عروبه ( مداخله زجليه) - أهلا بالمشاركه

[leemo]

أى أىأأأأ أ أ أ آ آ آ ى ى ى ى   !!!   ...

أوعى تفتكر ده من طعنتك يادكتره !! دى بس لا مؤخذه الجزمه ضيقه شويه  :D

خد دى بقه ..  يحتار فيها الطب  :colgate:

قالوا العروبه.. ضحكت انـا وقعدت اجس فـ جتتى

وكل سنتى احس فيه ضربـــه وعضــه يابلوتى

دى سنــان أخويا معلمه ودى طعنه اسفل كلـوتى

والظهـر بالكرباج صبــح زى الخريطه ياأمتــى

                  *****

ياسلام ياواد ياليمو ابن شداد   ....

           فين بقه غنايم بنى عبس  :D

[daktara]

العطر الحقونى بالعطر

اعمل ايه للجدع ده

هات العطر يااااااااااااااااا ولد

[leemo]

عجيب !! أين بقية فرسان بنى عبس ؟!!! أين الفارس كتكوت بن المهلب ؟!! أين رجب ابن عتبه ؟!! اين متسائل ابن الدعنه ؟!!  مالهم تركوا مضارب بنى عبس والأسلاب والغنائم والسبايا فى يد ليمو ابن شداد ... واهاً لفرسان العرب  !!! :)  :colgate:

[Faro]

الأخ ليمو

أنا لا زجال ولا شاعر ... لكن محاولة غشيمة منى

و مصر راحت فين يـــــالهوتي

خدوا منى ولادى و شربوا قهوتي

وسابوني بإسم العروبة أداوي جروحي و قسمتي

وطالبين مني تانى أحارب علشان أزود بلوتي

أيه رأيك

تحياتي

[leemo]

عزيزى ومبارزى الجديد .. فارو ...

الا فلتعلم أيها الفارس فارو بن شيبة العبسى أننى لن أدع فى ديار بنى عبس أخضراً أو يابساً ... لأجدندلنك بسيفى حتى تلحق بمن سبقوك من فرسان بنى عبس .. فخذ هذه الطعنة النجلاء  :)   :inlove:

أنا قلت الله يرحمه جوزهــا اللى ماتت من كام سنه

رفع رايتهـــا وجرنا لحروب كتير زى الهنــا !

مات واليهود نايمين عراه على أرض سينا وشطنــا

قالوا معاها فى جهنم … قلت حكمـة ربنــــا !!

              *****

أخى / أختى .. فرو (  أرجو توضيح ذلك مستقبلاً منعاً للحرج) :th:

زجلك جميل بس عايز شوية بهارات عشان يلسع  :colgate:

لكن والله حلو ... وشكراً على غيرتك على مضارب خيام بنى عبس .. وأرجو أن يغار مثلك باقى الفوارس القابعون داخل الخيام من الهلع  :colgate:

ليمو بن شداد

[Faro]

واحده واحده  ياليمو يا بن شداد .... هذه فلتة ولن تتكرر من فارو المذكر ... وشكرا على هذا الثناء وأتوسل أن تدع الأخضر واليابس فى ديار العبسي لأنهم قرروا التفرغ لرعاية أغنامهم و التمتع  بقرائة زجلكم و شعركم .

تحياتي

الأخ فارو

[ragab2]

.

ياابنى العروبة دى كانت زمان وجبر

دلوقت مالهاش حس ولا خبر

لوقلت دلوقت عربى يفتكروا جنون البقر

ويقولوا عليك ارهابى ويحصل منك ضجر

الواد عربى ابن أم عربى سافر للمجر

اتجوز هناك ماريكا اللى زى القمر

راجع لنا كاوبوى زى رعاة البقر

بيقولوا مراته أصلا م. الغجر

أبو عربى اللى كان شيخ خفر

وأخوه سواق تاكسى الأجرة بالنفر

دلوقت عاملين خواجات ونسيوا الفقر

وعربى متقمع وعامل على المجر دكر

[leemo]

أخى الحبيب الفارس/ رجب بن ذى يزن الخزاعى  ..

أما زال فيك عرق ينبض ؟!! :D  ..  أم بعثك شيخ القبيله إلى بلاد الإفرنجه للعلاج على متن دابة خاصه ؟!! أم تراك كنت قابعاً بين قتلاى تمثل دور الشهيد ؟! :D  وعموماً أنا لك ورب الكعبه .. ألا فلتعلم أننى فارس كول أوى .. ومفيش زيى ..

خذ هذه الضربه من سيفى الذى تنخلع له قلوب الرجال  ..  وتصهلل النوق والبغال

:colgate:

           *****

فينك ياناصر لو تعاصـــر ده الزمن وتعود شباب

موش كان زمانك خدتنا للحرب وزرعت الخــراب

واخونا يدفع كام دولار ووراهم اللــوم والعتــاب

دستور بلاش !! أحسن تقوم خليك هناك تحت التراب

           *****

                       هع هع هع ....وكمان هع . :colgate:

                              ليمو بن شداد

[daktara]

يا ترى انت فين يا ليمو

واحشنى جدا جدا جدا وعشان ارجعك تانى خد دى

يا عروبه مضروبه بجزمه .. ملكيش لازمه

يا عيبه فى جبينّا وخيبه لينا ملازمه

لا مره فى المليون قمّه كان لك همّه

ولا مره بيكى يا عروبه اتحلّت أزمه

[daktara]

والله زمان يا ترى انتوا فين يا حبايبى ليمو ومتسائل وكتكوت ورجب ياه تاريخ

[عادل أبوزيد]

مرحبا بالفاضل daktara بعد طول غياب. و مرحبا بكل الغائبين العائدين

نفرح جميعا بظهور أسماء كثيرا إفتقدناها طويلا و ندعو جميع الغائبين لإطلالة سريعة على محاورات المصريين بين الحين و الآخر. على الأقل لنطمئن عليكم و تطمئنوا علينا