اذهب إلى المحتوى
محاورات المصريين

عروبه  ( مداخله زجليه) - أهلا بالمشاركه

daktara

بواسطة daktara
في أدب و شعر و قراءات

 مشاركة

Recommended Posts

daktara عضو جديد

daktara

بتاريخ:
بتاريخ:

إخوانى الاعزاء

السلام عليكم ورحمة الله وبركاته وبعد

فقد اقترح الشاعر الكبير دكتور يحيى ان نبدأ مطارحة زجلية يشترك فيها كل من يرغب

وهئنذا ابدأ

قال العروبه ف دمّنا وف قلبنا .. قلت ف غُنانا

قال لى كيان ..أنا قلت فى بُق العَرب زى اللبانه

اللى بيجمع بينّا حاجتين .. اللغه والتصريحات

حتى اللغه.... لَهجاتها أحيانا كده تزرجن معانا

           *********

حتى المَثَلْ .. شــــــوف بيقول لِنا إيهْ والنبى

إيه  اللى  لم  الشـــــامى ( ده)  ع المغربى

وتقول   كيان ... وبتاع ..... ودم  وقلبنــا

ياريت كلامك منطقى واللى يصدّق مش غبى

هيا تفضلوا

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
ragab2 عضو جديد

ragab2

بتاريخ:
بتاريخ:

يادكترا العروبة دى غلبانة معانا

نتشدق بيها زى اللبانا

الجبن عندنا سيد الأخلاق وعايش جوانا

والخيانة وجهة نظر والعظيم أصبح جبانا

ومافيش عربى يملا العين زى بتوع زمانا

فين ابن زياد وصلاح الدين اللى كانوا شجعانا

وبدل قصص أبوزيد وفارس بنى حمدان نقرأ ديانا

وعجبى

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
leemo عضو جديد

leemo

بتاريخ:
بتاريخ:

أخى الحبيب / دكتره .. ياأحلى دكتره خلقها ربنا ... وانا كمان !! .. :blush:

 إخوانى الأعزاء ..الأحباء أعضاء الندوه إللى زى العسل !!..

  أشكر أخى دكتره على إطرائه واستجابته .. وهاأنذا ألقى القفاز .. وامتشق سيف الزجل وأدعوكم جميعاً إلى ساحة  القوافى  .. والضحك الخرافى !! :colgate:

           العروبه !!

     =========

قالوا العروبه ... قلت .. آ آ آ آ آ آه..  إزيها ؟!

وسألت فيـــــن ؟! قالوا دى خَبِتْ وشَها !!

متبرقعه .. عايمـــه حزينه فـ دَمعهـــا

أنا قلت عوموا فـ دمعها واتشمسوا على شَطها

      *******

قالوا العروبه.. قلت آ آ آ آ آه.. كانت وليّه طيبه!

صبحت فى فم شعوب كتير لقمه طريه غُرَيبـه

برنيطه يلبسها العرب..وديكور فى خُطبه مِهببه

ويخلعوها يلموا فيها النُقطه ومعاهــا الهِبه !!

      %%%%%%%

                    زجل د. / يحيى الشيخ (ليمو)

                                 :D

                      هل من مُبـــَـارز  ؟؟؟!!!

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
leemo عضو جديد

leemo

بتاريخ:
بتاريخ:

فين التواصل يادكتره  ؟؟!!  

أين المبارزون من أعضاء المنتدى الكرام ..  

هل يسمعنى أحد   !!!

 ليه المنتدى بقه عامل زى تيتــانـــــك بعد الإصطدام  بجبل الجليد   ؟؟!! :D

 أتمنى أن تكونوا بخير ،،

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

اخى الحبيب ليمو

انت منور دايما كل حته تروحها

انا ياعم رميت البذره وانتوا عليكوا الباقى اصلى ما اخبيش عليك مشغول شويه فى كام بيبر

لو عندك حاجه تنفع انف واذن حطنى معاك فيها واردهالك فى الافراح

بس مش معنى كده انى خلعت ايدى ودى تيجى

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
katkoot عضو جديد

katkoot

بتاريخ:
بتاريخ:

بصراحة أنا فى غاية السعادة وأنا حقاً مستمتع بالمشاركة الصامته  فى مداخلاتكم

الزجلية الرائعة والتى أحاول الأستفادة منها و اسمحوا لى وأن كنت لست أهلاً للمشاركة

على نفس المستوى

يااخونا فين العرب ؟ ده العادى والمألوف

وليه بقى يذلهُم الكلب  والحلوف

يشرب كمان من دمهم  يالا تعالى وشوف

على عينك يا تاااجر والحل مش معروف

دور على الأصل تلقى الحل ع المكشوف

واحفظ ايمانك فقلبك وعقلك وانسى الخوف

وان كنت ناسى اللى عملوه جدودك شوف

ولاد فلسطين اللى تحدوا الكلب والحلوف

كتكوت

" الذينَ قال لهُم الناسُ    إن الناَس قد جَمَعُوا لكم فاخشَوهُم   فزادَهُم إيمـاناً وقالو حسبُنا الله ونِعم الوَكيل"

173 - آل عمـران

رابط هذا التعليق
شارك
leemo عضو جديد

leemo

بتاريخ:
بتاريخ:

الله   ... الله  آ آ آ آ آ آ ه  ياكتكوت ... أستاذ والله   !!

