السنيما والصيف والناس

[nancy]

فعلا الملاحظتين بتاعة الراكور فى مشهد خطف البنت اللبس مختلف وحتة الشنق بنفس اللبس والمكان كمان عينك كويسة اوى يا واحد تانى

بس انا اكتر حفلة حسيت ان ناسها بيكونوا محترمين وقليلى التعليقات حفلة 3 الظهر بتكون محترمة اوى

وخصوصا فى مول زهران بتبقى هادية اوى

امبارح رحت عمارة يعقبيان فى مول سان استيفانو والبنات دخلوا العيال هربت

اكلمكم الاول عن المول حلو بس تشطيب المحلات مش اد كدة ولا المحلات روشة والاسقف واطية شوية ولازم تحفظ دخلت منين علشان متهش لانة عبارة عن دايرة ومعاها نص دايرة تانية فبيلخبط فى الاول

جزء المطاعم مزدحم زيادة عن اللزوم بس مش بطال

بس من الخارج مبهر اوى لضخامة الابراج الى فوقة ولازم تدخلة من ناحية الترام لان الجراج هو الى مدخلة من البحر

وعملين امن لتفتيش الشنط وبيفتشوا بجد

السنيمات مستواها جيد بس عدد الداخلين قليل مش عرفة لان المكان جديد ولا حفلة 3 بتكون فاضية

بعدين نتكلم عن عمارة يعقبييان

انا علشان قريت القصة ورسمة صورة تخيلية مسبقة محستش ان الفيلم محصلش بس كل حاجة فية معمولة بمنتهى الاتقان

مستوى التمثيل للممثلين الكبار جميل ومتلائم مع خبرتهم المجموعة الى من الجيل الجديد ممتازين

الى قاموا بادوار الوزير والصحفى والصعيدى وهند صبرى

وابن عادل امام ..رغم ان عيونة غير معبرة بس تمثيلة جيد بالنسبة لاول تجربة ورغم ان الدور غنى وبيمر ب3 مراحل من امل لاحباط لكرة وارهاب

الناس كانت هادية جدا طول الفيلم لحد ما جه مشهد ان الصعيدى زعلان انة بيعمل الغلط وحاسس ان دة حاجة كبيرة والصحفى بيقنعة انة مش غلط

لاحظت ان الناس بتضحك رغم ان انا مقتنعة ان الشذوذ دة مرض مش حاجة عيب وخلاص انة حرام دى مفهاش كلام بس دة مريض ودى حاجة متستحقش الضحك

وبعدين فية ناس من اصحابى قالوا الفيلم مقزز والمشاهد خارجة كتير

انا محستش ان فية اى حاجة مصيبة بالعكس كل المشاهد على طريقة الحدق يفهم مش مباشرة اوى

المشهد المباشر الوحيد كان الارهابى مع الى جوزهالة فى مركز التدريب

غير كدة عادى جدا

الفيلم هو سنيما ذات ثقل ثقافى ومتقلش عن افلام شفناهها زمان وكانت برضة بيتقال انها مش كويسة وبعد ما اتشافت كتير وفبقت عادية فيلم يتحسب من ال100 سنة سنيما الجديدة

فيلم يستحق المشاهدة

مفيهوش حاجة عيب وبيتكلم عن كل الحرام الى بتغرق فية كتير من الناس

بناتى بقى دخلوا فيلم العيال هربت بيقولوا كويس دخلوا ولادكم فية وبلاش توجعوا دماغكم فى النوعية دى من افلام الصيف

لسة مش عارفة حادخل فيلم اية تانى بس اى جديد حاكتب على طول

ولو رحت الشرم يا محمود حاكتبلك احلى ما شفتة هناك مع انى بجهز لرحلة للقاهرة فى البيوت الاسلامية

السحيمى والكرتلية وزينب خاتون والحسين والنيل بلليل

اى مكان حاكتبيلكم علية

[nancy]

امبارح كنت فى كارفور

وبرضة دخلت حفلة 3 بس الفيلم جعلتنى مجرما لاحمد حلمى

طبعا سكة مختلفة .. بس بصراحة كنت محتجاها اوى

لان كل مادخل السنيما لافضل اعيط زى العشق والهوى وواحد من الناس

ياما اكتئب من كم النمازج المدمرة والى تعبانة والى فيها تركيبات فى الشخصة

انما امبارح كان الفيلم كوميدى جدا

وفضلت اضحك طول الفيلم

هو مفيش قصة جامدة وا سناريو محصلش ولاتمثيل اكاديمى

كلة فى العادى

بس حتضحك طول الوقت

بس مشكلة كرفور حاجة واحدة التكيف عالى جدا

فالى يروح ميبقاش صيفى اوى

ولما ادخل فيلم جديد نتكلم

:angry2:

[المدهش]

نانسي..

