شعنونه بالتوقف عن الكتابه

فلقد طلبت مني عدم الكتابه في مداخلاتها و انا استجبت لطلبها بكل احترام

و لولا ذكرك لأسمي في المداخله أعلاه لما كنت قد تدخلت ولكان استمرار عدم المشاركه في مداخلاتها محتم حسب طلبها

اردت فقط ان أوضح اي لبس

اتمنى للجميع التوفيق و السداد

[hopsan]

أخي هوبسان

لا أعتقد ابدا انني المقصود و لا أنا السبب في رغبة الأخت شعنونه بالتوقف عن الكتابه

فلقد طلبت مني عدم الكتابه في مداخلاتها و انا استجبت لطلبها بكل احترام

و لولا ذكرك لأسمي في المداخله أعلاه لما كنت قد تدخلت ولكان استمرار عدم المشاركه في مداخلاتها محتم حسب طلبها

اردت فقط ان أوضح اي لبس

اتمنى للجميع التوفيق و السداد

عمنا زوهيرى

ماهو انا كمان ممكن اكون بالمقصود اللى تقصده شانا و عليه كتبت لها و طلبت منها عدم الإنسحاب و حبيت اشيل منها الحرج كليا بأن اترك لك الميكروفون ..و آسف لو استشعرت بأنى ورطك فى الموضوع و لم افعل كذلك إلا لمعرفتى بك كبير القلب و مسامح و دى صفه نادر ما نلاقيها ..مع التحيه

[على عينه]

رغم اننى مش فاهم اى حاجة فى اى حاجة...الا اننى فهمت شيئين لا ثالث لهما

اولا الاخت شعنونة عايزة تسيبنا وتمشى

ثانيا هناك خلاف ما بين الاخت شعنونة واح الاخوة وربما يكون اخونا الفاضل مزهيرى هو هذا الشخص

انا اقترح اقتراح للاخت العزيزة شعنونة لماذا لا يتولى شيوخ المحاورات اقصد الناس الكبيرة سنا يعقدوا جلسة مصالحة بين الاخت شعنونة والاخ الفاضل الذى تسبب لها فى ان تتخذ قرارها بالانسحاب..تكاليف الاعدة على والله وماحدش يحلف واهو نأعد مع بعض ونشربوا فنجان شاى مع سجارتين ساعة المغارب واللى بيشرب شيشة والله لاجيبها له بس نحل الموضوع ونبقى حبايب...

اما موضوع ترك المكان فالقرار يا اختى العزيزة مش قرارك وآديكى شايفة الناس طلعت مظاهرات واديكى شايفة الامن المركزى عامل ايه فى الناس بس الريس الله يخليه امر بترك جميع المتظاهرين لما عرف ان المظاهرات دى علشانك..والله الله يخليه الريس انا ادعو له اناء الليل والنهار انه ربنا يحفظه لمصر والمصريين وللاخت شعنونة

[وليد صفوت]

لأ بقى يا كابتن زوهيرى ..... :huh:

هى ماقالتش كده بقىىىىىىىىىى

الكلام ده كان فى موضوع تانى خاااااالص و مكانتش تقصد كل مداخلاتها :blink: .... و بعدين انا بتهيألى انك عارف كده !! :huh:

بس توضيح ... شانا مش هتزعل و تسيب المحاورات دلوقتى كرد فعل لسوء التفاهم ( البسيط ) اللى حصل مع محمد زوهيرى فى موضوع مر عليه اكثر من اسبوعين !!

ماعلينا ... :huh:

يا شانا ............. :D

شوحى رمرم الساحل الشمالى مشان عرعر دغيرى تمام هو جد .... :huh: :P :P :o

مستنيينك ....