الحمد لله أن فكرتى استفزتك للمشاركه  ... وإليك الحته دى بقه   :D

قالوا العروبه ... قلت آ آ آ آ آ آ إزيهـــا

من كام سنــــه ولا عينى شافت وشهــا

ياسعدها يابختها أولادها رافعين اسمهــــا

قالوا ياريت !!

دول موتوها ورشوا بول على قبرهـــــا  

         

       ;)  :)  :colgate:

أعدك وأعد كل المبارزين  بالمزيد .

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

اخى ليمو

كان قصدك تقول  *****   كانت احسن مش كده؟

Edited By ragab2 on May 26 2002 12:41am

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
leemo عضو جديد

leemo

بتاريخ:
بتاريخ:

برافوووووووووووووووووووو  أخى أحلى دكتره  !!

تخيل ما كنتش لا قيها ..... :D  :)

منتظر ردك على هذه الطعنه الزجليه  :colgate:

تحياتى وحبى وتقديرى ،،

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

خد يا عم ليمو الشويه دول على ما قسم

---------

تبقى العروبه ف دمنا و ف قلبنا

لما نحافظ يا عرب على عرضنا

لما نبطل ردح فى قناة الجزيره

ونقول دى سمعة مصر برضه تهمنا

***********

لما الحدود بين الاشقا تتمحى

واما الحكومات اللى هىّ تستحى

وتروح تزور أو تشتغل من غير كفيل

وتقول لكل الامريكان ده مطرحى

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
متسائل عضو جديد

متسائل

بتاريخ:
بتاريخ:

العروبة؟

لما ما نخجلش نشتم نفسنا..

و نفضح.. نعري كل عيب و لا نختشي

و نبطل نعر القبائل و كِبرِنا..

و نعرف إن التواضع مش إني أسيبك تذلني

و لا التواضع إني أكذب و اجاملك

و لا هو كبر إني أقول فهمت قبلك

العروبة؟

مش إني أقول سمعة مصر تهمنا..

سمعة إيه ما بلاش نضحك على نفسنا

ألله يرحمك يا سرور.. عرٌفتنا..

إن الحكاية مش غرور !!

إن الطريق لازمه صراحة مع أُمٍنا

إن الكلام يطلع م القلب يحرق قلبنا

ينهش في عقل اللي يقرا

و يفكره.. مالك بتفرد ظهرك؟ دانتا من أمه مفلقسة !

العروبة؟

ألله يرحمك يا نجيب..

خير من عبر عن وضعنا..

و وصفنا للعالم..

من غير ما يخجل من ذلنا

و لا قال سمعة مصر تهمنا

و لا عاد في قصيدة أم الدنيا تلمنا

العروبة؟

بلا عروبة.. بلا دياولو

ما جه ناس هُبل قبلنا و حاولوا

ريح نفسك.. قلها زمان الحكيم زغلو

مافيش فايده.. مهما يا بهايم تحاولو

العروبة؟

ليه يا دكترة؟ ما انا كنت ساكت..

لازم يعني تعكر صفو يأسي؟

و قلت خلاص بقى نسمع حكمة فاتت

و قدرت احط المداس في حلقي.. من ضعف بأسي

و اقول، أهي عيشة..

حد عرف مين اللي حايشيل نعشي؟

و ارجع و اقول أهي نومة..

حد عارف مين حايصحى بدري؟

و تاني أقول.. الحلم اختاروه لنا و فرضوه..

و ياريتهم حتى عرفوا يحلموه..

مطلوب مننا نحققه... لهم..

مطلوب ننام و نحلم حلمهم.

