مصر القديمة... مصر الجديده ... فى تصورى

[houssin abo habaga]

مصـــــــــــــر القديمه

****************

زمان كان يطلع عليها النهار يزيد نوره بنورها بزياده

تنظر بعينك يمين شمال تشوف خضار وعمار بزياده

وخلق رايحه جايه تبتسم وكرم اخلاق وادب بزياده

تشوفها كل يوم عروسه متزينه عليها السكر بزياده

تطلب من الله يحميها من الشر ويزيد نورها بزياده

تشوف وشوش بشوشه تقابلك ترحب بيك بزياده

وناس طيبة ولاد بلد فيهم شهامه وجدعنه بزياده

واطفال ريحان ورود مفتحه تسر العين بزياده

واثار شامخه شاهده تحطى تاريخ الدنيا بزياده

ومشايخ ازهر متقيين تعلم الدين للناس بزياده

منين ما تمشى تسمع القرآن فى كل مكان بزياده

وناس متسامحين موحديين بينهم الحب بزياده

اهلك فى نص الليل يمشوا فيها الأمن بزياده

فيها الكبير محترم شيم الأدب والأخلاق بزياده

وبناتها صفتهم العفاف الخشى والحياء بزياده

وناس زيارة المريض واجب ورد وحب بزياده

وشوارع عنوانها النظافه مكنوسه مغسوله بزياده

وجار يخاف على جاره و يشاركه احواله بزياده

وحياة بسيطه متبسمه عمار يا مصر زمان بزياده

""""""""""""""""""""""""""""""""""

مصـــــــــــــر الجديده

****************

اليوم لا لوم ولا عتاب غطى جبينك الحزن بزياده

من حسرتك على ولادك قلبك مرض وانكسر بزياده

شبابك من الأدمان هلك هيروين حشيش بانجو بزياده

وبنات آخر الليل سايبه سهرانه سكرانه متعرية بزياده

وموظف معطل مصالح الناس يرتشى يمشى الحال بزياده

وتاجر جشع يحب المال ويغش يمص دم الناس بزياده

وشرطى يطلع فيك ميت عيب تديله يقولك حلو بزياده

التعليم بقى حبر على ورق ومدرس عايز فلوس بزياده

طبيب عايزله نقل دم ما بيحسش بيتاجر فى البشر بزياده

وجار عنده حالة وفاة وجاره فرح بنته شغال بزياده

وعيال قليلة الأدب تعلى صوتهاعلى اهلها بزياده

واطفال تنام فى الشارع متشرده بطالة وفقر بزياده

وبلطجى عامل فرده على الحته نجح العضو بزياده

وحكومه متنشية فى اللبس بدل وبرفانات بزياده

يطلعلك الواحد فى الأعلام يقول تصريح كذب بزياده

الناس الكل بيكره بعضه ملل وطوائف وفتن بزياده

وريس جالس على الكرسى يحكم 25 سنه وزياده

حكموا عليكى حكم يامصر مؤبد ودمروكى بزياده

""""""""""""""""""""""""""""""

عمران www.dastor.net