رغم أن تحليلك لأفلام الصيف كما سبق وأن قلت مفيد جدا وخصوصاً لمن لم يشاهد هذه الأفلام بعد زي حالاتي بحكم عدم وجودي الآن في مصر، إلا أنني استمتعت أيضاً بوصفك للناس والحياة في الصيف وخاصة في الاسكندرية حيث تقضين الاجازة..يعني ملاحظاتك في البداية عن البنات والحجاب، وكلامك عن الديكور في مول سان استيفانو ،بيخليني اكون طماع واطلب منك تسهبي أكثر في وصفك لانطباعاتك عن الحياة في مصر بشكل عام وايه الفرق بين إحساسك الآن بالناس والحياة وإحساسك السنة اللي فاتت مثلا..يعني هل فيه حاجة اتغيرت..أو هل هناك أشياء جديدة لاحظتيها..معلش يا نانسي انتي الآن عيوننا اللي بنشوف بيها مصر..لحد ما نرجع بإذن الله ونشوف بنفسنا..واجازة سعيدة..

[nancy]

اشكرك يا مدهش على ثقتك فى صواب راى واقولك على شوية حاجات

البلد زحمة جدا وغليا جدا لو نازل تتغدى متوسط الغداء للفرد 50 جنية

انا الاسبوع دة رحت مينوش ونادى سبورتينج والجنجيل وكارفور

كل مكان لة طبيعة مختلفة مينوش مستواه كويس واحسن بيتزا فى اسكندرية

نادى اسبورتنج يعتبر متنفس هايل للاعضاء لانة غير مكلف بس مساحتة الخضراء جميلة ومريحة للاعصاب

الجنجيل مكان جميل جدا تحس انة طبيعى رغم انة حديقة معمولة بتصميم جيد العشاء هناك ممتع جدا

كارفور تشوف فية مصراويا كتير متحس اوى بانة مركز للاسكندرنية بس كلاسى اوى ومحلاتة ديكوراتها شيك

وزون المطاعم فية تنوع عالى جدا هو الاسكندرنية بيحبوة فى الشتا اكتر لانة سوق مقفول فلو الجو مطر مش بيتنقل الاحساس دة جواة

والسنيمات فية كويسة بس التكيف بيبقى عالى جدا

عموما لما تنزل محطة الرمل الابراهمية المنشية دى مناطق تجمعات الزحمة وتحس فيهم بالخنقة

نيجى للتمشية على البحر

لما تبقى اسكندرانى ومشيت على البحر من صغرك حتحس بالحزن لانك مش حتشوف البحر زى زمان النقبات عملة مبانى كتير وداخلة فى عمق البحر

ضاع الشط ومعدش الغروب بيبان تحس انك لازم تطير فوق الارض ب 4 متر علشان تشوف البحر غير كدة انت برضة ماشى فى زحمة

مش حتصدق لو قلتلك انى لسة ملمستش البحر نفسى اقعد فى حتة فى اسكندرية على كرسى شزلونج قماشة اخضر زى زمان واحط رجلى فى الرملة والموجة تيجى عاليا واشوف الشمس بتغطس فى البحر واقول لبناتى زى ما كان بابا بيقولى دى رايحة تنام معدتش فى حاجة بتنام

اسكندرية بقت تخنق

الناس .. الغلاء والبطالة ومصريف الجواز العليا مخلية الشباب هايص بس بصراحة الولاد والبنات على وشهم على الاقل ابتسامة الكبار والمسؤلين عن بيوت محدش فيهم بيبتسم

دة جزء من انطبعاتى ونكمل بكرة :wub:

[واحد تاني]

مينوش مستواه كويس واحسن بيتزا فى اسكندرية

اعتراض ... وشجب ... وتنديد ...

