ظلم الاطباء واقع كل يوم

[سهيلة]

حصل بالامس حاجة صعبة جدا ف المستشفى عندنا

راح ضحيتها دكتور واهو دلوقتى ف السجن وما نعرفش عنة حاجة

الحكاية هقولكم

جة طفل مريض 6 شهور للمستشفى يعانى من جفاف كشف علية الطبيب وطلب من الام البقاء لانة هيحجز الطفل لاخذ المحاليل

وعشان يظبط الحالة وبعدين تخرج بعد كدة

الام رفضت ومشيت

بعد يومين يعنى امبارح

رجعت الام والطفل ف حالة خطيرة عن اليوم الاول

فالحالة تدهورت بالفعل

الطبيب حجز الحالة واعطاها المحاليل

ولكن الحالة ساءت ودخلت ف كوارث بعدها مات الطفل

لكن الام نظرت للطبيب وكانة المذنب

لو الولد دة حصلة حاجة هحملك المسؤلية انت ما تعرفش احنا مين

وعندما مات الطفل

بعدها بنص ساعة كانت الساعة 4 الفجر النهاردة

فوجىئ الطبيب بظابط شرطة ومعة 10 عساكر يقتحمون المستشفى

اين الطبيب المسؤل عن الحالة

المهم

اتكلم الضابط معاة بكل ذوق وعرف ما حدث

وان الطبيب فعل ما علية من واجب ولم يقصر وعقب على كلام الطبيب الاخصاءى ايضا فهو يعلم بالحالة

لغاية دلوقتى تمام

لكن فجاة جاء للظابط الشرطة تليفون

وكان ردة ايوة يا سيادة اللوا انا معاهم ف المستشفى اهوة

وبعدها ذهب الضاابط ف غرفة مستقلة لتكملة المكالمة الهاتفية

واللى بعدها انقلب راسا على عقب

الضا بط بصوت عالى

يلا يا دكتر معايا ف البوكس

الطبيب لا انا موش هسيب شغلى لو عاوزنى هات ورقة رسمى وانا اجى معاك

الاخصاءى

هية سايبة يا حضرة الضابط ولا اية موش هييجى معاك

قام الضابط باعطاء الدكتور الاخصاءى بكس ف وجهة :blink:

وامر العساكر باحضار الطبيب بالقوة

مشهد ف منتهى القسوة والطبيب يعامل بهذة المعاملة المتوحشة

كانة ارتكب جريمة فعلا

حتى لو فعل خطا الا توجد نقابة للاطباء لتقديم شكوى والتحقيق ثم الحكم

ما هذا الذى يحدث

لا والاغرب قامت ممرضة بالصريخ لما لاقت الدكتور بهذا المنظر

فامر الضابط باخذها هية الاخرى

المشكلة ممنوع الزيارة طول اليوم عنهم ؟؟؟؟؟؟؟؟؟؟؟؟؟؟

اذا ماذا حدث

وما هوة دور الشرطة هنا ف البلد دى اهوة البلطجة ام ماذا؟؟؟

[hopsan]

سيهله ياختى ...و انت ست العارفين ان فيه دكاتره جزارين يستهلو الشنق

و كمان فيه دكاتره ..الإهمال يقولهم يا اونكل

الصوره مش حلوه و الصفه عمت و غطت على الكويس و الوحش

و معلهش بقى للدكتور اللى اتبهدل ..حظه كده و ام الولد رغم غباوتها معذوره فى اللى عملته و الضابط ماهو إلا عبد المأمور ...يعنى فى موضوع تانى يجى نفس الضابط يبوس رجل نفس الدكتور و عجبى

[المدهش]

أين نقابة الأطباء من كل ما حدث؟!

