آخر اخبار المعموره ...

[hopsan]

التسعيره الجديده نزلت و الناس شغاله بيها دلوقتى ..قررررررررررب يا بلاش

اللى انخبط فى نافوخه و ناوى يصيف فى المعموره ...يبقى يعمل حساب مره و نص اسعار السنه اللى فاتت

شاليه حجرتان و عفشه ميه و جنينه صغنونه اول صف الليله ب 1200 جنيه و مافيش فصال ...

ارخص اسعار اول صف فى الدور التالت و يا دوب تسكن آدمى و ملكش دعوه بالحمام و فرش متسألش و تليفزيون هاته معاك الليله ب 750

شقه قبلى و تبص على القطار من جهه و الملاهى و دوشته اللى بتبقى لساعات الصباح الأولى و عفش يعلم بيه ربنا و يادوب اسمك بتصيف فى المعموره يبقى الليله ب 350 جنيه ...عدا ذلك ..العب بعيد و سمعنى صوت خطوتك

بالمناسبه دى اسعار يوليو فقط ....اغسطس بقى ربنا يتولانا

و الى اللقاء فى اسعار مناطق اخرى فى البلد اللى هى ماريه و تربها زعفران

تم تعديل 11 يوليو 2006 بواسطة hopsan

[واحد تاني]

طيب ايه رأيك تجيب الـ 350 دول وانزلك في الشاليه في كازابلانكا ...

3 غرف يرمح فيهم الخيل والبحر قدامك والبيسين وراك ...

مش احسن من المعمورة ؟

انت بتطفش الناس والا ايه يا قوبوطان ؟ :blink:

[hopsan]

طيب ايه رأيك تجيب الـ 350 دول وانزلك في الشاليه في كازابلانكا ...

3 غرف يرمح فيهم الخيل والبحر قدامك والبيسين وراك ...

مش احسن من المعمورة ؟

انت بتطفش الناس والا ايه يا قوبوطان ؟

طيب خود دى و 250 تقدر تقعد فى شاليه على الميه عدل و الرمله تحت رجليك و 3 غرف و فرش مصيفى عال العال و دش ووصله و تجيلك بطيخه صحراوى مرمله لا يعلى عليها كل يوم ببلاش و الكلام ده كله فى مطروح

ازيدك من الشعر بيت قريه انشئت حديثا بعد مطروح وتلاقى الكلام ده كله و 180 بس و كل 4 شاليه تلاقى فى وسطهم بسين و جنينه و هدوء ايه ماقولكش عليه ...ودانك تصفر علطول اول ما تبطل العربيه

الناس بتوع المعموره مش هبله ولا هما عملو الأسعار دى اعتباطا ...دى فاهمه بتعمل ايه

طيب خد دى تانى ...شيراتون المنتزه واهى جنب المعموره السويت فيه ب 1200 و شاطىء خاص و بسين و باند و بنات dj بتلعلط و ترقص و انت بتبلبط فى الميه و ده نفس سعر الشاليه فى المعموره و رغم كده نمل عليه يابا..عرض وطلب ..تقول ايه؟؟؟

[زعلان]

طيب الي ب1200 ده حجرتين محترمين بحمامات ولا حمام واحد وبحديقة خاصة على البحر

تعودت في مصر أن أسمع السعر ثم أجد أنها تضاعف 3 مرات قبل ما تحط رجلك حتى فنادق 5 نجوم الي خدمتها وفرشها ربع نجمة

[سمـ مصر ــا]

اية ياقبطان انت عئتنى من المعمورة لية

أنا كان نفسى أنزل بس علشان الذكريات الحلوة :blink:

لا مينفعش كدة شوفلى مكان حلو وقولى علية وبسرعة علشان انا نازلة يوم الاثنين

وقولى كمان أخبار الغردقة اية

[hopsan]

طيب الي ب1200 ده حجرتين محترمين بحمامات ولا حمام واحد وبحديقة خاصة على البحر

تعودت في مصر أن أسمع السعر ثم أجد أنها تضاعف 3 مرات قبل ما تحط رجلك حتى فنادق 5 نجوم الي خدمتها وفرشها ربع نجمة

عمنا زعلان ...