بيتزا (شي جابي) الافضل على الاطلاق ... وكمان افضل جو بيتزا

لما تبقى اسكندرانى ومشيت على البحر من صغرك حتحس بالحزن لانك مش حتشوف البحر زى زمان النقبات عملة مبانى كتير وداخلة فى عمق البحر

ضاع الشط ومعدش الغروب بيبان تحس انك لازم تطير فوق الارض ب 4 متر علشان تشوف البحر غير كدة انت برضة ماشى فى زحمة

اطلعي على الابراهيمية ... قدام فندق جدة ... من ناحية الكورنيش ... هتلاقي باركينج ... اشارة يمين ... ادخلي ... اركني ... وش عربيتك مواجه للبحر ... واستمتعي بأخر مكان ممكن تشوفي منه الغروب بهدوء فى البلد

مش حتصدق لو قلتلك انى لسة ملمستش البحر نفسى اقعد فى حتة فى اسكندرية على كرسى شزلونج قماشة اخضر زى زمان واحط رجلى فى الرملة والموجة تيجى عاليا واشوف الشمس بتغطس فى البحر واقول لبناتى زى ما كان بابا بيقولى دى رايحة تنام معدتش فى حاجة بتنام

اسكندرية بقت تخنق

لسة يافندم مبقتش تخنق ولا حاجة ...

عندك شاطئ اوكسيجين ... وعندك كاريبيانو ... بس الشيزلونج مش قماش اخضر ... هو بلاستيك ابيض ... ينفع :) ؟

اقول لكم بقى ايه اللي يخنق بجد ...

شوفوا كده لحظة الغروب دي ودققوا فيها ...

الصورة دي كانت النهاردة ... الجمعة ... الساعة 7.30 مساء ... بين جليم وستانلي ...

الكتل اللى جنب صف العربيات واللي فيها شبابيك دي مش كباين عملوها النهاردة ولا حاجة

دي عربيات الامن المركزي واللى كانت عبارة عن صف طويل جدا من اول جليم وحتى نهاية ستانلي

بخلاف العساكر اللى اصطفوا يمين ويسار الكورنيش وعلى بدايات كل الشوارع العمودية عليه :)

لماذا ...

لوجود ندوة فى نادي القضاة عن الحرب على لبنان... تداعياتها ودورنا تجاها ...

ولكن عشان صورة الحياة تبقى اوضح ...

حسيت امبارح ان الدنيا لسه فيها امل لما شفت الناس الطيبين دول ...

وازاي لقوا فرصة يقعدوا تحت ظل النخلة ويتسامروا وهما بيتفرجوا على الناس اللى بتبلبط فى المينا الشرقية

(معلش ازاز العربية كان مقفول وانا بصور :huh: )

تم تعديل 29 يوليو 2006 بواسطة واحد تاني

[nancy]

واحد تانى انت مش من سكان الاسكندرية وبس انت من عشاقها

انا عرفة ان جابى البيتزا عندة حلوة والمكان انا زيك اعرفة من زمان ايام الكلية

ولة عندى زكريات كتيرة ورحتة السنة دى وكان حلو بس يمكن الاضائة عندة قليلة عن زمان والناس الكلاسى والى من السونتر الفرنسى وفنون جمبلة معدوش موجودين فالمكان فقد جزء من جمالة حتى ديكوراتة اضعف من زمان الموسيقى مش الى كانت بتتسمع زمان

انما البتزا فى حد زاتها لذيذة بس المرجريتا الى ولادى بيحبوها طلعت مش حلوة بس علشان انا باطلب بالجمبرى فكانت حلوة .. انت اخدت بالجمبرى :)

انا كمان شفت صف الامن المركزى تصدق انا قلبى بينقبض لما بشفهم بيدونى احساس بالقهر

وبعدين انا عوزة شيزلونج اخضر ياتانى مليش دعوة مدام انت عارف كل حتة كدة دورلى علية :huh:

وانت بتقولى اركن واشوف انا عوزة امشى زى زمان من كليوباترا لحد محطة الرمل والشمس بتغرب والبحر والرمل على مرمى البصر للمرة العاشرة...... زى زمان