[DARWEEN]

إلى جميع الأخوة المحاوراتية

طبعا شانا بتضحك عليكم كلكم ومش ممكن تنسحب للأسباب التالية :

1) لأنها هي اللي معاها مفتاح المحاورات وهي اللي بتفتح كل يوم وترش ميه وتقفل بعج الكل ما يروح

2) لأن أي حد ممنوع عليه منعا باتا يزعل شانا أو يفهمها غلط ( راجع قواعد الكتابه في المحاورات )

3) لأنها ما تقدرش تعمل كده من غير ما ترجع لعمها داروين ( وهي عارفه )

4) وهو ده المهم .. لأنها عامود أساسي من أعمدة المحاورات

شانا ... حترجعي عن اللي في دماغك ..... ولاااااااااااااااااااااااااااااااا

[abofasad]

تأييدا لأستاذنا الفاضل "الإفوكاتو"

وتنفيذا لرغبة "على عينه" باجتماع شيوخ المنتدى "العواجيز" ..( مقبولة منك)

نرجو من الفاضلة الكريمة الأخت "شعنونة"

أن تراجع نفسها .. وتعمل خاطر لشيبتنا

وتكتب كلمة احدة بس

"عودي فالعود أحمد"

هذا رجاء من جدو ابو فصاد وأيضا من جدو الأفوكادو (بعد اذنك يا متر)

[مصرية يعني مصرية]

شــــــــــــــــــــــانـــــــــــــــــــــــــــــــــا

ارجعي عشان خاطرنا كلنا

خلاص بقا

ولا ملناش خاطر عندك؟؟؟؟؟؟؟؟؟؟؟؟؟؟

:blink: :huh: :huh:

تم تعديل 12 يوليو 2006 بواسطة مصرية يعني مصرية

[بنت شعنونة]

السلام عليكم..

3 صفحات عشاني انا؟؟

بجد انا اصغر من كدا بكتير

وانتوا كلكم نفر نفر و كلمة كملة و حرف حرف كبار عندي جدا و غاليين عليا اوي اوي والله العظيم..

انا قلت مش ها اكتب لأني حسيت بسبب شخص ما اني جرحت انسان جرح كبير اوي و انا فعلا ما اقصدش خالص

ويمكن البعض ما يعرفش مدى حساسيتي في التعامل مع الناس

على قد ما ممكن اتجرح من كلمة بسيطة على قد ما اخاف اجرح حد جدا وابقى متنكدة الى اقصى درجة

المحاورات عندي للأسف مش شخوص افتراضية

نهائي

من اول اسبوع دخلتها فيه عمرها ما كانت كدا

المحاورات المكان الوحيد اللي بتكلم فيه عن نفسي بمنتهى الصراحا ومش عارفا ليه

انتوا بالنسبة ليا عالم كبير و حقيقي.. بضحك.. اعيط.. بصرخ.. ب ارتمي في حضن ناس كتيييييير اوي هنا.. ناس كتييييييير جدا مدت لي ايديها في وقت كنت بغرق فيه.. سواء بنصيحة او بكلمة او بمساعدة او حتى بفلوس؟

تصوروا؟ ناس تدي فلوس لحد ما تعرفوش لمجرد انهم حبوك من حروفك؟

ف ما تستكروش عليا اني اتوجع اوووووي لو حسيت اني وجعت حد..حتى لو بدون قصد

وربنا فقط العالم انا عاملة ايه من ساعة ما كتبت الكلمتين دلو لحد دلوقتي..بس الحمدلله.. جت سليمة :huh:

فيه كاتب مرة قالي..

انا اغلى شيء املكه في الدنيا هوا قلمي..

لو حبيت حد اوي.. اهديه القلم دا.. عشان غالي عندي جدا

ولو زعلت حد اوي.. اكسر قلمي وارميه تحت رجليه.. فدوة لزعله..

ف ما لاقيتش حاجا غالية عندي غير القلم عشان اكسره يمكن يسامح..

مش عشان عاوزة امشي ولا بعمل منظر والله.. بس بجد.. ماكنتش عارفا ارفع عيني فيكوا نهائي

لولاش وقفتكم جنبي..