واضح ان معاك فلوس كتير

اقول لك ...الشاليه ده موجود فى مجموعه صلاح الدين ...اول نمره ...يعنى يبص على البحر و الجنينه ..ثم ان له حديقه خاصه و تظليله فى الحديقه بها ترابيزه و 6 كراسى و الشاليه عباره عن حجرتان نوم فرش ممتاز + صاله كبيره بها انتريه و سفره و حمامان وبلكونه او تراس خلفى للشواء على حديقه صغيره نوعا و تستلم كارنيه للشاطىء الخاص ...تحب كام ليله ؟؟؟؟؟ عندك لآخر يوليه ....اغسطس لم يتحدد سعر له

اية ياقبطان انت عئتنى من المعمورة لية

أنا كان نفسى أنزل بس علشان الذكريات الحلوة

لا مينفعش كدة شوفلى مكان حلو وقولى علية وبسرعة علشان انا نازلة يوم الاثنين

وقولى كمان أخبار الغردقة اية

سمـــمصرـــا

عليك و على الساحل الشمالى و لو تحبى اسماء القرى اللى تستاهل ..بس اطلبى..... اسعار ما بين 200 ـــ 1000

و الألف دى تخص مارينا لو تحبى تتفرجى على عليه القوم و سخافاتهم خصوصا فى مجموعه السوسن

بالنسبه للغردقه افضل حاجه ليكى تتفقى مع وكيل سفريات من عندك او اى مكتب سياحه هنا فى مصر و هو حيرتب ليكى كل حاجه

معلهش المعموره حلوه و ذكرياتها عند كل الناس بس على قد لحافك ...لحاف ايه؟ دحنا فى الصيف ...سورى برضون

على قد ملايتك مد رجليك فالميه

[النسر المصري]

ياجماعه الاسعار دي اسمها هبل :huh:

تعالو عندي ف العريش :blink:

ااقعدكو ف شاليه بحمام سباحة وف اجمل شاطيء طبيعي نظيف ف الدنيا لم تدخله التعديلات البشريه...وحيث النخل الاخضر...والبحر الزرق.... والرمال الذهبيه اللون :huh:

بتامنين جنيه بس :huh:

ومع الاكلات العرايشيه الاصيله :huh:

ها قولتو ايه

[hopsan]

ياجماعه الاسعار دي اسمها هبل

تعالو عندي ف العريش

ااقعدكو ف شاليه بحمام سباحة وف اجمل شاطيء طبيعي نظيف ف الدنيا لم تدخله التعديلات البشريه...وحيث النخل الاخضر...والبحر الزرق.... والرمال الذهبيه اللون

بتامنين جنيه بس

ومع الاكلات العرايشيه الاصيله

ها قولتو ايه

يا سيدنا يا نسر

نقول من تانى ...البظرميته دى عرض و طلب و اللى معاه الكعوب يلعب

لما تلاقى شاليه و اصحابه يقفولك آخر النهار علشان يراجعو معاك محتويات الشاليه قبل ما تمشى

و ممكن بكل برود و تلامه مالها حدود و تكون فعز استرخائك و يخبطو عليك علشان يفرجو ناس تانيه على الشاليه و انت قاعد فيه و تلاقى عيالهم و غلاستهم يجرو فى الشاليه بطوله و عرضه و يدخلو الغرف ولا فيه حياء و الأكاده يروحو يقعدو فى الجنينه ...اهو معلهش 10 دقائق كده علشان جاين من سفر و ابقو اتفضلو عندنا لما ناخد الشاليه ..الله دى القاعد ترود الروح ...تقوم تعزم تحبو تشربو شاى ...يطلع واحد من وسطهم ولابس نضاره وبدله سفارى صيفى و لونها كاكى و ضيقه عليه ..( زى فريد شوقى كده ) ولابس صندل بنى و ماسك شنطه يد سودا فى ايده ..وصلت المعلومه كده ؟

يقوم يطلع من وسطهم و يقول انا مابخدش سكر ....هاهاهاها حوفرلك يا عم ...و الحاجه امه ولا حماته تقول احنا باين علينا تعبناكم ..هو انتم كنتم نايمين ؟؟؟ سيب يا حبيبى البسكلته دى مش بتاعتك.. هى هى هى... اصله عنده زيها فى بيت باباه ....اللذيذ فى الموضوع هما كانو بس عاوزين يشوفو الشاليه اللى بتأجر ب 1200 جنيه فاليله ....انا كنت حاضر و معزوم فقط ...