Edited By متسائل on May 27 2002 11:37pm

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
katkoot عضو جديد

katkoot

بتاريخ:
بتاريخ:

العروبة

بحلم اكون الضحكة يوم فى طريق حياتك

بحلم اكون البسمة لحظة بين احضان شفاتك

بحلم اكون النور يوم م تولد فشروق سماءك

بحلم اكون موال تتغنى بيه ساعة اهاتك

بحلم اكون الذكرى يوم ماتفكرينى بذكرياتك

بحلم اقولك كل حاجةيا حبيبتى بدون حرج

بحلم مخافش من كلامى حتى حلمى بالفرج

بحلم حقيقتى تبقى قدام الجميع من غيرزواق

بحلم كلام الحق يبقى على لسانا .. ليه خرَج

بحلم يا امىتضمنا وحدة واحدة قريبة

بحلم ولادك تبقى ايدهم يد واحدة

مش ولادك كل واحد تبقى ايده مقيدة

أو حتى بقه يبقى خايف من كلام الحق ده

واسمع كلامهم وشوف كلامنا واحكم انت

مش كده

" الذينَ قال لهُم الناسُ    إن الناَس قد جَمَعُوا لكم فاخشَوهُم   فزادَهُم إيمـاناً وقالو حسبُنا الله ونِعم الوَكيل"

173 - آل عمـران

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

الحلم اختاروه لنا و فرضوه..

و ياريتهم حتى عرفوا يحلموه..

هايل يا متسائل ايوه كده طلع اللى جواك

وهو ده المقصود   اننا نفش احسن ما نفرقع

سلامات يا عروبه

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

هايل يا كتكوت بس انا خايف تفضل تحلم طول عمرك وعمر اولادك وولاد ولادك لاخر الزمان

اللهم اجعله خير

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
متسائل عضو جديد

متسائل

بتاريخ:
بتاريخ:

و الله يا دكترة انت حبيبي  :D  :inlove:

و انا قلت كده من أول ما "غلسنا" على بعض في موضوع روايتي العظيمة "في المرآة"  :D

----------------------

فعلاً.. حلم العروبة.. فتحنا أعيننا لنجده متفصل و جاهز.. و لكن مقاسه كبير علينا.. يمكن ينفع لما نكبر.. ولا إن شا الله عنه ما نفع.

حلم العروبة من تصميم و "خياطة" جمال عبد الناصر و شركاه.

و لكن هل هناك حلم مصري؟؟ لا بد أن نوجده من تلقاء أنفسنا و بكامل وعينا...

ترى.. ما هو الحلم المصري؟

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
leemo عضو جديد

leemo

بتاريخ:
بتاريخ:

أحبائى المتبارزون الجامدين قوى .. دكتره .... كتكوت .... متسائل .... رجب ... وكل من تغريه نفسه بالإنتحار أمامى  :D  إليكم  الشويه دوووول ..

قالوا العروبه .. قلت آ آ آ آ آ ه .. كانت زمــان !

قبل الأشاوس والوساوس والقصور والصولجـــان

أيام نبينا المصطفى والخلفـــا والنــور اللى كان

أما العروبه فـ عصرنا .. جزمه فى رجل الأمريكان

           *****

قالــوا العروبــــه .. قلت فين بيت الأدب ؟!!

علشان أرص كتب كتيــر ولو سمحتوا بلاش عتب

وادعك ودانى وطول لسانى بليفه مع حتـــة حطب

قاتلى ماما..عيب ياواد طنطك عروبه استوب شت اب

     %%%%%%%%%

 من يستطيع أن يرد هذه الطعنه الزجليه إللى هيه  :colgate:  فليفعل !!

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
متسائل عضو جديد

متسائل

بتاريخ:
بتاريخ:

قتلتني بسيف زجلك يا ليمو  :inlove:

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

هات العطر يا ولد

مع الاعتذار لنور الدمرداش

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك
leemo عضو جديد

leemo

بتاريخ:
بتاريخ:

فووووووووووووووووق.... يادكتره  .. :D

من سيدافع عن ديار بنى عبس ؟!!!  ....

هع .. هع .... هع ...  

لأجندلن بسيفىّ ,,,

            من لا يخاف كلامىّ  ،،،

                             ولأطعنن وطعنتى ،،،

                                          زجلٌ فهل من باغيا   :P

           تحياتى لقتلاى   ... جميعا  ..

وقبلاتى.......... لدكتره ... وكتكوت ... ورجب ... ومتسائل  ...  والجميع  :P  :D  :sneaky2:

مازال رملك بالأكفِ ولم يزل

              ماءُ الشطوطِ بمعطرى وبزادى

                     ( من قصيدتى " الإسكندريه" )

رابط هذا التعليق
شارك
daktara عضو جديد

daktara

بتاريخ:
  • كاتب الموضوع
بتاريخ:

قتلى مين يا عم روح

خد بقى الطعنه دى بس خلى بالك

قالوا العروبه تضامنّا ومحبّتنا

قلت العروبه دى زوبه اللى أذلتنا

إديها زقّه.. وزقّه ف زقّه مين عارف

تقطع نفسنا أو توصّلنا لغايتنا

كمل يا بو الليم

إنّ القلوب إذا هوت أوراقها        فالمال لا يحيى ربيعاً ذهبا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...