زهيري..

انا عارفا انك زعلان مني..

الكلام اللي ها اكتبه دلوقتي قلته من وراك.. وممكن اللي انا قلتهوله ينقله ليك زي ما كتبتهوله تمام لو مش مصدقني..

لما انت رجعت انا كنت مبسوطة جدا.. وكنت ناوية اكتب في موضوعك ارحب بيك والله.. لكن حسيت ب همز و لمز.. ف تنحيت لحد ما الجو يهدى و ارحب بيك على طريقتي..

يجوز عشان انت ما تعرفنيش و انا ما اعرفكش حصل اللبس.. بس صدقني.. لو تعرفني كويس.. تعرف اني ما اعرفش اجرح حد نهائي..

ف ما تزعلش مني بجد و دخولك هنا حتى لو كان توريطة انا سعيدة بيه حتى لو ضايقك.. لانه ها يديني الفرصة اقولك...

حمدالله ع السلامة...

قبطان..

يارب تكون مسامح من قلبك

يارب..

الرافعي

ماكنتش متوقعة انك تدخل هنا نهائي

بجد

يمكن فيه سوء تفاهم بينا

ويمكن انا بحاول اتجنبك عشان مش عاوزة ابقى عدوة و مكتفية ابقى " سوء تفاهم"

لكن بصراحا وجود حروفك هنا خلاني ارفع لك القبعة

وعلى فكرة مش انت مكعبر ومحجر.. ولو عاوزني اكتب فيك شعر ها اكتبه واقول رايي بصراحا لأني فعلا مش بعرف اجامل ولا الف وادور

يعني اكنك بتتعامل مع طفل.. اليي في قلبي هوا اللي على لساني ( عيب او ميزة.. الله اعلم)

عمي الافوكاتو..

حسيت للحظة اني صغيرة اوي قدام نفسي وكان لازم ابعد يمكن اشوف الصورة صح..

وليد..

لن تتخيل قد ايه صورتك اتغيرت عندي من ساعا ل ساعا في الأيام اللي فاتت

و قد ايه انا بحترمك جدا جدا جدا

و بحبك اوي والله..

طفشان

يارتني اتعامل كدا على اننا رموز.. انتوا ناسي.. عشان انا ماليش ناس اقدر افاتحهم بماشكلي و همومي كتير

انتوا تعرفوا عني اكتر من اهلي

اه والله

و انتوا بقعد معاكم اكتر منهم

صعب احسبكوا رموز

صعب اوي

بس ناوية اخد بنصيحتك..

و اريح يومين فعلا.. لأني تعبانة جدا..

ياشو

انا بحبك جدا جدا والله

وها نفتح المطعم تاني قريب ان شاء الله... اخف بس و ارجع تاني..

استاذ متفائل..

حضرتك من الناس الكتييييييييير اللي انا اتكلمت عليهم في اول الكلام

دايما في ضهري

ومن اول الناس اللي بتمدلي ايدها لما اقع

مؤخرا فقط بقيت ممكن اقع وانا مطمنة ان ليا ناس تلحقني..

ربنا يخليك ليا..

مودست

مهما تغيب دايما فاكرني..

" انا فاكرك ما نستكيش"

بعتلي الكلمة دي مرة ومن يومها وانا عارفا اني على بالك مهما تغيب عنا انت برضه معانا

ربنا يحفظك ليا..

واحد تاني

مخصماك :blink:

النوبي..

كنت ساعة ما كتبت الكلام دا درجة عاشرة قدام نفسي

وانا اصلا مش بطيقها خلقة..

