صباح الخير يا ريس !!

[صبح]

منقول من ايميلى الخاص

صباح الخير يا ريس صباح الياسميين

كل الناس شمال يا ريس إلا انت يميين

وحياة مقام السيده ومقام سيدنا الحسين

لو مشيت يا ريس لأندر زكا وولع دستيين

"""""""""""""""""""""""""""

نشكى لميين همنا العيشه بقت طين

لا طايليين عيش حاف ولا حتى عجيين

ناس بتكلم نفسها وناس تقول يا معيين

وناس تدعى ربها اجعلنا م المساكيين

""""""""""""""""""""""""""

مداح داير على الأبواب يمدح رسول الله

وينبه الناس بمحظور اصحوا يا خلق الله

الساكت عن الحق شيطان هذا كلام الله

اكسر جناح الخوف وخليها على الله

""""""""""""""""""""

موال الغريب فى وطنه بقى حكايه

وكل الناس تردده ويقولوا دى روايه

عن شعب صبر واتحمل ظلم حكامه

مليون موال غريب ينقال مش كفاية

"""""""""""""""""""""""

يازارعيين الأرض احرثوها بمعزه

وبين خطوط الحد ازرعوا البزره

ارويها بالأخلاق والأدب والعزه

تطرح نبات طيب الأصل من البذره

"""""""""""""""""""""

دوار يا زمن دوار دلوقتى ليل وبكرة نهار

مهما عليت يا ظالم وظلمك بقى انهار

ولبست ثوب الملك وحكمت بجيش جرار

نصيحه منى يا ظالم الملك لله والزمن غدار

""""""""""""""""""""""""""""""

عطار يبيع الصبر للناس وكلام

يقولك خطب ومواعظ اطنان

الناس توصفه حكيم والسلام

تسأله عن الصبر حرق له الدكان

"""""""""""""""""""""""

رأيت زحام ولمه كبيرة على انسان

سميت بأسم الله وقلت سبحان المنان

بنات يغمى عليها من حسنه الفتان

بصيت على الموعظه طلع البعيد فنان

""""""""""""""""""""""""""""

عجبى

[المدهش]

يا عم صبح .. شكلك كده مش ناوي تروح البيت النهاردة..أنا يا سيدي ولا أعرفك!!!!

[msox37]

روعه