وصورة الغروب الى انت مصورها دى غروب بس مش الشمس ياتانى لا دى غروب الجمال

الصورة بتاعة النخلة والناس بتقول ان المتعة عند ناس معينة صغيرة ومش محتاجة كتير

بس يمكن كل مادماغك بتكون محفور فيها حاجات كتير مش اى حاجة بتعرف تحس بجاملها

للاسف بتكون اقل بساطة بس اكيد اكثر عمقا

واكيد انت متفق معايا لانك انت كمان كدة

وبعدين ابقى امسح ازاز العربية :)

[nancy]

امبارح شفت فيلم ظاظا

كنت متخيلاه افضل من كدة

هو الفكرة الاساسية توريط شاب غلبان فى انة بتقدم لانتخابات الرئاسة

وازى بيخلى الناس تحبة وتختارة

وبعدين يفرض قرارت جديدة لصالح الشعب

فبيحولوا يقتلوة

دة الملخص طريقة تناول الاحداث ركيكة جدا

والفيلم كل لاحظاته الكوميدية بها تلميحات جنسية واضحة ومفتعلة

طبعا فى شعارات كبيرة وحقيقية بتتكلم عن هموم الناس بجد

بس فى الاخر الفيلم مش حيكون جيد على 10 جمل كويسين

ولا على اغنية مدحت صالح الى بتطلع مع تتر النهاية رغم انها اغنية جميلة

وحتى البطولة النسائية كان منهم واحدة لممثلة اسمها اميرة

شخصية ساميجا وطلعة طول الفيلم بما قل حجمة حتى لو مفيش مبرر لده

طبعا فية احداث غير منطقية كتير

الموسيقى التصويرية على واحدة ونص وكان الى عملها فرقة حصبلة

النشيد الوطنى المقترح مسف جدا

الموضوع كلة عبارة عن فكرة جيدة معالجةمشوشة ومبتورة فى اجزاء كتير

وعلى طريقة هانى رمزى المعتادة دخل السياسة فى الهبالة

[المدهش]

امبارح شفت فيلم ظاظا

كنت متخيلاه افضل من كدة

هو الفكرة الاساسية توريط شاب غلبان فى انة بتقدم لانتخابات الرئاسة

وازى بيخلى الناس تحبة وتختارة

وبعدين يفرض قرارت جديدة لصالح الشعب

فبيحولوا يقتلوة

دة الملخص طريقة تناول الاحداث ركيكة جدا

والفيلم كل لاحظاته الكوميدية بها تلميحات جنسية واضحة ومفتعلة

طبعا فى شعارات كبيرة وحقيقية بتتكلم عن هموم الناس بجد

بس فى الاخر الفيلم مش حيكون جيد على 10 جمل كويسين

ولا على اغنية مدحت صالح الى بتطلع مع تتر النهاية رغم انها اغنية جميلة

وحتى البطولة النسائية كان منهم واحدة لممثلة اسمها اميرة

شخصية ساميجا وطلعة طول الفيلم بما قل حجمة حتى لو مفيش مبرر لده

طبعا فية احداث غير منطقية كتير

الموسيقى التصويرية على واحدة ونص وكان الى عملها فرقة حصبلة

النشيد الوطنى المقترح مسف جدا

الموضوع كلة عبارة عن فكرة جيدة معالجةمشوشة ومبتورة فى اجزاء كتير

وعلى طريقة هانى رمزى المعتادة دخل السياسة فى الهبالة

نانسي..

بمناسبة السياسة..يا ترى الناس إحساسها ايه في مصر عما يحدث في لبنان ، ورأيها ايه في موقف مبارك من العدوان الاسرائيلي عليها؟!

[Sherief AbdelWahab]

حاشية على "واحد من الناس":

لم يكتفي أيمن بهجت قمر بالسوقية الشديدة في كلمات أغانيه المصحوبة بالاستظراف ، إلا أنه بدأ في استنساخ نفسه بشكل فج ، فكلمات مثل "على خوانة"و "ينداس"-في كلمات أغنية الفيلم الفاشل 90 دقيقة- وغيرها في أغنية "واحد من الناس" صارت مكررة ، ومن الواضح أن صاحبنا قد وصل إلى درجة من الفلس مثيرة للشفقة (كالتي فيها مجدي صابر) يصل فيها لاستنساخ الذات وتكرار الكلمات بعد أن نفد "الرصيد" الفني ، في سبيل حماية "الرصيد" البنكي من النفاد..