حاجه تانيه برضه احب اقولها ...و دى من سمات شعبنا الحبوب جدا و العشرى خالص

طبعا انتم عارفين الممشى اللى على البحر

كل الناس اللى بتتمشى على ذاك الممشى تلاقى عنيهم وصلت لآخر اوضه فى اى شاليه يقع حظه الأغبر على هذا الممشى و اللى نظره مش ولابد تلاقيه يمعن النظر و بدقه علشان يعرف لون الحيطه بتاعه آخر اوضه فى الشاليه و ميمنعش نظره عامه لكل الحاضرين داخله ..بيكلو ايه و يشربو ايه و يمكن لابسين ايه كمان ولو رمقته بنظره عيب كده ميفهمش و يبتسم لك ..و اللى مش فدماغه يبص تلاقى مراته اللى معاه تشرح له محتويات الشاليه و فى نظره خاطفه ..حقيقى ناس عشريه و الود ودهم يجو يقعدو معاك و على نفس الترابيزه

[زعلان]

:blink: بصراحة أنت غلس وطفش أيى حد هات يا عم فلوسي وخد الشاليه بتاعك

[hopsan]

بصراحة أنت غلس وطفش أيى حد هات يا عم فلوسي وخد الشاليه بتاعك

ما انا قلتلك على قد ملايتك مد رجليك فى الميه ..و بعدين انت قعدت يوم فيه.... ..إنشالله ساعه ...تدفع برضه اليوم ...امال حنجيب كسوه الشتا منين يعنى ؟؟؟ ايدك على باكو ومتين ...

:blink: <<<<<<< مين ده ؟؟ هو فاكرنى ضارب عصفورتين على قفايا ...صحيح بتفكرنى بالراجل اللى كان لابس بدله سفارى كاكى و صندل بنى و ماسك شنطه يد سودا

[زعلان]

لأ بس بجد الكلام الي بتقوله عجيب أنا كنت فاكر ان شركة هي الي بتأجر الشاليهات ده مش أشخاص وبالغلاسة الي بتقول عليها فغلاسة الفنادق أرحم بجد مصر لا تصلح للسياحة ولكنها تصلح لرفع ضغط الدم :blink:

[hopsan]

لأ بس بجد الكلام الي بتقوله عجيب أنا كنت فاكر ان شركة هي الي بتأجر الشاليهات ده مش أشخاص وبالغلاسة الي بتقول عليها فغلاسة الفنادق أرحم بجد مصر لا تصلح للسياحة ولكنها تصلح لرفع ضغط الدم

زعلان حبيبى

شكلك كده مروحتش المعموره من زمان و حته خليجى ..( المعموره غير شكل ) ( مش فاهم يعنى ايه بس اللى عايشن فالخليج فاهمين ) تقدر تقول اتغيرت كتييير جدا عن الأول و اصبح فيها شواطىء للملاك و شواطىء للجمهور و كل سنه بيحصل فيها تغير

دلوقتى و من زمان اداره شركه المعموره بتملك كل الوحدات لشاغريها ...و الشركه مالهاش دعوه بلإيجار او خلافه بس هى دلوقتى مجرد شركه للإداره و التنظيم فقط

ازيدك من الشعر بيت .....الناس بتروح للإيجار ليه..؟؟؟ لسببن :

اولا : الفنادق فى الأسكندريه المحدوده العدد اصبحت كامله العدد لحد آخر الصيف ....و الخلجين اكتشفو ان فى مصر بلد تانيه غير القاهره اسمها اسكندريه ...راحو كابسين عليها وولعو الأسعار

ثانيا : حتى لو اخذت سويت فى فندق فمش حتقدر تاخد عيلتك فى نفس الغرفه تضيقا للمصاريف ...هما يادوب سريرين و من حجم النفر الواحد ..انما لو اخذت شاليه فلو عيلتك 15 واحد حتقدر تكبسهم فى غرفتين و الصاله و يمكن التراس كمان ..( بحجه انا اجب انام فالهوا ) و ترحم نفسك من الحرج بتاع نظرات الناس و الموظفين لما تطلع بيهم فوق ....و مصر تصلح للسياحه بس انت تعالى و سيبك من اللى بيتقال ....لازم تلاقى لك مكان .....و احنا برضه ستر و غطا ...و ضغط الدم مرفوع اصلا و اخدنا على كده ...تقولش شعب استرتش

تم تعديل 31 يوليو 2006 بواسطة hopsan