[سهيلة]

hopsan

مشاركة بتاريخ أمس, 01:06 PM

سيهله ياختى ...و انت ست العارفين ان فيه دكاتره جزارين يستهلو الشنق

و كمان فيه دكاتره ..الإهمال يقولهم يا اونكل

الصوره مش حلوه و الصفه عمت و غطت على الكويس و الوحش

و معلهش بقى للدكتور اللى اتبهدل ..حظه كده و ام الولد رغم غباوتها معذوره فى اللى عملته و الضابط ماهو إلا عبد المأمور ...يعنى فى موضوع تانى يجى نفس الضابط يبوس رجل نفس الدكتور و عجبى

اخى العزيز هوبسان

موش هنكر ان فية دكاترة كتير واخدين المهنة تجارة ودول اغلبهم الفطاحل الكبار

لكن فية دكاترة صغار لا يعرف التجارة ولكن يتعامل مع البشر بضمير حى ولكن المجتمع ياخذة بذنب الاخر

من مبدا السيءة بتعم

واللة حرام اشمعنا مهنتنا احنا بالذات اللى كدة

يا جماعة كل مهنة فيها وفيها

هناك نقابة مسؤلة عن كل موسسة حكومية

لية لا يرفع اليها شكوى ويحقق ويحاكم الطبيب المخظىئ

ولا يؤخذ الكلام على مجملة زى ما قلت يا قبطان

اخى المدهش

النقابة لم يصلها شىء بتاتا

لية لان ام المريض ما قدمتش شكوى

والدكتور موش عارفين هوة فين واتعمل معاة اية لانة اتاخد من غير اذن قانونى

اتاخد عافية

انا بفكر بعد كدة وانا رايحة الشغل اخد معايا عيش وحلاوة لا يحصل ف الامور امور

احنا فين بالضبط

حد يقوللىىىىىىىىىىىىىىىىىىىىىى

[wagdi]

هو بيني وبينك... الدكتور غلطان إنه ساب الولد يمشي أول مرة جاله...

طالما الحالة كدة المفروض كان يثبت حالة أو يخلي أمه توقع على تعهد أو أي حاجة كدة لو ركبت دماغها....

سمعت مرة إن واحدة هنا عمانية في كندا حامل دخلت المستشفى علشان تولد... سألوها فين يا ستي تقارير المتابعة بتاعك أو الدكتور إلى كان بيتابعك قالتلهم انا مكشفتش ولا مرة من يوم ما حملت :angry2: ... طلبوا البوليس ومضوها على تعهد يخلي مسؤليتهم من أي حاجة ممكن تحصل للمولود أو للأم...

وحتى لو الدكتور معملشي كدة...وحتى لو الأم هيا المهملة... ده مش مبرر إن إبن اللوا يموت...أمال إبن البواب يعمل إيه... ده أقل حاجة الدكتور يقضيله جمعتين تلاتة في أوضة الفيران... ويعني إيه ممرضة ترد على سيادة الباشا الظابط... برضه تروح أوضة الفيران...

بلاش كلام فارغ...

[dr khaled]

بصي ياسهيله

المفروض مدير المستشفي يبلغ النقابه فورا و هما ناس كويسين اوي و مش هيسكوتوا

و لو المدير خاف علي منصبه و ده اللي انا متوقعه فممكن مجموعه صغيره تنزل النقابه و تقدم شكوي

و يوم اجازه مش مشكله علشان خاطر زميلنا

و اعتقد ان هدا برضه لن يتم لاننا اصبحنا متبلدي الاحساس

ياريت تبلغينا بالتطورات

خالد

[Dr.mmfriend]

الدكتور مش ممضيها علي ورقه انها رفضت الدخول؟

ده اللي بنعمله كلنا في حالات زى دى

وبعدين مش بيكتب تقرير عن الحاله ويمضي عليه الاخصائي؟

لو كان مش مأمن نفسه كويس تبقي دي غلطته

انا حصل معايا موقف زى ده بس ربنا ستر :D

كان فيه مسجون جايبينه قوه من الشرطه علشان اكشف عليه واكتبله تقرير

الشرطى اللي في المستشفي عندنا قالي يادكتور الواد ده انا عارفه بيستهبل اديله اى حاجه ومشيه

كشفت عليه لقيت الواد مفيهوش حاجه

كتبتلهم تقرير انه سليم وممكن يرجع السجن تاني

بالصدفه الاخصائي معدي بيسالني مين دول وايه القصه

قلتله الموضوع كذا كذا

قالي الامور مش بالساهل كده انت ازاى تمضي علي ورقه بالشكل ده

اخد الورقه من الشرطى وقطعها وقاله احنا حنحجز الولد هنا ونعمله تحاليل واشعات

قالي ممكن بالورقه دي ياخدوا الواد يقتلوه بره وتروح انت فيها

ربنا ستر معايا جدا

:wub:

من ساعتها مبقيتش امضي علي اى حاجه

غير الحضور والانصراف بس