أيمن بهجت قمر : مع احترامي للمعجبين بظرافتك .. لقد رفس رصيدكم! :)

خلص الكلام

[nancy]

شوف يا مدهش جرايد المعارضة انا قريت منها جريدة الاسبوع كلها تقريبا مقالات عن الى بيحصل فى لبنان ومقالات مترجمة عن جرايد اسرائيلية

واد اية الجنود الاسرائلين اتفاجؤوا من عنف المواجهات على الارض

حتى المقال الافتتاحية موجة لحسنى على انة بيغرق مصر من دون اسباب وضحة

الجرايد اليومية عادية .. والحياة كلها فى مصر عادية

كل الناس عايشة عادى وحكاية زيادة البنزين والى بيترتب عليها من غلو فى التنقلات لاهى الناس

وان كان لما تيجى سيرة لبنان تحس كل الناس فاهمة زى اى سياسى زى اى حد عادى

ان موقف مصر سىء واننا لازم نعمل حاجة بس مفيش فى ادينا حاجة

انا شخصيا صعبان عليا ان ننا بينين ضعاف اوى كدة ومالة لما نحارب امال الجيش دة بنصرف علية لية ترفية

وكل امتيازات القوات المسلحة دى لية ان مكانش علشان نحارب او حتى نلوح بس ان ممكن ندخل

ولا دة جيش شطرانج

ولهى مانا عرفة انا من اول ما تبعت اخبار لبنان وكل يوم اشوف اخبار واقراء جرايد بحس اننا بقينا مربطين بخيوط عنكبوت

بس مصر عايشة عادى الناس معندهاش وقت تبص لاكتر من الخطوة الجاية فى حياتها الشخصية

وتتحصر على لبنان وفلسطين والعراق وياترى بكرة الدور على مين

قلبت عليا المواجع يا مدهش خلينا فى السنيما والصيف :)

لما تيجى اسكندرية ابقى اتغدى سمك عند ايلع جنب حلقة السمك عندة سمكوجمبرى .. حيعجبك اوى

شريف بس فيلم واحد من الناس حيعجبك بشكل عام هو من احسن افلام السنة دى

[Sherief AbdelWahab]

بالأمس كان يوماً تاريخياً في حياتي ، فقد دخلت فيه السينما لأول مرة‍‍‍!

وكان يمنعني عن دخول دور السينما السمعة السيئة التي اكتسبتها دور العرض في السنوات الأخيرة ، ناهيك عن عدم وجود دور عرض تصلح للاستهلاك الآدمي في مدينتي ، لذا انتهزت فرصة زيارتي القصيرة لبورسعيد ودخلت واحد من الناس .. طلعتيها في دماغي يا نانسي! :rolleyes:

الفيلم بشكل عام حلو ومثير وإنساني .. أداء كريم وكتابة فضل تحسنا كثيراً .. رغم ملاحظاتي على الفيلم..

وعن بورسعيد نفسها ، فأستأذنكم لكتابة مشاهداتي فيها في موضوع مستقل..

خلص الكلام

[المدهش]

شوف يا مدهش جرايد المعارضة انا قريت منها جريدة الاسبوع كلها تقريبا مقالات عن الى بيحصل فى لبنان ومقالات مترجمة عن جرايد اسرائيلية

واد اية الجنود الاسرائلين اتفاجؤوا من عنف المواجهات على الارض

حتى المقال الافتتاحية موجة لحسنى على انة بيغرق مصر من دون اسباب وضحة

الجرايد اليومية عادية .. والحياة كلها فى مصر عادية

كل الناس عايشة عادى وحكاية زيادة البنزين والى بيترتب عليها من غلو فى التنقلات لاهى الناس

وان كان لما تيجى سيرة لبنان تحس كل الناس فاهمة زى اى سياسى زى اى حد عادى

ان موقف مصر سىء واننا لازم نعمل حاجة بس مفيش فى ادينا حاجة

انا شخصيا صعبان عليا ان ننا بينين ضعاف اوى كدة ومالة لما نحارب امال الجيش دة بنصرف علية لية ترفية