نور جيهان.. كلام صح جدا

خاصة الناس الحساسة ( المؤرفة اللي زيي) بيتعلموا بتمن غالي اوي من اخطائهم

حتى لو كان خطأ بسيط

اخي محمود الشاعر

انت غالي عندي اوي

بجد والله

كمبورا

برضه ما كنتش متوقعاك تكتبلي خالص

وتوقعت اني بلاك لست عندك

لكن برصه حرفك اجبرني على اني ارفع القبعة ليك

الظاهر اني بقيت اشوف حاجات كتير غلط

او مشوشة؟! مش عارفا

بس بجد سعيدة بحرفك جدا..

النسر

انت خليفة حشيش في الملاعب

ومش عارفا ليه انت داخل قلبي بدون استأذان

بحبك جدا والله

سهيلة

ربنا يخليكي ليا بجد

ويحفظك من كل شر.. امين..

ميكي

اشكرك من صميم قلبي

ساموراي..

حاساك زي اخويا الصغير والله

نفس ماساتك

وان شاء الله نبقى مع بعض لحد ما تاكل اكلة هنية يارب..

تسلملي..

شهد

حرفك جميل يا شهد

وبرضه من الناس اللي كنت متوقعة انها مش عارفاني اصلا

لكن دايما تخجليني ب حروفك

اشكرك من صميم قلبي..

مصرية

ربنا يخليكي يارب ويحفظك..

واحد..

يااااااااااااااااااااه

حتى انت؟ معقول؟

انا دايما اشوف نفسي تافهه اوي قدام حروفك

فرحانا جدا بالحروف دي ومش ها تصدق قد ايه..

صبح

برضه مش مصدقة نفسي

وما تتصورش رد فعلي لما شفت الكلام بتاعك

ربنا يخليك ليا

عمي شرقية

ما اقدرش اكسر لحضرتك كلام..

على عينة

ربنا يكرمك.. بس ان شاء الله كله تمام

اعزمنا بقى :huh:

عمي داروين

انا عامود؟؟؟؟ :huh:

يعني لازم اولع في نفسي عشان تظهر يعني؟ :huh:

عمي ابو فصاد

" خاطر لشيبتنا"

يا نهااااااااااااااااااااااااااااااااااااااااااااااااااار ابيض

انا عيطت لما قريت الكلمة دي

و قلبي دق جامد جداااااااااااااااا جداااااااااااا والله

عمي

انا اقل من كدا بكتييييييييييييييير اوي

وشيبتكم

و حرفكم

غالي غالي غالي اووووووي اووووووووووي

مش لاقيا ولا كملة ممكن ارد بيها على كلام حضرتك من كتر ما انا حاسا اني صغيرة والله

ربنا يحفظكم كلكم ليا

وسامحوني لو كنت زعلت حد منكم

وسامحوني في الموضوع دا بس يارب تكونوا حسيتوني واد ايه كنت موجوعة

قبطان

انا بحبك و احترمك جدا جدا فعلا

وسامحوني مش لاقيا كلام غالي اقوله خالص

ومش عارفا اعبر المرادي فعلا

ربنا يقدرني على رد الجميل

ويحميكوا ليا

و يحميني بيكوا

بحبكم جدا...

تم تعديل 13 يوليو 2006 بواسطة بنت شعنونة

[yacho]

ييييييييييييييييييييييييييييييييييييييييييييياه

يا شيخه دانتى زعلك وحش قوى .. نشفتى ريقنا

حمد الله عالسلامه يا شاناشينو :blink: .. دانا كل يوم ادخل عالموضوع بتاعك

ده الاقى حضرتك لسه ما دخلتيش .. استنى.. لغاية النهارده الصبح

لقيت اسمك منور .. تنفست الصعداء .. ياللا ..

البسى المريله بتاعتك وبينا عالمطبخ :huh:(وش واحده بتاعت مصلحتها)

على فكره انا كمان بحبك قوى .. وبحب انكشك جدا مش عارفه ليه .

تم تعديل 13 يوليو 2006 بواسطة yacho

[أسد]

الحمد لله ..

ألف حمد لله على السلامة ...

[صبح]

تم تعديل 13 يوليو 2006 بواسطة صبح