وكل امتيازات القوات المسلحة دى لية ان مكانش علشان نحارب او حتى نلوح بس ان ممكن ندخل

ولا دة جيش شطرانج

ولهى مانا عرفة انا من اول ما تبعت اخبار لبنان وكل يوم اشوف اخبار واقراء جرايد بحس اننا بقينا مربطين بخيوط عنكبوت

بس مصر عايشة عادى الناس معندهاش وقت تبص لاكتر من الخطوة الجاية فى حياتها الشخصية

وتتحصر على لبنان وفلسطين والعراق وياترى بكرة الدور على مين

قلبت عليا المواجع يا مدهش خلينا فى السنيما والصيف :angry:

لما تيجى اسكندرية ابقى اتغدى سمك عند ايلع جنب حلقة السمك عندة سمكوجمبرى .. حيعجبك اوى

شريف بس فيلم واحد من الناس حيعجبك بشكل عام هو من احسن افلام السنة دى

شكرا يا نانسي على النقل الأمين لما يحدث في مصر..وبصراحة أنا باسأل عشان نازل اعيش واستقر في مصر..وكنت متوقع ان الحياة بالفعل هتكون عادية والناس بتتكلم ساعات في السياسة ، لكن في النهاية الكل مشغول بحياته..وعشان كده أنا ضد من يقول ان الناس تعبانة ومش عارفة تعيش..صحيح ممكن يكون فيه معاناة وارتفاع واضح في الاسعار، لكن الناس مع ذلك عايشة كويس ومستمتعة بحياتها..وهذا ما لا حظته بالفعل في كل اجازة كنت اقضيها في مصر..الكل يشكو..الغني والفقير والمتوسط..الكل يشكو والكل عايش..ولم أجد تفسيرا للشكوى خصوصا من المرتاحين ..هل يشتكون خوفا من الحسد أم يشتكون لانهم تعودوا على الشكوى..

[nancy]

الناس عموما بتعانى لازم من اى حاجة بس احنا شعب شكاى ومستهلك

رغم المصايب دى كلها متخيل ان الامور ممكن تتحل من غير ما يعمل هو نفسة مجهود حقيقى

عموما محدش بيعمل خطة لخمس سنين فى حياتة فيقول حادس كذا واعمل كذا علشان اكون كذا

الولاد تبقى داخلة على ثانوية عامة ومعندوش هدف او بيحب مجال معاين او حتى خطة بديلة

بس فعلا البلد غالية على كل المستويات وكل الامكن الترفيهية شديدة الازدحام رغم الشكوى دى ظاهرة مصرية جدا

[nancy]

امبارح رحت فيلم (inside man)

ومترجم بالعربى الخائن طبعا الترجمة ملهاش دعوة لا بالاحداث ولا بالموضوع حتى الى قصد انة الخائن مكنش هو المقصود باسم الفيلم

الفيلم بطولة جودى فوستر-دينزل واشنطن-ويليام دافو-كليف اوين)

وبيحكى عن تنفيز عملية سطو اتنفزت مبنتهى الذكاء ولازم تتفرج وانت مركز جدا لان فية كلام وتصرفات صغيرة لو مركزتش تضيع منك

بس عموما فيلم هايل فكرة وتصوير وحوار واخراج ..سبايك لى

كان فى مول سان ستيفانو

دخلت كمان النهاردة كتكوت لسة نازل النهاردة فى مول زهران وعثمان

بيحكى عن صعيدى واحتاجوة لمحاربة الارهاب فى شخصية يوسف خورى

فى شخصية لصعيدى بيعتمد على حركاتة الجسدية العبيطة المعتادة ولهجة غبية وكلام بيتنطق غلط

ولما بيبقى الشخصية التانية اسلوب كلامة بيقلد المخرج حسين كمال مع بثبثة تضحك

انا شخصيا عجبتنى الشخصية دى اكتر

طبعا مفيش اخراج ولا تصوير ولا قصة ولا بطولة نسائية ولا حد فى الكدر كلة من الجلدة للجلدة غيرة

بصراحة شايل الفيلم لوحدة حسن حسنى ومحمد وفيق على الهامش

بس عموما يضحك شوية .. وممكن يتشاف

[سيزيف]

الاخت العزيزه نانسى

انتى كده سابقانى بفيلمين

فيلم انسايدمان سمعت انه كويس و هاحاول ادخله قريب

اما فيلم كتكوت فاعلاناته غير مبشره بالخير

و غالبا هادخله على اى حال

[محمود الشاعر]

نانسي و سيزيف

احنا متفقناش على كدة انت هتحنسوني ليه

عاوز عرض وافى للفيلم مش مجرد بورشور اعلاني

وياريت بالموسيقى التصويرية

متخفيش يا نانسي المرة دي مش هاكل الفشار كله علشان سيزيف عزمني بعد الفيلم ما يخلص

[nancy]

محمود انا مش عوزة احرق الفيلم للى ناوى يدخللة بس احكيلك ملخص وامسك الفشار على ما احكيلك

بس اوعى تخلصة المرة دى

الفيلم الاجنبى بيحكى عن واحد رتب لعملية سرقة بنك ولكن كان حريص على انة يعمل شوية حاجات غريبة وبس جديدة

انة ميقتلش حد والاسلحة طلعت لعب مش سلاح حقيقي

انة ميسرقش البنك انما يسرق صاحب البنك فسرق بس من خزينتة الخاصة ورق يدينة بية وقايضة علية وماس مش حيقول صاحب البنك انة اتسرق منة

انة يخلى كل الرهائن يرمو كل ملابسهم وموبيلتهم وهوياتهم ويلبسوا نفس لبس العصابة

ويحط كل مجموعة فى حجرة ويفضل يبدل واشخاص منهم ويخلط وسطيهم العصابة فمحدش عرف مين العصابة اصلا

وانة عمل حجرة لية فى المخزن وخلى معاة الماس وبعد اسبوع طلع وكانة عميل عادى وساب ماسة فى جيب الظابط الى بيحقق لما خبط فية وهو خارج من البنك

دة ملخص الفيلم يا محمود

واسفة للى حيدخلوة انى حرقت بعض الاحداث

بالنسبة لكتكوت

هو واحد صعيدى هرب من اهلة لانهم عوزين

يضحوا بية ويدوة للعيلة المعادية وهو بيهرب بياخدة المخابرات فى مصر علشان يدخلوة بدل ارهابى شبهه اسمة يوسف خورى

فبيكون مكانة وبيكشف المهربين

بس شخصيتة فى يوسف خورى ضحكتنى جدا اكتر من شخصية كتكوت الصعيدى لان اسلوب الشخصية دى متكرر شوية عندة

وبعدين ابقى خد بالك فية حتىة بيغنى فيها اغنية لام كلثوم بالنغمة بس تموت من الضحك

ادخلة حتضحك وتقضى وقت ظريف بس مش حتشوف سنيما طبعا

هات الفشار بقى .. ادة اكلت نصة برضة

طيب حاجيب لسيزيف بيبسى عجرك وان لا .. هه :D

[nancy]

صباح الخير

امبارح البنات دخلو فيلم وش اجرام لانى كنت مصرة انة فيلم هايف وحرام تضيع الوقت فية

وطلع كدة فعلا ومن اراء الولاد الى المفروض ان هنيدى بيعرف يخليهم يضحكوا وخلاص

الفيلم ولا لة نهايةولا بداية ومفيش قصة مجموعة مواقف عبيطة وبس

انا استغليت الوقت فى القراءة لان معدش فية افلام جديدة الفترة دى كلة دخلتة

قريت كتاب لابراهيم عيسى اسمة اشباح وطنية

وخلصتة فى يوم واحد لانة شيق جدا كانك بتشوف فيلم برضة

اقروه حيعجبكم

غير كدة الجو هادى وعادى

باى

[Diab]

[سمـ مصر ــا]

فعلا نانسى وش إجرام تضحكى معاة فى مواقف فقط

إنما لا قصة ولا موضوع

عموما صناعة السينما إنتهت وكفاية بيقضوها أفلام صيف فيها كام نكتة على كام موقف

ويزغزغوا المشاهد ليضحك ثم يخرج ناسى هوة كان فية اية

وفيلم كتكوت أداء محمد سعد حلو فى الجزء الخاص بيوسف خورى بيضحك فعلا برغم حركاتة المكررة

بس يعتبر أحسن من فيلم هنيدى